سلم على قحطان ومطير ..

طي
تم إغلاق هذا الموضوع.
X
X
 
  • التوقيت
  • إظهار
مسح الكل
المشاركات الجديدة
  • طلال الثبيتي
    شـــاعــر
    • May 2006
    • 908

    #1

    سلم على قحطان ومطير ..

    ظهر في الاونه الاخيره في منتديات قحطان ومطير مواضيع لا يقبلها شخص عاقل ورجل ناضج ..

    وقبل كل شي اقول ان قحطان ومطير من اعز القبايل وكلها مجاورة لعتيبه في نجد ويعلم الله انا نقدر هالقبايل ونحشمها ولهم تاريخ عريق وماهم بحاجة شهادتنا ..

    فبعد ماتأهل الشاعر يوسف العصيمي زعلوا وشالوا وحطوا والبعض قام ينقص من شاعرية يوسف ( والله ماردى عنكم ابو رزاق )

    وترى الدعوى شعر وبرنامج عادي ولاهو زايد ولاهو منقص ..

    حنا سوينا الي علينا وحنا مقتنعين بشاعرية يوسف وانه ابن عم وصوتنا له وفي ناس من برا عتيبه صوتوا له فهي وجهات نظر تختلف من شخص لأخر ..

    طيب انتم يوم انكم زعلانين وذابحتكم الحميا كان صوتوا ابرك لكم من الاتكاليه والتكاسل والتهاون ..

    والبعض الاخر يتهم البرنامج بالتلاعب بالنتايج فهذا كلام غير واقعي ليش يتلاعبون ويفوزون يوسف بالذات عنده جمهور حتى ابن سرور وابن ساقان عندهم جمهور
    بل انهم اشهر من يوسف فابن سرور له ظهور اعلامي وابن ساقان متواجد عبر المنتديات

    ولكن جاهم كحيلان واكتسحهم بشاعريته

    والبعض الاخر يقول فوزوه تضامنآ مع العراق ( شر البلية مايضحك )

    يااخي يتضامنون مع شعب يذبح ويقتل بشعر ؟؟

    هذا كلام المنتديات التقطته لكم وابي ارائكم

    وفالنهااايه اقوول ان قحطان ومطير فيهم شعار وكلهم كفوو بس ترى التنقيص من قدر العرب ماهوب زين ونقص على صاحب هذا الكلااام ..


    رسالة الى يوسف العصيمي: ( الله يوفقك وارق سنود دام عتيبه معك )
  • الصواي
    عضو
    • May 2004
    • 16

    #2
    ..........................
    ...

    الاحترام هو المطلب في هذا المنتدى
    والمهاترات تعرف اماكنها عذراً
    الاداره

    تعليق

    • نحم
      عضو مميز
      • Jan 2007
      • 430

      #3
      ::: طلال الثبيتي ... على راسي يا ابووووي
      كلام منك عين العقل .. دام حضورك
      دام عزكم يا ربعي |194|

      تعليق

      • ! محتميها !
        عضو ذهبي
        • Jun 2006
        • 368

        #4
        تحيه عطره


        طلال الثبيتي


        الله يعطيك العافيه يالغالي


        والله انك كفيت ووفيت


        لكن عااد وش نقول في بعض ناقصين العقوول


        والناس يقولون انه مهوب عتيبي ومن هالكلااام


        ولم يتقوا الله في كلامهم هذا انهم يشككون في اصل الرجال


        وهذا قذذذف يحاسبون عليه



        والمصيبه في منتدى المطران حصلت لي واحد يقول


        ان فيه موقع يرسل مقاطع بلوتوث


        وقام يرسل لارقام جولات مقاطع رقص خليعه


        ويقول لهم في الرساله اذا تبون مقاطع ازوود من كذا


        ارسلو رقم 48 للرقم التالي " وحاطين رقم شاعر المليون "


        للدرجه هاذي تخيل وانا اخوك وصل فيهم الانحطاط الفكرري


        ولكن ابو رزاق شاعرنا وولد عمنا


        راح نوقف معه ونصوت له


        اذا فاز سوينا اللي علينا ووقفنا معه وهو يستاهل


        واذا مافاز الشكوى لله وخيرها بغيرها



        ولك خالص تحياتي

        تعليق

        • المغترب
          عضو نشيط
          • Jun 2005
          • 38

          #5
          سلم على قحطان ومطير

          ماعلينا منهم يوسف فاااز وبيض وجه عتيبه
          وبيواصل شاعر عتيبه وبياخذ المليون ان شاء الله
          وعلى قول المثل( السحاب يسير والكلاب تنبح )
          واصل يابن العم والهيلا كلها معك بعد الله
          بالتوفيق|194|

          تعليق

          • طلال الثبيتي
            شـــاعــر
            • May 2006
            • 908

            #6
            والله لو انه هندي بس عتيبي نبا ناقف معه ..

            بعدين يوسف عتيبي ومالاحقنا شك فيه ..

            ومعروف مسقط راس جدانه ومعروفه قصة ابوه يوم راح العراق ..

            وبعدين حنا بنصووت وسواء فازوا بني عمنا والا مافازوا يكفي انهم بيضوا وجهينا
            وماراح نضيق ونزعل لو مافازوا لان هاللقب مايعني لنا شي ومالاحقنا شك( في انفسنا وفي شعرنا ..

