بالصور تغطية إجتماع العضيان

طي
X
 
  • التوقيت
  • إظهار
مسح الكل
المشاركات الجديدة
  • محمد بن دليم
    عضو نشيط
    • May 2003
    • 89

    #1

    بالصور تغطية إجتماع العضيان

    [align=center]كانت ليلة من أغلى الليالي ويوم مشهود من أيام العضيان الخالده , يومُ تألفت فيه القلوب وامتزجت فيه اواصر المحبه والاخوه وروابط الدم وتلاحمت فيه كل معاني الوفاء كأن ذلك اليوم يذكرنا بأحد ايام العضيان الخالده ولكنه يفرق عنها بأنه يوم سلم لاحرب , كان ذلك اليوم أول يوم تجتمع فيه القبيله عن بكرة أبيها بعد تلك الايام الغابره التي لانفتى نسمعها من كبار السن حين يحدثوننا من سراديب ذاكرياتهم عن تلك الايام (ابرقيه وطلال وعروى والرشاويه وعصام وضلاع الدياحين والشعب والجرير وبدن) .. شعرنا بها جميعا تلك الليله , شعرنا بعظمة اللقاء وترابط القبيله وتوادها وتراحمها , إرتفعت الاصوات في ذلك المساء بالترحيب والثناء واختلطت بشذا العود الذي عج به أرجاء المكان وتناغمت على ابخرته قصائد العضيان وامطرت شعراً في ارجائها فسالت على اثرِها قرائح الشعار فأحيوها بذكر الابطال وترنمت بها الاذان حتى ساعات الصباح الاولى وكان لسان حال كل واحدٍ من الحضور يردد قول الشاعر
    بالله قولك هذا سال من عسلِِ=أم قد صببت على أفواهنا العسلا.
    فهؤلاء هم العضيان .. من تلق منهم تقل لاقيت سيدهم = مثل النجوم التي يرى بها الساري
    الحفل:
    أقيم في ليلة الخميس الماضي الموافق 8/9/1428 هـ في القاعه الذهبيه بمحافظة الدوادمي إحتفال العضيان الكبير برعاية الامير بدر بن نايف الضيط
    وقد حظر الحفل جمعً غفير من القببيله يتقدمهم كبار العضيان وهم الشيخ صنيتان الضيط والشيخ شالح الضيط رئيس مركز الجمانيه والشيخ فيحان بن ناصر الشغار والشيخ عبدالعزيز الشغار والشيخ سلطان بن ناصر الشغار رئيس مركز خريمان الشغار والشيخ متعب بن ناصر الشغار رئيس مركز عريفجان وكذالك الشيخ قاعد الوهاب رئيس مركز ابو ركب والشيخ قاعد الحويقل والشيخ مصلح بن منيع الله بن ثعلي والشيخ مشاري بن شباب بن صويلح بن ثعلي وعدداً من وجها العضيان وكبار القبيله من ضباط وشعراء ورواة القبيله وقد حظر الخماليه اخوان العضيان الحفل وأصروا على الوقوف بجانب القبيله ودعمهم للعضيان في حفلهم.

