بندر بن محيا تحت المجهر

طي
X
 
  • التوقيت
  • إظهار
مسح الكل
المشاركات الجديدة
  • خـ الهيلا ـالد
    عضو فعال
    • Nov 2007
    • 107

    #16
    يعطيك العافية


    وبصراحة الشاعر بندر المحياء شاعر كبير واناء بصراحة اعتبرة خليف الشاعر نايف صقر

    تعليق

    • نسل المحيا
      عضو نشيط
      • Aug 2007
      • 68

      #17
      يستاهل بندر

      أنا اختلف مع الأخوان اللي يقولون يشبه نايف صقر،

      كل مافالامر ان بندر "يختار المفردة بعد جهد" واعتقد ان له منهجه وله خطه بعيد عن نايف اللي يكتب شعر خاص فيه


      اتمنى مانظلم بندر ولانايف بهالشي لان هذا غير صحي!!

      واتمنى ما نظلم النجوم الشابة على حساب شعراء سبقوهم،

      تعليق

      • نسل المحيا
        عضو نشيط
        • Aug 2007
        • 68

        #18
        .



        قصيده مسنده على الشاعر نايف بن عبيد بن جليغم القحطاني


        .

        .

        [poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
        ياراكب اللي كنه النشمي ليا صاح النذير =اليا انتخت مجمولة ٍ ذبت فالارض خمارها

        جيب ٍ ليامن داس له سواقه بحزة عصير=يطيّر ارض ٍ لامشى فيها يطير غبارهــا

        حنت سيوره كنها الى اشتغل هدرة بعير=على سواني من ربط محالته واكوارها!

        يظهر ثرى ارض ٍ بعّد الما عن محاجرها الهجير!=ويدني بلاد ٍ تتعب الركبان في مسفارها

        النور غاز ولايطق اليا سرى النور القصير=برق ٍ يصب من الرفيف بقــاع الارض امطارها!

        مراتبه مخمل وجلد ٍ ناعم ٍ كنه حرير=وسيوره تهوجس ودلكـّوه يبيح اسرارها

        كنه ليا راوْدته الطرقه وشفته يسـتدير=شيخ ٍ تعازمه الرجال كبـارها وصـغارها

        والياوقف كنه خلف هذال قدام الامير=يلقي قصيده فالوطن ويعد فعل اخيارها

        لونه (نحر) عذراً على العشـاق شر ٍ مستطير=في لبة ٍ ماتفرقـه لا لبْــست اكـسـسـوارها

        لاديس له تقول توحي من ورى الصدر الزفير=ولاريـّـحه كن الكفر تصالحت مع قارها

        واليا رسى كنه يقول اليوم تحديد المصير=ومسرى الليالي طاب جايدها وقطف ثمارها!

        عقب انهزم ثلثين ليل وحوّل الثلث الأخير=وخيل الهواجس حطت الضلع القصي مضمـارها

        ينصى شـجاع ٍ من نسـل قحطان مروية الشـطير=السـربه اللي عالية شـان وعلا مــقــدارهــا

        ذوي جليغم رحمة المسـجون فاليوم العسير =لاوّصل الدم الركب والخيل في مـثــارهـا

        وانا من رجال ٍ لهم وقفه لياغار المغير =لـطـامــة العايـل ومكرمة الضيوف بدارها

        اعـتيبه الهيلا هل الطولات حامية القصير=يكفيك لاعدوّا مع الأيـام فـعـل احـرارها

        ويانايف ابن عبيد مادونك يابوجليغم شوير=والناس من دونك مااشاورها ولا ابغى شـارها

        عطني حلول المسأله والوضع من تالي خطير=قـبل الليـــالي ياولــد ماتتخذ قــرارهــا

        مع عالم ٍ ماعاد تعطي لاقليل ولاكثير=والمشكله انه مالقى مع كل هذا غارهــا!

        وش حيلته لامن وقف مابين برد وزمهرير=مابين برد وزمهرير وبين شعلة نـارهـا!

