الحيصه لهم ترحيب عندكم ولايمشون؟؟

طي
X
 
  • التوقيت
  • إظهار
مسح الكل
المشاركات الجديدة
  • الفيصل
    عضو نشيط
    • Jan 2004
    • 34

    #1

    الحيصه لهم ترحيب عندكم ولايمشون؟؟

    السلام عليكم ورحمة الله وبركاته وبعد

    كيف حالكم كلكم ان شاء الله طيبين

    اولا اشكركم كلكم بلا استثناء على هذا الموقع اللي اتمنى انه يتطور وعندي ان شاء الله افكار ممكن اناقشها وياكم وتصير حصريا لموقعنا((لامختلف ولاقطوف ولا غيرها))

    وان شاء الله نفيد ونستفيد منكم لانه بصراحه جهد كبير قاعدين تسوونه هنيا

    والاحظ فيكم حاجه حلوة هي عدم الاساءة او التجريح في القبائل الاخرى

    وهذي عادتنا ياعتيبه ان شاء الله اطيب من الطيبين معنا ونار على اللي يلمسنا بكلمه .

    انا ماشاركت معاكم الا بعد ما شاورت نفسي وخصوصا انني ماعندي اضافات زي اضافات العضو المتالق هنيدس اللي صراحه علم في راسه نار ماشاء الله عليه

    في النهايه اشكركم كلكم مرة اخرى والله يوفقكم وحنا معكم علشان نظهر بالصورة الطيبه اللي معروفه عن قبيلتنا واللي زادها ديننا الاسلامي روعه وجمال.



    كل الشكر لكم مرة اخرى








    تحياتي لكم
  • ابن مشيب
    إدارة أقسام القبيلة
    • Nov 2002
    • 9791

    #2
    اخي الفيصل , حياك الله نورت المنتدى , واشكرك كل الشكر على هذا الاطراء , وهذا بفضل الله ثم بفضل الجميع في هذا المنتدى , وان شاء الله تفيد وتستفيد , ونحن بإنتظار مشاركاتك...............

    تعليق

    • بن عون
      عضو نشيط
      • Nov 2003
      • 83

      #3
      الله يحيك يا الفيصل،،

      وأنشاء الله راح أعطيك هديه بس أنتظرني ،،

      بن عون

      تعليق

      • متعب العضياني
        عضو ماسي
        • May 2003
        • 707

        #4
        حياك الله يالفيصل

        ويا مرحبا مليون فيك عندك عيال عمك
        وحياك ربك
        والله يسهل دربك

        تعليق

        • بن عون
          عضو نشيط
          • Nov 2003
          • 83

          #5
          هذي الهديه أنشاء الله تعجبك ،،

          هي عبارة عن توقيع أذا بغيته أنسخ الرابط الللي تحت وحطه وإذا مابغيته شي راجعلك

          تعليق

          • الفيصل
            عضو نشيط
            • Jan 2004
            • 34

            #6
            لساني يعجز عن شكركم

            الى الاخوة اللي رحبوا واللي دخلوا ومارحبوا بعد مشكورين وماقصرتوا اما بالنسبه للي رحبوا لي معهم وقفات::

            ابن مشيب: كل الشكر لك ياعزيزي وبالعكس هذا ماهو اطراء بقدر ماهو تحيه لكم وحق انتم تستاهلونه سيروا الى الامام الله يوفقكم وتسلم يابن مشيب.



            متعب العضياني : اشكرك من قلبي يالعضو الذهبي ومليونين مرحبا فيك ياغالي.





            ابن عون:


            اخجلتنا يارجال من اولها هدايا؟؟؟ هديتك مقبوله غصبا عن خشمي بس لانها جات منك وترى خويك غشيم في التواقيع لو اعرف شلون احطه كان شفته موجود في توقيعي بس للاسف ماعرفت؟؟؟
            على العموم ردك علي يكفيني ويزيدني شرف وخصوصا رجل بمثل كرمك يابن عون يالشهم .
            اكرر شكري لك مرة اخرى.


            تحياتي لكم

            تعليق

            • ابو وعيل
              مراقب سابق
              • Aug 2002
              • 1707

              #7
              حياك الله يالفيصل


              ويامرحبا مليووووون بك في منتدى الهيلا


              وأعتذر لتأخر الرد .

