تخيل تحصل معك هذه المشكله .. كيف الحل ..!

طي
X
 
  • التوقيت
  • إظهار
مسح الكل
المشاركات الجديدة
  • سعود الشايوش
    عضو فعال
    • Jan 2007
    • 194

    #1

    تخيل تحصل معك هذه المشكله .. كيف الحل ..!

    [align=center]السلام عليكم ورحمة الله ..


    موضوع لطرح اكثر الحلول والاراء .. قد يحصل على ارض الواقع..


    مثلا : شخص بدأت معرفتك معه عن طريق منتدى واصبحت علاقتكم جيدة واتصالاتكم مستمرة خارج المنتدى ..

    تتبادلون الراي حول المنتدى وامور اخرى ..واصبحت علاقتكم متينه

    في يوم من الايام حدث سوء تفاهم او تفسير خاطئ منك ومنه وحصل فجوه بينك وبينه .. وهو في السابق زميل وصديق بنفس الوقت ..

    انقطعت السبل بينكم وقام بتغيير هاتفه عنك وانت لم تغير هاتفك تنتظر اتصاله .. وليس لك معرفة باقرباءه للسؤال عنه او للتأثير عليه ومحاولة حل المشكلة الحاصله ..


    كيف ستتصرف او كيف تجد حل ..! دعونا نسمع ارائكم..



    سأضيف رأيي بعدما اسمع وجهة نظركم ..







    ..
    [/align]
  • بدر الكريزي

    مشرف سابق

    • May 2008
    • 2584

    #2
    ""

    اللي يصد بلا سبـب ماقـول غيـر الله معـه





    ""
    [align=right]قرأت فيما قرأته من بلوغ المرام .,
    اللي ترك شيء لله ( عاضه الله بخير ) .,
    [/align]

    [align=center].,[/align]
    [align=center]استغفر الله العظيم , و أتوب إليه ‘.[/align]

    تعليق

    • وافي الخماش
      عضو ممـــيز
      • Apr 2008
      • 4089

      #3
      [poem= font="simplified arabic,6,green,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
      بعض العرب لا صد ماعنه منشود = وبعض العرب لاصد يوجع مصده[/poem]

      تعليق

      • ناصر العصيمي
        عضو ممـــيز
        • Apr 2003
        • 5301

        #4
        [align=center]كثيـر الـلـي تمنـانـي وطـلـب ودي ولاجيـتـه
        ازعلهـم وابكّيهـم واراضـي منـهـو اشقـانـي ...
        انـا بانـدم علـى خـل ٍ رجانـي حــب وخليـتـه
        ولا بانـدم علـى منهـو رجيتـه حـب وخلانـي ....
        صحيح الوقت ياصـاح يبيّـن كـل مـا اخفيتـه
        وانـا كلـي غـلا اعطيـت وبالـجـرح تجـزانـي ....
        انا من وقت ما شفته وعشقته حيل وحبيتـه
        فديتـه غالـي العمـر وملـك قلـبـي ووجـدانـي ....
        عطيته وما حسبت حساب جروحه وتحاليته
        وقلـت الله علـى خـلـي هـديـة ربــي وجـانـي ...
        مـا دام الغـدر إسلوبـك وحبـي لــك تناسيـتـه
        دخيلـك امسـح ارقـامـي واسـمـي وعنـوانـي ...
        انـا مالـي بحـب أبـكـم جيـتـه وكــم ترجيـتـه
        طلبتـه يقـول احـبـك بــس ولكـنـه تناسـانـي ...
        غريبـه دنيتـي والله غريـب الـحـزن عانيـتـه
        غريبـه حلمـي يتحطـم وعمـري كلـه اعانـي ...
        انا الطيبه من عيوبـي وصدقـي طفـل ربيتـه
        وعلمته على الاخلاص لكل إنسـان ماشانـي ....
        خسـاره مـا بـدر مـنـي لـكـل إنـسـان رديـتـه
        خسـاره ليتنـي فـكـرت قـبـل اخـتـار خـلانـي ...
        أنا آسف..أنا آسف يـا اغلـى شخـص حبيتـه
        ابرحل واترك العالم واعيـش الفرحـه ثوانـي ...
        ابرحل في سما عشق ٍ بكـل إحسـاس ناديتـه
        وابرحل عن عيون الناس وعن حب ٍ نساني[/align]


        هذه ابيات اعجبتني وقريبة لموضوعك

        تقبل مروري
        تم التعديل الأخير بواسطة ناصر العصيمي؛ 03-Aug-2008, 12:56 PM.

