حفل ولقاءات وزيارات

طي
X
 
  • التوقيت
  • إظهار
مسح الكل
المشاركات الجديدة
  • حمود بن خيشوم العصيمي

    رابطة محبي الهيلا

    • May 2010
    • 2107

    #1

    حفل ولقاءات وزيارات

    في يوم الخميس وليلة الجمعه الماضيه كنت اتواجد مع مجموعه كبيره من أعضاء منتديات الهيلا
    بمدينة الرياض تشرفنا بزيارة الشاعر المبدع / سلطان بن حامد العصيمي وتناول الكثير من الشعراء والحضور طعام الغداء بمنزله العامر وكان ممن حضر حفل الغداء الشاعر / غالب ابو كتيفه والشاعر عبدالعزيز الدلبحي والراويه الشاعر عواض بن عبدالله بن جفين الوذيناني والشاعر مطر المرشدي
    والشاعر منصور النفيعي والشاعر فراج العتيبي والاخ طلال بن فهيد الشيباني بالاضافه للكثير ممن لم تحضرني اسماءهم من شعراء ووجهاء وقد دعى الجميع الاخ عبدالله بن عتيق النبعاني لتناول القهوه بعد صلاة العصر وبعد المغرب زرنا منزل الاخ مطر المرشدي بالاضافه لزيارة بعض الاعيان
    وفي المساء كان الاغلبيه مدعوون لحضور حفل استقبال الشيخ / عبدالله بن مرزن الصماح العصيمي لشيخ قبيلة الخنافر من قحطان وجماعته بقصر مذهله بالسويدي وكان حفلا مميزا تسابق مجيدي رسم الكلمه النثريه والشعريه في تعطير جوه باروع عبارات الابداع للترحيب بالضيوف وذكر شيئا موجزا من تاريخ وحاضر قحطان وعتيبه فبعد ايات كريمه من المصحف المطهر تقدم راعي الحفل بالقاء كلمه ترحيبيه بضيوفه من قحطان وعتيبه ثم تشرفت بالمثول أمام الحفل الكريم لاثني بالترحيب بالضيوف محاولا ردف كلمتي النثريه بابيات شعريه لاستثارة حماس شعرائنا الكبار ثم القى شيخ الحلاحله العصمه محمد بن ظافر الشويب كلمه ضافيه
    ثم ألقيت قصيدتين لشاعر عتيبي لم أتمكن من معرفة اسمه وهو من الشعراء الشباب المبدعين
    ثم القى الشاعر الراويه عواض بن جفين الوذيناني قصيدتين شيله لقيت استحسان الجمهور
    ثم القى الشاعر منصور النفيعي ايضا قصيده منبريه ترحيبيه جميله واخرى شيله رائعه
    ثم جاء دور الشاعر العلم غالب ابو كتيفه فامطر الحفل بثلاث قصائد من العيار الثقيل
    ثم تلاه الشاعر المبدع سلطان ابن حامد بقصيده مميزه
    وقصيده جميله من شعراء المحل
    ثم القى الدكتور ابن سفران القحطاني كلمة المدعووين من قبيلة قحطان وشكر صاحب الدعوه وقبيلة العصمه على حسن الاستقبال وكرم الضيافه
    تلا ذلك تناول طعام العشاء ثم ودعنا ضيوف عتيبه بعد تقديم عدة دعوات من الجانبين لم يتم تحديد موعد لظروف الصيف والاجازة وبحق كان حفلا مميزا سبقه لقاءات بين أبناء الهيلا في عدة اماكن بالعاصمه الحبيبه وتلاهـ زياره بعد انتهاء الحفل للشيخ الدكتور محمد بن ظافر الحلحلي بداره العامره
    تم التعديل الأخير بواسطة حمود بن خيشوم العصيمي؛ 27-Jun-2011, 05:34 AM.
  • حمود بن خيشوم العصيمي

    رابطة محبي الهيلا

    • May 2010
    • 2107

    #2
    كلمتي مرتجله والابيات التاليه محاوله من محاولاتي في نظم الشعر ارجو ان تنال القبول




