تلميذ في مدرسه الرجال ( متجدد)

طي
X
 
  • التوقيت
  • إظهار
مسح الكل
المشاركات الجديدة
  • وطني السعوديه
    عضو نشيط
    • Aug 2009
    • 42

    #1

    تلميذ في مدرسه الرجال ( متجدد)



    بسم الله الرحمن الرحيم

    بعد التحيه والاحترام والتقدير إلى مشرفين وادارين واعضاء هذا الصرح الشامخ .

    انا تلميذ في مدرسه ( الرجال ) ، اقول الرجال ، وانتم رجال كرماء عظماء ، ومعلمين ، ورثتوا عاداتكم وتقاليدكم من اجدادكم واباءكم .

    المهم اعتقد انني اطلت عليكم ، ولندخل في الموضوع :

    عند حضوري إلى هذه البلاد الطيبه كثره العزايم والحفلات والجمعات بين الاهل والاحباب والاخوان ولكن دائماً ما اتعرض إلى احراجات

    بسبب عدم الرد فاسمع كلام لا اعرف كيف ارد عليه .

    من المواقف التي صارت معي : كنت معزوم عند رجل طيب كريم وحبيب ، ويوم جلسنا على العشاء وقام اللي قدامي يعزم : ( اللي يحيك القابله عندي ابدا ما تردني ؟!!)

    عاد واخوكم في مجلس كبير وبعضهم ما اعرفه وهذا الرجال ما اعرفه ، ما ادري وش اقول له : ودي اعتذر بس ما راح يكون اعتذاري ماشي مع النمط بتاعهم

    عاد قلت تم !!!! وش اسوي ، المهم جاء اليوم الثاني وجلسنا عند الرجال ، وبعد العشاء ولا فيه رجل يقول حياك الله القابله عندي ، وانا اقول في نفسي زودوها . قل تم .

    انا ماودي اكلف على العالم وكل يوم مسوي زحمه ، المهم تم . والمشكله الاشخاص تغيرون بتغير المكان ، المهم الثالث عزمني وحلفت له اني مسافر الحين ماشي وانا ( اكذب عليه ) واقعد ادقها ايمان عندهـ ( يارب سامحني بس )

    بغيت اقول لهم تراكم زودتوهـا .

    لكن فيه مجموعه من الكلمات سمعتها من جدي رحمه الله عليه لن انساها منها : ( اللي ما يقدر الرجال ما هو رجال ) .!!

    المهم هذا الموقف الأول ، عطوني الحل ، كيف نتخارج مع هالعالم . !! ( هذا الموضوع الأول ) ، ولاحقين على باقي المواضيع .

    دمتم بحفظ الله ورعايته ،،،


  • فهيد الايدا المورقي

    مشرف منتدى الصحافة

    • Oct 2006
    • 14585

    #2
    وطني السعوديه


    الدعو بسيطه


    اذا عزمك شخص وانت ماودك تكلف عليه اعتذر منه بهذه الكلامات



    ( مالك لولا يابو فلان واللي فيك مخبور الله يسلمك لكن ارجو السموحه واعذرني والجيات واجد ان شاء الله) وابتل في كلامك هذا لاتراجع


    واذا جاك شخص اخر بعده قول نفس الكلام وزيد عليه (انا والله معيي عن عزيمة ابو فلان


    بس انتبه اذا رفضة عن عزيمة شخص خلاص لاتثني لاحد غيره ( تثني يعني توافق) تري يجي عليك حق



    اتمني انك فهمت الدرس جيد



    تحيتي
    حسابي في تويتر


    faheed_1234

    تعليق

    • خلف القثامي
      عضو مميــز
      • Nov 2006
      • 5690

      #3
      [align=center]وفيت وكفيت يابناخي الايدءا ع الدرس المفيد

      اضافة الى درسك الجيد

      اذا الح الرجل على عزيمتك ياوطني السعوديه وانت رافض الفكره بتاتا

      قل ماعاد يمديك او فرصه ثانيه او قل اذا تفرغت ابشر بعزك




      الموضوع بسيط جداااا


      اذا عزمك اما تستثني الرجال

      او تعتذر بقولك

      الله يغينك يابوفلان واعتذر باي عذر

      او قل


      يامال الغناه واللي عندك مخبور ولايلحقنا شك فيك

      ولاتستثني لاي رجل اذا سبق احد الحاضرين دعوتك للضيافه وتناول وجبه دسمه



      اتمنى ان اضفت درس اخر مرادف لدرس الاخ / بناخي الايداء


      تقبل تحياتي
      [/align]

      تعليق

      • وطني السعوديه
        عضو نشيط
        • Aug 2009
        • 42

        #4
        بيض الله وجيهكم ، بصراحه متحمس ودي احد يقابلني ودي اجربها فيه

        تعليق

        • وطني السعوديه
          عضو نشيط
          • Aug 2009
          • 42

          #5
          ( الدرس الثاني )

          سمعت ان رجل يقول لرجل : ( انت رجالاً لا يؤخذ منك حق ولا تعطى حق ) ، حسيت انها قويه وش المعنى ، وش الرد ؟؟!!

          والشيء الثاني : رجل يحكي قصه وجاب طاري بنت في القصه ( وجت البنت ولا يهون فلان ) وش المعنى ، بعض الناس تقول لا هنت . مدري .