        اليا حضر ماينصفونه وان سكت ماهو بـخير=وان غاب قالوا حجة الغايب خذت شــعّارهـا

        والرازق الله والحســود اللي على الرقـه يسير=ماطوّل بعمر البشــر ولاقصـْـر فـــ اعمــارهــا

        يالشــاعر المبدع وانا شاعر ولي قلب وضمير =يوم الضمايـر فالخفا يجُــاد لعب ادوارهــا

        وقال المثل أسأل مجرب قبل ماتسأل خبير=وانته من اهل الفكره اللي ينظر بمنظارهــا

        رد الجواب لشــاعر ٍ ماخاف لاصــاح النذير=ومسرى الليالي طاب جايدها وقطف ثمارها[/poem]

        بـنــدر بـن مـحــيــّـا
        اسلوب شعري (خاص فيه) ماشاء الله عليه حتى القصايد اللي على الطرق الاول

        تعليق

        • فهد سعد العتيبي
          عضو
          • Jan 2008
          • 14

          #19
          والله ونعم في بندر المحيا شاعر مبدع ورائع وسيثبت وجوده في الايام القادمه وعلى طاري عمل بندر انا سمعت انه معلم ويدرس في مدرسة
          تمير التابعه لسدير على طريق القصيم وانا الي قالي العلم هذا معلم في تمير و قال بعد انه بصوتله وشكرا

          تعليق

          • متعب المحيا
            كبار الشخصيات
            • Dec 2007
            • 89

            #20
            اخوي رجال اشكرك علي ما قدمت . وبندر بن محياء يستاهل .


            شاعر متمكن وننتظر المرحله القادمه. والتصويت جاهز لابن محياء

            وباقي شعراء عتيبه.

            تعليق

            • ابن ابوظبي
              عضو
              • Jan 2008
              • 14

              #21
              [align=center]

              بندر المحيا شاعر جميل جدا


              استطيع ان اجزم بانه من اجمل الشعراء حاليا


              وكذلك اخلاقه العاليه تجعله محبوب من قبل الجميع [/align]

              تعليق

              • متعب المحيا
                كبار الشخصيات
                • Dec 2007
                • 89

                #22
                عبدالله الجذع
                الله لا يهينك على مرورك
                سلمت ودمت

                تعليق

                • هامان
                  عضو
                  • Jan 2008
                  • 8

                  #23
                  شاعر كفو ولاهي غريبة من العتبان كل يوم شاعر ومهوب اي شاعر

                  تعليق

                  • بـرق الـذيب
                    عضو ذهبي
                    • Apr 2007
                    • 341

                    #24
                    صراحه شاعر خياله واسع

                    وتدخل معه عالم الابداع والخيال من أوسع الابواب

                    الله يوفقه في هذه المسابقه وشعراء عتيبه اللي معه

                    تعليق

                    • متعب المحيا
                      كبار الشخصيات
                      • Dec 2007
                      • 89

                      #25
                      الأخ هامان والأخ برق الذيب أشكركم علي المرور ولاهنتوا.

                      تعليق

                      • محمد بن قميشه النفيعي
                        عضو فضي
                        • Apr 2007
                        • 230

