عبدالله السميري والامسيه الشعريه خاص بالهيلا

طي
X
 
  • التوقيت
  • إظهار
مسح الكل
المشاركات الجديدة
  • الـذيب

    رابطة محبي الهيلا

    • Sep 2007
    • 1002

    #1

    عبدالله السميري والامسيه الشعريه خاص بالهيلا

    السلام عليكم ورحمة الله وبركاته

    مساء الخير


    توني جايكم من مدارس المملكه وجايب لكم معي كم صوره ومقطعين بس لا تواخذونا على الصوره والمقاطع لانها مجرد اجتهاد ولاني موب محترف بالتصوير هذا اول شي .

    ثاني شي التصوير بجوال والذاكره رفعت ضغطي لدرجه اني مسحت كل الي بجوالي عشان القط لكم هالكم صوره والمقطعين يالله لعيونكم المهم هذا كله حصري وخاص بمنتدى الهيلا واعضائه حبايبي .

    محاكيكم نايم وماصحى الا الساعه ثمان ونص وعلى الطاير القط ثوبي وشماغي واعدي على السياره بلحق على الامسيه طبعاً الموقع هو مدارس المملكه جنب بيتنا وصلت هناك الا العالم برى ويتطلبون العسكر والظابط مستقعد يقول لا المكان مايكفي والقاعه امتلت بالبدايه جيناهم بالطيب يمين يسار يدخلونا الا ماينفع قلنا الشكوى على الله يالربع تصملون قالو وش قلنا مايبيلها اقتحام هههههههه.
    المهم ابشركم دخلنا بعد معافر مع السكرتيه والعسكر وقعدنا بالبدايه على الدرج فوق على دخلتي الا الامسيه توها باديه وهذا موقعي اول مادخلت





    وهذي بعد ماصرت اقرب شوي شوي ينقالي عشان مايحسون بي




    وبعدها قربت اكثر وكله لعيونك يابو سمرا



    من زود الميانه وكل شوي انقز للكرسي الي قدام واقول مانتبهو بيني وبينكم لو كان فيه كرسي بين الشعار على المنصبه الظاهر اروح اقعد عليه ههههههههه.





    وهذي الصوره بعد نهايه الامسيه يوم يكرمون عبدالله









    هنا عبدالله يحط الدرع ناوي يسلم على الجمهور مع انهم مانعينهم عشان مايسببون زحام وفوضه بس عبدالله كعاده يكسر كل الحواجز والقنوانين كله لجل يرضي جمهوره الي بلغت نسبته بالقاعه اكثر من 90 بالميه بدون مبالغه واغلبهم يهتفون باسمه





    وهذا هو يستعد ناوي الانقضاض على جمهوره المحب له






    عبدالله يعدي ويسلم على الجمهور والامن والمنظمين يحاولون يمنعونه





    قهرني هذا وتهاوشت معه قعدت العنه واطالب يومنه يسحب عبدالله مايبيه يسلم على الجمهور لان الجمهور اذا شاف عبدالله وكانه يصاب بحاله هستيريه والله وكلهم يهتفون باسمه وينادون عليه






    مو بس الجهور هو الي يحب عبدالله حتى اخوياه الشعار هذا مهدي ال حيدر يحتظن عبدالله ويسلم عليه سلام حار






    وهذي مقاطع الفيديو







    مقتطفات من الحفل << وش عنده الصحفي

    * الشعار كلهم كانو مبدعين وسمعنا لهم قصايد ماسمعنها قبل .
    *عبدالله مشاغب وخفيف ظل يمزح مع الشعار والجمهور عيضه يقول بقولكم قصيده غزليه قال عبدالله من زين ها الوجه رد عيضه (( اشبك انته الزين عاد )).
    *في رد لعبدالله على سوال احد الجمهور عن حليمه بولند او كما يقول هو مليحه بولند طلب عبدالله من المصورين يقفلون الكمرات وقال ياليت توقفون التصوير شوي بسالكم ياجمهور هي حلوه صدز بعدين قال فيها بيتين وقال انه قاعد يكمل باقي قصيده هو كاتبها في مليحه .
    * عبدالله في بدايه الامسيه قال والله لخربها واكسر كل الحواجز الا والله للعن ابو جدها .
    * عبدالله وعد الجمهور النصراوي بقصيده بالنصر وقال مع اني هلالي بس والله لقول قصيده بالصر عشانهم وكانه يبي يجبر خواطرهم بعد قصيده عيضه بالهلال هههههههههه.
    *مازال الشعار متأثرين بشاعر المليون للحين ويمدحون ابن زايد وهذا ماغضب بعض الجمهور الي قال حتا هنا .
    *الجمهور طلب من مهدي ال حيدر قصيده وقال ايه ايه الي فيها وعد له بيتين وسكت قال عبدالله طيب جبها ياخي ضحك مهدي وضحكووو كل الجمهور .
    *كثير من الجمهور كانو جايين عشان عبدالله وهم صرحو بها الشي برى كلن يقول والله اني جاي عشان عبدالله .
    * عبدالله اليوم شال شيله وصوته كان روعه وقال اول مره اشيل شيله .

