معلومات عن الشاعر بدر الظاهري الحربي

طي
X
 
  • التوقيت
  • إظهار
مسح الكل
المشاركات الجديدة
  • مشتآق !
    عضو فضي
    • Mar 2008
    • 252

    #1

    معلومات عن الشاعر بدر الظاهري الحربي

    هاذاهي معلومات عامه عن شاعرنا الجميل الجبل بدر الظاهري

    بدر سعود عبدالله بن مضيان الظاهري الحربي
    ـ العمر 28
    السكن بالرياض
    ـ العمل بالقطاع الخاص
    ـ بداية النشر عام 1418 ـ الإنطلاقة من المجلات الشعريه مجلة
    مشاعر ـ فواصل ـ قطوف ـ فروسه وشعر ـ وصفحات وقنوات الشعر المختلفه
    ـ الامسيات / أمسية الجنادرية عام 1425ـ تمثيل المملكة لمرتين متتاليتين بالإمارات
    ـ الاولى في مهرجان الشعر والقصه ـ امسيتين بالجامعه الامريكيه بالشارقة
    ـ وامسيه بالفجيره ـ وكذلك تمثيل المملكه في مهرجان القضيه العربيه بالامارات ـ
    وامسيه بجمعية الثقافه والفنون بالرياض ـ وامسيه أمانة الرياض بالرياضـ ـ
    وامسية في مهرجان جده غير ـ وغيرها من الامسيات المختلفه واللقاءات التلفزيونيه ـ وشاعر المليون


    ( لعيون تركي ) قصيدة كتبها حينما بشر في ولادة تركي أبنه الوحيد الأول ..




    لعيون تركي صهيل الخيل والليل لا عانـق أحبابـه
    ديرة ربوعي سقاك السيل يوم ان تركي وطى ترابـه
    دار النشامـا ودار الهيـل وأفعالها حرب .. (حرابه)
    اللابه اللـي تهـد الحيـل من وين ماجيتهـا لابـه
    ماتقبل الغـش والتمثيـل ولاتقرب الذل واصحابـه
    منزالهم فوق نجم سهيـل وفيهم من الجدي مرقابـه
    والله يالشعر ليلـك ليـل أفعالهـم ماهـي إكتابـه
    ورثن من أجيال ماهو جيل مايموت والنـار شبابـه
    ماني مغني لبحـر النيـل طـاروق ٍ الكـل غنابـه
    سراية المزن يـوم أخيـل ماللطواريـق متشـابـه
    على ديار أبيض المنديـل طفل ٍ تركته على أعصابه
    يستاهل الحـب والتدليـل لوقالوا أسرفـت بألعابـه
    تركي يابوك الزمان يميـل وقلون هالنـاس مرتابـه
    يابوك كلش علينا إدخيـل وأفكارنـا راحـت نهابـه
    حنا بزمن يكثر التضليـل وإلا هالإرهاب وش جابه ؟
    ياتركي جدودك أهل الخيل لا أوصيك يانسل هاللابـه
    أطلع على جدك الحلحيـل اللي يـدل الكـرم بابـه
    واللي لثقل الحمول يشيـل ماخاب من هـو تهقوابـه
    تكبر وأعلمـك بالتفصيـل درس ٍ ولا غيرك أولابـه
    لو إن هالوقت حط وشيـل والحـر يشبـع بمخلابـه


    منقول من منتدى مخلف بأسم (الذيب)
  • عبدالرحمن الهيلوم
    عضو
    • Apr 2007
    • 21232

    #2
    صح السان شاعر قبيلة حرب الغاليه ومشكووووووور يالذيب وحياك الله تحية المطر

    تعليق

    • مرزوق حمدان العتيبي
      مشـرف عام
      • Nov 2003
      • 20403

      #3
      ..
      .
      صح لسان المبدع بدر ....
      ولاهنت يالفيصل ...
      اخوكــ
      [align=center]
      [poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
      فدوة ٍ للمصطفى روحي وماتملك يميني = كيف (لا) واللي خلقني حط حبه في كياني
      حط حبه في كياني ماتغيّره السنيني = وانثني من دون عرضه بالذراع وباللساني[/poem]







      @Marzouq_MHD
      [/align]

      تعليق

      • أبو مرحبا
        مشرف عــام
        • Jan 2005
        • 8037

        #4
        [align=center]بالتوفيق للشاعر بدر الظاهري الحربي

        لاهنت على المعلومات[/align]
        [align=center]



        [/align]
        [align=center]إن قلَّـت الوزنـه وربعـي مشافيـح ** أخلـي الوزنـه لربعـي واشـومـي[/align]
        [align=center][/align]

        تعليق

        • عبدالله بن دبيس العتيبي

          رابطة محبي الهيلا

          • Oct 2007
          • 2463

          #5
          حياك الله ياخوي الفيصل

          وصح اللسان الشاعر المبدع / بدر الظاهري
          قصيدة جميلة ولله يخليله تركي


          ومليون نعم في حرب اخوان وعواني ونكن لهم كل الحب والتقدير



          وتقبل تحياتي

          تعليق

          • ابن سعّيد
            عضو ذهبي
            • Jul 2006
            • 369

            #6
            مشكور وماقصرت ويستاهل بدر

            تعليق

            • عبدالرحمن العوني
              عضو نشيط
              • Mar 2008
              • 41

              #7
              ما قصرت أخوي/الفيصل المخلفي
              وصح اللسان الشاعر/بدر
              والله يوفقه

              تعليق

              • عبدالله الجـــذع
                مشرف منتدى قصه وقصيده
                • Sep 2007
                • 8093

                #8
                الله يوفق بدر ...

                مشكور يالغالي..
                قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) .


                .
                قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم !
                فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه )

                .

                موقع يضم جميع القراء


                هنا

                تعليق

                • مشتآق !
                  عضو فضي
                  • Mar 2008
                  • 252

                  #9
                  الله يعافيكم على تفاعلكم مع الموضوع
                  اشكرك اخوي .عبدالرحمن الهيلوم,مرزوق حمدان,ابو مرحبا,عبدالله بن دبيس,ابن سعيد,عبدالرحمن العوني,عبدالله الجذع
                  الله يسلمكم على ردودكم الراقيه برقي اصحابها سلمتم جميعاُ
                  اخوكم/فيصل بن حمدي المخلفي

                  تعليق

                  • محمد فيحان العصيمي

                    رابطة محبي الهيلا

                    • Oct 2007
                    • 1073

                    #10
                    بالتوفيق لبدر الحربي

                    تعليق

                    العمل...