الرشيدي والهيلا مدلهـت الغريـب......!!

طي
X
 
  • التوقيت
  • إظهار
مسح الكل
المشاركات الجديدة
  • ضيف الهيلا1
    عضو نشيط
    • Jun 2010
    • 49

    #1

    الرشيدي والهيلا مدلهـت الغريـب......!!

    يقول فهيد بن عبد الله الخرينق الرشيدي
    في حدود عام 1280هجري0
    لابد من يوم ٍ يدرجك النصيـب
    راسي خطير ٍ بالوجع وانته بلاه
    وانا مع الهيلا مدلهـت الغريـب
    اللي تخط اله الرويكب في عصاه
    ......................
    والشاعر فهيد بن عبدالله الخرينق الرشيدي,من شعراء الجزيره العربيه المشهورين ..
    وله قصائد رائعه وجزله .. لكن للأسف ضاعت قصائده من الرواة .
    يقول فهيد :
    شابت لحانـا مـا لحقنـا هوانـا
    عزي لمن شابت لحاهم على ماش
    والله يالولا الفقـر يلطـم جوانـا
    لزمي كما يزمي على البير غواش
    نمشي ونحسب يا ضويحي خطانـا
    عشرين ليلة بين مسرى ومغباش
    دجنـا بنجـد لحاجـة مـا لقانـا
    ولا تنقضي حاجاتنا إلا من الطاش
    ويا ما على قطعـان بـدوً سرانـا
    في ليلة منها هبـوب ورشـراش
    نصبح ونعطي من طلايـق يدانـا
    والسب عنان السفينة على اللاش
    كم واحـدً بـات الخـلا ممتنانـا
    والله مجملنا ولـو مالنـا ادبـاش
    عاش الشاعر عبدالله الخرينق الرشيدي عيشة الحل والترحال مع قبيلته بني رشيد في بادية نجد، وكان شاعراً مكثراً وكان عامة شعره في حلّ قبيلته وترحالها وذكر منازلها في عالية نجد، وقد أكثر في شعره من ذكر الديار والأعلام التي كانوا يتنقلون فيها وله ولع وشدة التصاق ببيئته الجغرافية والاجتماعية إلى أن تقدمت به السن وألمت به حاجة فانتقل على إثرها إلى مدينة الكويت وقضى بقية حياته في الكويت وتوفي حوالي سنة (1342هجري)، ومن شعره:
    ياهل الركايب ريّضـوا علّمونـي
    أسألكـم بالله سيالـة بـالاسـلام
    ما شفتم اللـي تشتهيهـم عيونـي
    والا الدبش ما حل عندي ولا قـام
    قالوا تراهم فـي العـذا ينزلونـي
    ان كـان للديـرة فطيـن وفهّـام
    يا دارهم علك صـدوق المزونـي
    مسحّن ملحّن تالـي الليـل زهـام
    امطر على حسله وهاك الركونـي
    ويزّى العسيب وبير ضواي وحزام
    طرقيـة دوريـن مـا يرحلونـي
    من القياسر جا كسير مـن الشـام
    لزمن يجيك من الدعيكة ضعونـي
    تبي الجرير ونبت عشبة اليا قـام
    ولعلهـم مـن دارهـم يطردونـي
    يطردهم الباشـه بشقـران الاروام
    وهج الهجيج وزرفلـن الظّعونـي
    ومع القصب حاله معاصير وكتـام
    وراحت على اللي يلبسون الزبوني
    صياح وصباح وضرب بندق ودمام
    حتى انهم من عند خـزة يجونـي
    يجون للصمـان مرباعنـا العـام
    مد يدهم مـن عندنـا يسرحونـي
    اقفايهـم وقبالهـم تسعـة ايــام
    وتبضعوا من كـل مـا يشتهونـي
    من القهاوى وابيض الرز والخـام
    وتمـر يجيبنـه اطـوال المتونـي
    كنه يساقا فـي المواعيـن بيـدام