              تعليق

              • المورقي22
                مراقب سابق
                • Sep 2003
                • 493

                #8
                الله حي الخوال الحيصه

                وميه نعم وحياك الله خال واخ في منتداك هلا ومسهلا بين ابنا عمومتك


                وان كنت تحب المحاوره اقلط لكي نتحاور معك ونحن في انتظار جديدك


                وتقبل خالص التحيات من ابن آخيك المورقي او الروامي

                تعليق

                • الفيصل
                  عضو نشيط
                  • Jan 2004
                  • 34

                  #9
                  تسلمون والله اخجلتونا يالربع

                  مشكووووورين والله وماقصرتوا وترحيب كريم من اهل الكرم

                  ابوعيل :

                  ابدا ياحبيبي لاتاخير ولا شي والهدف ترى من طرحي للموضوع بس افتتاح مو قصدي عدد الردود ومشكور ياغالي وتسلم.

                  الروامي :

                  ياهلا بك والله ومرحبا اما المحاورة اسمح لي انا احبها بس صراحه ماني من فرسانها هههههههههه

                  على العموم تسلم لي يالغالي على ترحيبك ومشكور وجعلك ذخر.

                  تعليق

                  • البرقاوي نت
                    عضو فضي
                    • Dec 2003
                    • 283

                    #10
                    حيا الله الفيصل ومرحبا متشوقين لمشاركاتك
                    عذا قصور مني منهم الحيصه

                    تعليق

                    • الفيصل
                      عضو نشيط
                      • Jan 2004
                      • 34

                      #11
                      الله يحييك

                      البرقاوي مشكور على ترحيبك .

                      اما بالنسبه للسطر الثاني فانا مافهمت قصدك ياليت توضح ؟؟

                      اذا هو سؤال فانا اسف مااقدر اجاوبك لان مايصير تسجل في منتدى قبيلتك ولاتعرف افخاذها ولا نسبها ؟؟؟؟؟؟؟!!!!!! واسال واحد اكبر منك يعلمك

                      عموما الله يحييك ويبقيك وشكرا لمرورك ياغالي .

                      تعليق

                      • البرقاوي نت
                        عضو فضي
                        • Dec 2003
                        • 283

                        #12
                        الجواب ماهو اجباري يالفيصل وبعدين اسلوبك يدل على قصور فكري
                        هل تدعي معرفة جميع افخاذ القبيله فرضا هل تدعي معرفة جميع افخاذ العصمه او النفعه او المقطه او الدغالبه من برقا يا اخي توجد تفرعات كبيره في القبيله فلا داعي ان تستصغر

                        تعليق

                        • نايف الفرو
                          عضو
                          • Jan 2004
                          • 3

                          #13
                          يا مرحبا فيك يا الحيص اذا ما شالتك الارض تشيلك عيونا

                          تعليق

                          • الفيصل
                            عضو نشيط
                            • Jan 2004
                            • 34

                            #14
                            مااستصغرت؟؟؟؟؟

                            اخوي البرقاوي نت

                            ((قصور فكري ))!!!!!!!!!!!!!!!!!!!!!!!!!!! الله يسامحك((لاتعليق)) هذي بدايتها يالبرقاوي ؟عموما برقا كلها لها تقديري واحترامي كيف لا وهي منا وحنا منهم لكن خانك التعبير يابن العم((قصور فكري)) ههههههههه؟؟؟؟؟!!!!! شكرا لك على كل حال.وانا مااستصغرت احد وارجع لردي .



                            نايف الفرو:

                            الله يسلمك يانايف وانا مااقول شي الا ان اسمك على مسمى ((اسمك نايف واخلاقك نايفه وعاليه )) تسلم يابن العم وان شاء الله مااخيب ظنكم بالمشاركات الجيده.

                            تعليق

                            • ناصر العصيمي
                              عضو ممـــيز
                              • Apr 2003
                              • 5301

                              #15
                              عزيزي الفيصل

                              وعليكم السلام ورحمة الله وبركاته

                              مساءوصباح موشح باحلى الورود

                              ومعطر بالاريج ومحمل بالاشواق

                              هلا وغلا والف مليون ترحيبه



                              ترحيب معطر باريج الورد ممزوج بكل معاني الاخوه مني

                              ومن اعضاء منتدي الهــــــــــــــيلا

                              مع خالص الامنيات الطيبه بتوفيق وقضاء وقت ممتع تحلو فيه

                              الفائده والبسمه الصادقه وان شالله تكون من الاعضاء المميزين

                              تعليق

                              العمل...