{قصه وفاء وفزعه} الدواسر مع خالد الشلقان الشمرى

طي
X
 
  • التوقيت
  • إظهار
مسح الكل
المشاركات الجديدة
  • دوسر
    عضو فضي
    • Feb 2010
    • 223

    #1

    {قصه وفاء وفزعه} الدواسر مع خالد الشلقان الشمرى

    فعل الدواسر بخويهم الشمري:~




    ~~~~~~~~~~~~



    في فتره حرب اليمن في عهد الملك فيصل رحمه الله كان جماعة من الد واسر وأكثرهم من الو داعين انه حدث عام 1962م –1383هـ اندلعت حرب اليمن وقد كان برفقتهم خالد الشلقان الشمري واخوه فرحان بنقل قوات عسكرية واعتاد العسكرية من نجران بأمر الأمير خالد السديري الدوسري رحمه الله وكانو جنوب الرمله اعلى بيحان وهو مكان خوف وخطر حيث أن طائرات العدو تلاحقهم وكانت ترميهم بالسلاح الثقيل وكانو يقاومونها بشده وفي الرجعة صادف وان تعطلت سيارة خويهم الشمري التي انفجرت ماكينتها ووقف وجميع الخويا و رما كل منهم بمفتاح سيارته عوض لخويهم الشمري فرفض الشمري وحلف ما ياخذ سيارةأ حد منهم وقال لهم باحرق السيارة حتى لايستفيد منها العدو ورفضو أخوياه وهم لا يستطيعون التفرغ بإصلاحها للخطر والخوف فقسمو السيارة عدة أجزاء بينهم وعندما قربو من نجران امنو من الخوف اعادو سيارة خويهم الشمري إلى حالتها وعندما علم الأمـير خالد السديري الدوسري بفعلهم قال لهم بيض الله وجيهكم فيما فعلتم بخويكم ثم التزم باصلاح سيارة الشمري وتركيب ماكينة لها وقام باعطائة مبلغ من المال وهي كعوض له في سـيارته وشـكر
    الد واسر على فعلهم إلي يبيض وجيهم ؟


    فقال خالد الشمري هذه القصيدة


    [poem=font="simplified arabic,5,green,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    ياحمود هات الفرت واكمل زهابـه =كمـل زتاتـه يازبـون المشافيـق

    اسرح عليـه ولاتحـن الوطـا بـه =اجنب عسى دربك ودربـه توافيـق

    صلهم ترى الممشى يبي من هقابـه =خص الى زانت دروب الطواريـق

    انص السديري زبن من هو لجابـه =سعد الركاب وسعد اهلها من الضيق

    سلم عليـه اعـداد منشـي سحابـه =وما ورقت لشجار من الوبل توريق

    قله ترى فعله فخـر مـن حكابـه =فعل على عـزم الردييـن ماطيـق

    ثم ثنهـا ياحمـود فهـل الحزابـه =دواسـر قامـت بفعـل المطاليـق

    سلـم عليهـم كـل منهـم بنـابـه =سلام احلى مـن غبـوق المفاهيـق

    ياويش اقول بمـدح سربـة اذيابـه =يوم استناخ الفرت ثم نشف الريـق

    تعصبـوا والكـل يضحـك بنابـه =وقالوا لي ابشر بالفرج ساعة الضيق

    الفـرت حطـوه الذيابـة انهـابـه =كـل يعلـق نبلتـه فـوق تعلـيـق

    شالـوه ربـع للخطـر ماتهـابـه =حتى الكرد شالـوه ماواحـد عيـق

    كل يقـول الفـرت عنـدي وانابـه =خويـنـا مايلحـقـه دوم تعـويـق

    يالبيـض ياللـي تنقـش الخضابـه =بالله عليكـن للنشامـا عشاشـيـق

    ياكيـف ممدحهـم وازيـد الثنابـه =من حد,,حايل,, لين حـد العواليـق

    مدح علـى فعـل ينومـس جوابـه =ماهوب حكـي مايعـزز بتصديـق

    يستاهلونـه بالثنـا والـوفـا بــه =مدح الى جا الصدق ماهوب تلفيـق[/poem]