    [poem= font="simplified arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    الشعر يستلهم جزيل المعاني=ويقوده الشاعر على هائج السيف
    اما عبربه شط بر الاماني= والا غرق لا ناحرت له عواصيف
    وأبدأ مهلي ارحبو ياقحطاني=يأهل الوفاء يا مقدًمين المعاريف
    شيوخ وأعيان وخوال وعواني=نثنًي الترحيب يااعز من ضيف
    في حلة رجال ٍ بدعوة حصاني =سربت قروم ونعم ونعم من قيف
    من فالهم فنجال بنٍ يماني=هيله وريح العود جاء له هفاهيف
    فنجال لا ساقه شجيع بثواني=له نكهة فالذوق حلوه على الكيف
    وإعقالهم قعدان وسط الصياني=ومفطحات من كبوش مهاريف
    واهلا وسهلا رطبةٍ في اللساني=عادة عتيبيٍ يروم المشاريف
    وأنتم وحنا سنان نعم السناني=أخوان ساد الود مابه تخاليف
    صفحاتنا بيض جهار بياني=من رسمها فنجال من رسمها هيف
    مبيضين الوجه في أول و ثاني=خصٍ ليا تلً العزاوي غطاريف
    في ظل دولتنا سكنًا باماني=نفدى وطنا ما نحسب التكاليف
    لحكامنا آل سعود عهد وتفاني=طاعة ولي الامر واجب وتشريف
    بلسان ابن مرزن عريب المجاني=حيالله حضورالحفل ضيف ومضيف
    وختامها صلوا على أصدق انساني=نبينا خير البشر مزهق الزيف [/poem]

    تعليق

    • أخو جوزا
      إدارة أقسام القبيلة
      • Jul 2003
      • 4189

      #3
      اجتماع مبارك ومضيف كريم وضيوف كرام


      وصح لسانك ياحمود
      قال الله تعالى:

      ﴿وَالْعَصْرِ * إِنَّ الإِنسَانَ لَفِي خُسْرٍ * إِلاَّ الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ ﴾

      تعليق

      • فهيد مقعد الرويس
        شـــاعــر
        • Sep 2005
        • 2284

        #4
        لاهنت يابن خيشوم

        اجتماع مبارك ان شالله

        تحيتي وتقديري

        تعليق

        • حمود بن خيشوم العصيمي

          رابطة محبي الهيلا

          • May 2010
          • 2107

          #5
          أخو جوزا

          الله يبارك بعمرك



          وصح بدنك ولك الشكر لكلامك الطيب

          تحياتي

          تعليق

          • فهد العازمي العتيبي

            مشرف ديار واخبار القبيله

            • Mar 2003
            • 5407

            #6
            ..


            الله يجمعكم على العز والطاعه

            ولاهنت اخوي حمود على ايراد الخبر ،،،
            للتواصل على تويتر

            https://twitter.com/falotaibi5115


            ،،

            تعليق

            • حمود بن خيشوم العصيمي

              رابطة محبي الهيلا

              • May 2010
              • 2107

              #7
              فهد الرويس

              بارك الله فيك والله لايهينك

              لك الشكر

              تعليق

              • حمود بن خيشوم العصيمي

                رابطة محبي الهيلا

                • May 2010
                • 2107

                #8
                وأياكم باأخ فهد

                العفو والشكر لك على المرور لاهنت

                تعليق

                • مشاري
                  مشرف شؤون الأعضاء والتفعيل
                  إدارة قسم الشكاوي والاقتراحات
                  • Oct 2002
                  • 1831

                  #9
                  الله يجعل جمعتهم على خير...


                  وصح لساااااانك


                  تحيتي لشخصك الكريم..

                  تعليق

                  • حمود بن خيشوم العصيمي

                    رابطة محبي الهيلا

                    • May 2010
                    • 2107

                    #10
                    الاخ مشاري

                    اللهم آآمين

                    وصح بدنك يالغالي

                    شاكر مرورك المميز لاهنت

                    تعليق

                    العمل...