تركي بن 2000 يوكد غش برنامج شاعر المليون في تسجيل صوتي

طي
X
 
  • التوقيت
  • إظهار
مسح الكل
المشاركات الجديدة
  • فرناس
    عضو ذهبي
    • Jun 2006
    • 376

    #1

    تركي بن 2000 يوكد غش برنامج شاعر المليون في تسجيل صوتي

    مساكم الله بالخير

    هذا مقطع اتصال بين واحد من جماهير تركي بس ذكي مرة
    يسئله عن حقيقة غش برنامج شاعر المليون وتركي يوكد الغش الواقع عليه من جهته على حد زعمه
    والمعروف ان التنافس كان بين ابن فطيس ويوسف العصيمي في الحلقة الاخيرة
    وقامت اللجنة ووزعت النتايج من كيسها ضاربه بتصويت الجمهور عرض الحايط

    وعتابة كاشفتن الغش من قبل الحلقة الاخيرة وتكلمت عن الغش
    وفي الحلقة الاخيرة طبلتها اللجنة صح بغش غير شكل ولا حيا من احد

    الحلو فالمقطع ذكا المتصل الخارق ينشد تركي عن غش البرنامج وتركي يوكد الغش ويرد علاه بالحمدلله انا تقدمنا على السعودية وعلى عتابة خص هههههههههههههههههههههه
    تقدم على السعودية وعتابة بالغش

    اترككم مع المقطع


  • kodak
    عضو
    • Jan 2003
    • 13

    #2
    مســـــــــــــــــاكين ماهمهم في ها الدنيا الا عتيبه ........... بس ماش مستوى هم وين وحنا وين !!! قال محمد بن زايد طلع لهم فوق وغير النتيجه عذر البليد والله وياماااااااااااااااا جاب الغــــــــــراب لأمه .....

    تعليق

    • عتــ بلجيك ــيبة
      عضو ماسي
      • Apr 2007
      • 521

      #3
      شيء طيبعي

      صبحكم الله بالخير...وإذا كانكم في ليل...مساكم الله بالخير.
      أخوي فرناس...كيف حالك ونورت المنتدى بمواضيعك..
      بالنسبة لصوت تركي..
      فالبداية قلت هو بعدين تغير صوته مليون درجة..صار مدري كيف..!!
      كان صوتة (نعومة) كالمعتاد
      بعدين صار صوت رجال ضخم..أو أنه قام يأكل ويبربر..( يتحدث )
      المهم كيف ماتبيهم يتكلمون عن عتيبة وحنا (كعامهم)..
      .................................................. .....................
      .................................................. ..................................

      تقبلوا مروري....وشرطتي....! هههههههههههه
      أخوكم الذي لم تنجبه أمهاتكم
      عتــــ بلجيك ــــيبة

      تعليق

      • ابن مشيب
        إدارة أقسام القبيلة
        • Nov 2002
        • 9791

        #4
        الله يمسيك بالنور والرضى يافرناس , واشكرك على موضوعك المرفق بالملف الصوتي , لاحد المتسابقين والمتأهلين للدور النهائي , وهذا يعيدنا لإثارة قضية تلاعب لجنة شاعر المليون بتصويت الجماهير.

        وفي حقيقة الأمر , ماتفوه به تركي الميزاني في المكالمة السابقة , وتظلمهُ من التلاعب بنسبة تصويت الجمهور , لم يكن جديد او مستغرب , فالجميع يعلم ان هناك ظلم واضح من اللجنة ولايحتاج للتأويل , سواء تطرق لهُ احد المتسابقين ام لم يتطرق لهُ , وكان هذا الظلم بثقله على الشاعر / يوسف العصيمي , وهذا لايخفى على الجميع.

        وقد كتبنا وتكلمنا في هذا المنتدى وغيره , عن عدم نزاهة وحيادية هذا البرنامج ولجنة تحكيمة , قبل اللحلقة الاخيرة , هذه اللحلقة التي لم تراعي لاعقل ولامنطق , ولم تخجل لا من المتسابقين ولا من الضيوف ولا من المتابعين , وكأنها تعلن وأمام الملا , بأنها تتبنى ظلم المتسابقين , والتلاعب بنسب تصويت الجماهير , ولله في خلقه شؤون.