    ~{وبهذه المناسبة قال ألأديب والمؤرخ:: منديل بن محمد منديل الفهيد}~



    [poem=font="simplified arabic,5,green,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    من يريد المجد يرث له فعايـل =مثل ما قال القريفه في لحونـه

    بالحلال وعند لقـوات الدبايـل =كل ما جالـه مجـال يمدحونـه

    ندري ان المال والعمـر زايـل =والفعايـل بالتوالـى يذكرونـه

    غير هذا واجد فعـل الجمايـل =يدركون الطيب نـاس يفعلونـه

    للدواسـر قصـة مالـه مثايـل =الخوي وموتره جـوا ينقلونـه

    ذا وهم في خوف من شر القبايل= وطايرات في سماهم ينظرونـه

    ذي عوايدهم عزيزين الحمايـل =كل حزه ضيق زايـد يندبونـه[/poem]


    هذه القصة بقصيدة رائعة..الشاعر المرحوم بأذن الله شلعان بن ظافر الودعاني طيب الله ثراه واسكنه فسيح جناته





    [poem=font="simplified arabic,5,green,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    قــــــصــــــت الشمري ياناس محلاها =يوم ثور عسـام الجـو دخانـي

    فوق سيارتـه والقـوم تشعاهـا =اجنبـي وحيـد مامعـه ثـانـي

    قل عزم المكينـه ونقطـع ماهـا =قال هـذا قعـد مافيـه عقلانـي

    ياوداعيـن بحرقهـا وبنسـاهـا =والعوض عند ربي عالي الشانـي

    عودولـه ولا واحــد تعـداهـا =حذفو بالهدوم طيـور حورانـي

    شلحوهـا بنـي عمـي وشلاهـا =لابـة فاللقـا مـاهـم بـذلانـي

    والقنابـل تخطفهـم شظايـاهـا =ماختلف واحد مـن لاد ودعانـي

    حملوها ونار الحـرب تصلاهـا =اشهد انهـم مناعيـر وشجعانـي

    عقب يومين في نجـران ملفاهـا =وشترو نقصها من سوق نجراني

    ماتعـدو مكانـه ليـن شـداهـا =وشتغل صافين ماهوب خربانـي

    ذي سوالف بني عمي شرحناهـا =ماضياتـن لهـا فعـل وبرهانـي
    [/poem]


    وهذي قصة الدواسر مع الشمري
    واسمه خالد الشلقان الشمري

    والسلام مسك الختام.~
  • ماجد العصيمي
    شبل مرجحين الموازين
    • May 2007
    • 1956

    #2
    بيض الله وجيههم


    ونعم يالدواسر يا هل الابل

    تعليق

    • عبدالمجيد النفيعي
      مشرف القسم الإسلامي والاقسام العامة
      • Jul 2007
      • 2048

      #3
      ونعم في الدواسر ولايستغرب الطيب منهم

      وجميلهم في اللي معدنه مايضيع الجميل فيه شمري ونعم

      والفهيد من طبعه توثيق القصص الطيّبه لـ الطيّبين
      تم التعديل الأخير بواسطة عبدالمجيد النفيعي؛ 02-May-2010, 11:30 AM.
      تذكر

      قول الرسول صلى الله عليه وسلم :-"المسلم من سلم المسلمون من لسانه ويده"





      أتشرف بزيارتكم لمتصفحي في شهر رمضان : مــهــاذيــب ، على هذا الرابط أضغط هنا

      تعليق

      • وائلي
        عضو ذهبي
        • Oct 2008
        • 360

        #4

        ونعم بالدواسر اهل فزعة ولايستغرب فعل الطيب منهم هم من اهل الطيب

        تعليق

        • ابن المحايا
          عضو ماسي
          • Feb 2010
          • 726

          #5


          والله والنعم بالدواسر وشمر ولاتسدهم بعد


          لاهنت يالدوسري على هالموضوع الاكثر من رائع


          ولاتحرمنا من مواضيعك المتميزة يالغالي

          تعليق

          • دوسر
            عضو فضي
            • Feb 2010
            • 223

            #6
            تم النشر في الأصل بواسطة شبل مرجحين الموازين عرض المشاركة
            بيض الله وجيههم