          هيا عطوني العلم واستحملوني شوي .

          تعليق

          • خلف القثامي
            عضو مميــز
            • Nov 2006
            • 5690

            #6
            تم النشر في الأصل بواسطة وطني السعوديه عرض المشاركة
            ( الدرس الثاني )

            سمعت ان رجل يقول لرجل : ( انت رجالاً لا يؤخذ منك حق ولا تعطى حق ) ، حسيت انها قويه وش المعنى ، وش الرد ؟؟!!



            [align=center]معناها

            انك شخص ظالم ولاتعدل بين الاشخاص او حسب علم الرياضيات مجموعة فاي

            ردك يكون باسلوب هادي

            تقول :

            وانت كذلك لاتاخذ حق ولاتعطي حقوق اي لاتنفع ولاتشفع
            [/align]

            والشيء الثاني : رجل يحكي قصه وجاب طاري بنت في القصه ( وجت البنت ولا يهون فلان ) وش المعنى ، بعض الناس تقول لا هنت . مدري .

            [align=center]اذا قالك هلون

            قله

            وش اخرتها معك

            يعني وين ناوي بالجيه
            [/align]


            هيا عطوني العلم واستحملوني شوي .

            [align=center]اتمنى ان قدمت الجواب الكافي [/align]

            تعليق

            • ولد المزاحمة
              عضو ذهبي
              • Feb 2009
              • 302

              #7
              ابي اسالك من فين جاي

              والله يحييك تحية المطر

              تعليق

              • وطني السعوديه
                عضو نشيط
                • Aug 2009
                • 42

                #8
                خلف القثامي بيض الله وجهك الأولى انفهمت لكن الثانيه لك عليها شوي . ( ابغى اعرف الربط بينها ) .


                تعليق

                • وطني السعوديه
                  عضو نشيط
                  • Aug 2009
                  • 42

                  #9
                  تم النشر في الأصل بواسطة ولد المزاحمة عرض المشاركة
                  ابي اسالك من فين جاي

                  والله يحييك تحية المطر
                  للاسف من

                  Ukrayina



                  الله يبقيك اخي ولد المزاحمه .
                  تم التعديل الأخير بواسطة وطني السعوديه؛ 15-Aug-2009, 11:00 PM.

                  تعليق

                  • ابو ضيف الله
                    مشرف عـام
                    • Feb 2003
                    • 8888

                    #10


                    الاخ الفاضل وطني السعودية حياك الله وبارك فيك على سؤالك واستفسارك والانسان لا يولد عالم وقد قيل لا يوتى العلم متكبر ولا خجول وانت ان شاء الله لست كذلك كما احيي فيك طلبك تعلم علوم الرجال

                    واشكر الاخوان ابناخي لايداء و خلف القثامي على تعاونهم جزاهم الله كل خير
                    قال الشافعي رحمه الله: أركان الرجولة أربع: الديانة والأمانة والصيانة والرزانة.

                    قال الخليل ابن أحمد: التواني إضاعة, والحزم بضاعة, والإنصاف راحة, واللجاجة وقاحة.




                    اللهم أنصر من نصر الدين وأخذل من خذل الدين

                    تعليق

                    • وطني السعوديه
                      عضو نشيط
                      • Aug 2009
                      • 42

                      #11
                      تم النشر في الأصل بواسطة ابو ضيف الله عرض المشاركة


                      الاخ الفاضل وطني السعودية حياك الله وبارك فيك على سؤالك واستفسارك والانسان لا يولد عالم وقد قيل لا يوتى العلم متكبر ولا خجول وانت ان شاء الله لست كذلك كما احيي فيك طلبك تعلم علوم الرجال

                      واشكر الاخوان ابناخي لايداء و خلف القثامي على تعاونهم جزاهم الله كل خير
                      والله ما تدري ياخوي اني اكتب هالكلام واني مستحي منكم ... اللي يدخل الموضوع راح يقول هالرخمه من وين جااااي

                      الله يعين بس ... والله اني امشي مع الناس حذر .

                      شكراً لك ابو ضيف الله لمرورك الكريم .وتعقيبك .
                      تم التعديل الأخير بواسطة وطني السعوديه؛ 15-Aug-2009, 11:20 PM.

                      تعليق

                      • خلف الروقي

                        رابطة محبي الهيلا

                        • Jun 2009
                        • 6080

                        #12
                        وطني السعودية حيااااك الله


                        وشكرااا لك على توجهك لمنتدى الهيلا
                        لطرح بعض اسألك وكل مايصعب عليك

                        كما نتوجه بالشكر الجزيل للاعضاء الذين
                        قاموا بمساعدتك ووضع الحلول المناااسبة




                        ودمتوا بود

                        تعليق

                        • وطني السعوديه
                          عضو نشيط
                          • Aug 2009
                          • 42

                          #13
                          تم النشر في الأصل بواسطة ابو سالم الروقي عرض المشاركة
                          وطني السعودية حيااااك الله


                          وشكرااا لك على توجهك لمنتدى الهيلا
                          لطرح بعض اسألك وكل مايصعب عليك

                          كما نتوجه بالشكر الجزيل للاعضاء الذين
                          قاموا بمساعدتك ووضع الحلول المناااسبة




                          ودمتوا بود
                          اسعدني مرورك الكريم

                          تعليق

                          العمل...