بين (( شمر )) و (( عتيبه )) ...!!!

طي
X
 
  • التوقيت
  • إظهار
مسح الكل
المشاركات الجديدة
  • اخو رثعه
    عضو نشيط
    • May 2010
    • 71

    #1

    بين (( شمر )) و (( عتيبه )) ...!!!

    [align=center]قال الشاعر / نايف بن بندر بن محيا العتيبي

    هذه القصيده مدحاً في شمر ورجالاتها . واتى الرد من الشاعر نهير الحسيني الشمري

    يقول بن محيا العتيبي :


    [align=center]من لايخاوي شمر الجـود غلطـان
    ..................................... من غير نقص في جميـع الحمايل

    خويهـم والله مايبلـش بالأحـزان
    ...........................................اليا نخاهـم يصبـح الهـم زايـل

    خويهم يحظـى بتقديـر واحسـان
    ........................................مع حشمه وتقديـر للفخـر نايـل

    شمر هل الطولات لاقيـل فرسـان
    ..................................وقت السيوف المرهفه والأصايـل

    شمر طنايا يوم زيغـات الأذهـان
    ......................................عدوهـم شـاف النجـوم الهوايـل

    شمر اليا قلنا هل السيف شجعـان
    ....................................قالوا : نعم صادق اشيوخ القبايل

    شمر لهم تاريخ في ماضي الأزمان
    ...................................فيه أطيب العربان تضـرب مثايـل

    وبوقتنا الحاضر بهم بوش بلشـان
    ....................................ورّوا علوجـه فالعـراق الهوايـل


    شمر هل النوماس في وقت الأكوان
    ....................................اللـي يـردون الملايـل غلايـل

    اللآبه اللي ذكرهـم للعـرب بـان
    ......................................ياكـم ثنـوا لاصيحـن الحلايـل

    شمر مقر الجـود للجـود عنـوان
    ...............................لايابعد حي العـرب ياهـل حايـل

    شمر سناعيس على الضد بركـان
    .............................يشهد لهم فعـل السنيـن الأوايـل

    بنوا اشعار الجود في طئ بنيـان
    .............................لو زالت الضلعـان ماهـوب بزايـل

    شمر لمن يشكي من الضيم مزبـان
    ...................................لاصارت الحيـلات عنـده قلايـل

    والله لايرجع بعد الأحزان فرحـان
    ..................................ينزاح حملـه بعـد ماكـان مايـل

    مهما كتبت بشمـر الجـود قيفـان
    ..............................ماني ملحق ذكـر كـل الخصايـل

    ماقلت غير الحق والحـق سلطـان
    ...............................قلت ومعي حجـه وكـل الدلايـل
    [/align]


    الرد من الشاعر القدير / نهير الحسيني الشمـري :


    [align=center]هات القلم واكتب جديـدات الأوزان
    ..........................واكتب سلامي في جديـد المسايـل

    وصل سلامـي والتحايـا لحـوران
    ....................................حـر تعلـى فـوق كـل الطوايـل

    نايف ولـد بنـدر سلايـل كحيـلان
    ....................................ابـن محيـا ياعـريـب السـلايـل

    البيت مايبنى علـى غيـر سيسـان
    .....................................للعـلـم نـقـال وللـقـول قـايـل

    وانا دليلـي ياهـل العـرف مليـان
    ..............................مليـان بعلـوم الصخـا والشكايـل

    عليـك بالعتبـان إليا صرت بحـلان
    ................................لا قفلت دونـك جميـع الوسايـل

    عتبـان ياقلنـا كــلام بحسـبـان
    ................................عتبـان ستـر منقضـات الجدايـل

    عتبـان لاصـارت عجـاج ودخـان
    ...............................يردون علم المـوت علـم صمايـل

    عتبان لاعدوا هل الطيـب والشـان
    .................................مـع اول العربـان قـول وفعايـل

    عتيبه كمـا سيـل محاديـر جيـلان
    .............................لاساقـه المولـى كريـم السبـايـل

    أهل النقا والجود فـي كـل ميـدان
    .................................أهل الحميـا والعلـوم الجزايـل

    للخايف المضهـود عـزوه وخـلان
    ................................وللخايف الموت الحمـر والغلايـل

