ماجد بن دمخ والشمري

طي
X
 
  • التوقيت
  • إظهار
مسح الكل
المشاركات الجديدة
  • مطر العبدلي المطيري
    عضو فضي
    • May 2011
    • 243

    #1

    ماجد بن دمخ والشمري

    صاحب القصة هو : ماجد بن سعد بن دمخ المطيري وكما هو معروف فالدموخ شيوخ

    الهوامل من مطير

    بعد الفصل من الحرس الوطني توظف ماجد بن دمخ في امارة حفرالباطن كسائق

    دورية وفي اثناء حكم الملك فيصل كان امير الحفر في ذلك الوقت يشكي من كثرة

    تهريب البدو من العراق ومن الكويت وان دوريات حفرالباطن لاتكفي لرد هؤلاء

    المهربين مما اضطر ابن جلوي لارسال دوريات من المنطقة الشرقية لمساعدة

    دوريات امارة حفرالباطن القليلة وهذه الدوريات التي ارسلها ابن جلوي كانت كلها

    من عبيد المنطقة الشرقية واومر ابن جلوي صارمة في عدم التسامح مع من

    يمسكون به من المهربين وكانت دوريات حفرالباطن ترافق دوريات الشرقية

    في استلاماتهم وكان هناك شمري مهرب وحمولته سكر قادم من الكويت الى الحفر

    واستطاع الافلات من دوريات الحدود ولكنه وقع في دوريات الحفر والدوريات

    المرافقه لها من عبيد ابن جلوي ولم يستطع الافلات فتم القبض عليه فانزلوه من

    سيارته وركبها احد العبيد وقالوا نريدك ان تركب في هذه الدورية وكان فيها احد العبيد

    فنظر الشمري الى افراد الدوريات فقال : لا انا اريد ان اركب مع هذا الشايب واشار

    على ماجد بن دمخ وكان ماجد في دورية لوحده لايرافقه احد

    فقال ماجد : اركب ياولدي والله يعينك على بلواك .

    يقول ماجد بن دمخ : والله يوم ناظرت في الشمري لاهو غليم توه خاط شاربه

    واانا دعيت ربي اني ماطيح في قرابه والا معرفه لان عبيد ابن جلوي مايرحمون

    احد وعلى قولتهم: عبد وموصى !!!

    قلت للشمري : وش انت ياولد ؟؟

    قال : شمري

    قلت : ونعم ،، السيارة هذي لك ؟؟

    قال : لاوالله ياعم هذي متسلفها من واحد من الجماعة والله انها اول مرة اخذها

    واهرب عليها وكل مااملكه في الدنيا حاطه بحمولة السكر اللي فيها !!

    قلت : الله يعوضك ياولدي .

    قال : تدري ليش ركبت معك ياعم ؟؟

    قلت : ليش ؟؟

    قال : والله ماركبت الا هقيت انك تبي تفكني كان الله فكني !!

    قلت : ياولدي ماورانا الا ابن جلوي الموت الحمر وهالعبيد كل مايصير لهم هنيا

    ياصل ابن جلوي وانت خابر ووالله لو انها عند ربعنا اهل الحفر انك لتأخذ سيارتك ..

    يقول ماجد : عقب ردي عليه وهو يسكت هالغليم ووالله اني دمي فاير عقب ماسمعت

    كلامه لكن مابيدي حيله !!

    المهم عقب ماخذو وقت الا وهذيك قصور الحفر ويوم شافها الشمري وعرف ان

    السيارة تبي تصادر عليه والسجن ينتظره وهو ينزل شماغه وهو يصيح ويحطه برقبة

    ماجد ابن دمخ : تكفى ياللحية الغانمة تكفى ياللحية الغانمة لاتخليني

    قال ابن دمخ : اسكت لارحم الله ابوك اسكت

    يقول ماجد:

