خالد متأهل للمرحلة القادمة وبدون تصويت !!

طي
X
 
  • التوقيت
  • إظهار
مسح الكل
المشاركات الجديدة
  • عاصم البرقاوي
    عضو نشيط
    • Mar 2007
    • 63

    #1

    خالد متأهل للمرحلة القادمة وبدون تصويت !!

    يا جماعة اخذوا العلم ( خالد متأهل للمرحلة الثانية )

    حتى لو ما صوت له أحد !!!

    يقولي أحد الاخوان العارف ببواطن الأمور ( يعني على قولتنا يجيب العلم )

    ان لجنة التحكيم كانت بترشح خالد أول واحد ولا يدخل في مرحلة

    التصويت ,,, لكن بعد قصيدة الامارتي خلفان جاهم إتصال من المزروعي

    والمزروعي أكيد جايه اتصال من فوق بأنهم يرشحون خلفان ولا يدخلونه

    مرحلة التصويت واستبداله بخالد ، لأن الاماراتي لو دخلوه مرحلة التصويت

    ونجح الحلقة الجاية بدأت الشكوك في أمره ، لكن خالد لا حتى لو نجحناه

    لن يشك أحد فيه فخلفه قبيلة كبيرة أكيد هي اللي نجحته بتصويتها .

    يعني خالد متأهل متاهل وبدون أي تصويت وبنشوف الحلقة القادمة .

    يعني حتى لو ما جا البرنامج الا 10 أصوات لخالد فقط مرشحينه غصب

    عنهم ،،، فهم لا يستطعون خسارة شاعر كبير بحجم خالد ...


    يعني احفظوا رصيدكم لمراحل قاااااااااادمة .
  • قايد_السرب
    عضو فعال
    • Mar 2005
    • 120

    #2
    اقول ولو طلع خالد من المسابقه وش السواه

    حبيبي خل عندك ياقين ان العتيبي الاصيل لن يترك ابن عمه في وسط المعمعه

    ياعاصم كلامك ذا يذكرني في المرحله الاولى قالوا ان خلف بن هذال هو ومستور دخلوا على محمد بن زايد وطلبوا ان نسبة يوسف العصيمي تزاد وعلى الاقوال الي سمعناها بأن محمد بن زايد رفع نسبة يوسف وبالاخير طلع العلم ماهوب صحيح

    خلنا نفرض ان كلامك صحيح ونترك خالد في المعمعه اذا طلع من المسابقه هل يفيده تصويتك او منهو المستفيد الاول من موضوعك وتحريض شباب وقروم عتيبه بأنهم لايصوتون

    ملحوظه

    ( الرصيد مفتوح من بكره لجل عيون خالد والادمفلح)

    مانيب دعجاني بس طناختٍ في هالراس
    تم التعديل الأخير بواسطة قايد_السرب؛ 05-Jan-2008, 04:54 AM.

    تعليق

    • عبدالرحمن الهيلوم
      عضو
      • Apr 2007
      • 21232

      #3
      والله يالغالي


      انا صوت واحرقت رقم 10من اربعة جوالات من امس

      تعليق

      • محب الهيلا
        عضو ممـــيز
        • Nov 2007
        • 20292

        #4
        التصويت ضروري لأشباع الطماعين اللي مسوين البرنامج

        تعليق

        • أبن مزحـــــــــم
          عضو نشيط
          • Jun 2007
          • 70

          #5
          ملحوظه

          ( الرصيد مفتوح من بكره لجل عيون خالد والادمفلح)

          مانيب دعجاني بس طناختٍ في هالراس


          تعليق

          • ناصر الحافي
            عضو ذهبي
            • Nov 2006
            • 301

            #6
            الله يوفق خالد رجل يستاهل من يوقف له ويدعمه

            تعليق

            • روقي511
              عضو نشيط
              • Aug 2007
              • 94

              #7
              يا شباب ما عليكم في هالكلام
              صوتوا لابن عمكم


              وبعدين عندي نصيحة يمدحون تطلع 4 شرايح موبايلي فاتورة وتحرقها
              بالتصويت وتنطلها
              تم التعديل الأخير بواسطة روقي511؛ 05-Jan-2008, 06:59 AM. السبب: مالك دخل

              تعليق

              • عبدالله هادي ناشي الفليت.

