سيرة مشحونة بالأمل والألم (بندر بن سرور )

طي
X
 
  • التوقيت
  • إظهار
مسح الكل
المشاركات الجديدة
  • النافذ
    عضو مهم
    • Jul 2005
    • 6171

    #1

    سيرة مشحونة بالأمل والألم (بندر بن سرور )



    سيرة مشحونة بالأمل والألم فقد عاش (بندر بن سرور ) الملقب بمتنبي قبيلة عتيبة حياة بائسة في صغره حيث توفي ابوه و هو رضيع، فتزوجت امه من رجل آخر مما أفقده حنان الأب في سن مبكر من عمره، و لكن هذا لم يمنع بندر من الأعتزاز بنفسه وعلو شأنه ويظهر دائماً ذلك في الكثير من قصائده التي نختار منها لكم ما يلي:ـ

    [poem=font="Simplified Arabic,4,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]
    أنا الذي ما ابدي على الناس سـرّي =
    من خوف سودان الوجيه تحكي بـه =
    أصبر على ظيم الدهـر و التعـرّي=
    من شان من يرضى علـيّ الغليبـة =
    و ابعد مجالي عن عيـال التـزرّي =
    من لا هـوى قلبـي دواه المغيبـة =
    واخاف لي من مجلسٍ مـا يـذرّي =
    في جانبـه بـومٍ حساسـه صليبـه =
    و سوالفٍ مابين بحـث و تحـرّي =
    يجرح فـؤادي عيّـه و ابتلـي بـه =
    يرضيني المقسوم خيري و شـري =
    سبحان من لا تعلـم النـاس غيبـه =
    أحدٍ علـى ربعـه يحـب التحـري =
    للشـر بـلاس و خيـره بجيـبـه =
    هذاك يالربـع انـا منـه متبـرّي =
    لو عضّني ناب الدهر ما انتخي بـه =
    من خوف يضحك لي و هو يستغرّي =
    يفتل حبال السّـوْ مـا ينـدري بـه =
    يفـرح علـيّ بكـل شـيٍّ يمـرّي =
    و ان شاف يمّي خير عنّـي نهيبـه =[/poem]


    وقد حصل ( بندر بن سرور) على الشهادة الابتدائية , و قيل انه حصل كذلك على المتوسطة , ثم بدا بالبحث عن وظيفة , فالتحق بالجيش السعودي , و أرسل للكويت أيام حصار عبدالكريم قاسم
    لها , و تدرج في الرتب حتى نال رتبة رقيب فدفعه الحنين وحب الإنطلاق للمسارعة بالعودة الى نجد وترك الجيش واستقر بالدوادمي مسقط رأسه وحتى حدثت له مشكلة بسبب الوشاة وغادر المكان على عجل وهو يهيم متنقلاً بين الكثير من المناطق ودول الخليج ويردد الكثير من عزة النفس التي نختار لكم منها:

    [poem=font="Simplified Arabic,4,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
    ماني وانا بنـدر بـراعٍ ولـد راع =
    انا الحصان اللـي طـوالٍ حبالـه =
    إبن سلايل خير من شالـت القـاع =
    المصطفى الهادي وديـع الرسالـة =[/poem]

    [poem=font="Simplified Arabic,4,blue,normal,normal" bkcolor="coral" bkimage="" border="double,9,sienna" type=2 line=0 align=center use=ex num="0,black"]
    مانـي وانـا بنـدر ببيّـاع دمـه=
    يقطعك يا بيـاع دمـه و مهفيـه =
    اللـي يبيّـع لابسـات الأزمــه =
    ثور يبي بيض العماهيـج تغنيـه =[/poem]

    [poem=font="Simplified Arabic,4,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]
    ماني وانا بندر بهيسن ولـد هيـس=
    هيسٍ يدنع عنـد حرمـة قصيـره =
    ليا بغيت اجلس ترى لي مجاليـس =
    وليا بغيت انهج دروبـي عسيـرة =[/poem]

    [poem=font="Simplified Arabic,4,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]
    ماني وانا بندر بهيتٍ ولـد هيـت =
    هيـت مقابـل خمّـةٍ يكرهـونـه =
    من كثر ما جرّبت وأقبلت و أقفيت =
    قولة هلا مـن لا يـودّك مهونـة =[/poem]