    و هذي القصيده أيضآ للشاعر فهيد الخرينق الرشيدي والشاعر فهيد الخرينق من الشعراء الذين نساه بعض المضللين ,لفهيد الخرينق بوصف مواطن قبيلته و منازلها و القبيله التي كانت تجاورهم في الديار العضيان من الروقه من عتيبه
    كريم يا برق<ن> سرى تالي الليل
    برق الحيا الغارق يهيّض شعيلـه
    جعله من البرّه إلى أدنى المكاحيـل
    وما ربّعت سفوه لعبلـة سحيلـه
    ويسقي ضليعاتن سوات أسود النّيل
    يا ما وسمنا يمّهـن مـن جليلـه
    مع ربعي العضيان عدّالـة الميـل
    يا زبن من جاهم ينفّـض شليلـه
    بحيله وحيلاتن تحيـل الحلاحيـل
    يصغون يمّ الحـق غـاوي دليلـه
    وإن صمّلوا مثل الجمال المحاميـل
    كم طلّقـن أيمانهـم مـن حليلـه
    وغيره ليا قام البخت تسمر الليـل
    والمشعل الهاجـع يثـوّر شعيلـه
    مع درب قطعانن غدوا به زعاجيل
    راعيه غبّ الكون طاوي صميلـه
    منقـــــــــــــووول
  • وائلي
    عضو ذهبي
    • Oct 2008
    • 360

    #2
    تسلم اخوي على نقل قصايد هذا الشاعر الفذ ابن خرينق .
    ويستاهلون عتيبة المدح وهم اهل له .

    تعليق

    • الدقيق
      عضو فعال
      • Oct 2007
      • 123

      #3
      تسلم على هالموضوع
      اللي ماجا الا من رجل طيب

      ونعم في لابتك بني عبس
      ونعم والله بالجيره والطيبه والاخلاق


      وانت بين اخوانك ويامرحبا

      تعليق

      • الرومي

        مشرف منتدى أخبار القبيلة واللقاءات

        • May 2006
        • 4514

        #4
        الخرينق شاعر معروف ومن الجيل السابق.

        صح لسان الشاعر ونعم بعتيبة ونعم ببني رشيد , وسلمت على النقل ياضيف الهيلا.
        migeed33@hotmail.com

        تعليق

        • ابن المحايا
          عضو ماسي
          • Feb 2010
          • 726

          #5
          ونعم ببني رشيد


          وحياك الله في منتداك يالغالي

          تعليق

          • عتيبة هل الغارة
            عضو مميــز
            • Mar 2010
            • 1034

            #6
            وعشرين نعم بالرشايدة

            تعليق

            • ضيف الهيلا1
              عضو نشيط
              • Jun 2010
              • 49

              #7
              الرشيدي والهيلا,

              تم النشر في الأصل بواسطة وائلي عرض المشاركة
              تسلم اخوي على نقل قصايد هذا الشاعر الفذ ابن خرينق .
              ويستاهلون عتيبة المدح وهم اهل له .
              رحم الله الشاعر الكبير فهيد عبدالله الخرينق الرشيدي ..ولاشك أن عتيبه جيران قبيلة بني رشيدعبس في ذلك الزمن يستاهلون المدح والثناء فالقصيدة أتت في فترة زمنية يقل فيها المدح إلا بمن يستحقه بجدارة وأتت من شاعر مفوه وحكيم وفارس فلاشك أنهُ لم يأتي بها من فراغ أو لمجرد المدح ويستاهلون (العضيان من الروقه من عتيبه) كل علم غانم .شكرا لك
              تم التعديل الأخير بواسطة ضيف الهيلا1؛ 25-Jul-2010, 07:15 PM.

              تعليق

              • ضيف الهيلا1
                عضو نشيط
                • Jun 2010
                • 49

                #8
                الرشيدي والهيلا

                تم النشر في الأصل بواسطة الدقيق عرض المشاركة
                تسلم على هالموضوع
                اللي ماجا الا من رجل طيب

