بـــرقـــا و روق , وخـــطـــر الـتــــقــســيــم !!!!!

طي
X
 
  • التوقيت
  • إظهار
مسح الكل
المشاركات الجديدة
  • ربوع نجد
    عضو ماسي
    • Apr 2007
    • 724

    #16
    روق وبرقا للمعالي ترقا


    برقا وروق للسماء فووووووق

    تعليق

    • ربوع نجد
      عضو ماسي
      • Apr 2007
      • 724

      #17
      راعي مزبوره


      بارك الله فيك وتسلم يا الذيب على الموضوع الرااااااااائع

      تعليق

      • أبو مرحبا
        مشرف عــام
        • Jan 2005
        • 8037

        #18
        [align=center]روق وبرقا على العز ترقى

        [poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
        مـا دام كـل قـام يمـدح قبيلتـه=ويذكـر مناسبهـا ويذكـر فعولهـا
        لي الفخر في مـدح ربعـي عتيبـه=اللي تسلسل من هـوازن اصولهـا
        ربعي اهل التاريخ والعـز والفخـر=ليا مـن دقـت للحرايـب طبولهـا
        لها الاسم الرنان مع ساير العـرب=لا ضيقت بعض العـرب صوتولهـا
        مثل الجبال الشامخة فـي الجزيـرة=مترامية عرض الجزيـرة وطولهـا
        من قوة هيبتهم ومن قـوة باسهـم=كل الديار اللـي يبـون وصلولهـا
        ليا ساقوا العطفة وسارت جموعهـم=الارض ترجف من حوافر خيولهـا
        تمشي برغبتهـا وتمشـي بكيفهـا=ما كن به ناس من النـاس حولهـا
        لين إنها وسط الجزيـرة تمركـزت=وشرف على أطراف الجزيرة نزولها
        هيـل علـى ماقـال الاول مهيلـة=تطـول رغبتهـا ولاأحـد يطولهـا
        بحكم السيوف اللي تجـاذب قنيبهـا=وشلف عريضات وسـاع دحولهـا
        ماتاكـل الا كـل شيـخ مـجـرب=تخلي عن الخيل الاصايـل حمولهـا
        يوم إنهـم هـاك الليالـي تحـدروا=مثل المزون اللـي تدلـت ثعولهـا
        بروقها بيض السيـوف الرهايـف=ورعودها العزوة اليا ضاق جولهـا
        وثعولهـا البـارود عنـد انصبابـه=والدم من فعـل النشامـى سيولهـا
        هذي وأنـا ملفـي فعايـل عتيبـة=ليا من جت المعضـلات ارتكولهـا
        ومن لاذ بحماهم من الخوف يامـن=تضفي علاه عن البلاوي سدولهـا
        يصيـر فـي عيـط قـوي حجاهـا=تخلي وتذري من دخل في كفولهـا
        ومن طيبها ينسب لها عدة اسمـاء=اسماء دواليـب الدهـر ماتزولهـا
        ذكرت منها البعض والبعض الاخـر=ماأوفي حروف رسالتي لين اقولهـا
        ذباحـة الحايـل ولطامـة الـعـدى=حتى نعاتيت الطغـاه شهـدو لهـا
        قدم العـدى نـارا قـوي جحيمهـا=وقدام وجه الضيـف زيـن قبولهـا
        وأيوابهم طـول الليالـي مشرعـه=ما حلجـوا قـدم المسيـر قفولهـا
        ان جاهم الطرقي لقى العود والشبب=ودلال رسـلان تعاقـب بدولـهـا
        يكيـف الضرمـان خنـة عبيرهـا=اهـل كـرم والمكرمـات تعبولهـا
        وكل السلوم الطيبة مـن سلومهـم=سلومهـم سـارت ونالـت قبولهـا
        كم اصلحوا من مشكلة غير الاخرى=الصلح من بيـن القبايـل ميولهـا
        ربعي سراج الدين في ظلمة الجهـل=ما تمشي الا مـا مشابـه رسولهـا
        قلته وانا شاعـر وامجـد قبيلتـي=اللي مـن الحكمـة ثقـال عقولهـا
        والشاعر اللـي مـا يمجـد قبيلتـه=ياعنـك ماثمـن مسـاع سعولهـا
        همه اليا غنـى القصيـد لمصالحـه=ياكل بها العيشة ويعـرف دخولهـا
        في مدح ربعه ما تدرهـم قصايـده=وفي غيرهم محفي سماري ذلولهـا
        ما يدري ان الدنيا رحاة مستديـرة=يمكن عليه الدور ما حـال حولهـا
        وختامها مني صـلاة علـى النبـي=شفيع الامـة يـوم يـزداد هولهـا [/poem]
        ((الشاعر ملفي بن مزيد المورقي العتيبي))

