][ مـــن بـــــاب المــيانــة ..!!!! ][

طي
X
 
  • التوقيت
  • إظهار
مسح الكل
المشاركات الجديدة
  • طارق النفيعي
    عضو اللجنه الاعلاميه
    • Sep 2007
    • 3682

    #1

    ][ مـــن بـــــاب المــيانــة ..!!!! ][



    السلام عليكم ورحمة الله وبركاته

    يالله تحييكم كلن باسمه..

    اليوم نقلتلكم موضوع من واقع الحياة..

    ماأطول عليكم..

    الموضوع بإختصار ((( الإستئذان )))

    ليش أصبح الإستئذان يشكل عبء على بعض الأشخاص؟؟

    نفرض ::

    إن جاك واحد مهما كانت علاقته معك أخ قريب صديق ...إلخ

    ولطش جوالك من قدامك وأخذ يقلب فيه طبعاً وش العذر

    إنه ( يبي يشوف وش الجديد عندك من مقاطع أصوات فيديو صور أي شي )...

    وتوصل الجرأة في البعض قراءة رسائلك الخاصة من غير الواردة طبعاً

    أكيد كل أحد عنده رسائل من شخص يعزه أو يحبه ومايبي أحد يطلع عليها..

    لو مهي خاصة مااحتفظنا فيها بمجلد خاص..

    سواء من الزوج أو الزوجة أو من صديق مقرب أو صديقة مقربة..

    والبعض يقول لا انا أمون عليك مابيننا إستئذان وخرابيط..

    يعني الحين صار الإستئذان خرابيط..

    والله بهالزمن مانستغرب أي شي..

    ولا من زود الميانة مايبي يستأذن ..

    طيب مهما كان هذي خصوصيات..

    أنا أستغرب من البعض توصل فيهم الجرأة

    بإستخدام جوالك للإتصال منه أو إرسال رسالة

    من غير مايطلب منك أو يستأذن منك..

    وتتفاجأ بعد ماترجع جايك رقم غريب وترد ويقولك من اتصل علي

    طبعاً انت متأكد إنك ماإتصلت ومافيه أحد طلب منك يستخدم جوالك

    وهو يقولك جاني اتصال من هذا الرقم الساعة الفلانية ,,

    أها ألحين إفهمها إن اللي كان ماسك جوالك متصل من غير مايقولك

    أو حتى يكلف نفسه يستأذن منك...

    والله لو إستأذن منك أكيد ماراح ترفض أو تقصر معه ..

    ولكن مايحطك بموقف محرج مع أحد ثاني..

    وإلا إذا كلف خاطره وإستأذن كيف تكون طريقة إستئذانه؟

    أنت قاعد مع أخوياك وطلعت عندك شغلة بسيطة ورجعت

    لقيت جوالك مع واحد منهم وإذا شافك قال عن إذنك جوالك معي..

    ياسلام ماقصر والله تعب نفسه وإستأذن..

    طيب خلاص أنت أخذته ولا إستأذنت..

    ولو تناقشت في موضوع الإستئذان مع البعض..

    يقولون ليش نستأذن عشان يصرفنا..

    طيب ياناس الرسول صلى الله عليه وسلم ,,أمرنا بالإستئذان

    أصبح مفهوم الإستئذان لديهم مرتبط بالتصريف زي مايقولون..

    أو نفرض ::

    جوك ناس يزورونك يعني مقربين منك ولاتبي تكلم أحد غريب..

    وينط لك واحد من الجيران أو الأقارب وماتدرون إلا وهو طاب عليكم..

    طيب إستأذن أول ..

    يمكن عندكم موضوع خاص أو مشكلة أو أي شي..

    بالله وش تسوي باهالغثيث الله يهديه ..

    ماأبي أطول عليكم أكثر

    وأبي رأيكم في الموضوع

    ومناقشة هذه المشكلة..

    وهل من الممكن أن يتمادى هذا الوضع إلى أكثر من ذلك؟؟

    واللي عنده مواقف صارت له أو صارت لأحد يعرفه يحطها لنا..

    أتمنى أن ينال موضوعي إستحسانكم...

    تقبلوا ودي وتقديري
    [align=center] أخوكم : طارق النفيعي



    [/align]
  • محب الهيلا
    عضو ممـــيز
    • Nov 2007
    • 20292

    #2
    [align=center]موضوع رائع للنقاش


    وفعلاً صار الأستاذان صفة نادرة عند بعض الناس بحجة انه صديق ويمون

    عليك

    لكن هذا النوع مايبغاله الاالجراءه وتقوله في وجهه ياخي استح على

    وجهك ولاعاد تمسك اشيائي الخاصه

    بعد كذا ماراح يعيدها

    مشكور وماقصرت
    [/align]

    تعليق

    • العود أبو موس
      عضو فعال
      • Dec 2007
      • 165

      #3
      السلام عليكم

      ذكرنتي بموقف حصل قبل سنوات أول ما جاء جوال الرهيب , كنت في مبنى السكن الخاص بالموظفين , وأطالع التلفزيون والجوال مطروح جنبي .
      وجاء واحد زميل ومن قبيلة طيبة ولا هو إنسان ردي .

      قمت من مكاني بأوصل الغرفة وأرجع ولحظة رجوعي إلا والأخ يقلب في الجوال .
      الحقيقة ما في الجوال شيء خصوصي ولكن يوم شفته يقلب في الجوال تخيلته يقلب في دولاب ملابسي ويفتش سيارتي ويمكن يخلع باب بيتي الصبح ويدخل البيت وكأنه صندقة مهجورة في البر .

      ماودي أتذكر وش صار ..
      ولكن حصل موقف أثر علي كثير وسبب إنطباع سي على جميع زملائي في العمل . لسنوات .