        ولكن الظلم الاكبر , والاكثر وضوحاً من حيث التلاعب بنسبة تصويت الجماهير , كان على الشاعر / يوسف العصيمي.


        واتمنى من جميع الإخوة المتداخلين , الإبتعاد عن الجزئيات في المقطع الصوتي , المثيرة للفتنة , والتعليق على الجوهر ولب الموضوع.


        تحياتي

        تعليق

        • العكام
          عضو فضي
          • Jan 2004
          • 213

          #5
          ساع صح هالحين انها تلاعب في تلاعب ونسبة التصويت اللي في البرنامج هم اللي يوزعونها

          لله دركم ياعتابة فهمتو اللعبة وشرشحتو اللجنة
          تم التعديل الأخير بواسطة العكام؛ 15-Apr-2007, 12:47 AM.

          تعليق

          • تراحيب ابن بصيّص
            موقوف لمخالفة الأنظمة
            • Apr 2007
            • 57

            #6
            الغش معروف بس مو من اللجنه

            من محمد بن زايد اللي لعب بالتصويت ورفع ابن فطيس ...

            اما كلمة المتصل اللي قال اهم شي عتيبه

            اعتقد انه عتيبي .....وسجل المقطع على تركي عشان يفضحه ..

            مع ان تركي ما قال الا الصدق ...

            ولا جاب طاري العتبان غير المتصل المشكوك بأمره ...


            واما اذا كان مطيري المتصل وذكر كديميس ...

            ...على قصيدته لما خرج ابن سرور ....واعتقد انكم تعرفونها.....

            هلّ كل اللي بقلبه على المطران مع ان ماحد جااه كديميس اللي هو فهيد العصيمي ...

            والقصيده وصلتنا ..وفيها قذف وشتم بدون سبب عشان مسابقه (((يقولون انه شايب))
            يالله حسن الخاتمه ...


            وكان لها رد فعل قوي بالتصويت ...

            المسابقه انتهت.....وان شاءالله نطوي صفحة العنصريه الجاهليه

            تحياتي

            الصريح جدا ....تراحيب

            تعليق

            • أبو فيصل
              مشرف سابق
              • Dec 2004
              • 3538

              #7
              اعتقد أن محمد بن زايد ماتدخل في التصويت ولا له فيه شغل

              والا وش مصلحة محمد بن زايد اذا فاز ابن فطيس و الا غيره

              اساس الغش هم الصلبي و اخوياه

              والا وين تركي و وين ابن فطيس

              هذي الحقيقة الي يجب ان كلنا نعرفها

              مشكور أخوي قرناس

              تحياتي
              لا إله إلا أنت سبحانك إني كنت من الظالمين

              تعليق

              • السّامي
                عضو فضي
                • Aug 2005
                • 262

                #8
                اخـوانـي الاعـزاء

                الـمـتـصـل عـلـى تـركـي الـمـيـزانـي مـطـيـري ومـن مـوظـفـي شـركـة الاتـصـالات الـسـعـوديـه

                ولـمـا عـلـم تـركــي فـي انـتـشــار الـتـسـجـيـل قـال

                (( ردوا الـكـلام عـن اخـو تـركــي ))

                والله مـا اخـلـيـه الـحـيـن اكـلـم ولـد عـمـي ويـسـجـل مـكـالـمـتـي


                وهـذا الـمـتـصــل اعـرفــه مــعـرفــه تـــااامه وهـو مـن ســكـان حـفــر الـبـاطــن



                اخـوكــم ,,,

                تعليق

                • سعود المغيري
                  عضو ماسي
                  • May 2006
                  • 990

                  #9
                  مشكور.. على النقل..