        .................................................. ............
        .................................................. .....
        ................................................

        [poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
        ياناس حنا من ضنا نجـد عتبـان=يشهد لنـا التاريـخ لوقلـت حنـا
        حنا فياض وإن قسى الوقت ضلعان=حنا البحـر مـدام هـالأرض منـا
        حنا الرعـد حنـا زلازل وبركـان=حنـا دمـار الكـون لوقيـل عنـا
        حنا شعاع الشمس والليل خسـران=حنـا الليالـي لاأقبلـن ماوطـنـا
        حنا غدير يعشقـه كـل ضميـان=حنـا غـرام والعـذارى هـونـا
        حنا الكرم والطيب شايب وشبـان=حنا {{عتيبه}} من لنا المجد غنـا
        حنا سيـووف هابنـا كـل خـوان=حنا السنين الماضيـه مـن بكنـا
        حنا السماء لاصار بالأرض نقصان=بعد الولـي هالكـون منـا وإلنـا
        حنا هنا واعرف بلا كـان ماكـان=حنـا هنـا وهنـاك كنـا وإنــا
        حنا وحنا لوبغـى القـول برهـان=المجـد والعـزه سـوى إكتبـنـا
        شاعر وجيت من الفخر حيل طربان=دام الطـروق اللـي تغنـا لحـنـا
        حنا قصيده شامخه تحـت عنـوان=حنا {{عتيبه}} وإنشد الكـل عنـا [/poem]
        ((الشاعر نايف بن صقر الدلبحي العتيبي))

        .................................................. ......................
        .................................................. .........
        ................................................