    [poem=font="Simplified Arabic,4,black,bold,normal" bkcolor="transparent" bkimage="backgrounds/27.gif" border="ridge,6,white" type=2 line=0 align=center use=sp num="0,black"]
    ماني وانا بندر على درب الأنجاس =
    اللـي قريـبٍ تفلهـا مـن لحاهـا =
    أنا بدرب الصيرمي عدم الأجنـاس =
    زيزوم روق ليا تنصّـت عداهـا =[/poem]

    [poem=font="Simplified Arabic,6,black,bold,normal" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black"]
    ماني وانا بنـدر بنصّـاي جابـان =
    شيوخ الجموس مناقريـن الحليلـة =
    ليا صار لي لازم نصيت ابو فيحان =
    شيـخ الشيـوخ مكمّليـن الجميلـة =[/poem]

    وحينما ضاقت به الارض بما رحبت خرج الى دولة الأمارات وهو يبوح بألم نفسه فيما يلي:ـ

    [poem=font="Simplified Arabic,6,black,bold,normal" bkcolor="white" bkimage="" border="outset,4,gray" type=0 line=0 align=center use=ex num="0,black"]
    شـي بقلبـي واهجـه مستـمـري =
    لولا أزرق الدخـان يطفـي لهيبـه =
    سلّط على الدخان لو هـو مضـرّي =
    له حـزّةٍ عنـد احتكـام المصيبـة =[/poem]

    [poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="groove,6,blue" type=2 line=0 align=center use=sp num="0,black"]
    يا منير عمّر لي من التتـن معمـار=
    يبري الغليل اللي على الكبـد كالـي =
    والا رفعت الصوت و أبديت ما صار=
    من شان تدري ويش ولّـى بحالـي =[/poem]

    [poem=font="Simplified Arabic,6,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black"]
    أشرب من ابو بـس و أنسهـا نـس =
    نس المهرب مع خطـوط الجزيـرة =[/poem]

    [poem=font="Simplified Arabic,4,white,bold,normal" bkcolor="sienna" bkimage="" border="ridge,4,darkred" type=1 line=0 align=center use=sp num="0,black"]
    والله يـا لا لا كلمـة قيـل ذلّيـت =
    لاترك مقاصى اللاش نقص و مهونة =
    لا شك ضرّاب المثـل بـه تقدّيـت =
    من حرّك المجنـون ناطـح جنونـه =[/poem]

    وحينما وصل الى دولة الأمارات العربية انشد ( بندر بن سرور) قصيدته االشهيرة التي يمتدح فيها الشيخ زايد آل نهيان ـ رحمه الله ـ و التي تغنى بها الكثيرون : ـ

    [poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]
    بديت ذكر اللي بسط سبع باوتاد =
    واللي رفع سبع ٍ بليا عمدها =
    والكار للي صار غيثٍٍ لـلأجواد=
    لا قبلها صارت ولا من بعدها =
    زايد على كل العرب بالوفى زاد =
    ساق المراجل لين وقٌف عددها =
    حلحيـل حلو ٍمرٌ زراع حصـــاد =
    كبدٍٍ يداويهــا وكبدٍ لهدهـــــا =
    حتى العجوز اللي ورى شط بغداد=
    سمٌت على الشيب الفلاحي ولدها =
    تبغاه يطلع مثل زايد ولا فاد =
    ولا كل من هاز الطويله صعدها =
    يا شيخ انا جيتك على غير ميعاد =
    من خوف روحي لا يجيها وعدها =
    بديت ذكر اللي بسط سبع باوتاد =
    واللي رفع سبع ٍ بليا عمدها =[/poem]

    فأحسن الشيخ (زايد) إكرامه كما هي عادته رحمه الله

    توفي بندر بن سرور عام 1986 و هو في طريقه الى نجران ، وقد تحكي هذه القصيدة تجربته الحياتية المريره بكل شفافيه:ـ