    بدأ الحفل بآيات من الذكر الحكيم ثم كلمة للأمير بدر الضيط القاها نيابة عنه (رئيس لجنه مخيم الضيط )الأستاذ عبدالعزيز العضياني وحث فيها الضيط القبيله على الأتحاد ونبذ الخلاف بين افراد القبيله والتكاتف وكذالك نبذ الفكر المنحرف والألتفاف حول الدوله وحكامها ثم تلا ذالك كلمه للشيخ صنيتان بن محمد الضيط وقد شكر الشيخ صنيتان الحظور وبين ان هذا الاجتماع هدفه الحقيقي هو الألتفاف والتعارف وخص بالشكر الخماليه أخوان العضيان على حظورهم، تلا ذالك كلمه للشيخ غازي بن عتيق العضياني وبعد ذالك فتح باب الدعم , وقد بدا بتبرع الضيطه بما يقارب 270000 (مائتين وسبعون الف ريال)ثم توالى الدعم الهائل من العضيان واصبح الوضع غير مسيطر عليه من قبل القائمين على الحفل بل كثر الزحام حول اللجنه لتسجيل الدعم وتوالت التبرعات بسخا منقطع النظير فاق كل التوقعات حيث ان الدعم جاء على شكل اموال نقديه ورقيه وشيكات والأبل والأغنام وصكوك اراضي وسيارات ولم نتمكن من الحصول على الأحصائيه النهائيه لهذا الدعم وقد وُعدنا من لجنة مخيم الضيط بموافاتنا بقائمة المتبرعين حين إستحصال مبالغ الشيكات والوعود ونحن في إنتظار ما ستوافينا به اللجنه ..
    في نهاية الحفل أستضيف كل من الامير بدر بن نايف الضيط والشيخ صنيتان الضيط واعضاء اللجنه في منزل أبناء المرحوم بإذن الله الشيخ سعيد بن دوينيح واستقبلهم كل من أبنائه فايز وفواز وفوزان وجمال وعبدالرحمن وصالح وبندر ووافي.

