يوميات موظف ال 905

طي
X
 
  • التوقيت
  • إظهار
مسح الكل
المشاركات الجديدة
  • فهد الفهد
    عضو مهم
    • May 2005
    • 561

    #1

    يوميات موظف ال 905

    موضوع حبيت انقله لكم وإن شاء الله يعجبكم



    /\
    /\
    /\


    كان الموظف مرهق ومزاجه مش ولابد وخصوصا والمايك معلق على رأسه وهو يستقبل مكالمات المشتركين:



    المكالمه الاولى : شايب كبير السن



    الموظف : الو ..استعلامات الدليل محمد الــ......, مرحبا



    المواطن : الو .. ممكن لو سمحت تعطيني رقم عبدالله فهد سعد



    الموظف : وين ساكن اخوي لو سمحت

    المواطن : ساكن هنا قريب منا .

    الموظف : وين قريب منكم بالضبط .

    المواطن : ياخوي هنا جمبنا جارنا ماتعرفون رقمه .

    الموظف : ياعزيزي انا مادري انت وين بعد .

    المواطن : اقول والله ماعندك ماعند جدتي بس .

    طوط طوط انقطع الخط


    **************************************************

    المكالمه الثانيه : صوت ناعم

    الموظف : الو ..استعلامات الدليل محمد الــ......, مرحبا

    الصوت الناعم : هلا اخوي ممكن تعطيني رقم بيتزا هت بس مابي فرع النسيم دايم تعطوني اياه

    الموظف : اي فرع تبغون رقمه .

    الصوت الناعم : تدري ايش فيه فرع النسيم بايخ لآن البيتزا حقتهم توصل بارده .. وبعدين شكلها خبز تميس .

    الموظف : بيموت من الضحك بس ساكت ... طيب خوذي فرع العليا اجل

    الصوت الناعم : ياخي ليه ماتضحك .. لايكون انت صاحب بيتزا هت ..مالت عليكم وعلى دمك .



    طوط طوط انقطع الخط



    **************************************************


    المكالمه الثالثه : بزر يرفع الضغط



    الموظف : الو ..استعلامات الدليل محمد الــ......, مرحبا



    البزر: الووووووو عطني رقم وشسمه ..هذا..وشسمه ياربي .. ايه ... حمود بادي فرج

    الموظف : طيب خذ رقمه ؟؟؟؟؟؟؟؟؟؟

    البزر: لحظه ابي رقم ثاني بعد . ابي رقم هذا وشسمه ... مانع فالح سامي

    الموظف : طيب خذ رقمه ؟؟؟؟؟؟؟ (ممنوع اكثر من اسم في مكالمه)

    البزر: طيب ابي واحد ثاني هذا رقم ابو نادر عمي سعد .

    الموظف : اتصل مره ثانيه لانه ممنوع اكثر من رقم في اتصال واحد .

    البزر: اقول وجع .. يوجع بطنك (الفاظ قبيحه).. ترى مالك فضل ... انا ماكلمك مجاني اكلم بريالي .

    الموظف : يخرج من طوره ( اقول اسمع ............. طوط طوط قفل الخط



    **************************************************


    المكالمه الرابعه : كانت صوت ناعم



    الموظف : الو ..استعلامات الدليل محمد الــ......, مرحبا



    الصوت الناعم : عوافي اخوي .

    الموظف : الله يعافيكم يارب ........ ( اول مره احد يعطيه روح معنويه)

    الصوت الناعم : لا انا قصدي ابغى مطعم عوافي اللي في العليا .

    الموظف : طيب خوذي الرقم ؟؟؟؟؟؟؟؟؟؟؟؟؟


    **************************************************

    المكالمه الخامسه : كانت صوت ناعم اوي



    الموظف : الو ..استعلامات الدليل محمد الــ......, مرحبا

    الصوت الناعم : مرحبا اخوي ممكن تعطيني مستشفى العيون للولاده .

    الموظف : كيف ..؟؟؟؟؟

    الصوت الناعم : مستشفى العيون للولاده .. تسمع يا اصقه .

    الموظف : يبي يصرفها المكالمه مسجله طبعا ( هذا رقمه غير معلن ) .

    الناعم : طيب ظف وجهك .

    طوط طوط انقطع الخط .



    **************************************************

    المكالمه السابعه : كانت فتاه ايضا

    الموظف : الو ..استعلامات الدليل محمد الــ......, مرحبا

    الفتاه : عيوني.

    الموظف : بلا هالكلام ايش تبغين ...............(عشان المكالمه مراقبه).

    الفتاه : لا انا ابي محل عيوني للعدسات والنظارات اللي في التحليه .

    الموظف : ايش اسمه عيوني.

    الفتاه : لا مو عيونك عيوني انا ياعيوني .

    الموظف : خوذي رقمه ؟؟؟؟؟؟؟؟



    الفتاه : طيب شكرا لعيونك اللي كنها عيون بقره ... ههههههههههههههه عندها بنات يضحكون .



    الموظف طلع وترك الدوام .وراح يشرب عصير ليمون .
    القصه واقعيه وترفع الضغط بعد خخخخخخخخخخخخخخ


    تحياتي
  • فيصل المسعودي
    مشرف عام
    • May 2005
    • 8296

    #2
    [align=center] هههههههههههههههههههههههههههه



    لا تعليق


    تحياتي[/align]

    تعليق

    • فهد الفهد
      عضو مهم
      • May 2005
      • 561

      #3
      مشكور فيصل على المرور



      تحياتي

      تعليق

      • أبو فيصل
        مشرف سابق
        • Dec 2004
        • 3538

        #4
        هههههههههه

        والله تعذب هالموظف الله يعينه

        الله يعطيك العافية يافهد

        لاهنت يالغالي

        تحياتي
        لا إله إلا أنت سبحانك إني كنت من الظالمين

        تعليق

        • فهد الفهد
          عضو مهم
          • May 2005
          • 561

          #5
          فهد الشيباني مشكور على المرور




          تحياتي

          تعليق

          • مطرح البعارين
            عضو ماسي
            • Jul 2005
            • 798

            #6
            الله يعطيك العافيه



            مشكور اخوي ماقصرت

            تعليق

            • @المورقي@
              عضو ماسي
              • Jun 2005
              • 552

              #7
              الله يعين الموظف هههههههههههههههههه

              مشكووووووووووووووو يا فهد


              تحياتي

              تعليق

              العمل...