اهل الفخر عند الملاقى مغاوير**من اول العتبان لاتلى ضناهم...

طي
تم إغلاق هذا الموضوع.
X
X
 
  • التوقيت
  • إظهار
مسح الكل
المشاركات الجديدة
  • عتيبي النجدي
    عضو نشيط
    • May 2005
    • 53

    #1

    اهل الفخر عند الملاقى مغاوير**من اول العتبان لاتلى ضناهم...

    اخواني أعضاء منتدى الهيلا
    السلام عليكم
    كتبت لكم هذه القصيدة بعد الحكم الجائر على مشاركة
    يوسف العصيمي بعد ان حصل على 22% وم قبل لجنة الظلم
    والجوور..

    اترككم مع القصيده واتمنى ان تحوز على اعجابكم....

    البارحة ما نمـــت ليــــلي تفاكــــير ***** يوم ان بعض الناس حقق منـاهم

    في شاعر المليون حسب التصاويـر ***** عــبر القنـــاة اللي تبنت لقــــاهم

    من لجــنة التحكيم مدهونة الســـير ***** اللــي ولد زايد بمــــــاله شــراهم

    باعوا ذممهم وسط سوق المخاسير ***** كبــوا على المسرح بواقي حـياهم

    نشوى تسيرهم على الكيف تسـيير ***** روضــه بعد تنهى وتامر عـــلاهم

    في حكمهم يا ناس ما به معايــــير ***** فالحـــكم يدخل يا خلايق هـــواهم

    مابه عداله .. تعطي الحق تجـــيير ***** يــم الذي له بان صـــــادق ولاهـم

    ملامـح الدكتـــور ترســـم تعابـــير ***** تحــكي على وجهه ملامح عــداهم

    زود على غسـان مستشــعر مطــير ***** مــع فالك التوفيق وايضا عمــاهم

    ما فيـهم اللي يرفع الراس تنـــوير ***** كـــود الذي ليته برجــله وطـــاهم

    لا خير في من يجحد الحق لا خــير ***** لا خــير في الحكـام واللي وراهم

    والا ولــــد رزاق وافـــي اشابـــير ***** وافــي لا تضره ســـواة حقـــداهم

    مجنــون يوسف جاب كل التفاسـير ***** في شــاطي الراحه وبيح خفـــاهم

    عطــاهم الصالي بكشف الاساريـــر ***** ما انصاع للجنه وغصب يعصـاهم

    نسل الرجال اللي لهم يخضع الغـير ***** غصــب بلا منــه بساعة لقــــاهم

    ليا احتــمى الميقاف صفوا طوابــير ***** ما خاب من هو فالمواقف نخـاهم

    أهــل الفخر عنــد الملاقى مغاويـــر ***** من اول العتـــبان لاتلى ضنـــاهم

    تكفــون يا العتبان اهل المعاســــير ***** بــرقا وروق اللـي يــذري ذراهم

    هبوا ترى هالحرب حرب الفواتــير ***** ما هـي ملاقى وجـيه حتى نتـفاهم

    نـبا على فوزه نســــوق التباشــير ***** واهـل الردى يرجع عليهم رداهـم




    اخوكم
    عبدالله العطاوي
  • كاسر البرقاوي
    عضو فعال
    • Feb 2007
    • 149

    #2
    صح لسانك يابن العطاوي وبيض الله وجهك على هالقصيده الجزله



    وحنا مع يوسف اللي اثبت في الحلقة الماضيه انه بحر من الشاعريه والأبداع والله يجملنا جميع ان شاء الله

    تعليق

    • بن ريمان
      عضو
      • Mar 2006
      • 16

      #3
      الطايف

      بيض الله وجهك يابن العطاوي
      وتكفون ياعتيبه صوتو ليوسف والله اني انتقهرت من اللجنه ولاكن الوعد قدام وحنا عتيبه لطامه العايل وحضنا انشا الله طيب في كل شي