            ونعم يالدواسر يا هل الابل
            ووجهك أبيض .~
            وأنتم أهل ألأبل وأهل الصداره والمراكز ألأولى.~
            لاهنت عالمرور.~

            تعليق

            • دوسر
              عضو فضي
              • Feb 2010
              • 223

              #7
              تم النشر في الأصل بواسطة عبدالمجيد النفيعي عرض المشاركة
              ونعم في الدواسر ولايستغرب الطيب منهم

              وجميلهم في اللي معدنه مايضيع الجميل فيه شمري ونعم

              والفهيد من طبعه توثيق القصص الطيّبه لـ الطيّبين
              ماعليك زود.~
              وبلاشك شمر معدنهم طيب ولاتضيع الجماله فيهم.~
              وبيض الله وجه الفهيد على أبياته الخالده ولم تهيض قريحته من هذا الفعل الا لنعاره فى راسه ألأسعدى القرم.~
              تحياتى لك.~

              تعليق

              • دوسر
                عضو فضي
                • Feb 2010
                • 223

                #8
                تم النشر في الأصل بواسطة وائلي عرض المشاركة

                ونعم بالدواسر اهل فزعة ولايستغرب فعل الطيب منهم هم من اهل الطيب
                أبن وائل بالفزعه أنتم من ألأوائل.~
                وماعليك زود يالغالى.~
                أسعدنى مرورك الطيب.~

                تعليق

                • دوسر
                  عضو فضي
                  • Feb 2010
                  • 223

                  #9
                  تم النشر في الأصل بواسطة ابن المحايا عرض المشاركة


                  والله والنعم بالدواسر وشمر ولاتسدهم بعد


                  لاهنت يالدوسري على هالموضوع الاكثر من رائع


                  ولاتحرمنا من مواضيعك المتميزة يالغالي
                  مليون ويتلاه مليون نعم بشمر الطنايا.~
                  وماعليك زود .~
                  ومن قال ماهان يالغالى.~
                  تحياتى لك.~

                  تعليق

                  • الحميدي العتيبي
                    عضو ماسي
                    • Sep 2008
                    • 445

                    #10
                    ماهيب غريبه على الدواسر اهل طيب ونخوه وفزعه أول وتالي ....موضوع مميز
                    لاهنت يادوسر

                    تعليق

                    • دوسر
                      عضو فضي
                      • Feb 2010
                      • 223

                      #11
                      تم النشر في الأصل بواسطة الحميدي العتيبي عرض المشاركة
                      ماهيب غريبه على الدواسر اهل طيب ونخوه وفزعه أول وتالي ....موضوع مميز
                      لاهنت يادوسر
                      ماعليك زود يالحميدى.~
                      تواجدك المميز..
                      ومن قال ماهان.~

                      تعليق

                      • محسن الغريري
                        عضو
                        • Apr 2010
                        • 21

                        #12
                        [align=center]ومليار نعم بـ عيال العم الدواسر اهل طيب ونخوه وفزعه أول وتالي ....[/align]

                        تعليق

                        • وهبي حربي
                          عضو
                          • Apr 2010
                          • 11

                          #13
                          ونعم بالدواسر


                          والله ان خوتهم تنشرا


                          اخوي مشكوووور ولاهنت على الموضوع


                          تقبل احترامي

                          تعليق

                          • دوسر
                            عضو فضي
                            • Feb 2010
                            • 223

                            #14
                            تم النشر في الأصل بواسطة محسن الغريري عرض المشاركة
                            [align=center]ومليار نعم بـ عيال العم الدواسر اهل طيب ونخوه وفزعه أول وتالي ....[/align]
                            أرحب تراحيب المطر.~
                            لاهنت عالمرور اللذى يسعدنى.~

                            تعليق

                            • دوسر
                              عضو فضي
                              • Feb 2010
                              • 223

                              #15
                              تم النشر في الأصل بواسطة وهبي حربي عرض المشاركة
                              ونعم بالدواسر


                              والله ان خوتهم تنشرا


                              اخوي مشكوووور ولاهنت على الموضوع


                              تقبل احترامي
                              ماعليكم زود يحرابه الدول.~
                              وخوه القروم شرواك تنشرا .~
                              وأنا اللى أشكرك عالمرور العاطر ومن قال مايهون.~

                              تعليق

                              العمل...