عادات عتيبة في اكرام الضيف

طي
X
 
  • التوقيت
  • إظهار
مسح الكل
المشاركات الجديدة
  • عاشق عتيبة
    عضو نشيط
    • Apr 2003
    • 38

    #1

    عادات عتيبة في اكرام الضيف

    السلام عليكم اخواني من ابناء قبيلة عتيبة الموقرين..

    انا من قبيلة بني تميم وعندي يوم الاربعاء ضيوف على العشاء من اعيان قبيلة عتيبة وبصراحة ودي اكرمهم قدر المستطاع ولا ودي اغلط في شي ممكن يزعل احد وحبيت اعرف عادات العتبان في اكرام الضيف نظرا لاختلاف العادات بين القبائل. ارجو منكم اعطائي بعض المعلومات المهمة عن سلومكم مع الضيف مثل هل يأكل المضيف مع الضيف؟ وبالنسبة للبخور هل هو عندكم قبل العشاء او بعده؟ وايضا اي معلومات اخرى ممكن تفيدوني فيها وهذا والله من حبي لقبيلتكم وابناءها. مشكورين مقدما

    اخوكم عاشق عتيبة (التميمي)
  • عبدالمجيد النفيعي
    مشرف القسم الإسلامي والاقسام العامة
    • Jul 2007
    • 2048

    #2
    عليكم السلام ورحمة والله وبركاته

    الكرم لايستغرب منك أخي التميمي

    اما بخصوص سؤالكـ فالضيف في حكم المضيف (في حكمة معازيبه) وأنتم قبيلة شهيرة لكم عاداتكم التي لاتعيبكم أي المطلوب أن تكن على عادات ربعك أعتقد لايوجد بيننا بينكم إختلاف أو إختلاف كبير ، بخصوص الأكل مثلك عارف المضيف لايأكل مع الضيوف إلا إذا كان يمون عليهم أو إحلفوا عليه ولكن لاتأكل معهم ، أما البخور صحيح إنه غالباً يكون بعد العشاء ولكن عادي أي وقت ممكن أن تضع الطيب
    تذكر

    قول الرسول صلى الله عليه وسلم :-"المسلم من سلم المسلمون من لسانه ويده"





    أتشرف بزيارتكم لمتصفحي في شهر رمضان : مــهــاذيــب ، على هذا الرابط أضغط هنا

    تعليق

    • الشوردي
      عضو ماسي
      • Jul 2011
      • 535

      #3
      وعليكم السلام ورحمة الله وبركاته

      مثل ماسبقني اخوي عبدالمجيد النفيعي بني تميم قبيلة كريمة وعاداتها وتقاليدها تشرفها أمام ضيوفه وبخصوص اسالتك عن المعزب وقلوطه مع الضيوف والبخور اقولك الاتي

      1- المعزب مايقلط مع الضيوف الا في حالة ان الضيوف لزموا عليه يقلط معهم وكثروا التلزيم اما غيره لايقلط معهم نهائياً

      2- البخور قبل تقليط الضيوف يدور عليهم ثم بعده طوالي يقومهم المعزب على ضيفتهم

      تعليق

      • عاشق عتيبة
        عضو نشيط
        • Apr 2003
        • 38

        #4
        بيض الله وجيهكم على الافادة وعساني اجمل مع ضيوفي من ابناء قبيلتكم الغالية على قلبي. لكم كل الشكر والتقدير

        تعليق

        • عاشق عتيبة
          عضو نشيط
          • Apr 2003
          • 38

          #5
          طيب يالربع اذا كان عندكم ضيف واحد وش تسوون معه؟ تخلونه يتعشى لحاله؟ اسمحولي على السؤال لان اغلب قبيلتنا ياكلون مع الضيف. شكرا

          تعليق

          • العــــــــابر
            مشرف القسم الإسلامي والاقسام العامة
            • Mar 2007
            • 3384

            #6
            تم النشر في الأصل بواسطة عاشق عتيبة عرض المشاركة
            طيب يالربع اذا كان عندكم ضيف واحد وش تسوون معه؟ تخلونه يتعشى لحاله؟ اسمحولي على السؤال لان اغلب قبيلتنا ياكلون مع الضيف. شكرا
            هذه اعراف وليست سنن

            اذا ضيفك لحاله قلط كبار ربعك معه


            وخله يتعشى لان تطق اذنه


            متى العشاء ياوجه الخير

            وراك ماتعزم
            سبحان الله وبحمده سبحان الله العظيم




            سبحان والحمدلله ولااله الا الله والله اكبر ولاحول ولاقوة الا بالله



            تعليق

            • الشوردي
              عضو ماسي
              • Jul 2011
              • 535

              #7
              تم النشر في الأصل بواسطة عاشق عتيبة عرض المشاركة
              طيب يالربع اذا كان عندكم ضيف واحد وش تسوون معه؟ تخلونه يتعشى لحاله؟ اسمحولي على السؤال لان اغلب قبيلتنا ياكلون مع الضيف. شكرا
              مثل ماقال العابر تقلط معه المعزومين سواء من ربعك او جيرانك بس انت ياصاحب المحل ماتقلط معهم الا في حال لزم عليك الضيف وكثر التلزيم

              تعليق

              • عاشق عتيبة
                عضو نشيط
                • Apr 2003
                • 38

                #8
                يعطيكم العافية وبيض الله وجيهكم... المشكلة لو جاك الضيف فجأة وما كان فيه احد من ربعك وجماعتك وش تسوي؟ طبعا انا الليلة عندي ضيوف وليس ضيف واحد بس اسأل من باب المعرفة.

                عتابة عندي الليلة والله يحييك يالعابر والربع كلهم.. ارجو التأكيد عشان ارسل لكم الوصف.

                تعليق

                • الشوردي
                  عضو ماسي
                  • Jul 2011
                  • 535

                  #9
                  إذا ماكان فيه غير انت والضيف مهوب جالس لحاله على جنب الصحن اكيد بيناديك تشاركه
                  والله يكثر خيرك يالتميمي تفعل الطيب وتستاهله

                  تعليق

                  • ابو فيصل العطاوي
                    اللجنة الإعلامية
                    • Apr 2012
                    • 3754

                    #10
                    بالتوفيق يا التميمي
                    الوعي في العقول !!!
                    وليس في ألأعمار !!!
                    ألأعمار مجرد عداد لأيامك ؟
                    والعقول حصاد فهمك وقناعاتك للحياة ,,

                    تعليق

                    • (مہودع دنہيأهہ)

                      رابطة محبي الهيلا

                      • Mar 2011
                      • 1026

                      #11
                      يا اخوي دامهم هوهم اللي ناصينك في حلتك فخلك على عاداتك وعاملهم مثل ما تعاملون ضيوفكم في عاداتكم

                      تعليق

                      • المفيدي
                        عضو نشيط
                        • Mar 2008
                        • 30

                        #12
                        اضافة رائعه

                        تعليق

                        العمل...