    وانا الحق العبيد وانا اتعداهم واشر لهم وقلت وقفوا يالربع وهم يوقفون

    قلت انزلوا ياجماعة

    قالوا العبيد : هذيك الديرة ننزل لاجيناها ؟؟

    قال ماجد : وانا اشر لاخوينا دوريات الحفر وهم ينزلون ويوم نزلوا حقين الحفر

    وهم ينزلون العبيد وانا اروح لاكبر واحد فيهم وانا احط يدي في شاربه قلت ياولد

    طالبك بهالشارب انك تفكه لوجه الله والا تاخذوني معه ياخويكم لابن جلوي

    والله يبي يكتب ربي يبي يصير ،، وهم يصيحون عليه خويانا اهل الحفر ويقولون

    للعبد : يارجال فكه يارجال فكه

    يقول ماجد : والشمري جالس في السيارة مانزل المهم ويهدي الله العبد ويفكه

    قال : هالمره ابي افكه لكن لاتجوني في غيره

    يقول ماجد : وانا ارجع للغليم الشمري قلت : ابشر بسيارتك يالشمري

    قال : الله يبشرك بالجنه ياولد ووالله اني ماخليك الا تعلمني من انت ؟؟

    قلت : بدوي من هالبدو ؟؟

    قال ماجد : وهو يدنق على خشمي ويحبه وقال طالبك ياعمي انك تقول من انت ؟؟

    قال : انا ماجد ابن دمخ الهاملي

    قال الشمري : الله يبيض وجهك يالمطيري الله يبيض وجهك

    يقول ماجد : والله انه كل عيد يمر علي الشمري ويعايدني لكن له سنين ماشفته

    ومادري هو حي والا ميت ..

    منقووووووول من منتديات الاسلم .
  • جناح أيمن
    عضو نشيط
    • Feb 2011
    • 50

    #2
    الله يبشرك بالجنة وهو يهرب سكار وبيض الله وجهك لانه تسامح عن مهرب سكار



    مدري كيف تجي مدري

    تعليق

    • الرجل الشامخ
      عضو فعال
      • Oct 2004
      • 111

      #3
      [align=center]
      اقتباس


      وهم ينزلون العبيد وانا اروح لاكبر واحد فيهم وانا احط يدي في شاربه قلت ياولد

      طالبك بهالشارب



      الفزعه لو ما ترجاء كوينينه (صنيفرة )كان فكهم من اول






      تحياتي[/align]

      تعليق

      • علي الدعجاني
        عضو ماسي
        • Oct 2010
        • 556

        #4
        كفو والله بمطير حمران النواظر

        لاهنت على ايراد القصه

        ويالرجل الشامخ الرجال مهرب سكر مهب سكار

        تعليق

        • منصور عبيد
          موقوف لمخالفة الأنظمة
          • Aug 2011
          • 60

          #5
          علومك يالمطيري مكانها مهوب منتدى الهيلا مكانه منتداك وبس

          شمر كبار الصحون وساع الطعون

          السناعيس الطنايا احفاد حاتم الكرم

          اهل الجبل اهل اجاء وسلمى

          جمعوا المجد من اطرافه

          مايلحقهم الا العلم الطيب والغانم وسمعتهم زي جنيه الذهب

          ولو مانيب عتيبي ماتمنيت اكون الا شمري
          تم التعديل الأخير بواسطة منصور عبيد؛ 21-Aug-2011, 09:19 AM.

          تعليق

          • مطر العبدلي المطيري
            عضو فضي
            • May 2011
            • 243

            #6
            تم النشر في الأصل بواسطة علي الدعجاني عرض المشاركة
            كفو والله بمطير حمران النواظر

            لاهنت على ايراد القصه

            ويالرجل الشامخ الرجال مهرب سكر مهب سكار

            كفوك طيب ياعلي لاهنت

            تعليق

            • مطر العبدلي المطيري
              عضو فضي
              • May 2011
              • 243

              #7
              تم النشر في الأصل بواسطة منصور عبيد عرض المشاركة
              علومك يالمطيري مكانها مهوب منتدى الهيلا مكانه منتداك وبس

              شمر كبار الصحون وساع الطعون

              السناعيس الطنايا احفاد حاتم الكرم

              اهل الجبل اهل اجاء وسلمى

              جمعوا المجد من اطرافه

              مايلحقهم الا العلم الطيب والغانم وسمعتهم زي جنيه الذهب

              ولو مانيب عتيبي ماتمنيت اكون الا شمري

              قسم هذا يجمع قبائل الجزيره العربيه

              لوانت مانت عتيبي تكون شمري بس الاحوال في رمضان مايفتحون غير ساعه 10 تقريبا

              بالتوفيق يامنصور

              تعليق

              • منصور عبيد
                موقوف لمخالفة الأنظمة
                • Aug 2011
                • 60

                #8
                تم النشر في الأصل بواسطة مطر العبدلي المطيري عرض المشاركة
                قسم هذا يجمع قبائل الجزيره العربيه

                لوانت مانت عتيبي تكون شمري بس الاحوال في رمضان مايفتحون غير ساعه 10 تقريبا

                بالتوفيق يامنصور




                ايه حق جميع القبائل بالعلوم الغانمه وغزاوي القروم والاكوان والمناويخ الموثقه

                مهيب سواليف وغدان بربسيه على قولة شمر وبدون اثبات

                والاحوال مهيب من شونك اروح والا ماروح ماحدن شاورك

                وبرضه شمر كبار الصحون وساع الطعون وعتيبه ذباحت الحايل لطامت العايل

                وانت يامطر اطربنا ؟؟؟

                تعليق

                • مطر العبدلي المطيري
                  عضو فضي
                  • May 2011
                  • 243