    وحنا الطنايا ماكـر الجـود يافـلان
    .................................لاعـودت للسيـف قـدح وفتـايـل

    الذيـب عشينـاه حيـل وخـرفـان
    ...............................للطيـب نتعـب ومانـدور بـدايـل

    وهذا مـردي فيـه شكـر وعرفـان
    ...............................للابـه اللـي كـل فعولـه جلايـل

    لـ/ روق مـع برقـا شبـاب وشيبـان
    ............................من غير خص في فـروع العوايـل

    والمعذره وان كان كان بالقاف نقصان
    ............................منـك السموحـه يارفيـع النزايـل

    تم الكـلام وزبـده الهـرج نيشـان
    .............................ورد الجمايل حـق لأهـل النفايـل
    [/align]
    [/align]
    تم التعديل الأخير بواسطة اخو رثعه؛ 21-Jun-2010, 12:01 PM.
  • بندر النفيعى
    عضو نشيط
    • Feb 2010
    • 50

    #2
    شمر وعتيبه

    محبه بينهم واعجاب متبادل لا يعرف سره الا الله والرجال الطيبين


    وصفات مشتركه كثيره ان لم اقل متطابقه وعلاقه بين هاتين القبيلتين


    يجب ان تدرس في علوم الاجتماع في الجامعات .

    تعليق

    • مرزوق حمدان العتيبي
      مشـرف عام
      • Nov 2003
      • 20403

      #3
      ..

      .

      تتعب وانت تمدح فالسناعيس
      انشهد انكم اهل قاله وطاله
      ..
      ولا فيه نقص في عموم القبايل ..

      هذي العلوم اللي نحرص عليها ونتنومس بالرد عليها
      وهي سبب في تألف القلوب وزرع الود والاحترام بين ابناء الوطن
      واخوة الدين ..
      كيف لا وهي مزارق طيب وسلوم رجال ..

      لاهنت يالشمري ... وبيض الله وجه بن محيا والحسيني
      ..
      [align=center]
      [poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
      فدوة ٍ للمصطفى روحي وماتملك يميني = كيف (لا) واللي خلقني حط حبه في كياني
      حط حبه في كياني ماتغيّره السنيني = وانثني من دون عرضه بالذراع وباللساني[/poem]







      @Marzouq_MHD
      [/align]

      تعليق

      • فيصل المسعودي
        مشرف عام
        • May 2005
        • 8296

        #4
        [align=center]لا غرابه

        فالطيب بين الطيبين موجود وباقي

        وعلاقة الشمري والعتيبي

        مثال للعلم الطيب في كل مكان منذ القدم

        صح الله لسان العتيبي وصح الله لسان الشمري

        وحياك الله ياشمري بين إخوانك[/align]

        تعليق

        • ابن مشيب
          إدارة أقسام القبيلة
          • Nov 2002
          • 9791

          #5
          بيض الله وجهك ياخو رثعه , وصحت السنت الشعراء , وقولة ونعم ماتنقصر دون عيال الحمايل من جميع القبايل , وياليت جميع المشاركين يحذون حذوك في هذه المشاركة , ويبحثون عن المواضيع المؤلفة للقلوب ويتركون مواضيع الاستفزاز بين القبائل.



          تحياتي

          تعليق

          • ولدعساف

            مشرف سابق

            • Sep 2008
            • 4749

            #6
            شمر وعتيبه عينين في رأس !!

            ,,

            ويعلم الله أن أقرب و أحب القبـآئل إلي شمر !!

            ,,

            وصح لسان العتيبي و لســآن الشمري .. وبيض الله وجهك على النقل ودي وتقديري لك !!
            [flash=http://assa97.jeeran.com/azzoz.swf]WIDTH=450 HEIGHT=350[/flash]




            قال أبوبكر الصديق - رضي الله عنه -
            ( الموت أهون مما بعده، و أشدّ مما قبله )



            حسبي الله ونعم الوكيل

            كتبت وقد أيقنت يوم كتابتي .. بأن يدي تفنى ويبقى كتابها
            فإن كتبت خيراً ستجزى بمثله .. وإن كتبت شرا عليها حسابها

