الـجـمـل طاح ياعتيبه والسبب تـقـاعـس البعض..؟

طي
تم إغلاق هذا الموضوع.
X
X
 
  • التوقيت
  • إظهار
مسح الكل
المشاركات الجديدة
  • أبو مرحبا
    مشرف عــام
    • Jan 2005
    • 8037

    #1

    الـجـمـل طاح ياعتيبه والسبب تـقـاعـس البعض..؟

    [align=center]
    السلام عليكم


    مساكم الله بالخير


    عرفتوا الجمل اللي اقصده أكيد عرفتووه




    خيرها بغيرها ياعتيبه يااهل الشعر


    لانه شاعر المليون طلع على حقيقته السالفة حمية

    ذا الشاعر عبدالرحمن الشمري طلع من عيال عمه الطنايا كذلك ابن فطيس من اهل قطر ويام وال مرة

    كذلك الحبابي من أهل الامارات وقحطان وبني هاجر وفزعت معه يام


    مابقى لكم غير شاعر واحد ياسلاطين نجد والدعوة بيدكم أما خليتوه يكفخ بجنحانه لفوق ولا كسرتو جنحانة


    نبغى نعيد الصفوف لاني لاحظت عدم التحمس في التصويت لشاعر القثامي لدى بعض عتيبه

    وذي قرصة لعل وعسى تنبهكم ياابناء عمي


    وانتم اهل الفزعات


    لاتخلونه ياالنشاما خويكم وابن عمكم الباقي الوحيد من شعار قبيلة عتيبه الهيلا




    نتمنى لكم التوفيق




    على فكرة يااخواني العتبان :

    أما مجموعة اليوم التي جمعت الشاعر تركي المطيري والشاعر عبدالله عبيان اليامي والشاعر المنصوري والشاعر العماني
    اتمنى نكون نحن ياابناء عتيبه محايدين من بغى يصوت لشاعر معين كيفه أما يجي واحد ملقوف ويقول خلونا نصوت لفلان فقط لا والف لا

    اليوم كلكم شفتوا الحلقة والشاعر اللي اعجبكم ويستاهل التصويت صوتوله





    اسمحولنا على القصور يالربع
    [/align]
    [align=center]



    [/align]
    [align=center]إن قلَّـت الوزنـه وربعـي مشافيـح ** أخلـي الوزنـه لربعـي واشـومـي[/align]
    [align=center][/align]
  • نواف نايف
    عضو فعال
    • Dec 2006
    • 110

    #2
    ابومرحبا مشكور على الموضوع وعلى الاهتمام بشعراء عتيبه وهذا ليس بغريب على عتيبه

    وخروج فهد يمكن يكون خيره وفهد شاعر بمعنى الكلمه

    ومبروك للحبابي يستاهل كل خير

    والوعد قدام ياشاعر المليون

    تقبل تحياتي

    تعليق

    • ماجد الرويس
      شـــاعــر
      • Dec 2005
      • 281

      #3
      بيض الله وجهك يابو مرحبا علي الاهتمام وانشالله نعوضها في يوسف العصيمي

      اما حلقة الليلة انا ارى ان تركي 200هو نجمها وافضل الاربعة ....

      وتحياتي لك يابو مرحبا

      تعليق

      • ابوفهد العتيبي
        عضو ذهبي
        • Feb 2007
        • 309

        #4
        الوعد قدام وذخرو التصويت ليوسف العصيمي العتيبي

        لا تكسر مجاديفكم يامال الغنيمة خيره بغيره

        تعليق

        • المسعودي
          عضو نشيط
          • Jan 2003
          • 38

          #5
          مساكم الله بالخير يالربع

          ابومرحبا لاهنت ابي طريقه اتواصل معاك فيها
          بخصوص سبق موقع الهيلا باستضافة الشاعر فهد القثامي

          لان خاصية الرساله الخاصه غير ممكنه عندي.

          تعليق

          • ناصر الحافي
            عضو ذهبي
            • Nov 2006
            • 301

            #6
            نواف منيف
            اللي كتب الموضوع في منتدى المطران هذا يبي يثير الفتن والعنجهيات الباطله وانا اقول ماله الا التطنيش
            ولا لو بغينا عرفنا نرد بقصيد وبغير قصيد لكن ماعلينا منه خل الكلاب تنبح محد درا عنها

            وبالنسبه ليوسف ما والله ننساه الوعد قدام ياشاعر المليون

            تعليق

            • أبو مرحبا
              مشرف عــام
              • Jan 2005
              • 8037

              #7
              [align=center]يالربع كاتب الموضوع يمثل نفسة فقط ولا يمثل قبيلة مطير العزيزة [/align]
              [align=center]



              [/align]
              [align=center]إن قلَّـت الوزنـه وربعـي مشافيـح ** أخلـي الوزنـه لربعـي واشـومـي[/align]
              [align=center][/align]

              تعليق

              • ناصر الحافي
                عضو ذهبي
                • Nov 2006
                • 301

                #8
                ابو مرحبا
                اتمنى انه مايعم قبيلة مطير كلها لانهم فيهم طيبين
                ولذلك حبيت اوضح نقطه والحمد لله على الشي هذا (ربعي العتبان ماتطرقوا لمثل هذا الموضوع ابدا ولاهي بسلومهم)
                وخطرهم وسيعه ومراجلهم ابدا ماعليهم
                ولكن اتمنى ان الله يهدي من كتب الموضوع

                تعليق

                • نبض المشاعر
                  مراقب سابق
                  • Mar 2006
                  • 5379

