يااااااااولد ... يااااااااااااولد ....هييييييييه

طي
X
 
  • التوقيت
  • إظهار
مسح الكل
المشاركات الجديدة
  • مهـراس الزيادي
    عضو
    • Mar 2003
    • 25

    #1

    يااااااااولد ... يااااااااااااولد ....هييييييييه

    السلام عليكم

    مساكم الله بالخير كلٍ باسمه

    كيف الحال وشلونكم



    وش أخباركم ياعيال ====> ( هذي مالها داعي )

    ياليتني والله داري عن المنتدى من زمان كان ماتونيت في التسجيل

    وتصدقون بالصدفه وأنا مار من عند قبيلة القواقله ( يعني موقع google ) وألقى قوقلي منهم واتنشده عنكم .. قال عانهم هناك قدامنا بشوي حذفة حصاة ولاك عندهم .. وأقوم وأحذف حصاه وأعاين فيها لين طاحت وأنا ما أوكدها زين (( راح الشوف معاد هو مثل أول )) وأروح يم حصاتي اللي حذفتها ومار لاني ما اعاين غار في قبيلتي وشبابها الفرسان يحوفونها حوف على خيولهم ... لا صدري يوم انشرح وخاطري يوم توسع وعيوني تقوم تنثر دموعها على الأيام اللي راحت وأنا بعيدٍ عنهم وأقعد نهاري كله وأنا أحايل دمعتي اللي عيت لا توقف وأنا أعود أنزل من فوق خيلي ... خيلي اللي يوم شافت عيوني تهل دمعها مثل وبل السحاب وهي تقوم تشمت ، ونقعد انتباكا أنا وخيلي . كل ماعاينت في وشافت دمعتي صاااااحت وقامت تشيل بعمرها وتضربه .

    أنا هالحين تعبان من السفر وأبروح ارقد والليله ان شاء الله موعدنا في بيت الشيخ
  • ابو وعيل
    مراقب سابق
    • Aug 2002
    • 1707

    #2
    حياك الله

    وان شاء يامهراس تفيد وتستفيد ..

    تحياتي
    ابو وعيل الرويس

    تعليق

    • مهـراس الزيادي
      عضو
      • Mar 2003
      • 25

      #3
      مشكور أخ ابو وعيل

      وأبقاك الله

      وأتشرفنا فيك وفي الجميع


      بس ياليت تعلمني ورى التوقيع مايطلع فيه مشكله وإلاّ شئ

      ياليت تفيدني

      مع الشكر الجزيل

      تعليق

      • حـــ(مجروح)ـــر
        عضو فضي
        • Mar 2003
        • 207

        #4
        مرحبا هيل مع بني عمك (( الهيلا ))

        يامرحبا يامهراس
        وابك وينك ياولد العم من مبطي وحنا نتحراك وانتشد عنك جانا علوم انك في الديره القصيا وتالي وليا ذكرك عند عرب حولنا وارسلنالك قطعت مراسيل ،
        مار الله يحييك في محلك واقلط وسط ربعك (( سدر ياوسيع القدر ))

        تعليق

        • ابن شامان
          عضو ماسي
          • Mar 2003
          • 426

          #5
          هلا بيك في المنتدى وان شاءالله تفيد وتستفيد
          تحياتي

          تعليق

          • شليويح العطاوي
            عضو ذهبي
            • Sep 2002
            • 398

            #6
            يا هلا ويا مسهلا اخوي مهراس
            منور المنتدى وننتظر موضوعاتك
            حياك الله اخوك / شليويح العطـاوي

            تعليق

            • geath
              عضو فضي
              • Apr 2003
              • 229

              #7
              يابن العم

              يابن الحلال انت وصلت المنتدى بالسلامة ان شاء الله ولك مني وانا ولد زيود الليله حفله في المنتدى

              تعليق

              • ابن جدعــان
                عضو ذهبي
                • Mar 2003
                • 362

                #8
                مرحبا في مرحبا يالزيادي

                يامرحبا والدار عامر ومعمور ====== بالطيب والنخوه وروس الرجالي

                البيت هذا للحبيب العازمي،

                وانت لك منا مرحبا في مرحبا يالزيادي

                ياهلا يامرحبا في منتدنا الهيلا ==== يا الزيادي ذا مكان الزود وانت زيادي

                اخوك ابن جدعان

                تعليق

                العمل...