    من القصائد التي إستمعنا لها في الحفل

    قصيده للشاعر الكبير محماس بن شميسان
    [poem=font="Simplified Arabic,4,black,normal,normal" bkcolor="white" bkimage="" border="outset,4,gray" type=0 line=0 align=center use=ex num="0,black"]
    ياناشدٍ عني من أيات الأبداد =سؤالك اللي قلت يحتاج إجابه
    إجابةٍ تشفي معاليل الأكباد =خذها من الواقع دقيق الإصابه
    لاسلتني من لابةٍ طيبهم ساد =في نجد مربايه وربعي عتابه
    هيلاً على تحقيق الأمجاد وراد =يوم السنين الماضيه بالحرابه
    قبيلةٍ بأعدادها هي والأعتاد =وتوحيدها للصف ماتنتجابه
    مثل الجبال اللي لها أرواس والهاد =يذري ذراها من حماها لجابه
    وان قلت وأنته ماكرك باي الاطواد =من آلاد روق أهل الكرم والصلابه
    قومٍ لهم في ذروة المجد مقعاد =تجمع جوانبهم ليان ومهابه
    وان قلت روق شعوب خذ مني أوكاد =تفصيل علمٍ ماتقطع عقابه
    قبيلتي من فالقسا ترخص الزاد =ليا من وجه الوقت كشر بنابه
    عضيان للطولات والمجد رواد =لهاماتهم روم المعالي عصابه
    عضيان مدهلهم على وسق الأمجاد =وعزومهم كل الشموخ تهقابه
    عضيان فيهم زاكي المدح ينقاد =لاحل طاريهم حضر من غيابه
    أول مزاياهم على روس الأشهاد =إكرام ضيف وقو عزم ومهابه
    وثاني مزاياهم ثقالن وركاد =مع وسع صدر وزود عرف ورحابه
    الهم حضور بحاضر الوقت وابعاد =تاريخ لو فات الدهر ما انطوابه
    لوتشهد الصحراء وأثر هوج الأنواد =ويش الزمان من الفعول انتحابه
    يوم المراجل فوق عيرات وجياد =ومن لاصمد في وجه ضده غدابه
    يقودهم شوخٍ يضدون الأضداد =مروين حد اللي غليظٍ قضابه
    سيفٍ من أيمان المطاليق كم صاد =من راس شيخٍ حبل الأقدار جابه
    عمهوج ذكره موجده فعله اوجاد =مشهور يوم الدم الأشقر خضابه
    وأفعال أهل عمهوج في جيش الأسياد =من غير شيٍ مابدينا حسابه
    شوخٍ مراكضهم يجيبن الأذواد =ليا جا لغارتهم عليها انحطابه
    بالسيف الابتر وبشغاميم الأولاد =بظهور سردٍ مثل شهب الذيابه
    شالح قديم أفعاله الشم ماباد =كم مصدرٍ محفوظةٍ في كتابه
    اليا احكم القبضه على السيف ماحاد =ليثٍ مجاويع الضواري تهابه
    وعقبه عديمٍ بالمخاليب جلاد =ذيب السرب كم جوٍ اخلا جنابه
    نادر نهارٍ للكدر فيه رعاد =بالشور اشار وباع به واشترابه
    ومارق لو اذكر سيرته جمع وافراد =مثل سلفه مافي فعوله غرابه
    منها ومنها وقعةٍ غربي الواد =فالموقع اللي جمع مارق رسابه
    راحت جياد الخيل من فعله ابداد =والخصم من يمنا اخو نوره ذهابه
    ويومٍ جنوبي شرقي الرجم وشداد =من هول ماجا فيه كلٍ درابه
    شوخِ لمزحم فالمهمات قياد =مثل السباع اللي لهن اقتلابه
    ورثٍ من الجدان لاحفاد الأحفاد =ماهيب بدعة وقت والا نهابه
    في نجد كم غنابها كل قصاد =وغنوبها شمر سميره وطابه
    يمشي وراهم جمع مزحم ليا قاد =بيدينهم حبل الزعامه قضابه
    شوخ الشيوخ وروس نبراس وعماد =ورثٍ تولاه الوريث ورقابه
    لو جابت الأيام منكر وجحاد =خله على عمياه يشعب ركابه
    يابدر لك يم الشواهيق مسناد =مجناك باقي في علاوي هضابه
    والاعقيم الراي ماعنه نشاد =يقبل ويقفي مثل طارد سرابه
    ان قلت له مسموح من شان الأجواد =وان زل دربه ويش حضرة جنابه
    من لا اعترف بالحق يابدر مافاد =أول خطا ضيع سلومه وآدابه
    واللي على العيلات سرداد مرداد =هي مهنته شايب وفي أول شبابه
    بابٍ يجي من يمهم يوصد اوصاد =خل الثعل يضبح وينعق غرابه
    ضو الفتن من سابق الوقت وقاد =ومن ينجرف خلف المساوم غدابه
    ودرب الصواب لمنهجك فيه ميعاد =طرقٍ جليه ماعليها رقابه
    أفكار عن معمومس الراي شراد =والا الوفي سامي هدفها اعتزابه
    والمعرفه ماهيب بعقال وقياد =حره والأفكار العوارف ذرابه
    والنقد ماينقدك من غير نقاد =مير ان بدابه علم والا انتهابه
    ولو حاولوا قلب المفاهيم حساد =ماهيب فيد اقفايةٍ وانقلابه
    ومن يامن آفات الدهر كاش واقصاد =يركض ورا جاثوم حلمٍ سرابه
    يابدر خذ من حنكة افكارك ارشاد =من قدح راسك لايجي بالنيابه
    أنته حصانٍ كل ماطول الماد =من دون ربعك للنوايب جلابه
    وربعك تراهم يابدر حرز وسناد =والهم رجوع العلم عند اكترابه
    الله يجمعكم على خير ماراد =وارجي عساها دعوةٍ مستجابه
    وماهب نسناسٍ ومادن رعاد =صلوا على المبعوث هو والصحابه [/poem]