                ونعم في لابتك بني عبس
                ونعم والله بالجيره والطيبه والاخلاق


                وانت بين اخوانك ويامرحبا
                يسلم رأسك أخوي لاهنت ولاعليكم زود يالأصحاب وافين الفعايل ...وأعيد ماقلت في الرد الأول
                رحم الله الشاعر الكبير فهيد عبدالله الخرينق الرشيدي ..ولاشك أنا عتيبه جيران قبيلة بني رشيدعبس في ذلك الزمن يستاهلون المدح والثناء فالقصيدة أتت في فترة زمنية يقل فيها المدح إلا بمن يستحقه بجدارة وأتت من شاعر مفوه وحكيم وفارس فلاشك أنهُ لم يأتي بها من فراغ أو لمجرد المدح ويستاهلون (العضيان من الروقه من عتيبه) كل علم غانم .شكرا لك

                تعليق

                • ضيف الهيلا1
                  عضو نشيط
                  • Jun 2010
                  • 49

                  #9
                  الرشيدي والهيلا

                  تم النشر في الأصل بواسطة الرومي عرض المشاركة
                  الخرينق شاعر معروف ومن الجيل السابق.

                  صح لسان الشاعر ونعم بعتيبة ونعم ببني رشيد , وسلمت على النقل ياضيف الهيلا.
                  صح بدنك أخوي والنعم بالجميع والنعم ألف في عتيبه الهيلا ..لاهنت

                  تعليق

                  • علاي الحافي
                    شــــاعــر
                    • Sep 2009
                    • 1152

                    #10
                    [align=center]لاهنت اخوي على الموضوع

                    وماعليك زود

                    ونعم في كل القبائل

                    تقبل مروري[/align]

                    تعليق

                    • ضيف الهيلا1
                      عضو نشيط
                      • Jun 2010
                      • 49

                      #11
                      الرشيدي والهيلا

                      تم النشر في الأصل بواسطة ابن المحايا عرض المشاركة
                      ونعم ببني رشيد


                      وحياك الله في منتداك يالغالي
                      ماعليك زود يابن المحيا أبقاك الله يالغالي ...

                      تعليق

                      • ضيف الهيلا1
                        عضو نشيط
                        • Jun 2010
                        • 49

                        #12
                        الرشيدي والهيلا

                        تم النشر في الأصل بواسطة عتيبة هل الغارة عرض المشاركة
                        وعشرين نعم بالرشايدة
                        وبعتيبه أكثر ولاعليكم زود يالهيلا ..تحياتي وأحترامي لشخصك الكريم ..

                        تعليق

                        • ضيف الهيلا1
                          عضو نشيط
                          • Jun 2010
                          • 49

                          #13
                          الرشيدي والهيلا

                          تم النشر في الأصل بواسطة \\عابر سبيل\\ عرض المشاركة
                          [align=center]لاهنت اخوي على الموضوع

                          وماعليك زود

                          ونعم في كل القبائل

                          تقبل مروري[/align]
                          لاهان راسك أخوي شاكر لك مرورك الطيب والنعم في جميع القبائل لاشك أننا نفتخر جميعنا بالطيب من أي قبيلة كانت وننكر الردى وهذا ديدن قبائلنا جميعا إذا وجدوا طيب أثنوا عليه ومدحوه من أي قبيلة كانت ..تحياتي لك مره اخرى

                          تعليق

                          • خالد بن مورق

                            رابطة محبي الهيلا

                            • Dec 2008
                            • 1059

                            #14
                            صح السان الشاااااااااااااعر ولاهنت اخوي

                            تعليق

                            • عبدالمجيد النفيعي
                              مشرف القسم الإسلامي والاقسام العامة
                              • Jul 2007
                              • 2048

                              #15
                              صح الله لسان الشاعر والله يرحمه ويغفر له شاعر من بني رشيد والرشايده قد درس معي منهم وكانوا ونعم الرِجال الله يذكرهم بالخير

                              ،،

                              مدلهت الغريب قيل في عتيبه من باب المدح وهم كفو لاكن ليس بلقب أو مقوله دارجه عنهم ,, للتوضيح فقط
                              تذكر

                              قول الرسول صلى الله عليه وسلم :-"المسلم من سلم المسلمون من لسانه ويده"





                              أتشرف بزيارتكم لمتصفحي في شهر رمضان : مــهــاذيــب ، على هذا الرابط أضغط هنا

                              تعليق

                              العمل...