    وفي الختام سامحونا على القصور وشكر خاص لخوي حمد على مساعدته لي ومالنا غناه عنك يالذيب .
    تم التعديل الأخير بواسطة الـذيب؛ 18-Apr-2008, 01:50 AM.
  • حمـد المقاطي
    مشرف سابق
    • Dec 2006
    • 1953

    #2
    الذيب

    مشكووور

    وجهد بصراحه تشكر عليه

    والله يعطيك العافيه

    وعز الله أنك ذيب

    اسم على مسمى

    وما سويت ألا الواجب معك

    تحياتي لك
    بكل مكان لنا أحباب .. ويصعب علي الفراق .. لربما في يوم نلتقي ونعاود ذكرى الأحباب . !!

    سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ . !!

    تعليق

    • فاهم بن العتيبي
      عضو ماسي
      • Mar 2008
      • 609

      #3
      شكرا لك اخوي على الجهد الطيب

      تعليق

      • الـذيب

        رابطة محبي الهيلا

        • Sep 2007
        • 1002

        #4
        مشكور أخوي حمد على المرور ويشرفني تكون أول من يرد على الموضوع ماسوينا شي كله لجل الهيلا وكلنا فريق واحد لنجاح ها المنتدى الي اعطانا الكثير ومهما سوينا ماراح نوفيه حقه .

        تعليق

        • الـذيب

          رابطة محبي الهيلا

          • Sep 2007
          • 1002

          #5
          الشكر لك انتي أخوي على تشريفك الموضوع ولا خلى ولا عدم ياعيال العم

          تعليق

          • محمد العتيبي

            مشرف منتدى شعراء قبيلة عتيبه

            • Mar 2005
            • 10789

            #6
            [align=center]الله يسعدك يالذيب انت وحمد المقاطي
            والله اني خشيت جو مع الصور والتعليقات والمقتطفات
            الرائعه وتمنيت اني كنت موجود معهم ..
            شكرا لكم جميع
            ...
            [/align]
            [align=center][/align]








            [align=center]للتواصل عبر twitter تويتر


            al_bargawy@
            [/align]

            تعليق

            • الـذيب

              رابطة محبي الهيلا

              • Sep 2007
              • 1002

              #7
              أبو مشعاب تسلم يالغالي وأسعدني أكثر مرورك وياليتك حظرت اقل شي يزيد نور القاعه وتوضح الصور اكثر .

              تعليق

              • عبدالله الجـــذع
                مشرف منتدى قصه وقصيده
                • Sep 2007
                • 8093

                #8
                الله اكبر..

                الذيب عز الله انك ذيب..

                تغطيه ولاتسويه قناه الجزيره ..

                ماشاء الله تبارك الله.

                مشكور يالذيب..

                وياليت يلقى حفاوه هالموضوع المميز...




                قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) .


                .
                قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم !
                فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه )

                .

                موقع يضم جميع القراء


                هنا

                تعليق

                • الـذيب

                  رابطة محبي الهيلا

                  • Sep 2007
                  • 1002

                  #9
                  أخوي أبو عابد تشتغل عندي محرر طيب بفتح قناه << صدق عمره
                  والله أكبر حفاوه يلقاها الموضوع وكاتب الموضوع هي ردودكم الله لايحرمني من تواجدكم وتشجيعكم لكل من يبدع ويتعب بالمنتدى ومشكور على مرورك الاكثر من رائع .

                  تعليق

                  • فواز العتب
                    عضو نشيط
                    • Feb 2008
                    • 81

                    #10
                    وافي يالذيب وشكرا لك من القلب على الجهد

                    تعليق

                    • الـذيب

                      رابطة محبي الهيلا

                      • Sep 2007
                      • 1002

                      #11
                      تسلم يالغالي فواز وشرفني مرورك

                      تعليق

                      • الـذيب

                        رابطة محبي الهيلا

                        • Sep 2007
                        • 1002

                        #12
                        العذر والسموحه يالربع فيه واهد من الروابط ماشتغل وهذا هو بعد التعديل




                        والرابط الثاني هذا زي ماهو

                        تعليق

                        • عبدالله الجـــذع
                          مشرف منتدى قصه وقصيده
                          • Sep 2007
                          • 8093

                          #13
                          الذيب ..

                          ماشاء الله وش خليت..

                          اشكرك على هذا المجهود المبذول .

                          والذي ان دل على شي انما يدل على اهتمامك وحرصك
                          على رقي هذا الصرح الشامخ.

                          وجود أشخاص مثل وشرواك يجعلنا اكثر سرورا بمستقبل للهيلا واعد..

                          لاهان راسك يالقرم..

                          محبك
                          ,
                          قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) .


                          .
                          قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم !
                          فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه )

                          .

                          موقع يضم جميع القراء


                          هنا

                          تعليق

                          • الـذيب

                            رابطة محبي الهيلا

                            • Sep 2007
                            • 1002

                            #14
                            تسلم يالغالي اخجلتني والله بردك لاكن يعلم الله مافي قلبونا من حب لها الكيان الشامخ منتدى الهيلا ونسعى جاهدين ليظهر بالصوره المشرفه الي اعتدنا عليه وتذهب اجيال وتاتي اجيال والهيلا من عز في عز انشاءالله وكلنا نكمل بعض في المنتدى ياخوك .

                            تعليق

                            • فيصل المسعودي
                              مشرف عام
                              • May 2005
                              • 8296

                              #15
                              مشكور يالذيب

                              على هالتغطية الرائعة

                              لا هنت يالغالي وبارك الله فيك

                              تقبل تحياتي

                              أخوك

                              فيصل النفيعي

                              تعليق

                              العمل...