    [poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="groove,6,green" type=2 line=0 align=center use=sp num="0,black"]
    البر دجتـه و البحـر رحـت يمّـه =
    أدرج سبب حظ علـى الله مساعيـه =
    يوم إن ولد اللاش رزقه علـى أمـه =
    رزقي على اللي ميّت القشـع يحييـه =
    مانـي وانـا بنـدر ببيـاع دمــه =
    يقطعك يـا بيّـاع دمّـه و مهفيـه =
    اللـي يبيّـع لابـسـات الأزمــه =
    ثور يبي بيـض العماهيـج تغنيـه =
    يزعل ليا جـت ليلـة الـدول يمّـه=
    يرضى بسوق المال بأخيـه و أبيـه =
    خطو البخيـل اللـي يكبّـر معمـه =
    يقرا الكتـاب و واجـب الله مخليـه =
    أما هـرج لـه فـي رفيقـه بنمّـه =
    والا عطا و أمـه تضيّـع هقاويـه =
    يا مل قلـب كـل مـا مـات همّـه =
    دارت دواليب الدهـر ليـن تحييـه =
    فـرّاق شمـل النـاس عيّـا يلمـه =
    وقتن يشيب الراس من شايـة فيـه =
    أحدن ينـام و حـط راسـه بكمـه =
    و أحد تخم النـوم عينـه و تخطيـه =
    و أحدن يحاول بالردى بنـت عمـه =
    و أحدن يحاول ستر عـذرا عوانيـه =
    تخالـف الأنظـار شرقـن و يمّـه =
    كلٍ هدف رايه من النـاس مرضيـه =
    أنشـدك ياللـي كـل شـي تتـمـه =
    تقرا الكتاب وكـل فـرض تصليّـه =
    ويش القليـب اللـي عميـق مجمّـه =
    ما سرّ غرسه ماه عطشـى سوانيـه =
    سم السبب يا عارفـن عنـه سمـه =
    سم السبب يا عارفـه قبـل اسميـه=[/poem]
  • أبو فيصل
    مشرف سابق
    • Dec 2004
    • 3538

    #2
    الله عليك يالنافذ

    بصراحة قمّة في الإبداع

    ألف شكر لك يالغالي على هالمقتطفات الرائعة جدا لمتنبي عتيبه

    لاهنت يالغالي

    تحياتي
    لا إله إلا أنت سبحانك إني كنت من الظالمين

    تعليق

    • النافذ
      عضو مهم
      • Jul 2005
      • 6171

      #3
      تم النشر في الأصل بواسطة فهد الشيباني عرض المشاركة
      الله عليك يالنافذ

      بصراحة قمّة في الإبداع

      ألف شكر لك يالغالي على هالمقتطفات الرائعة جدا لمتنبي عتيبه

      لاهنت يالغالي

      تحياتي


      [align=center]استاذى فهد الشيباني

      روعة لابداع والتميز هو تشرفي بمرورك الكريم في صفحتي يامشرفنا الغالي

      شكر لك ياستاذى على تشرفي بتعقيبك الرائع[/align]

      تعليق

      • السريعي العصيمي
        عضو نشيط
        • Nov 2006
        • 45

        #4
        تسلم يالنافذ على هذا الموضوع الطيب وهذه الابيات الرائعة للشاعر المبدع الله يرحمه بندر بن سرور

        تعليق

        • غشام نجد
          مشرف سابق
          • Aug 2005
          • 2631

          #5
          تم النشر في الأصل بواسطة فهد الشيباني عرض المشاركة
          الله عليك يالنافذ

          بصراحة قمّة في الإبداع

          ألف شكر لك يالغالي على هالمقتطفات الرائعة جدا لمتنبي عتيبه

          لاهنت يالغالي

          تحياتي

          نعم قمّة في الإبداعي النافذ لمتنبي عتيبه والله يعطيك العافية على مجهودات في جميع المنتديات
          لي ملاحضة على هذا البيت خاصة انة معروف ومسموع بصوت بندر رحمة الله
          شيوخ الجموس مناقرين الحليلة
          بعد التعديل
          شيوخ الجموش مناقرين الحليلة
          والسسسسسسسسسسسسسلام

