الشاعر /حمود الشمري يصرخ بها (عتبان) امام وزير الداخليه الكويتي

طي
X
 
  • التوقيت
  • إظهار
مسح الكل
المشاركات الجديدة
  • حمود بن بجاد الدلبحي
    عضو
    • Jan 2009
    • 7

    #1

    الشاعر /حمود الشمري يصرخ بها (عتبان) امام وزير الداخليه الكويتي

    بسم الله الرحمن الرحيم

    السلام عليكم ورحمة الله وبركاته

    ستكون أولى مشاركاتي معكم بقصيدة

    للشاعر / حمود بن نافع الراكان الشمري


    [aldl]http://www.3tt3.net/up/upfiles/ph144632.jpg[/aldl]


    عندما صدح بكلمة (عتبان) أمام وزير الداخليه الكويتي مستنجداً بهم من احدى مصائبه

    وذلك خلال امسيته بفندق الكراون بلازا بالفراونيه بالكويت وبحضور وزير الداخليه الكويتي وعدد من الشخصيات والشيوخ ورجال الاعمال ومن جماهير ومحبي الشمري

    لا اريد الإطاله عليكم فعلى كل عتيبي شريف (وبه نعارة راس وطناخه)

    أن ينتخي لهذا الشاعر ويفزع له وبالذات شيوخ الهيلا لأنه كتب الحقيقه وسجل لقبيلتنا شهادة عز نفتخر بها أمام الجميع

    فشكر لقبيلة شمر عامه وشكرا للشاعرحمود الشمري خاصه

    والأن نترككم مع قصيدة (عــــتــيـــــــبـــــــه)


    [poem=font="Simplified Arabic,6,white,normal,normal" bkcolor="transparent" bkimage="backgrounds/10.gif" border="none,5,red" type=0 line=1 align=center use=sp num="0,black"]


    سلام للعتبان تقدير وإجلال=ونسوق فنجال الغلا مع بخوره
    أسمى سلام(ن)صادق بكل رجال=باللي حظر منكم هلا في حضوره
    واللي خذتهم عننا بعض الأحوال=الكل يعذر دام عسره أموره
    هلا هلا بضيوفنا وحي هالفال=ترحيبة(ن)فاحت شذاه وعطوره
    الكل له بداخل القلب منزال=والكل عندي له حقوقه ودوره
    وبشيوخنا ترحيبة(ن)تشرح البال=صقارنا بن حميد وإحنا صقوره
    دخونه التقدير والود فنجال=عزوه لنا وحزامنا بالضروره
    عتبان فزعتنا وهم مزبن الذال=يلقى بهم فزعه ويلقى سروره
    ذباحة الحايل ولطامة العال=سيف(ن)يرد المعتدي دون جوره
    تاريخهم مثبوت تشهد له أفعال=وإفعالهم عز(ن) توالت دهوره
    من بينهم شيخ(ن) عن ألفين رجال=فنجال شيخ(ن) ساطع بطيب نوره
    شيخ(ن) إليا من قال ما يثني القال=وفيه الحميه إتفور الدم فوره
    عز ووفى وأصل وصخى رمز تمثال=سليل سلطان بشموخ(ن)وثوره
    فنجال زبن اللي شكى ضيقة الحال=وقفات شخصه باللزوم مخبوره
    عز الرفيق وللأجاويد مدهال=وضد الخصيم وقاطع(ن) له جذوره
    هو في سنام العز مجد(ن) ولا زال=ومتوارثين المجد راسه وكوره
    نلقى بأبو خالد شهامه ولنا ظلال=ونلقى بكم رأي(ن)سديد ومشوره
    بيوتكم للضيف ولكل مرسال=مفتوحة(ن) تفرح بمن هو يزوره
    عتبان لا عدوا زحازيح الأبطال=يكتبهم التاريخ بأول سطوره
    رجال يعني أفعال وعلوم(ن)جزال=برم الشوراب مكرمين(ن)شعوره
    ما تنفتل إلا على حمول(ن) ثقال=تبرك لها وتشيلها وهي صبوره
    إرجال وأزهلها إذا حل الإشكال=تعجبك بالفزعة وطقة صدوره
    قبيلة(ن)تهتز له شمخ الأجبال=سم(ن) بفم المعتدي به مروره
    ويا مرحبا بكل القبايل بالأمثال=شاعر تغنى من الفرح في شعوره
    بمزاين الهيلا نجر ألف موال=من الفرح كل(ن) يجيبه سروره
    ومزاين الهيلا بها الجود همال=وتستاهل حضور النشاما الغيوره
    وإن كان بالمركز فلا فاز فنجال=فايز بطيبه وصيت ما أزكى عطوره
    ويوم(ن)سمعت بحفلهم قلت بإعجال=لابد نجي عتيبه وحق(ن)نزوره
    وسلام من شمر والأشعار تنهال=لعتيبه بطيبه وللأشعار دوره
    ويستاهله شيباني الفخر فنجال=فخر(ن)لربعه والفعال مخبوره
    وختامها التقدير والود وإجلال=وفنجال لضيوف(ن)مشرف حضوره[/poem]