                  #9
                  نشكرك يبو مرحباااا على الطررح الرائع

                  وبالنسبة للتصوويت الصراحة

                  كان اليامي مبدع
                  دنيــــا ومــن يـــــدري كلــــ شــــئ يصـــير فيهــــا

                  تعليق

                  • النافذ
                    عضو مهم
                    • Jul 2005
                    • 6171

                    #10
                    [align=center]
                    ياربعي ياحبتي

                    بخصوص الموضوع الى في منتديات المطران

                    ان دخلت وقريت الموضوع

                    ولامانه هناك ارجال من مطير رد على المسكين

                    ومدحو في عتيبه

                    لكن ياخواني

                    حنا محنا سفهاء نلحق وراء ضعيف عقل ونكثر في الكلام

                    ونغضب الله علينا السفيه بكره يلقي سفيه مثل يرد عليه

                    ابو مرحبا طرحت فاحسنت الطرح
                    [/align]

                    تعليق

                    • الرومي

                      مشرف منتدى أخبار القبيلة واللقاءات

                      • May 2006
                      • 4514

                      #11
                      بسم الله الرحمن الرحيم
                      فالحقيقة انا اشوف ان موضوع شاعر المليون زاد عن حدة ,اشوف هناك من يسب القبائل ويحاول ايقاع بعضها بالبعض وهناك من يقراء ولايميز وتاخذة الحمية ويرد بقلب مخلص بينما الحقيقة لايفهمها.
                      زبدة الكلام هناك من يكتب بسم ابن القبيلة وهو لاينتمى لها ويسب قبيلة اخرا كي يوقع بين ابناء القبيلتين (لعن الله الفتنة ومن ايقضها)وا لادها من ذلك هو تحمس بعض الاعضاء والرد بسرعة وهذا مايريدة المفسد.
                      عاشت عتيبة ,وعاشت مطير ,وعاشت شمر.جميعنا ابنا وطن واحد ديننا واحد هدفنا واحد شرعنا واحد اصلنا واحد وعاشت بقية قبائل المملكة وشعبها الكريم .
                      migeed33@hotmail.com

                      تعليق

                      • النافذ
                        عضو مهم
                        • Jul 2005
                        • 6171

                        #12
                        تم النشر في الأصل بواسطة الرومي عرض المشاركة
                        بسم الله الرحمن الرحيم
                        فالحقيقة انا اشوف ان موضوع شاعر المليون زاد عن حدة ,اشوف هناك من يسب القبائل ويحاول ايقاع بعضها بالبعض وهناك من يقراء ولايميز وتاخذة الحمية ويرد بقلب مخلص بينما الحقيقة لايفهمها.
                        زبدة الكلام هناك من يكتب بسم ابن القبيلة وهو لاينتمى لها ويسب قبيلة اخرا كي يوقع بين ابناء القبيلتين (لعن الله الفتنة ومن ايقضها)وا لادها من ذلك هو تحمس بعض الاعضاء والرد بسرعة وهذا مايريدة المفسد.
                        عاشت عتيبة ,وعاشت مطير ,وعاشت شمر.جميعنا ابنا وطن واحد ديننا واحد هدفنا واحد شرعنا واحد اصلنا واحد وعاشت بقية قبائل المملكة وشعبها الكريم .

                        اخي الرومي

                        ماقول غير بيض الله وجهك على الطرح الرائع

                        وفعلآ الواحد يفتخر انك من ربعه

                        اخوك النافذ

                        تعليق

                        • الرومي

                          مشرف منتدى أخبار القبيلة واللقاءات

                          • May 2006
                          • 4514

                          #13
                          بارك الله فيك اخوي الناقد .
                          عتيبة كبيرة بحلمها وعلمها وعقلها (ماتهزك لاعواصف ولاغدر عملا) من يسي لعتيبة لايمثل قحطان,او مطير او او او او ومن يسي لمطير لايمثل شمر اواواواواو .خزعبلات صبيانية لاتحرك احساس الزحول من الرجال.
                          migeed33@hotmail.com

                          تعليق

                          • فيحان بن فياح
                            (قناص عتيبه)
                            • Feb 2007
                            • 348

                            #14
                            عتيبة يابني عمي ياذخر أبوي

                            صدق أخي الرومي فيما قال ولايهون الباقين

                            وبالنسبة لطيحت الجمل أن شاء الله ماطاح دام فيه جمل ثاني ..

                            وعني أنا والله ونذر علي أمام الله ثم أمامكم أنه ليروح مني (3000) صوت لعيون عتيبة ثم لعيون يوسف

                            والله على ماأقول شهيد ..

                            أبو مرحبا أشكرك أبن العم .... تحياتي
                            أخوكم/فيحان بن فياح بن هاجد العضياني

                            تعليق

                            • (( المقاطي ))
                              عضو فضي
                              • Dec 2005
                              • 215

                              #15
                              ابو مرحبا انت مصدق ان فهد خرج بالتصويت
                              والله لو تبيني احلف لحلف انها من تدبير اللجنة
                              وكلامي هذا ماهو عاطفة والا زعل لخروج فهد
                              بس المقصد من هذي المسابقة مادي بحت وبفوز الحبابي
                              يكون هناك سعودي وعراقي وقطري وامارتي
                              وعتيبي ومري(يام) وقحطاني وشمري وعلى هالمسحوب
                              بالعربي يبون شعار من جميع الدول وجميع القبائل لزيادة التنافس وبالتالي الربح
                              يعني انت صوت للي تصوت وهم بيفوزون الي يبون

                              وفي النهاية ما لاحقنا في انفسنا ولا شعارنا شك

                              تعليق

                              العمل...