    قصيده للشاعر الكبير شباب القوبع[poem=font="Simplified Arabic,4,black,normal,normal" bkcolor="white" bkimage="" border="outset,4,gray" type=0 line=0 align=center use=ex num="0,black"]
    دعانا شيخنا شيخ القبيله=ورانا في لزومه مانجي له
    يجي له كل طيب ويتشرف= هو اللى فالحقيقه ينعنى له
    كمنه شيخنا منا وفينا= عريب الجد من ساس الفصيله
    اليا منه دعى ربعه وجوله= ينال العز باليمنى الطويله
    ولاصكو عليه اولاد عاضى =حمول الخيل من روس الدويله
    رجال العرف ورجال المروه=لهم وقفات واسلومن جليله
    واذا جات المواقف بالتحدى=وكلن قام يقدح من فتيله
    على رايك يابو بندر حضرنا=تشرفنا مواقفك النبيله
    حضرنا ونت زيزوم الزعامه= زعامه جد ماهي مستحيله
    زعامه من بنوها واحتموها=اهل عمهوج مروين الصقيله
    هل الجوخ الحمر في وقت دوره=اليا لبسو وعنو كل أصيله
    نهارن فيه للطيب شهاده= وفيه اللاش من ضمن الحليله
    عوايدهم يفكون المتلى =اليا جاء الهوش في تال الدبيله
    واهل قاله واهل بيتن مشيد= يزبن من نصاه ومن يجي له
    خذو في قمه المجد الصداره= رفيعين النفوس اعن الرذيله
    وانا لو قلت مجروح الشهاده=انا فردن من افراد القبيله
    شهد برغش بقوله واعترافه= نهار السيف يطرقهم عويله
    اعواء عمهوج في روس الطنايا=اعواء ذيبن على راس الطويله
    وشهد هذال أخو هملا ونامي =وزكاهم جمل ناقض جديله
    بعد جابوه من بين السرايا= وحذف الروس ماله من يشيله
    وبعض أفعالهم تصعب عليه=شرحت الوضع بابياتن قليله
    زمانن فاتنا خيره وشره=وربي عاضنا خيراً بديله
    تحت ظل الشريعه والسياده=وحكمن جعل ربي مايزيله
    طلع صقر الجزيره واستلمها= وعاشقتيه يالعذراء الجميله
    وازال الشرك عنها والجهاله=وبان النور والحق ودليله
    وعاهدناه عهدن مانبوقه= وغال الروح يرخص في سبيله
    وصلى الله على خير البريه=عدد ماهل همال المخيله[/poem]

    قصيده للشاعر تركي بن سعد العضياني
    [poem=font="Simplified Arabic,4,black,normal,normal" bkcolor="white" bkimage="" border="outset,4,gray" type=0 line=0 align=center use=ex num="0,black"]
    ابتدي بسم اللذي جل في عالي سماه = واحد فرد صمد لاشريك ولا مثيل
    ماخلقنا الا نعبده ولا نعبد سواه = مؤمنينٍ بالبعث مؤمنينٍ بالرحيل
    والبنادم ينتهي لو تطول به الحياه = والبقاء لله سبحانه الحي الجليل
    وخاتمتها الموت كلن يبي يلقى جزاه = احد في نارٍ تلظى وحد ظلٍ ظليل
    اطلبك ياربي العفو واطلبك النجاه = من عذابك لاتعوذ خليلٍ من خليل
    المواقف للرجال الصناديد الدهاه =والشجاعة عز والذل في وجه الذليل
    مرحبا في محفل الظيط ياجمعٍ لفاه = الامير اللي له الطيب منهاج ودليل
    وارثٍ فعلٍ مؤرخ تحير به الرواه = فزعة المحتاج لاشحت ايدين البخيل
    بدر بدر الظيط مزحم على الله ثم علاه = من زحولٍ جالهم فعل في اليوم المهيل
    سيفهم عمهوج كم راس منعورن رماه = يوم صوك الخيل والجيش والسيف الصقيل
    وربعي العضيان ياويل من صارو عداه = كم شجاعٍ حولوبه مزبنة الدخيل
    الجبال الراسية مثل ماترسي السراه = هم حمول الخيل لاجا النهار المستحيل
    هم موازين العدالة وهم روس القضاه = مضهرين الحق ومطوعين اللي يعيل
    ويا اهل البل كل واحد يجيب اللي وراه = نومسونا ودنا نكسب الفعل الجميل
    مثل ابن غازي عسى الله يسدد له خطاه = كاسب النوماس والمجد والخلق النبيل
    ونحمد الله يوم صرنا على عز وغناه =في ذرى ال سعود مهما مدحناهم قليل
    فضلهم ضافن على الخلق مايلحق مداه = الملوك اللي عن الحق لايمكن تميل
    استتب الامن والخير في كل اتجاه = نعمة تذكر وتشكر عساها ماتزيل
    والختام اهلن هلا عد مايوضي سناه = في المزون اللي هللها على البيدا هليل
    قالها اللي ينظم القاف ويثبت بناه = غاص في بحر الجزالة واخذ منها الجزيل[/poem]

