ليله الدخله .... قصه لا تفوتكم

طي
X
 
  • التوقيت
  • إظهار
مسح الكل
المشاركات الجديدة
  • ABUYAZEED
    عضو نشيط
    • Jan 2003
    • 34

    #1

    ليله الدخله .... قصه لا تفوتكم

    ليله الدخله .... قصه لا تفوتكم
    قصه واقعيه حصلت في ليلة الدخله
    شاب راح يخطب وحده وتمت الموافقة على الخطبة ومن ثم الزواج المهم هو وش اللي صار ليلة الدخلة بعد ما دخل صاحبنا شقته مع زوجته وإذا بجواله يدق ويقوم خوينا يرد على الجوال ويدور الحوار التالي:
    الزوج : ألووووو.
    المتصل : السلام عليكم ورحمة الله وبركاته . كيف حالك يا (فلان) و ألف ألف مبروك .
    الزوج : وعليكم السلام وينكم يا أنذال ما حضرتوا الحفل يا تعبانين.
    المتصل : والله تعطلت علينا السيارة في الخط وحنا جايين عندكم ووصلنا وسألنا عنك قالوا انك رحت مع المدام.وذلحين حنا راجعين الديرة.((طبعاً الديرة تبعد حوالي 300كم ))
    الزوج : المهم تعشيتوا .
    المتصل : لا والله.
    الزوج : كم عددكم؟
    المتصل : عشرة.
    الزوج : أقولك (حرام طلاق عشاكم الليلة عندي) قل تم.
    المتصل : يا ابن الحلال (غيير بدل).
    الزوج : يالله أنا أنتظركم مع السلامه.
    وقفل الخط. الزوجه المسكينه ميهي مصدقه اللي سواه زوجها ليلة الدخلة ثم قال يا فلانه أنا رايح السوق وراجع.===((على بالها بيجيب عشاء جاهز))
    بعد ربع ساعه رجع الزوج ومعه أغراض العشاء . قالت الزوجه وش ذا . قال الله يسلمك قومي سوي العشاء لزملاي في العمل جايين من بعيد ولا تعشوا . في أثناء الحوار. وإن الباب يدق . قال هم ذولا وصلوا يالله همه يامره. وراح عند ربعه يقهويهم.
    المهم المسكينه في المطبخ تقطع البصل و الطماط بفستان الزفاف وعيونها تدمع وتقول في نفسها ( بكره بأرجع عند أهلي من الفجر وأطلب الطلاق) المسكينه سوت العشاء وتعشوا وراحوا لديرتهم
    المسكينه متضايقه .
    و المفاجأة؟؟؟؟؟؟؟؟؟؟؟؟؟؟؟؟؟؟؟؟؟؟؟؟
    ^
    ^
    ^
    ^
    ^
    ^
    ^
    ^
    ^
    ^
    ^
    ^
    ^
    ^
    ^



    أن زوجها يدخل عليها ويرمي لها بــ(50000)خمسين ألف قال هذا حقك قالت وشوا حقه قال الرهان اللي بيني وبين زملاي العشرة على كل واحد (5000) بأنك تطبخين ليلة الدخلة وش يكون ردة فعلك يا موافقه ولا لا وأنتي من كسب الرهان وتمت ليلتهم على خير و أصبحى أسعد زوجين.



    تحيــــــــاتي
  • عتيبي عفيف
    عضو فضي
    • Mar 2004
    • 263

    #2
    هههههههههههههههه

    والله انه فاضي هالعريس ليلة الدخله (( تقطيع بصل ))

    والله المسيكينه راحت فيها لكن طلعت من السالفه

    (( بخـــمــــسـ 50000 ـــــين الف ريال ))

    يعني مهر ثاني في ليلة الدخله

    على العموم لك كل الشكر يا ABUYAZEED

    بس اعتب عليك لانك فتحت عيون اللي زواجها قريب

    يمكن زوجها يسوي سوات الاخ العزيز

    تحياتي لك عتيبي عفيف

    تعليق

    • راعــ بقعاء ــي
      عضو نشيط
      • Mar 2004
      • 41

      #3
      هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههه

      من جد الساااالفه؟؟؟؟؟؟؟؟؟؟؟؟؟؟؟؟؟

      تعليق

      • شيباني نت
        عضو ذهبي
        • Jan 2004
        • 321

        #4
        ابو زايد
        يلعن ام العرس اللي زي كذا
        فااااااااااااااااااااضي المعرس
        ماوراه ( شي ) مرررررررررررره


        تسلم ابو زايد


        اخوك شيباني نت

        تعليق

        • احمد
          عضو
          • Feb 2004
          • 17

          #5
          رايحين فيها

          تبون الصحيح يا خواني المعرس وهالضيوف رايحين فيها

          فيه عاقل يقلب ليلة ( العمر ) الي ليلة مراهنات
          لو السماجه لها ريحه كان عريس الغفله مانامة معه العروس المسكينه
          بلا 50000 الف بلا خرابيط ،،،

          أحـــمــــد ..

          تعليق

          • ابن مشيب
            إدارة أقسام القبيلة
            • Nov 2002
            • 9791

            #6
            امحق زوج , زوج والله البركة , وشلون يراهن الرياجيل على شي يخص شؤنة الخاصة

            تعليق

            العمل...