      ولكن كنت غلطان فيه ناس عادي عندهم .. ما يستنكر لو فتشت جواله , فإذا كان الطرف الأخر ما يستنكر فلا تأخذ الموضوع جد .
      إذا يرضى على نفسه , بين له أنك ما ترضى على خصوصياتك ..
      وخلاص


      الأمور تؤخد من المبدأ السيادي , سيادة الإنسان على شخصيته , ثم على بيته وممتلكاته , ثم مشاركه الأخرين في سيادة الموقع أو الحي نهاية بالسيادية الوطنية على الأرض .
      هذه على هذا النحو يمكن أن نفكر ..
      وترى هذا موجود من قديم ومتوراث عند العرب أباً عن جد .. وعند الأمم كلها .

      تعليق

      • ابوراكان2000

        رابطة محبي الهيلا

        • Dec 2006
        • 1428

        #4
        على حسب الشخص اذايمون عليه وانا عارف ان اشيائي مافيها شي

        ينخش عنه عادي

        موضوعي جيد للنقاش وابداء الاراء

        تعليق

        • القادم بقوة

          رابطة محبي الهيلا

          • Jan 2008
          • 2463

          #5
          والله فعلا أنا دايم أصادف هالنوعيات
          حتى من كثر حرصي صرت ما أترك في جوالي شي خاص أنقله للكمبيوتر
          وأنا شخصيا لا يمكن مطلقا أني أتجرء على شي من هالامور أبد أبد
          واذا صادفني شخص من اهل هالحركات والله استحي منه
          وان كان جديد علي وجاي مسوي يمون العنه ولا عندي بأفلس منه















          اذكر صار لي موقف مرة كانت معي سيارة اخوي 2003 على وقتها وانا جالس جا واحد من الشباب ولا بيني وبينه ميانه واعرف انه مطفوق
          سلام وعليكم السلام وقدام الشباب قال
          مقرن مفتاح السيارة الله لا يهينك
          والله مدري وش اسوي
          قلت معليش مهي سيارتي
          قال احوووووووووووووووووووووول
          وبدا يتكلم وعلى باله يلمح اني قليل خاتمه واني واني...
          طفشت منه وقلت يا قلان انت بجيح وبقوة بعد
          وانا واياه هواش
          المهم فكني الله ان الشباب وقفوا معي وقالوا مقرن محترم معنا كلنا
          وش معنا انت اللي يصير بينك وبينه خلاف
          الخلل فيك انت
          راحت هالسالفة ومن بعدها وانا ما لي خلق على ذاك الادمي ابد

          تعليق

          • طارق النفيعي
            عضو اللجنه الاعلاميه
            • Sep 2007
            • 3682

            #6
            هههههههههه

            أستمتعت كثيرا ً بتعليقكم وردودكم

            ومشكورين جميعا ً
            [align=center] أخوكم : طارق النفيعي



            [/align]

            تعليق

            • عبدالرحمن الهيلوم
              عضو
              • Apr 2007
              • 21232

              #7
              يوههههههههه ياكثرهم يالغالي
              السبحه و النظارة الشمسيه !! اول الضحايا
              لاهنت يالذيب

              تعليق

              • طارق النفيعي
                عضو اللجنه الاعلاميه
                • Sep 2007
                • 3682

                #8
                ربك يعين يبو فلان

                ومشكور على التواصل
                [align=center] أخوكم : طارق النفيعي



                [/align]

                تعليق

                • ابن هضلا

                  رابطة محبي الهيلا

                  • Apr 2007
                  • 1320

                  #9
                  [align=center]يعيش المرء ما استحيا بخير *** ويبقى العود ما بقي اللحاء


                  الإستئذان أدب اسلامي رفيع..لكن يبقى دورالأسره في تأصيله

                  يعطيك العافيه على هذا الطرح..

                  دام جديدك الهادف
                  [/align]

                  تعليق

                  • عبدالله بن دبيس العتيبي

                    رابطة محبي الهيلا

                    • Oct 2007
                    • 2463

                    #10
                    الف شكر ياخوي طارق النفيعي


                    هذا اللي كرهني في الجوالات الحديثه

                    تصدق ياخوي اني بعض الاحيان اصور مقاطع خاصة جدا

                    واذا حضرت مناسبه ولا مريت قريب ولا صديق قام يفتش في الجوال طبعا من حسن ظن مني
                    والمصيبة انك تلقاه مفتش على كل شي خاص

                    ولهذا قاطعت الجوالات الحديثه وكتفيت بجوال حديث لاكن لا يوجد به بلتوث ولا كمره ومرتاح كثير يالله لك الحمد

                    يعني اكبر مهامة اتصال واستقبال ولا فيه عطني بتفرج ولا شي



                    وتقبل تحياتي

                    تعليق

                    • طارق النفيعي
                      عضو اللجنه الاعلاميه
                      • Sep 2007
                      • 3682

                      #11
                      ربك يعين يبو فلان والله لا يهينك على التواصل ..
                      [align=center] أخوكم : طارق النفيعي



                      [/align]

                      تعليق

                      • ابوجود 511
                        عضو فعال
                        • Jan 2008
                        • 140

                        #12
                        الأستأذان مهم ومن الصفات التي حث عليها القران الكريم

                        وصادق الاخ الهيلوم ان النضارة والمسبحة والقلم من الاشياء التي تؤخذ

                        من دون استئذان

                        مشكور موضوع هادف

                        تعليق

                        • طارق النفيعي
                          عضو اللجنه الاعلاميه
                          • Sep 2007
                          • 3682

                          #13
                          مشكور على الرد والتواصل
                          [align=center] أخوكم : طارق النفيعي



                          [/align]

                          تعليق

                          العمل...