    الحفل المصور +++======>>>> يتبع

    [/align]
  • محمد بن دليم
    عضو نشيط
    • May 2003
    • 89

    #2
    [align=center]قصيده للشاعر عبدالله بن فيحان بن هاجد العضياني يلقيها في الحفل
    إضغط هنا للاستماع للقصيده[/align]

    [align=center]
    الامير بدر الضيط وسط اللجنه المنظمه للحفل

    الشيخ صنيتان الضيط يلقي كلمته

    الشيخ فيحان بن ناصر الشغار والشيخ سلطان الشغار

    الشيخ مصلح بن منيع الله بن ثعلي والشيخ قاعد الضيط

    الشيخ قاعد الوهاب أحد وجهاء القبيله والراوي الكبير صقر بن زايد بن ثعلي

    الشيخ عبدالعزيز الشغار والشيخ متعب الشغار رئيس مركز عريفجان

    الأمير بدر الضيط يستلم هديه عباره عن عود أصلي


    الشيخ مارق بن ضيف الله بن مارق الضيط والأستاذ فهد بن صنيتان الضيط

    فيصل بن فهد بن فضا احد اعضاء اللجنه والامير بدر الضيط والامير شالح الضيط

    الشيخ صالح بن تركي بن بجاد الضيط والشيخ فيحان السحيل

    [/align]
    يمين الصوره الشيخ سلطان بن صالح بن مسحل الضيط


    يضهر فالوسط الشيخ مزيد بن محمد بن ثعيل احد رجال الأعمال بالمنطقه الغربيه

    محمد بن سهو المتيهي احد كبار القبيله وبجانبه احد شباب القبيله

    الشيخ علي بن ذايب والاستاذ محمد بن خشمان

    فالوسط الشيخ خالد بن قاعد الوهاب وفالصف الثاني من اليمين يظهر سليم بن خلف المشيبين

    الشيخ ضيف الله بن قاعد الوهاب

    غازي بن عتيق العضياني والشيخ قاعد الوهاب

    تعليق

    • محمد بن دليم
      عضو نشيط
      • May 2003
      • 89

      #3
      [align=center]


      الأستاذ فواز بن سعيد بن دوينيح العضياني


      الأستاذ سليمان العتيبي صاحب شماليل والاستاذ نايف بن مارق الضيط والأستاذ بدر بن عمر الضيط وأحد شيبان القبيله





      جانب من الحظور

      مطلق الدولي اثناء تبرعه لمخيم العضيان

      الشاعر الكبير محماس بن شميسان يلقي قصيدته العصماء

      الأستاذ عبد الله بن فيحان بن هاجد

      المقدم عبدالله بن عبدالرحمن بن عبيريد العضياني
      [/align]
      [/align]
      الأستاذ محمد بن مارق الضيط
      تم التعديل الأخير بواسطة محمد بن دليم؛ 29-Sep-2007, 10:50 AM.