                رابطة محبي الهيلا

                • Sep 2007
                • 1791

                #8
                المشكـــــله في اللجنــه فيــــــــهم رخووم ونــذالـه

                تعليق

                • عاصم البرقاوي
                  عضو نشيط
                  • Mar 2007
                  • 63

                  #9
                  بيض الله وجيهكم على التصويت وهذا ماهو مستغرب على كا عتيبي

                  حتى هناك من صوت من خارج القبيلة ,,,

                  أنا نقلت لكم ما وصلني من اخبار ليس الا ...

                  الاخ قايد السرب : قل خير والا اصمت !!

                  تعليق

                  • سمران
                    عضو فعال
                    • Mar 2007
                    • 106

                    #10
                    ياجماعهوياعيال العم
                    خالد الدعجاني اكبر من البرنامج والبرنامج تجاري وهم من اسقطوا خالد
                    علشان التصويت وكنت اتمنى من جميع شعراء العتبان عدم المشاركه من البدايه
                    العام فيصل السواط قال صلي على محمد ولاتتبع يسوع وسقطوه
                    والحين خالد قصيده في الرسول وسقطوه
                    اتركوا البرنامج ملينا من كثر الهرج
                    واللي يب يصوت يصوت محد راده ولكن الحقيقه يبون يسرقون مال الناس بهذه الوسيله
                    قالوا ايش ان البرنامج مهتم بالشعر
                    لاحول ولاقوة الا بالله

                    تعليق

                    • سمران
                      عضو فعال
                      • Mar 2007
                      • 106

                      #11
                      ياجماعهوياعيال العم
                      خالد الدعجاني اكبر من البرنامج والبرنامج تجاري وهم من اسقطوا خالد
                      علشان التصويت وكنت اتمنى من جميع شعراء العتبان عدم المشاركه من البدايه
                      العام فيصل السواط قال صلي على محمد ولاتتبع يسوع وسقطوه ومشاري النثري قال قصيده في الرسول وسقطوه
                      والحين خالد قصيده في الرسول وسقطوه وكل القصايد جزله في معناها
                      اتركوا البرنامج ملينا من كثر الهرج
                      واللي يب يصوت يصوت محد راده ولكن الحقيقه يبون يسرقون مال الناس بهذه الوسيله
                      قالوا ايش ان البرنامج مهتم بالشعر
                      لاحول ولاقوة الا بالله

                      تعليق

                      • القرناص 999
                        عضو فضي
                        • Nov 2007
                        • 205

                        #12
                        عاصم اسمحلي اقلك انك ماعندك سالفه ياخي اذا ماتبي تصوت

                        لاتصوت مااحد رادك اما تروح تجيب هرج مومؤكد وتهبط عزايم الشباب

                        هذي مانرضاها ياخي حنا نبي نصوت لخالد ومعاه الين اخر البرنامج فهمت

                        واشكر الشباب وعساكم على القوة نبي نسبته فوق شدوا حيلكم

                        قايد انت اعجبني كلامك اكرر شكري لك

                        تعليق

                        • محمد بن غازي
                          مشرف عــام
                          • Jun 2005
                          • 5252

                          #13
                          برنامج شفط فلوس بأسلوب راقي وبس

                          تعليق

                          • قايد_السرب
                            عضو فعال
                            • Mar 2005
                            • 120

                            #14
                            تم النشر في الأصل بواسطة عاصم البرقاوي عرض المشاركة
                            بيض الله وجيهكم على التصويت وهذا ماهو مستغرب على كا عتيبي

                            حتى هناك من صوت من خارج القبيلة ,,,

                            أنا نقلت لكم ما وصلني من اخبار ليس الا ...

                            الاخ قايد السرب : قل خير والا اصمت !!

                            قل خير والا اصمت== انت جايب هالموضوع وتبي الناس تصمت غريبه بس انا راح اقولك =ياصوت او ارخ راسك بين الرمك ولا ترفعه

                            تعليق

                            • رمزي المقاطي
                              عضو نشيط
                              • Jul 2007
                              • 98

                              #15
                              والله إنه أفضل من غيره

                              بس البرنامج محبوك


                              الله يوووفقه هو وعيال عمه اللي معه

                              تقبل مروري

                              تعليق

                              العمل...