        [poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
        لطيـب لـه هيبـة وللعـز تيـجـان=وللشعـر روادٌ وللـقـول مضـمـون
        والادمي قبـل الشعـر قلـب ولسـان=ما يرفعه شعـره معـا مـن يغنـون
        ما قيل إبـة رجـلٌ تمرجـل بقيفـان=حتى ولو يشهـره ينقـال مـا لـون
        لو القصيـد يغيـر أحـوال الانسـان=ما كـان بالشعـار صاحـى ومجنـون
        ولـو الرجولـة بالقـوافـى والاوزان=كـان العـذارا للرجـولـة ينـالـون
        سبحـان ربٌ معتلـى فـوق سبحـان=قـد قـال بـأن الاغلبيـة يهيـمـون
        ملا رحمـه الـرب لاشـك خسـران=هذا الصحيح وقولـوا اللـى تقولـون
        يارب تجعل لـى عـن النـار مزبـان=يامخرجٌ من ظلمـة البحـر ذا النـون
        هذا ونـور الصبـح لـلان مـا بـان=وأصبحت ويا الليل عاشـق ومفتـون
        الليل فـى عتمـة ظلامـه ليـا حـان=سجة فكر للى مـن الوقـت مشحـون
        وأشيل جزل القـاف وأجـر الالحـان=وأقطف ثمر ما لاق من كـل مـوزون
        على مدار الفكـر فـى كـل الالـوان=أطلقت لى فكرٌ مـن العـام مسجـون
        (حنـا جبلنـا للصعيبـات عتـبـان)=رجالنـا يسـوا مـن القـوم مليـون
        لاعلى الشموخ إلنا مهابـة وعنـوان=بالسيف سطرناة مـن خلقـت الكـون
        قبيلـة فـى فعلهـا يفخـر الــزان=تشهد بها العـدوان وبليـس ملعـون
        عتبان ناصل فـى هـوازن وعدنـان=وحنا خوال المصطفـى خيـر مأمـون
        نرعى الخطر فى شف حلوات الالبـان=تأمـن بأسامينـا وحنـا لهـا عـون
        يانجد ياكم طـاح بـك روس شجعـان=اللـى بصكـات الحرايـب يهـلـون
        ياكثر ما ضـم الثـرا فيـك شيخـان=وكم راس قرمٌ فى صحاريـك مدفـون
        خلى عشا للسبـع والذيـب سرحـان=مضيافهـم بأفعالنـا كــل دنــدون
        يا نجـد مـا جينـاك للـدار ضيفـان=ولا تزعمـنـا بـأتـوات وفـنــون
        جينـاك بسيـوفٌ تعـزوى بفرسـان=اللى علـى حبـك لـلارواح يهـدون
        قبايـلٌ تسكـنـك مـاهـم بـرديـان=لكنهـم بالمعركـة مــن ينـاحـون
        تنزحوا من عقـب روغـات الاذهـان=من فعـل هنـديٌ للارقـاب مسنـون
        ورفرف علم عتّاب فى كـل الاركـان=وزاحت قبايل نجد عن نجـد بضعـون
        ما سمـوا الهيـلا تمازيـح وإحسـان=ألا بفعـلٌ يجعـل الخصـم مطـعـون
        فعايلٌ يشهـد بهـا الانـس والجـان=وعيبٌ على هرجٌ بـلا فعـل مقـرون
        ويشهد بها نجد المسمـى والاوطـان=وأهـل البصايـر بالتواريـخ يقـرون
        هذا الصحيح محكحـك بكـل ميـزان=وهرجٌ بليـا ثبّـت لا طعـم لا لـون
        وتبقى القبايل شامخـه دون نقصـان=ومدحى لربعى ما ينقص مـن الشـون
        أبفتخر وأنثـر مـن القـول ريحـان=ومن لامنى يعيـش ويمـوت مغبـون
        مانـى نديـم لكـل غـاوى وجبـان=اللـى علاقتهـم كمـا سيـر مدهـون
        علاقـةٌ مــا تنتـوثـق بسيـسـان=تصبح كما جمرٌ علـى راس غليـون
        أهل الرخـا لـو تعتلـى كـل ميـدان=غسلتهم عن طرقتى غسـل صابـون
        أنـا نديـمـى لـلـوازم كحـيـلان=راسٌ ما يقبل منـزل الـذل والهـون
        فى لازمة أسوق لـه غـال الاثمـان=وفى لازمى يصبح لى حصون وحصون
        له بالغلا فى داخـل الصـدر صيـوان=وانا أدرى إنى داخل القلـب مصيـون
        قريـب وألا بعيـد فالامـر سـيـان=ما عنـه تصديـدٌ ولا عنـه مرهـون
        ياليـل فـى داجيـك للشعـر مسكـان=حيث الهدو فى عالمـك دوم مسكـون
        أرعـاك لوحـة تنتظـر رسـم فنـان=وأرسم على خدك هواجيس وشجـون
        وألبسك مـن فاخـر الشعـر تيجـان=فيها من الهوجـاس للفكـر مضمـون[/poem]
        ((الشاعر خالد بن حميد بن رزان الذيابي))

        .................................................. ..................................
        .................................................. .....................
        .................................................. ....