          تعليق

          • النافذ
            عضو مهم
            • Jul 2005
            • 6171

            #6
            لاخوة الكرام


            تعليق

            • ابن نميان
              فريق التصميم والتطوير
              • Jul 2005
              • 2581

              #7
              الله يالنافذ مقتطفات رائعة شوقتنا للسيرة هذا الرجل


              ولشعره


              لك كل الشكر والتقدير

              م
              و
              د
              ت
              ي
              ’,’




              ,’,’*,لاَ إِلهْ إَلاَ اللهَ , آللهُ أَكْبَر , (ولا ) حَولَ ( ولا ) قُوةَ ( إلاَ ) بالله ,*’,’,

              [ رَبْنَا لاَ تُؤَخِذنَا إِنّ نَسِينَا أَو أَخَطْأَنا ]

              تعليق

              • النافذ
                عضو مهم
                • Jul 2005
                • 6171

                #8
                تم النشر في الأصل بواسطة ابن نميان عرض المشاركة
                الله يالنافذ مقتطفات رائعة شوقتنا للسيرة هذا الرجل


                ولشعره


                لك كل الشكر والتقدير

                م
                و
                د
                ت
                ي

                تعليق

                • طلال الذيابي
                  عضو
                  • Jan 2007
                  • 27

                  #9
                  السلام عليكم ورحمة الله وبركاته

                  شكرااا على المرور وبيض لله وجهك وعلمك غانم يولد ونتمناء منك المزيد وشكرااااااااااااااااااااااااا

                  تعليق

                  • سنافي الهيلا
                    موقوف لمخالفة الأنظمة
                    • Feb 2006
                    • 515

                    #10
                    يعطيك العافيه على النقل المميز

                    لاهنت

                    تعليق

                    • ! محتميها !
                      عضو ذهبي
                      • Jun 2006
                      • 368

                      #11
                      تحيه عطره


                      النافذ



                      الله يعطيك العافيه يالغالي


                      والله موضووووع ولا اروووع بصررراحه



                      خصوصاً وانه في متنبي عتيبه



                      الشااعر الكبير/ بندر بن سرور " رحمه الله "


                      لكن بسألك


                      هل هو متزوج وله ابناء ولا لا ؟؟


                      <<<<<< يقول ليت له ولد يصير لو نص ابوه


                      لا هنت يالغالي وتقبل خالص تحياتي

                      تعليق

                      • النافذ
                        عضو مهم
                        • Jul 2005
                        • 6171

                        #12
                        تم النشر في الأصل بواسطة طلال الذيابي عرض المشاركة
                        السلام عليكم ورحمة الله وبركاته

                        شكرااا على المرور وبيض لله وجهك وعلمك غانم يولد ونتمناء منك المزيد وشكرااااااااااااااااااااااااا

                        تعليق

                        • النافذ
                          عضو مهم
                          • Jul 2005
                          • 6171

                          #13
                          تم النشر في الأصل بواسطة سنافي الهيلا عرض المشاركة
                          يعطيك العافيه على النقل المميز

                          لاهنت

                          تعليق

                          • نواف العصيمي
                            مشرف عــام
                            • Sep 2006
                            • 10282

                            #14
                            يعطيك العافيه

                            ورحمه الله متنبي عتيبه بندر بن سرور


                            ولك التقدير والإحترام

                            تعليق

                            • النافذ
                              عضو مهم
                              • Jul 2005
                              • 6171

                              #15
                              تم النشر في الأصل بواسطة ! محتميها ! عرض المشاركة
                              تحيه عطره


                              النافذ



                              الله يعطيك العافيه يالغالي


                              والله موضووووع ولا اروووع بصررراحه



                              خصوصاً وانه في متنبي عتيبه



                              الشااعر الكبير/ بندر بن سرور " رحمه الله "


                              لكن بسألك


                              هل هو متزوج وله ابناء ولا لا ؟؟


                              <<<<<< يقول ليت له ولد يصير لو نص ابوه


                              لا هنت يالغالي وتقبل خالص تحياتي

                              اخي محتميها

                              الشاعر الكبير بندر بن سرور تزواج بنت عمه وطلقه ماجاء له ابناء منه



                              تعليق

                              العمل...