من طب الباديه طلقة حصان

طي
X
 
  • التوقيت
  • إظهار
مسح الكل
المشاركات الجديدة
  • آنآ كريزي
    عضو نشيط
    • Jan 2010
    • 35

    #1

    من طب الباديه طلقة حصان

    السلام عليكم ورحمة الله وبركاته


    اخواني الاعزاء احببت ان اخبركم بتجربتي مع طب الباديه في طلقة حصان


    وهي كالتالي سيرت في احد الايام لواحد من الجماعه وكنا في المربعانيه


    وكنت مزكم وقد تمكن مني الزكام وكانت السهره هاك الليله عنده والجماعه


    مجتمعين والنار شابه المهم قال لي سلامات قلت له شوفة عينك قال افا طرحت


    ام الرخوم وبدا التعليق اللي انتم خابرين من الشيبان ثم قال لي تعال دواك عندي


    قلت وشنهو قال طلقة حصان تعال ابكويك بيد النجر؟؟؟؟؟؟؟؟؟؟؟ قلت ابك ابك ابك خاف الله


    يا غزاي انت ناوي تذبحني وقاموا الشيبان يضحكون ويعلقون علي ونتم خابرينهم عاد


    قلت في نفسي انشهد اني راضي بام الرخوم وانا رخمه بعد بس تفكون مني طبكم


    لاكن ان ماطاوعتهم والله ان يمسكونها علي ويعيروني بها الى يوم الدين لاكن تدري ابتوكل علا


    الله سبحانه واللي يصير يصير قلت ياغزاي خاف الله تراك بتذبحني ودمي في رقبتك قال تعال


    انبطح هنيآ ولا يكثر هرجك قلت له وانا افصخ ثوبي وين تبيها قال لا لا لا لاتفصخ ثوبك تعال


    انبطح وثوبك علاك ثم قال خل راسك مناحر الباب وقال للعيال جيبولي خيشة مبلوله ماء



    ثم قال لهم لاحد يجي بينه وبين الباب وخلوا الباب مفتوح وفرش الخيشه المبلوله علا ظهري واظهر يد النجر من


    النجر من النار ولا هي تقول مثل جنيه الذهب حمرآآآآآآآآ تروع القلب ويكويني بها في ظهري بين كتوفي


    بالضبط المهم جلس ينشدني هاه ان تونس شي قلت لا شوي ولا المووووووت الاحمر حسيت


    بالنار شابه بداخل جسمي كله وانا افز واركض مع الباب واظهر للحوش بعز البرد ادور البراد


    وخذت شوي وهجدت ثم رجعت للمجلس ولا الشيبان يقولون سالم سالم خارج من الشر انشالله


    بعدي والله ذيبان كفوو ولا اني صدري وظهري كله ماء من العرق تقول راشني مطر المهم جلست



    الا يوم اونست العافيه قمت اشم واتذوق القهوه يعني استطعم الشرب والاكل وعلمي بالشر راح


    قال لي هاه عرفت الحين طلقة حصان قلت ايبالله انشهد والله مانساها عمري كله هههههههه


    وانتهت مني وراحت ولله الحمد والشكر فيا اخواني من اراد منكم ان يفتك عمره من ام الرخوم


    ههههههههههههههه اوصيك بطلقة حصان وسلامتكم يالغآلين
  • علي الشهراني

    شـــــاعــر

    • Sep 2009
    • 2702

    #2
    الحمد لله على السلامه



    و الله يخارجنا
    [poem= font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    يا بو محمد وش عليه أتحسّر=لا مرقدٍ دافي و لا ماكلٍ حار
    احسلّي اقصْر في شفوفي و اكسّر=اخير لي من عيشة الغار و النار[/poem]

    تعليق

    • منصورالزبيلي
      عضو فعال
      • Oct 2009
      • 151

      #3
      بارك الله بك , شكراً أخي الكريم على الموضوع الحلو

      تعليق

      • خلف الروقي

        رابطة محبي الهيلا

        • Jun 2009
        • 6080

        #4
        يعطيك العوافي

        تعليق

        • الآد سامر
          عضو فضي
          • Jun 2008
          • 240

          #5
          ماشاء عليك ياكريزي والله انك كفو انت وربعك سلملي على نفسك و على الشيبان.

          تعليق

          • شديد الشيباني
            عضو نشيط
            • May 2007
            • 51

            #6
            الله يجزاك كل خير ياخوي

            تعليق

            • الجزل
              عضو فضي
              • Aug 2006
              • 243

              #7
              جزاك الله خير

              تعليق

              العمل...