    بالرغم من تفاعل الجمهور والأنفعال الشديد بالرغم من تعرض الشاعر حمود للنقد والسخريه لماذا اخترت قبيلة عتيبه وماذا فعلوا ؟؟

    إلا أن جوابه كان مفحماوباللهجه الشمريه (عتيبه وشمر عينين براس)

    وعتيبه له وقفات مشرفه مع الجميع وإلا لما كنت قد اخترتهم بقصيدتي


    فشكرا للشاعر حمود الشمري ويستاهل القصيده الشيخ / بن حميد والشيخ / فنجال بن سلطان الشيباني ونعم بهم وبعتيبه الهيلا

    ويستاهل الفزعة سليل الطنايا (حمود الشمري)

    واقول له صح لسانك


    *ملاحظه : الشاعر / حمود الشمري ولد عم الشاعر عبدالرحمن عادل
    الشمري لزم .


    واخيراً تقبلوا تحياتي


    اخوكم/ حمود بن بجاد الدلبحي


    (مــــنــــقـــــــول)
  • عبدالرحمن الهيلوم
    عضو
    • Apr 2007
    • 21232

    #2
    والله مليااااااااااااااااااااار نعم بشمر

    وعتيبه وشمر بينهم معزه واحترام

    وصح السانه
    ورجالات عتيبه قدها وقدوود
    سلمت مبدعا يالدلبحي

    تعليق

    • ابو محمد الدعجاني
      عضو مميـــز
      • Aug 2008
      • 3759

      #3
      الطيب مايمدح الا هل الطيب ونعم بلابتي الهيلا ونعم بشمر الطنايا وفي كل القبايل وصح السان الشاعر حمود الشمري ولاهنت اخوي حمودالدلبحي على النقل

      تعليق

      • ابو سعد الدلبحي

        سلطان الرياض

        • Nov 2002
        • 2574

        #4
        [align=center]والله ونعم بشمر وصح لسان الشاعر على القصيدة الرائعة

        الله يعطيك العافية ولاهنت يإبن العم
        [/align]

        تعليق

        • كشب والنير
          عضو فعال
          • Dec 2008
          • 131

          #5
          كفو يادلبحي على النقل وموضوعك عن الف موضوع
          وترليوووووووووووووووووووون نعم في شمر انا اشهد ان رجالهم عن قبيله وعتيبه قدها وقدود

          تعليق

          • حمود بن بجاد الدلبحي
            عضو
            • Jan 2009
            • 7

            #6
            اشكركم جميعا

            [align=center]اشكر جميع من شرفنا بقراءة موضوعي


            واشكر تفاعلكم


            لكن يا جماعه يجب اننا نوصلها لشيوخنا وخصوصا بن حميد وفنجال الشيباني يمكن يكون ماعندهم خبر عشان يفزعون لذيب الطنايا