        تعليق

        • عبادي المقاطي
          عضو ماسي
          • Jun 2008
          • 403

          #5
          والله مشكله بس لاتحسف عليه ابد


          هو الخسرااان

          تعليق

          • سعود الشايوش
            عضو فعال
            • Jan 2007
            • 194

            #6
            من محاسن الموضوع اكتشفنا ابداعت شعريه للاعضاء .. لايكون الموضوع دق على الوتر الحساس ..


            بدر الكريزي : الحل مناسب في حال كون العلاقه بين الشخصين غراميه وهذه فقط لوجود الطرف الناعم .. ولاغرام بين الرجال ..


            وافي الخماش : ناسبني عجز البيت .. شكراً لحضورك ..


            ناصر العصيمي : انت ودك تورطني .. لو اعرف رقمه ما ارسلت له الرساله هذي .. وبعدين الابيات قويه شوي وغراميه ..



            يبدو اننا يطغى علينا الحب والغرام وعواطفنا رقيقه .. مامضى من الاراء عاطفي ورقيق .. شكل الشباب يحبون ..



            همسه : بعض الاصدقاء يجبرك ان تسمي ابنك باسمه حتى يصبح ابنك صديقك ..!






            سعدت باراءكم ونطمع بالمزيد ..




            ..

            تعليق

            • بدر الكريزي

              مشرف سابق

              • May 2008
              • 2584

              #7
              [align=center]
              ""

              ما أعتقد إن الحـل أو ( الشطر ) اللي وضعته .. يسلتزم وجود الطرف الناعم ..

              أورد لك القصيدة كاملة لكي تتضح أكثر ..

              وهي للشاعر / نايف معلا ..






              [poem= font="simplified arabic,4,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
              الصاحب اللي ما ذخرته غير لعجاف السنيـن=كيف يتجاهل قدري بصدره وحنَّـا فـالسعـه
              ولا جاه منِّي ما يثمِّن وقفـة العـذر السميـن=إلا الوقار اللـي بصـدري كـان ودَّه ينزعـه
              معزَّته عندي كبـر هقواتـي بطلـق الجبيـن=لكن مانـي حايـل ٍ مابيـن عينـه وأصبعـه
              له منِّي أدمـح زلَّتـه لا زل والقاسـي يليـن=وإله علي أنصـت لمـا ودَّه يقولـه واسمعـه
              حتَّى لو إن اللي يقوله يبحـث السـد الدفيـن=والله ليبطـي ماسمـع منِّـي مقـالٍ يِجزعـه
              إلاَّ ليا من قيل : مادون الحلـوق إلا َّ اليديـن=في وقتها ماهوب مِحرف وجهته ليـن أقنعـه
              الله يكافينا الشرور ويا عسى الدعـوا تزيـن=والله ينجّينا مـن كـروب الزمـان الموجعـه
              وإنَّا نصير بنعمتـه مثـل الخـوان الطّيبيـن=متكاتفين بصف واحـد مـا تجيـه الزعزعـه
              مثل الجبال الشامخات بوجه الأعـدا صامديـن=من جاع منهـم وإبتغانـا بالهزيمـه نِشبعـه
              ننهل من القرآن ، والسنَّه ، وهدي الصالحين=ونمشي ، وقدوتنـا محمـد والكـرام الأربعـه
              هي والله الصحبه عسى ربِّي على الدنيا يعين=ماهيب صحبة نافخين الكير وأهـل المضيعـه
              والصحبه اللي غير مبنيه على تقـوى وديـن=ولا على سلـم الكـرام تهزَّهـا أيَّـة زوبعـه
              ويا صاحبي مد اليمين إنْ قلت لك مد اليميـن=لا تآخذك سود الظنون وتصبح أنـت الإمَّعـه
              تراك : غالي والغلا ما أنصى به إلا الغانميـن=وإلا الردي : والله لأبيعه لو ماقالـوا : بعـه
              إلي عليك : إنك تدوس الشك بأقـدام اليقيـن=وإنك تعرف : إنِّي ما أدوَّر من وصالك مطمعه
              وإن كان في صدرك عليَّه شي سمَّه واستعيـن=باللي جعلك تذود عـن رد الجميـل وتصنعـه
              وعهدٍ علي إنَّك لترضى والرضا كنـزِ ثميـن=أطرد به الضيقه عن الأصحاب واللاش أردعه
              وإن كان منته مقتنع مانيب قايل : رحت وين ؟=فجوج ربِّي واسعه وأنـا المقفِّـي مـا أتبعـه
              طال العتب وإلا قصر هي كلبوهـا : كلمتيـن=اللي يصد بلا سبـب ماقـول غيـر الله معـه [/poem]