                  تعليق

                  • ‏ミ♡彡 العميد ミ♡彡
                    عضو فعال
                    • Oct 2006
                    • 158

                    #10
                    هههههههههه
                    لعنبوك يالنذاله طلعت على اصولها امس الطقاقه يمجد محمد بن زايد
                    ويهز وسط له بالمواويل واليوم يجحده ويقول انه هو اللي عطا اللقب بن فطيس هههههههه
                    يعني محمد بن زايد عند الطقاقه طلع خاين ولاعنده ضمير
                    والله اني ضحكت وانا مالي نفس . لاهنت يافرناس ضبطت المجرم
                    متلبس بالجريمه .

                    تعليق

                    • تراحيب ابن بصيّص
                      موقوف لمخالفة الأنظمة
                      • Apr 2007
                      • 57

                      #11
                      العميد تبغاه يكذب .....يقول لا ما غير ..والصحيح ان محمد بن زايد غير
                      ومطير تصويتها فوق بالسما لا قطر ولا احد حوله ...

                      وتركي ماعمره مدح محمد بن زايد مثل بعض الناس يوم يقول

                      شيخ لو اني مامدحت فعوله....شككت في قوميتي واسلامي ...


                      تركي مدح هل العوجا ...عيال عبدالعزيز
                      ولا فكر بمحمد بن زايد ...واتحداك تجيب لي بيت لتركي يمدح محمد بن زايد..
                      او تمسح عنده مثل بعض الناس ...تركي يوم كل الشعراء يمدحون ابن زايد
                      ونسوا بلادهم اللي عاشو فيها رفض يتبعهم بأسلوبهم
                      وزلزل المسرح بقصيدة سيرة بطل واعطى السعوديه حقها

                      ولا تقولي مدح زايد ...لان زايد الله يرحمه قليل بحقه المدح...

                      تحياتي

                      الصريح جدا
                      تراحيب
                      تم التعديل الأخير بواسطة تراحيب ابن بصيّص؛ 16-Apr-2007, 01:50 AM.

                      تعليق

                      • زياد المغيري

                        رابطة محبي الهيلا

                        • Nov 2005
                        • 1110

                        #12
                        اولاً يعطيك العافيه يافرناس على هالمقطع ولاعدمناك

                        وثانياً وش تتوقع من برنامج مثل برنامج " شاعر المليون " غيرر جني الأربااااااااااااااااااااح

                        يربحون الملايين من التصويت واخر المطاف يطفسون ابن فطيس بـ مليون ريال والباقي يتوزعونها ويستهال ابن فطيس لانه اخذها بـ قصيده الجززل

                        الكذب حبله قصيرررررر "وانا اقول .... الغش حبله قصيررررر " وانكشف المستور

                        ويووسف شاعرر ولا عليه كلاااااااااام وقصيده جززززل وفي نفس الوقت انظلم بس اهم شئ اخذ مبتغاه

                        ويكفي كل اللي في شاطئ الراحه وقف وقفه تعظيم وسلام لقصيده يوووسف في العرااااااااق

                        وتحياتي لك يالذيب

                        تعليق

                        • طالب العلياء
                          عضو نشيط
                          • Apr 2007
                          • 68

                          #13
                          اولاً السلام عليكم ورحمته وبركاته
                          ثانيا والله يا الصوت مو اكيد انه لتركي فيه بعض الإختلاف
                          ثالثا يقولون انظلمو والله ما انظلم احد مثل محمد بن مريبد بصراحه
                          كان المنافس بقوة على المركز الأول مع ابن افطيس بس حسبي الله
                          ونعم الوكيل ويوسف انظلم بس نصرة الله منهم ولقى ترحيب من الملك
                          عبد الله طول الله بعمرة والأمير سلطان وبيعيش وصط عزوته جعله
                          ما يبلاهم ياااااااااارب ونا منهم هههههههههههههههه لكن ودك إن
                          موضوع عتيبه ومطير ينطفي خلاص والله إنها فته الله يكافينا شرها يا كريم

                          تعليق

                          • فرناس
                            عضو ذهبي
                            • Jun 2006
                            • 376

                            #14
                            مشكورين يالربع ولا قصرتو

                            تعليق

                            العمل...