            وشمر تستاهل الفزعه وعشان ماتنحسب علينا قاصد فينا وينخانا ولحد فزعه معه


            هذي وجهة نظري الشخصيه ..... وكلا له رايه


            وانا عني ما اعرفهم ولا اعرف ارقامهم اعرفهم بس بعلمهم وصيتهم الطيب ولا كان وصلتها لهم


            وللمعلوميه الشاعر / حمود الشمري له اكثر من 10 قصايد في عتيبه الهيلا


            وانا عن قريب بحاول اجيبها لكم


            تحياتي لكم



            حــمــــود الـــــدلـــبـــحــــي
            [/align]

            تعليق

            • ابو فايح
              مشـرف عام
              • Jul 2006
              • 5343

              #7
              [align=center]يا رجال وشهي فزعته القصيده في مزاين الهيلا

              وان قصدك تصويت فانا معارض نعم معه ونتمنى له التوفيق ولكن التصويت مني مرفوع بالنسبه له ولغيره لان الشاعر الحقيقي لن يحتاج تصويت وحتى وان خرج من البرنامج يكفيه شعره ومن يعرف شعره[/align]
              عالم تويتر



              abofayeh@

              تعليق

              • الشــاهد
                شـــاعــر
                • Jun 2008
                • 559

                #8
                الدلبحي بيض الله وجهك على النقل

                وعتيبة وشمر روس القبائل دون منازع ولاتهون القبائل العريقة

                تعليق

                • الرومي

                  مشرف منتدى أخبار القبيلة واللقاءات

                  • May 2006
                  • 4514

                  #9
                  قصيدة تستحق التقدير من عتيبة الهيلا لشمر الطنايا .

                  والشيخ ابن حميد والشيخ فنجال الشيباني اعلام من اعلام قبيلة عتيبة ويستاهلون المدح لانهم شرفو قبيلتنا في مواقف كثيرة وهذة التشريفات تعود بالنفع لعامة قبيلة عتيبة الهيلا
                  .
                  migeed33@hotmail.com

                  تعليق

                  • فاهم بن العتيبي
                    عضو ماسي
                    • Mar 2008
                    • 609

                    #10
                    الموضوع اتوقع انه في المزاين ولا له دخل بأي شي ثاني

                    بارك الله في الشمري وبيض الله وجهه ونعم ولله بشمر

                    تعليق

                    • سطام العفار المزحمي

                      رابطة محبي الهيلا

                      • Jul 2008
                      • 1416

                      #11
                      الدلبحي موضوع جميل والقصيدة جميلة

                      ويستاهل الشيخ ابن حميد

                      ويستاهل فنجال الشيباني

                      تعليق

                      • ابو قطيم
                        عضو نشيط
                        • Apr 2008
                        • 79

                        #12
                        وش يبغى بس يطلب عزه ياشيخ

                        تعليق

                        • غبيوي أمريكا
                          عضو فعال
                          • Aug 2008
                          • 144

                          #13
                          خلو هياطكم لبني عمكم

                          اذا ودكم تعطونه شيء

                          يمدح ولا ما يمدح ما حنا في حاجة مدح

                          المدح آخذينه غصب عنه وعن غيره

                          لا تصيرون مطفوقين من مدحكم عطيتوه

                          تعليق

                          • عبدالرحمن العضياني
                            عضو ذهبي
                            • Nov 2008
                            • 315

                            #14
                            وعتيبه وشمر بينهم معزه واحترام

                            وصح السانه

                            تعليق

                            • محب الهيلا
                              عضو ممـــيز
                              • Nov 2007
                              • 20292

                              #15
                              عتيبة تستاهل المدح

                              ويعطيك العافية

                              تعليق

                              العمل...