              ""[/align]
              [align=right]قرأت فيما قرأته من بلوغ المرام .,
              اللي ترك شيء لله ( عاضه الله بخير ) .,
              [/align]

              [align=center].,[/align]
              [align=center]استغفر الله العظيم , و أتوب إليه ‘.[/align]

              تعليق

              • الموت هيبه و العز لعتيبه
                عضو ماسي
                • Jul 2008
                • 723

                #8
                خلاص بالطقاق اللي مايبيني ما ابيه...

                تعليق

                • فهد النفيعي
                  مشرف سابق
                  • Dec 2005
                  • 11363

                  #9
                  ادعي له في ظهر الغيب والله يهديه

                  تعليق

                  • /عبد العزيز الجذع/

                    رابطة محبي الهيلا

                    • Apr 2008
                    • 7289

                    #10
                    الله ما يبينا ما نبيه.

                    تعليق

                    • رمح برقاا

                      رابطة محبي الهيلا

                      • Jun 2007
                      • 1297

                      #11
                      اللي زعل بدون سبب يرضضى بدون السبب والزمن والايام تجييبه

                      وعشرة المصلحه ما تدوووم يا الربع ؟؟؟؟؟؟؟؟؟؟؟

                      تعليق

                      • ناصر العصيمي
                        عضو ممـــيز
                        • Apr 2003
                        • 5301

                        #12
                        طيب نبي نشوف رأيك ياصاحب الموضوع !!!

                        تعليق

                        • سعود الشايوش
                          عضو فعال
                          • Jan 2007
                          • 194

                          #13
                          [align=center]يعطيكم العافيه ياشباب ..



                          اللي مايبينا مانبيه .. هذا المثل تقليدي ولكن لايصلح في كل الاحوال ..


                          لذلك علينا ان نبحث عن حلول اخرى ..



                          رأيي : بما ان العلاقة التي بنيت بين شخصين وكانت صداقة على غير مصلحة فبالتأكيد كانت مبنيه على قواعد قويه .. ولاخوف عليها حتى وان مرت هذه العلاقة بضروف .. تظل متكئه على اساس متين ..

                          لذلك يجب ان لانعتب في انقطاع السبل .. او ان صاحبنا قام بتغيير هاتفه قد يكون فعل ذلك في لحظة غضب .. ومع مرور الوقت ربما يكتشف ان التغيير سبب في طول الانقطاع .. مادام ان صاحبه الاخر لم يغير هاتفه .. فقد تأتي لحظه يبادر فيها بالاتصال وتعود الصداقة من جديد لانها كما كانت صداقة اصيله .. لم تتغير مهما مرت بظروف ..

                          وكما قال احد الاخوان : ندعوا له ونذكره بخير وهي اسلم طريقه ..


                          ونطمح للمزيد من الاراء..







                          ..
                          [/align]

                          تعليق

                          • ابوزعبه

                            رابطة محبي الهيلا

                            • Dec 2006
                            • 3969

                            #14
                            خله يروح روحة مقيط ورشاه

                            تعليق

                            • ناصر العصيمي
                              عضو ممـــيز
                              • Apr 2003
                              • 5301

                              #15
                              عندك أمل انه يرجع

                              اقول غير رقم جوالك انت بعد.....

                              تعليق

                              العمل...