                  #9
                  تم النشر في الأصل بواسطة منصور عبيد عرض المشاركة
                  ايه حق جميع القبائل بالعلوم الغانمه وغزاوي القروم والاكوان والمناويخ الموثقه

                  مهيب سواليف وغدان بربسيه على قولة شمر وبدون اثبات

                  والاحوال مهيب من شونك اروح والا ماروح ماحدن شاورك

                  وبرضه شمر كبار الصحون وساع الطعون وعتيبه ذباحت الحايل لطامت العايل

                  وانت يامطر اطربنا ؟؟؟


                  هاذي سوالف رياجيل بس انت تشوفها سوالف وغدان :d

                  خلاص اجل لاتروح الاحوال

                  وانت يامطر اطربنا مافهمت عليك وضح اكثر

                  تعليق

                  • نايف عريب الجد
                    عضو فعال
                    • Sep 2007
                    • 137

                    #10
                    قلت ياولد طالبك بهالشارب انك تفكه لوجه الله <<< أهب ياصنيفره والله ماترجاه ولا افخر بها
                    ابك هذي معيبه
                    وهم يصيحون عليه خويانا اهل الحفر ويقولون للعبد : يارجال فكه يارجال فكه << يالربع وشهالعلوم انتو توحون

                    يامطر الله يهديك افخر بشيئ طيب وعلم غانم اما تطلبون وتوسلون كوينينه هذي فضيحه علاكم

                    تعليق

                    • مطر العبدلي المطيري
                      عضو فضي
                      • May 2011
                      • 243

                      #11
                      تم النشر في الأصل بواسطة نايف عريب الجد عرض المشاركة
                      قلت ياولد طالبك بهالشارب انك تفكه لوجه الله <<< أهب ياصنيفره والله ماترجاه ولا افخر بها
                      ابك هذي معيبه
                      وهم يصيحون عليه خويانا اهل الحفر ويقولون للعبد : يارجال فكه يارجال فكه << يالربع وشهالعلوم انتو توحون

                      يامطر الله يهديك افخر بشيئ طيب وعلم غانم اما تطلبون وتوسلون كوينينه هذي فضيحه علاكم

                      انا مجبرتك قلت رد على موضوع اذا هو ماهو عاجبك ليش ترد عليه

                      تعليق

                      • المعتصم الخولاني
                        عضو
                        • Aug 2011
                        • 6

                        #12
                        تم النشر في الأصل بواسطة منصور عبيد عرض المشاركة
                        علومك يالمطيري مكانها مهوب منتدى الهيلا مكانه منتداك وبس

                        شمر كبار الصحون وساع الطعون

                        السناعيس الطنايا احفاد حاتم الكرم

                        اهل الجبل اهل اجاء وسلمى

                        جمعوا المجد من اطرافه

                        مايلحقهم الا العلم الطيب والغانم وسمعتهم زي جنيه الذهب

                        ولو مانيب عتيبي ماتمنيت اكون الا شمري
                        بيض الله وجهك والسكر ماهي علوم قبايل ولاحد يتشرف فيها انها له ولا يتوسط فيها

                        تعليق

                        • عقيدالقوم
                          عضو
                          • Aug 2011
                          • 6

                          #13
                          [align=center]يالربع صوموا وعينوا خير

                          واتركوا عنكم بعض الجدال اللي ماوراه خير

                          وبعدين مطر أورد القصه على قناعه منه وفخر

                          والناس ماعقولها وتفاكيرها بسوى

                          تحياتي[/align]

                          تعليق

                          • الرجل الشامخ
                            عضو فعال
                            • Oct 2004
                            • 111

                            #14
                            [align=center]مطيري يترجاء عبد علشان شمري


                            هذي كل قصة الموضوع




                            هل الفخر بأن المطيري يتوسل للعبد علشان الشمري؟

                            ولا

                            هل قصده انه لهم فضل على شمر؟


                            هههههههههههههههههههههه


                            اللهم اني صايم[/align]

                            تعليق

                            • مطر العبدلي المطيري
                              عضو فضي
                              • May 2011
                              • 243

                              #15
                              تم النشر في الأصل بواسطة المعتصم الخولاني عرض المشاركة
                              بيض الله وجهك والسكر ماهي علوم قبايل ولاحد يتشرف فيها انها له ولا يتوسط فيها

                              فيه فرق بين سكر والسكار الخمر

                              السكر اضن انه معروف

                              تعليق

                              العمل...