        [poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
        بسم الله الرحمن مبداء كلامـي=مبدا القصيد ومطلـع القيفـان
        ولا خاب من يبدا بذكره كلامـه=رب العبـاد الواحـد الرحمـان
        واردّ من حلو المثايل واغنّـي=كلام مـوزونً علـى ميـزان
        هبت هبوب الشعر منّـا ومنّـا=ببيوت مثل الطرقـي العجـلان
        تسابقنْ مابينهم فـي ضميـري=الكـل ودّه يصبـح العـنـوان
        واخترت من زين المعاني معاني=وبنيت مبناها علـى سيسـان
        بيوت شعرً في ضميري تزاحم=تارد مثل مـا يـارد الضميـان
        ارسم معانيها وارتّب حروفهـا=صنعة عقود اللول والمرجـان
        وانا لياجات المواقـف عتيبـي=واسعد منهـم ربعـه العتبـان
        العزوه اللي من خيار العـزاوي=اللي لهم بيـن القبايـل شـان
        قومً يعرفون القبايـل فعولهـا=زبن الدخيـل وسـم للعـدوان
        كم نزّحو لابه وعاشوا مكانهـا=يوم أنها سيف وفرس وعنـان
        تربعوا في وسط نجد وخذوهـا=يـوم إدراج الخيـل فالميـدان
        قحص المهار اللي عليها رجالها=تقضّـب المـديـون للـديـان
        ومصقلاتً عشت النمر والفهد=والطير منها ماضـوا جيعـان
        ربعي هل الطالات لطّامة العـدا=لا زادت الشعله علـى الدخـان
        أهل الفعول اللّي تبيّض وجيهـا=لا عدّت الأفعـال كـان وكـان
        أفعولها يزري لسانـي يعدّهـا=والله مايحصيها كـلام لسـان
        ولو تكتب الأقلام مايكفي الحبر=ويمدي الورق خلّص من الدكان
        برقا وروق أهل السلوم العريبه=تاريخهـم بالمرجلـه ملـيـان
        سمّوهم الهيلا لكثرة جموعهـم=هيل المطر من رايح الأمـزان
        وذباحة الحائل لكثـرة كرمهـم=قـومً كـرام تكّـرم الضيفـان
        ولطامة العايل للطمـة عدوهـم=قولً على فعـلً علـى برهـان
        أمجادهم مثل النجـوم المطلّـه=ماتختفـي يـاكـود للعمـيـان
        وحصونهم مثل الجبال الرواسي=امرسّيـه مارسّـت الضلعـان
        وأديارهم في قلب نجد الموقّـر=وقلب الحجاز الشامـخ الفتـان
        هذي منازلهم وهـذي ديارهـم=وهذي مسيرة ربعـي العتبـان [/poem]
        ((الشاعر عيضه بن معيوض الثبيتي العتيبي))

        .................................................. .................................
        .................................................. ........................
        .................................................. ..............

        [poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
        تعرف جميع القوم منهم عتيبـة =حتـى لذيـذ النـوم مايهتنيبـه
        حنا سوات الموت سلطة وهيبـة =ونغير فوق المكرمـات الاديبـة
        عدونـا نسقيـه مـر الغليـبـه =صغيرنايذكـر بفعلـه وطيبـه
        اهل السيوف المرهفات العطيبـة =نحميه لو كبرت عليه المصيبـة
        وخوينا يلقا الصـدور الرحيبـة =يعرف دروب العز من غير ريبة
        تاج الفخر حنا ولاهـي غريبـة =ولجل الكرم نفعل فعول عجيبـه
        نجيب شي ٍ غيرنـا مـا يجيبـه =وياطيب حظ اللي يصيح ونجيبه
        عدونا يوم الطـراد انعثـي بـه =والمعتدي ماغير روحه ضريبه
        نجدٍ لنا ماخلـف نجـدٍ طليبـه =فيها زعيـم ٍبالوغـى ننتخيبـه
        واللي غلبناهم رضـوا بالغليبـه =حنا هل الطولات قوم الصعيبـه
        وعشنا بنجدٍ مادفعنـا الضريبـه =لكن نزلنا وسطهـا بالغصيبـة
        وسجل لنا التاريخ قصّه رهيبـه =مرعاه نمشي به ونغرف قليبـه
        تاريخنا يا ناس محـدن يجيبـه =ونلنا عليها غصب ماهو طليبـه [/poem]

        .................................................. ..............................................
        .................................................. ..................................
        .................................................. ......................