                        #26
                        [align=center]الصبر وين الصبر يارابـط الجـاش
                        الصبر بعض احيان مايْوكلـك عيـش
                        مثل المحال اللي طوى حال الادبـاش
                        ومثل الظما على الكبـود المعاطيـش
                        فالصدر ضيق وينقش القلـب منقـاش
                        وتبغاني اصبر واحتسب وقفتي ليش؟؟
                        أصلاً انا ماجيت ابيع الهـوى كـاش
                        لو زوّدو سعر الهـوى بالبخاشيـش..
                        ياعنك كن الارض لي غرفـة انعـاش
                        افزع وقم رد البـرى جعلـك تعيـش
                        من صاحب ٍ خلاّ سما الفكـر ينـداش
                        اللـي ينقّـض ضافيـات العكاريـش
                        اللـي تركنـي كـل ليلـه ومغبـاش
                        اسوق رجلي في طـوال المطاريـش
                        لاهـوب لانايـر ولانيـب منحـاش
                        ولاحصـل صّـده ولّـده وتطنيـش !
                        قلـه رفيقـك مبلـش ٍ حالـه ابـلاش
                        عقبك حياته كلها طيش فـي طيـش..
                        وقله خذ عيونه غطـا بـرد وفـراش
                        وله بحر شعر ٍ مااسبحوه الطواويـش
                        عسى دياره بيـن سجـه ومطـراش
                        لحقوق غيم ٍ مـع مطرهـا مراهيـش
                        يمطر ثلاث ايام من وبـل ورشـاش
                        على الصفا وارض ٍ وطاها هشاهيـش
                        عليه وجـدي تـارك ٍ قلبـي عـراش
                        ومسوي ٍ في موجة البـال تشويـش!
                        وعرق الردى في صامد الراس ماعاش
                        لو مرّني راع الثمـان المباهيـش...
                        ولانيب لا لاش ٍ ولا اخـاوي الـلاش
                        ولاحسبت حسـاب الايـام بالشيـش!
                        ياصاحبي من يوم بعض العرب طاش
                        يكفيني اني مـن شيـوخ الحناتيـش..
                        هل النياق اللـي عراقيبهـا حـراش
                        وهل السيوف الساطيـات المباطيـش
                        واللي تثلثل فـوق علبـاه الاعشـاش
                        محسوب ٍ حساب الضعوف الدراويـش
                        وهدر العمانـي مايقـارن بالاكبـاش
                        والنصر مايفعل فعول اشقـر الريـش
                        والصدق مايطري على بـال غشـاش
                        والخبل خبل ولو مشى مـع مداغيـش
                        وعميش لوانـه ظهـر مثـل عمَـاش
                        الطيب مايحصـر بعمـاش وعميـش
                        الطيب واضح في عيون ٍ بها ارمـاش
                        مثل الجدي واضح على غيـر تفتيـش
                        ياسعـود سيّرهـا بمرقـاب ومشـاش
                        وشش في وجيه ٍ يمك تهوز وتشيـش
                        خابرك انا ياعالـي البطـش بطـاش
                        ياشوق من تلبس زمـام ودناديـش...
                        يـوم النوايـا لونهـا كنـه الـشـاش
                        عطني علوم اللي جفا يااشقر الريـش


                        من يملك مقدره شعريه وفخر وتفاخر بهذه الصوره يستحق ان يطلق

                        عليه شاعر بما تحملها الكلمه من معنااا

                        تقبلوو تحياتي

                        محمد بن قميشه[/align]

                        تعليق

                        • ابو بدر الروقي
                          عضو فعال
                          • Apr 2007
                          • 139

                          #27
                          بنـــدر المحـــيـــا شي جميل شـــاعر كبير ويمكن شاعر المليـــــون بيعطيه شوي ظـــهور أعلامي أتوقع انه سوف ينافس على المراكز المتقدمه باذن الله وبالتوفيق لشعار عتيبه فى شـــاعر المليــــــون يارب أســـجلـ أعجابـــي فى شعره ومايمز بندر هو هــــدوء الشاعر يحسب لهــ

                          تعليق

                          • ناصر العصيمي
                            عضو ممـــيز
                            • Apr 2003
                            • 5301

                            #28
                            *·~-.¸¸,.-~*[blink]يعطيك العافيه يالغالي
                            وبالتوفيق لبندر[/blink]
                            *·~-.¸¸,.-~*

                            تعليق

                            • متعب المحيا
                              كبار الشخصيات
                              • Dec 2007
                              • 89

                              #29
                              الاخوان محمد النفيعي وابوبدرالروقي وناصر العصيمي والنعم فيكم.

                              لاهنتوا واشكركم علي المرور.

                              تعليق

                              • مشاري بن محيا
                                عضو نشيط
                                • Nov 2007
                                • 90

                                #30
                                معليكم زوود ,, الاستاذ راشد الدوسري اشكرك على كل ماقلته في الشاعر بندر بن محيا ,,, الاخ العازمي يعطيك العافيه على النقل

                                الله يوفق شعار عتيبه كلهم

                                تعليق

                                العمل...