            تعليق

            • العــــــــابر
              مشرف القسم الإسلامي والاقسام العامة
              • Mar 2007
              • 3384

              #7
              تبقى عتيبه الهيلا وشمر الطنايا

              فخر للاسلام والعرب

              ومضرب مثل للكرم والشجاعه والاخوه
              سبحان الله وبحمده سبحان الله العظيم




              سبحان والحمدلله ولااله الا الله والله اكبر ولاحول ولاقوة الا بالله



              تعليق

              • سناعس
                موقوف لمخالفة الأنظمة
                • Jan 2010
                • 81

                #8
                تشكرا على هالقصيدتين الجميلتين

                والحقيقة ان شالله ان كل قبائلنا بينهم التواد والاحترام متبادل حتى وان اختلفنا مع العتبان في التاريخ

                او مع العنوز في وقت اللزوم ان شالله كلنا اخوان


                والحقيقه ياخوان برغم من كل النقاشات التي تدور بين شمر وعنزة في هذا المنتدى الا ان لي زميل

                بالمدرسة عنزي وكل يوم اقوله وش صار وونضحك ونتناقش ونتعاند والله ونعم الرجل


                وهذا ينطبق على الجميع احيانا نتسلا فلابد شوي من الاكشن ههههههههههههههههههه

                والا كل قبيلة فيها خيره وشرها وكل قبيله فيها الطيب والردي وكل قبيلة لها انتصارات وعليها هزائم

                والله يديم الامن والامان وطاعة الرحمن

                تعليق

                • الرومي

                  مشرف منتدى أخبار القبيلة واللقاءات

                  • May 2006
                  • 4514

                  #9
                  ونعم بشمر ونعم بعتيبة ربعي من غير قصور في القبائل .
                  migeed33@hotmail.com

                  تعليق

                  • اخو رثعه
                    عضو نشيط
                    • May 2010
                    • 71

                    #10
                    [align=center]لاهنتوا ثم لاهنتوا ثم لاهنتوا

                    كلن بأسمه .

                    وعسى الله يديم المحبه والآلفه بين قبائل نجد
                    [/align]

                    تعليق

                    • صقر الغامدي
                      عضو فضي
                      • Aug 2006
                      • 288

                      #11
                      [align=center]ونعم مليون في شمر وفي عتيبة [/align]

                      تعليق

                      • الدقيق
                        عضو فعال
                        • Oct 2007
                        • 123

                        #12
                        والله ونعم الذكر لاقالو شمر
                        قبيله عزيزه وطيبه

                        والاعجاب فيكم شديد والله يكثر من امثالكم

                        وتبقى القبايل اخوا
                        ويبعد عنا النعرات القبليه

                        تعليق

                        • هاجس الشعر
                          عضو فعال
                          • Mar 2008
                          • 182

                          #13
                          الله يديم المحبه والاحترام بين كل قبايل المملكه التي جمعها الله على كلمة لاله الا الله وعلى المصلحه الوطنيه وعلى العادات الطيبه
                          وكما قال الملك عبدالعزيز طيب الله ثراه قوة هذا الوطن ودوامه في وحدة ابنائه وقوة ترابطهم مع بعض

                          تعليق

                          • ضيف على عتيبة
                            عضو فعال
                            • Dec 2009
                            • 129

                            #14
                            والله ونعم بشمر وعتيبة

                            دون قصور بباقي القبايل

                            وصح لسان ابن محيا وصح لسان الحسيني

                            ولاهنت اخوي على النقل

                            تعليق

                            • عبدالمجيد النفيعي
                              مشرف القسم الإسلامي والاقسام العامة
                              • Jul 2007
                              • 2048

                              #15
                              سبق وإن قلت مزارق الطيب بين القبائل نعمه نحمد الله عليها , كفو والله في الشاعرين وصح الله ألسنتهم ونعم في شمر للجود عنوان كما قال شاعرنا
                              تذكر

                              قول الرسول صلى الله عليه وسلم :-"المسلم من سلم المسلمون من لسانه ويده"





                              أتشرف بزيارتكم لمتصفحي في شهر رمضان : مــهــاذيــب ، على هذا الرابط أضغط هنا

                              تعليق

                              العمل...