        [poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
        يامغيب الشمـس تكفـى لاتعجـل فالمغيبـي =وياهجوس الليل هاتي وأن بغيتـي روحيبـي
        قال تكفى وأن نخيتك ويش تفعـل ياعتيبـي =قال وأن دقر نصيبك وأنت تدري وش نصيبي
        قال تقدر تفزع أبهـم قلـت قلـي يانديبـي =بنتخي بعيـال شيخ(ن)طيبهـم قـدام طيبـي
        وقال بس وقلت أزيـدك لاتعجـل ياصحيبـي =خذ كلام الشاعر اللي لاوقف ضـد الحريبـي
        والله أنه من نخانـا مـن نخانـا مايخيبـي =خابر أن أخصامنا الجن لاتـروح ولاتجيبـي
        تدري أن العيب فينا لابغيـت تقـول عيبـي =والله أنـا فالمعـارك مانحـذف ألا نصيبـي
        لكن أنته في حمانـا ودعـي الله يستجيبـي =الولد فينا شبيهه مـن بعيـد ومـن قريبـي
        ومن تردى من ورانا قلـت يايمنـاه عيبـي =وأحمـدالله ياعتيبـه يـوم ليلـي ينتخيبـي
        وسمحولي ياقبايـل لامريـض ولا غريبـي =بارك الله بأرض تمشي فوقها ساق العتيبـي [/poem]

        .................................................. .................................
        .................................................. .......................
        .................................................. ...........

        [poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
        مني لساجر بيت يكتب ورا بيت=شعر يشرف في المعالي مقامـه
        لعتيبة الهيلا سريـت وتعنيـت=لأهل السخا وأهل الوفا والشهامه
        قبيلة(ن)فيها نشيـت وتربيـت=عز الضعيف اللي هزال عظامـه
        عتيبة عتيبة لها المجد والصيت=اللي لها في العز هامـه وقامـه
        أنشد جبال طويق وهضاب حليت=منهم هل الوقفات وأهل الزعامه
        عدوهم لا هـو بحـي ولاميـت=مدنق براسه مثل راس النعامـه
        الطيبيـن الاكرميـن العناتيـت=المخلصين أهل السلف والجهامه
        هم فزعتي لامن نخيت وتعزويت=لاحدني وقتي رميـت العمامـه
        مهما كتبت من القصايد وغنيت=ماألحق جزاها لو تقوم القيامـه
        لها القصيد يساق بيت ورا بيت=يعقب صبي مـا يثمـن كلامـه [/poem]
        ((الشاعر ضيدان بن قضعان العجمي))

        .................................................. ...............................
        .................................................. ......................
        .................................................. ...........[/align]
        [align=center]



        [/align]
        [align=center]إن قلَّـت الوزنـه وربعـي مشافيـح ** أخلـي الوزنـه لربعـي واشـومـي[/align]
        [align=center][/align]

        تعليق

        • خلف القثامي
          عضو مميــز
          • Nov 2006
          • 5690

          #19
          كفيت وووفيت يابو مرحبااااااااااااااااااااااااااااااااااااااااا

          ولاعدمنااااك على ماكتب عن ابيات في عتيبه وصفنااااااااااااااااااااااااا 111111111111


          وعدونااااااااااااااااااااااااااااااااااااااااااااا اااااااااااا000000000000000000000

          تعليق

          • المهنّــــد
            الإدارة
            • Aug 2002
            • 226

            #20
            بارك الله فيك على هالمشاعر والتنبيهات الهامه .