            ومعروف من هم اهل الشعر على قول الشاعر ( ليا بدعت كأني من عتيبه .. هم هل الطاروق ))

            تعليق

            • صقر البهيته
              عضو فضي
              • Jan 2007
              • 210

              #7
              صدقت يابن عمي لكن فيه ناس في المنتدى
              يدافعون عنهم والله المستعان
              وهو يعرف نفسة

              تعليق

              • خالد القحطاني1
                موقوف لمخالفة الأنظمة
                • Dec 2006
                • 62

                #8
                كلامك سليم


                ولو اني ادري انه إذا ما فاز انتوا بغنا عن فوزه
                وذا فاز ماهوب بضايف لرصيد عتيبه ولا منقصه

                لأنه مجرد برنامج لا أكثر ولا أقل


                ويستاهل الفوز يوسف



                وألف مبرووووووك
                وعقبال المليون




                تحياتي للكاتب

                تعليق

                • طلال الثبيتي
                  شـــاعــر
                  • May 2006
                  • 908

                  #9
                  مشكورين على المرور

                  تعليق

                  • أبو مرحبا
                    مشرف عــام
                    • Jan 2005
                    • 8037

                    #10
                    [align=center]أخواني الاعزاء ارجو منكم الأبتعاد عن المهاترات

                    كما يفعل المدعو الصوااي فهذا يمثل نفسه ولا يمثل قبيلته

                    دمتم يود [/align]
                    [align=center]



                    [/align]
                    [align=center]إن قلَّـت الوزنـه وربعـي مشافيـح ** أخلـي الوزنـه لربعـي واشـومـي[/align]
                    [align=center][/align]

                    تعليق

                    • طلال الثبيتي
                      شـــاعــر
                      • May 2006
                      • 908

                      #11
                      ارحب يابو مرحبااااااااا

                      ولاهنت عالمرور

                      تعليق

                      • نمر زهران
                        عضو نشيط
                        • Jan 2007
                        • 45

                        #12
                        يستااااااااااااااااااااااااااااااهل التصويت وفالة المليون انشا اللة...دون نقصان بالجميع بس هو الابرز

                        وحنا معكم ياعتيبة ما حسبنا حساب لاحد...

                        اخوكم
                        نمر زهران,,,

                        تعليق

                        • مرزوق حمدان العتيبي
                          مشـرف عام
                          • Nov 2003
                          • 20403

                          #13
                          تم النشر في الأصل بواسطة نمر زهران عرض المشاركة
                          يستااااااااااااااااااااااااااااااهل التصويت وفالة المليون انشا اللة...دون نقصان بالجميع بس هو الابرز

                          وحنا معكم ياعتيبة ما حسبنا حساب لاحد...

                          اخوكم
                          نمر زهران,,,
                          ..
                          كفو الله يالشبابي
                          وهذا شي مانستغربه وجيهكم بيض يارجال زهران
                          ...
                          [align=center]
                          [poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
                          فدوة ٍ للمصطفى روحي وماتملك يميني = كيف (لا) واللي خلقني حط حبه في كياني
                          حط حبه في كياني ماتغيّره السنيني = وانثني من دون عرضه بالذراع وباللساني[/poem]







                          @Marzouq_MHD
                          [/align]

                          تعليق

                          • طلال الثبيتي
                            شـــاعــر
                            • May 2006
                            • 908

                            #14
                            كــــفو يازهران

                            تعليق

                            • الجلاااهي
                              عضو نشيط
                              • Apr 2006
                              • 59

                              #15
                              اخووي طلال سلمت يمناك على هالموضوع اللي باغي اكتب عنه

                              الكلام يطول و لو نبي نرد بطريقة الكتـّاب في تلك المنتديات

                              قسم بالله و اللي رفعها سبع و طمّنها سبع لنرد عليهم برد ٍ يعلّق في أذانيهم لااااان تقوم ناقة صالح
                              لأن الحجج عليهم واجد

                              لكن للعقل و الاتزان دوور

                              و للغوغائيه ربع و رفاقه و للحكيمين أيضاً ربع و رفاقه


                              السرّ الذي يجهله الكثير و سبب تصويت عتيبه ليوسف العتيبي

                              هو إنه يستاهل و حمّسنا للتصويت له بالكلام الجزل وشاعر ينحت في صخر و قد يكون الحسنه الوحيده إن لم أجزم بأنه حسنة البرنامج الوحيده برنامج شاعر المليون لان بقيّة المشاركين الذين برزو لهم حضورهم الاعلامي قبل مشاركتهم في شاعر المليون و بس

                              العود و الولد و الشاب تحمس للتصويت له و هذا كل مافي الامر

                              أمّا ربعنا المطران و القحاطين

                              يقولون اللي يقولونه

                              اللي عدّ الصدق منهم و بارك ليوسف نقوله بيّض الله وجهك و هذا طبع وسيعين التهايا اللي حظايبها بعيد
                              الريجيل من اول يذبح بعضهم بعض و يهزم بعضهم بعض في حومات الوغى ولا بيّحو سدودهم ولا قامو يقولون هذولي اللي فيهم ما يخطيهم ولولا ولولا و ليش يسوون كذا وليش ما سوو كذا

                              امّا اللي قام يشذّب و يخرط و ينظم في فوز يوسف العتيبي و يشكك اما في نسبه او في مقدرته الشعريّه نقوله إلك عقل و للناس اعقولها منت بمنقص في رجالنا قدر ولا انت مزوّده قدر بين العالم تهرج ولا ما تهرج

                              كلمه اخيره

                              المفروض برنامج كهذا و مسابقه كهذه ما تسبب حزازيات بين القبايل لأنهم اكبر من هذا كله





                              اتمنى من أي عتيبي يمرّ من هنا و يقرا كلامي

                              اطلب منه عدم الانجراف خلف تفاهات تلك الاقلام

                              و برفع نفسه عن الرد على تلك الاقلام

                              و فااااالكم المليووون

                              تعليق

                              العمل...