      مع تحيان بن ريمان العصيمي

      تعليق

      • عتيبي النجدي
        عضو نشيط
        • May 2005
        • 53

        #4
        كااسر البرقااوي

        صح بدنك يااولد العم ووجهك ابيض

        لا هنت ويوسف يستاهل الفزعه واكثر

        ووردها علانا

        اذا ان السالفه صارت عزااوي ***** اوردها على العد الرهــــاوي

        اوردهـا على العتباان ربـــعي ***** هل الفزعات مخلفة الهقـاوي


        وشاكر لك مرورك

        تعليق

        • عتيبي النجدي
          عضو نشيط
          • May 2005
          • 53

          #5
          ابن ريمان

          صح بدنك ياذيبان

          وتسلم على مرورك واطراائك

          شاكر لك

          تعليق

          • فتى عسيله
            (مصـمـم)
            • Apr 2006
            • 379

            #6
            مجنــون يوسف جاب كل التفاسـير ***** في شــاطي الراحه وبيح خفـــاهم

            عطــاهم الصالي بكشف الاساريـــر ***** ما انصاع للجنه وغصب يعصـاهم



            صح لسانك يالعطاوي وبيض الله وجهك

            تعليق

            • الروسان فرسان
              عضو فضي
              • Oct 2006
              • 268

              #7
              صح لسانك يالعطاوي قصيده جزله وما عليها خلاف وفالك التوفيق والمليون بعد ومافيك حيله يالمحيط الاطلسي خخخخخخ


              عافاك الله الله اخوي العطاوي قصيده اكثر من رائعه وصح لسانك

              والسلام خير ختام

              تعليق

              • شبابه1
                عضو نشيط
                • Mar 2007
                • 34

                #8
                تكفــون يا العتبان اهل المعاســــير ***** بــرقا وروق اللـي يــذري ذراهم
                صح لسانك

                تعليق

                • فارس @عتيبه
                  عضو فعال
                  • Nov 2006
                  • 106

                  #9
                  صح لسانك ياولد العطاوي وبيض الله وجهك

                  وفالك المليون ههههههههههه بس مهب مليون حمد التعيس

                  مليون الهيلا ضباحة الحايل لطامة العايل

                  تعليق

                  • فارس @عتيبه
                    عضو فعال
                    • Nov 2006
                    • 106

                    #10
                    صح لسانك ياولد العطاوي وبيض الله وجهك

                    وفالك المليون ههههههههههه بس مهب مليون حمد التعيس

                    مليون الهيلا ذباحة الحايل لطامة العايل

                    تعليق

                    • الوليد الاسعدي
                      مشرف عام
                      • Jul 2003
                      • 2336

                      #11
                      هبوا ترى هالحرب حرب الفواتــير ***** ما هـي ملاقى وجـيه حتى نتـفاهم
                      هبوا ترى هالحرب حرب الفواتــير ***** ما هـي ملاقى وجـيه حتى نتـفاهم
                      هبوا ترى هالحرب حرب الفواتــير ***** ما هـي ملاقى وجـيه حتى نتـفاهم
                      هبوا ترى هالحرب حرب الفواتــير ***** ما هـي ملاقى وجـيه حتى نتـفاهم

                      صح السانك يالعطاوي وبيض الله وجهك .
                      [bdr][/bdr]
                      و أنا عتيبي من سلالة هـوازن *** ربعي عوايدها الفخر من جدودها
                      ما نوشي الفتنه ولا نحرث الردى *** ولا نهاب اليا تسامت وقودها
                      ان ميل الميزان من قوم يمنا *** صبرنا لها لوكان كبرت لهودها
                      وان ميل الميزان منا على العدا *** نروي من السم السقطري كبودها

                      تعليق

                      • نواف العصيمي
                        مشرف عــام
                        • Sep 2006
                        • 10282

                        #12
                        هبوا ترى هالحرب حرب الفواتــير ***** ما هـي ملاقى وجـيه حتى نتـفاهم

                        صح السانك ياعتيبي وبيض الله وجهك قصيدة جزله من جزل

                        تعليق

                        • سفيرشيبان
                          عضو فضي
                          • Jan 2007
                          • 205

                          #13
                          ياخوان افرضوا ان رشحنا كم بيحصل عليه يعني 72 ماتسوي شي

                          تعليق

                          العمل...