            تعليق

            • ممدوح الروقي
              عضو ماسي
              • Jan 2007
              • 598

              #21
              روق وبرقامثل العينين في الراس الله لايفرقهم ويشتت شمل من ارد تشتيتهم

              تعليق

              • أبن مكرز
                عضو فضي
                • Dec 2005
                • 231

                #22
                من قديم الزمان ماتجتمع عتيبه الى ويصير لها ثقل غير بقية القبائل

                ولم يذكر التاريخ ان عتيبه كسرت مجتمعه الى في الحرمليه وهم من ارادوا

                الانكسار

                وهذا مايرعب البعض ولايريد ان تجتمع هذه القبيله على رجل واحد

                ويحاول كلما راى ان القبيله توجهت لشخص له ثقله ان يضع ابن عمه

                في نحره ونقول قول الله جل جلاله (ويمكرون والله يمكر والله خير الماكرين)

                يعطيك العافيه يراعي مزبوره على الموضوع القيم

                تعليق

                • ابوفهد العتيبي
                  عضو ذهبي
                  • Feb 2007
                  • 309

                  #23
                  نقطه مهمه وحساسه يجب الإنتباه لها وعدم إعطاء من يثيرها أهميه بل ردعه وقمعه مهما قال

                  تعليق

                  • الغبيوي
                    عضو
                    • Aug 2003
                    • 25

                    #24
                    اخر الزمن صارت احزاب والله يكافينا الشر




                    والعتبان صراحه معادهم مثل اووول متكاتفين

                    تعليق

                    • الرومي

                      مشرف منتدى أخبار القبيلة واللقاءات

                      • May 2006
                      • 4514

                      #25
                      عتيبة هي برقاء وروق .
                      فبدون برقاء وروق تنتهي عتيبة الهيلا ام الامجاد والتواريخ .
                      migeed33@hotmail.com

                      تعليق

                      • ابو براك

                        رابطة محبي الهيلا

                        • Feb 2006
                        • 1587

                        #26
                        صدق الشاعر القائل عتيبه وحده برقا وروق

                        تعليق

                        • الســــــكب
                          عضو نشيط
                          • Apr 2004
                          • 77

