محمد بن عمر بن جهجاه بن حميد

طي
X
 
  • التوقيت
  • إظهار
مسح الكل
المشاركات الجديدة
  • الحسن
    عضو نشيط
    • May 2007
    • 35

    #1

    محمد بن عمر بن جهجاه بن حميد

    يا محمد ابن عمر ..! مسيـت بالخيـر
    وأنا بعـد بالخيـر / يسعـد مسايـه !
    يا شيخ ! يا عارف ! ويا راس ! يامير
    أربع .. ولا هن فـي سمـوك كفايـه !
    ما جيت أسولف وأعسف القاف وآصير
    فأرض الشعر ياميـر حاكـم ولايـه !
    مار الفكر طاريـه فـي حـزة عصيـر
    عنز علـي / وقـام يبحـث خفايـه !
    في خايعٍ ما فيـه مـن يزعـج الطيـر
    غير الهبوب اللـي تلاعـب حشايـه !
    ومحدٍ معي يا كـود / جـول التفاكيـر
    جولٍ غطا بالريـش عالـي سمايـه !
    وفعلي بهن يـا ميـر فعـل الصقاقيـر
    باللي تجـي قـدام / واللـي ورايـه !
    أهـد لـي طيـرٍ " يفـج المناحيـر " !
    له مخلـبٍ ياصـل حـدود الشوايـه !
    طيرٍ على الجزلات جـا لـه مشاويـر
    وفي فرصة الهـزلات مالـه هوايـه !
    وممـا طـرى لـي والنوايـا مغاتيـر
    ذكرك / عسى يفـداك راع الوشايـه !
    ولو المدايـح / حملـة شـداد وبعيـر
    بتسوقهـا لحـدود بابـك عصـايـه !
    يا مير فـي وصفـك تحيـر التعابيـر
    " قالوا : تطول امع الطـوال الروايـه !
    لقيت أنا فيـك الثـلاث الشواهيـر .. !
    ورجلٍ جمعهـن مـا تجيـه الغوايـه !
    الدين ..! والأخلاق ..! والعرف من غير
    مـا تلحـق الشكـات كـل اخويايـه !
    لك منزلٍ صخر لـك الطيـب تصخيـر
    كنك عـلاه أخرجـت صـك الولايـه !
    الله يعـزك / يـا زبـون المخاسـيـر
    صيتك فعل ما هوب صيـت الدعايـه !
    النير ويش النير لو نطري النيـر ..؟!
    مثلـك يحطـه تحـت كـم العبايـه !
    وفي ذمتي لو عنـك يـدري شمنصيـر
    ليقول أنا يا نـاس وش هـو جدايـه !
    عـان النشامـا فـي محلـك طوابيـر
    كـلٍ يقـول : سهيـل غايـة منايـه !
    فلـة حجاجـك والــدلال المباهـيـر
    في مجلسك صـارت للأجـواد غايـه !
    عز الرفيق / وريـف ريـف المساييـر
    ومعلـم القنـاص فــن الرمـايـه !
    لك حكمةٍ تضرب بروس المعاسيـر ..ّ!
    وتصبح وهي في وسط دار الرعايـه !
    ولك منطـقٍ كنـه حليـب المصاغيـر
    مدري حلاه يفـوق وصفـة حلايـه !
    وفيك التواضع / يحرج الضيف ويحيـر
    ويقول لـك يـا ميـر هـذي كفايـه !
    ويا هاجسي لا هنت هون عـن السيـر
    أشوف لـي ذيـبٍ يجـاذب عوايـه !
    ذيبٍ على المشراف جر العوى ميـر ..!
    كنـه موصينـي بثقـل الوصـايـه !
    فـ/ محمد ابن عمر لو نرخـي السيـر
    نبطـي ولا جينـا حـدود النهـايـه !
    لكن ليـا منـك وصلتـه علـى خيـر
    رد الخبـر عنـي وجـاوب نـدايـه !
    وقول العذر يا مير لـن صـار تقصيـر
    وصفك خطر / يمكن يسبـب عمايـه !
    وقله عسـى يفـداه عبـد الدنانيـر .!ّ
    يـوم العـرب كـلٍ يسولـف برايـه !
    إني ليا سقـت الركايـب علـى البيـر
    بارد على جالـه وبـروي ضماايـه !


    -------------------------- منقول ---------------------------------------
  • ولدعساف

    مشرف سابق

    • Sep 2008
    • 4749

    #2
    الله الله وصح لسانك ويستاهل نسل الحرار سلمت و دمت.
    [flash=http://assa97.jeeran.com/azzoz.swf]WIDTH=450 HEIGHT=350[/flash]




    قال أبوبكر الصديق - رضي الله عنه -
    ( الموت أهون مما بعده، و أشدّ مما قبله )



    حسبي الله ونعم الوكيل

    كتبت وقد أيقنت يوم كتابتي .. بأن يدي تفنى ويبقى كتابها
    فإن كتبت خيراً ستجزى بمثله .. وإن كتبت شرا عليها حسابها

    تعليق

    • الحسن
      عضو نشيط
      • May 2007
      • 35

      #3
      مرحبا بك ياولد عساف

      القصيده للشاعر : عـايـض بن زويـر المـــــــقـاطي

      للاحـــاطة

      تعليق

      • خلف الروقي

        رابطة محبي الهيلا

        • Jun 2009
        • 6080

        #4
        الله الله وصح لسان الشاعر ويستاهل نسل الحرار سلمت يداك و دمت.

        تعليق

        • "بندر العصيمي"
          عضو ماسي
          • Aug 2009
          • 905

          #5
          الله الله وصح لسان الشاعر ويستاهل نسل الحرار سلمت يداك و دمت.

          تعليق

          • الحسن
            عضو نشيط
            • May 2007
            • 35

            #6
            شكرا على المرور
            تقبلو تحياتي

            تعليق

            العمل...