      تعليق

      • محمد بن دليم
        عضو نشيط
        • May 2003
        • 89

        #4
        [align=center]

        الاستاذ محمد بن دليم المشرف العام على منتديات العضيان والشيخ محمد بن سهو العضياني

        الشاعر عبد المجيد بن نايف بن حمدي أثناء إلقاء قصيدته

        عدال بن صلاال بن جرمان وقاعد الوهاب

        ذيب بن كشاخ بن اوسيود أحد كبار الثعاليه ومن وجها القبيله


        الشاعر صالح المحقني يلقي قصيده





        الاستاذ حمود بن معدي العضياني عضو لجنة مخيم العضيان



        الشاعر حشيم بن حويد يلقي قصيده

        [/align]
        صوره جماعيه للجنة مخيم القبيله

        تعليق

        • محمد بن دليم
          عضو نشيط
          • May 2003
          • 89

          #5
          [align=center]

          وهذه الصور خاصه بأعضاء لجنة مخيم القبيله ورئيسها

          الامير بد الضيط والامير شالح الضيط يتوسطان اللجنه

          الامير بد الضيط والامير شالح الضيط وبعض من اعضاء اللجنه

          اعضاء لجنة المخيم

          مشهد اخر لاعضاء اللجنه


          صوره جماعيه لاعضاء اللجنه

          الاستاذ حمود بن معدي والاستاذ بندر بن عبد الرحمن العضياني المدير العام لشبكة العضيان والاستاذ غازي بن مزحم والشاعر عبدالله بن هاجد والمهندس محمد بن سعود العضياني

          تعليق

          • محمد بن دليم
            عضو نشيط
            • May 2003
            • 89

            #6
            منقول من شبكة العضيان

            تعليق

            • بدر الجعيداني
              عضو
              • Nov 2006
              • 18

              #7
              [align=center]الله يرحم دليم[/align]

              تعليق

              • فهد النفيعي
                مشرف سابق
                • Dec 2005
                • 11363

                #8
                [blink]اي والله العضيان وابليس ملعون[/blink]
                كفو يا عيال العم وعلى القوه

                تعليق

                • نواف العصيمي
                  مشرف عــام
                  • Sep 2006
                  • 10282

                  #9
                  يعطيك العافيه

                  وبيض الله وجهك ووجه ربعنا العضيان
                  ولك التقدير والإحترام

                  تعليق

                  • محمد بن دليم
                    عضو نشيط
                    • May 2003
                    • 89

                    #10
                    تم النشر في الأصل بواسطة بدر الجعيداني عرض المشاركة
                    [align=center]الله يرحم دليم[/align]
                    آمين آمين آمين

                    الله يجزاك خير

                    تكفيني هالكلمة منك يا كحيلان

                    تعليق

                    • محمد بن دليم
                      عضو نشيط
                      • May 2003
                      • 89

                      #11
                      تم النشر في الأصل بواسطة فهد النفيعي عرض المشاركة
                      [blink]اي والله العضيان وابليس ملعون[/blink]
                      كفو يا عيال العم وعلى القوه
                      ماعليك زود ياكجيلان

                      شكرا لمرورك الكريم يا كريم

                      تعليق

                      • محمد بن دليم
                        عضو نشيط
                        • May 2003
                        • 89

                        #12
                        تم النشر في الأصل بواسطة نواف العصيمي عرض المشاركة
                        يعطيك العافيه

                        وبيض الله وجهك ووجه ربعنا العضيان
                        ولك التقدير والإحترام
                        ووجهك أبيض يابن العم

                        أشكرك على كريم أخلاقك

                        تعليق

                        • المغيـــــــري
                          عضو فعال
                          • Nov 2006
                          • 165

                          #13
                          اللي يوحدون كلمتهم ونعم بهم

                          تعليق

                          • عبدالله المورقي
                            موقوف لمخالفة الأنظمة
                            • Oct 2007
                            • 29

                            #14
                            [move=up]][][§¤°^°¤§][][مشكور مقصرت][][§¤°^°¤§][][[/move]

                            تعليق

                            • محب الهيلا
                              عضو ممـــيز
                              • Nov 2007
                              • 20292

                              #15
                              والنعم فيهم ومشكور ماقصرت

                              تعليق

                              العمل...