                          #27
                          عــــــــــتــــيبة وبس

                          [align=right]شكرا للأخ راعي مزبورة على هذا الموضوع الرائع والمهم وشكرا على الأسلوب الأروع
                          وارجوا ان يسمح لي ان اضيف نقطة جوهرية ومهمة جدا لموضوعه لكي تتضح الصورة لأبناء عتيبة المخلصين وارجو ايضا المعذرة في ان اطرح هذه النقطة بكل صراحة بالرغم من حساسيتها لأنه يجب ان نكون صريحين في هذا المجال كي نفهم العلة بدقة ونعالجها بنجاح
                          أن اهم سلاح يستخدمه المغرضين لتقسيم القبيلة هو مشيخة قبيلة عتيبة حيث ان هناك من يقول ان شيخ عتيبة ابن حميد وليس مقصده المدح وانما للمزايده والأغاضة ويجمع حوله محبي الفتنه ويستغلون وسائل الأعلام لبث الكلام الذي يراد به التجريح والتعالي على ابن ربيعان والروقة والعكس صحيح تماما حيث انه يوجد من يفاخر من الجهه الأخرى ويقول بأن ابن ربيعان شيخ عتيبة ويحرضه على ابن حميد
                          وكأن ابن حميد وابن ربيعان ليسوا ابناء عم ويد واحدة لقبيلتهم وليس عليها ويذهب هؤلاء لأبعد من هذا ويحاولون تحزيب برقا مع ابن حميد ضد الروقة وابن ربيعان وكأن هناك مواجهه بين الطرفين والحقيقة ان الحرب هي بين هؤلاء القلة الغير محسوبين على روق وبرقا ولا محسوبين على الشيوخ .
                          أخواني الأعزاء كي نقطع الطريق على هؤلاء ولابد ان يكون لدينا اجماع على ان (شيخ قبائل عتيبة هو ابن ربيعان و ابن حميد) وهما كالعينين في الرأس وهذا امر متفق عليه ويجب تثبيته وانا اعتقد ان من يرفع طرف على طرف هو يفرق قبيلة عتيبة سواء علم بذلك ام لم يعلم .
                          وأن كابر اناس على هذه الحقائق وانقادوا للأهواء الشخصية الضيقة والمخططات فأنه للأسف الشديد سيتسبب امر المشيخة والصراع الأعلامي عليها ألى تقسيم عتيبة وتصبح عتيبة قبيلتين مستقلتين تماما هما ( قبيلة الروقة و قبيلة برقا) و سيتشتت تاريخها وتتقسم امجادها ويضيع شي اسمه عتيبة لاسمح الله
                          أبناء عتيبة الأعزاء الواقع يقول ان ابن ربيعان وابن حميد كلاهما لايرضى بأن تذهب المشيخة لغيره لذا فانه لكي تكون القبيلة متحدة لابد من توحيد المشيخة بينهم وعدم وضع الحزازية بينهم. والذي يجهله الكثير من الناس ان ابن ربيعان وابن حميد بينهم نسب وقرابه ومصاهرة من قديم الزمان ومستمرة لوقتنا الحاضر يعني انهما لحم ودم وشي واحد وهذا انشاء الله سبب في توحيدهم وتقوية وحدة القبيلة
                          اخواني الكرام ان الأتفاق الأخير الذي تم بين شيخي عتيبة عبالله بن عمر بن ربيعان و بندر بن نايف بن حميد وبأشراف الحكومة وتأييد جميع شيوخ عتيبة وأفرادها على أقامة مزاين الأبل لقبائل عتيبة برئاستهما معا خير دليل على صحة كلامي.
                          أخيرا أنتهز هذه الفرصة لتوجيه رسالة للأخوة المشرفين على هذا المنتدى الرائع مفادها انني ارجوا منهم ان يكونون على قدر المسؤلية ولا يسمحوا لبعض السفهاء وناقصي العقل والأطفال بكتابة أي جملة تتطرق بأن ( شيخ عتيبة ابن فلان فقط) وذلك في أي موضوع لأن هذه هي بذرة التقسيم وكذلك اتمنى ان تنقح بعض المواضيع التي فيها هذا الشي وأن يتم تعديلها لأني بصراحة لاحظت هذه الأمور في كثير من المواضيع وخاصة في قسم( فرسان وامراء ) والأخوة المشرفين اعلم بما هو اخفى لذااتمنى منهم معالجة الوضع بسرعة كي يكون هذا المنتدى الرائع منبر أعلامي فعال لتوحيد شيوخ عتيبة وقبائل عتيبة وليس منحاز لأي احد سوى....................... ( عتيبة).

                          وفي الختام لكم شكري وامتناني

                          [/align]

                          تعليق

                          • آلاد عاصم
                            عضو
                            • Jan 2004
                            • 12

                            #28
                            الله يحفظ عتيبة وشيوخهم

                            السلام عليكم جميعا
                            ابتدائا احب ان اشكر اخي راعي مزبورة على ما طرحه ولكن احب ان اطمئنك فعتيبة اكبر من النظر في تفاهات الامور والاستماع لصغار العقول اللذين يحاولون التفرقة بين عيال العم .

                            .................................................. ............................
                            .................................................. .............................
                            .................................................. ...............................



                            الحديث في الامارة مخالف لشروط وضوابط المنتدى
                            الادارة
                            تم التعديل الأخير بواسطة آلاد عاصم؛ 14-May-2007, 02:14 PM.

                            تعليق

                            • الحطيم
                              عضو مميز
                              • Jan 2005
                              • 407

                              #29
                              اخوي
                              راعي مزبوره
                              مشكور وبيض الله وجهك
                              علي الموضوع الاكثر من رائع

                              تعليق

                              • المهلي
                                عضو نشيط
                                • May 2007
                                • 30

                                #30
                                [motr][motr]كلام طيب وفي محله وينم عن عقليه واعيه والله لايجيب الفرقه لنا ولابناء المسلمين....[/motr][/motr]

                                تعليق

                                العمل...