الشاعر :ملفي المورقي في المزاين

طي
X
 
  • التوقيت
  • إظهار
مسح الكل
المشاركات الجديدة
  • عبدالرحمن المسعودي
    عضو نشيط
    • Jul 2008
    • 75

    #1

    الشاعر :ملفي المورقي في المزاين

    السلا م عليكم ورحمه الله وبركاته


    اهدي لكم هذي القصيده للشاعر ملفي المورقي في مزاين الهيلا


    [poem=font="Simplified Arabic,6,darkblue,bold,normal" bkcolor="transparent" bkimage="backgrounds/2.gif" border="groove,4,gray" type=0 line=0 align=center use=ex num="0,black"]

    ياعيدنا اللي صاير(ن) بيـن عيديـن=بين رمضان وبيـن عيـد الضحيـة
    جعلك تعود ليال وشهـور واسنيـن=وحنـا بخيـر ولا رزانـا رزيــه
    نعم بنعم الضافـي الأمـن والديـن=ماعنـدنـا بغـضـا ولا مكرهـيـه
    في ظل ربي ثـم بظـل السلاطيـن=العادليـن اللـي ذممـهـم بـريـه
    حكامنا الوافين في العسـر والليـن=فـي حكمهـم كـل القبايـل سويـه
    وحنا لهم طـول الليالـي مطيعيـن=علـى كتـاب الله وسـنـة نبـيـه
    من عهد أبو تركي مقـر الموازيـن=اليـا عيالـه طيبـيـن السجـيـه
    متكاتفيـنـن كلـنـا ومتصافـيـن=الـرأي واحـد والضمايـر نقـيـه
    سوات هذا اليـوم فالمحفـل الزيـن=اللي حضرنـا فيـه مـن كـل نيـه
    في أربع ميه وإلف وثمنيه وعشرين=في شهر عشره وسط نجـد العذيـه
    مسجل(ن) في قلوبنـا والدواوييـن=مايمحـي مادامـت الشمـس حيـه
    مزايـن الهيـلا للأبـل المزايـيـن=أهل الحلال اللـي قليـل(ن) حليـه
    سود(ن) وواضح(ن) غاليات المثامين=وشعل(ن) وصفر(ن) فيهن الجاذبيـه
    نسع الغـوارب ضافيـات العرانيـن=وظهورهـا فيهـا تقاعـس شويـه
    معمقات(ن) مـن خيـار البعاريـن=ماحولـت فيهـا الزمـول الـرديـة
    ومن السطر فيهـا تـدك المياديـن=عسكـر ولـو ماتعـرف العسكريـه
    تعمل عروض خلاف ويسار ويميـن=تقـول راعيهـا مــدرب سـريـه
    والوحـده منهـا تراعيـه بالعيـن=تقول تضـرب لـه سـلام وتحيـه
    ماجـات معنـا بالتسلـف وبالديـن=والا عطـن مصفـوط والا هـديـه
    اللي ورثها من رجـال(ن) مسميـن=وصية(ن) يوصـي عليهـا وصيـه
    واللي دفـع فيهـا مئـات الملاييـن=ويقـول مهمـا سقـت فيهـا بليـه
    والبـل تـرى ماتؤخـذ الا بثنتيـن=شي(ن) مجرب من علـى الجاهليـه
    أمـا بنثـر الـدم يـوم الأكاويـن=ومصافق الفريـس صبـح وعشيـه
    والا قناطير الذهـب والذهـب ويـن=يخلـي النـاس الفقـارى غنـيـه
    وحنا كسبناهـا مـن أول وذلحيـن=بالجهـد وعـزوم الرجـال القويـه
    وقمنا بواجبهـا كـلام(ن) بتثميـن=واللـي يسـوي مثلنـا حـي حيـه
    مرباعنا عرعر وأبا القـور ويميـن=اليا الحجـر ومـن تحتهـا شويـه
    وأن صار للصيف المبكـر وداديـن=علـى العبـال الشاسعـات الخليـه
    جاتك تخافـق مخزيـات الشياطيـن=تبغا الجنوب اللـي تطـارد نصيـه
    وأن صار يامشكاي وجه الدهر شين=وضاعت علوم اللي يسوق المطيـه
    علـى مصارفهـا بربـي قويين=ندرك عشاهـا لـو نباتـه اوقريـه [/poem]
    اخوكم :::عبدالرحمن المسعودي
  • غازي البقعاوي

    مشرف الالغاز واخبار القبيله والمزاين

    • Mar 2007
    • 1708

    #2
    تسلم وماقصرت
    وعسى ذيك الايام تعود
    والله يجيب الاجتماع الثاني عن قريب
    والبركه بشيوخنا والرجال الذين يعملون ليل نهار من اجل جمع عتيبه
    على العز والمعزه







    قصيدتي ( برقا وروق عينان في راس )


    http://www.otaibah.net/m/showthread.php?t=49814



    شيلة مهنا روق وبرقا

    [rams]http://www.alqthmh.com/vb/uploaded/3_mzayan1.ra[/rams]


    شيلة سعود الدلبحي لقصيدة الشاعر الكبير
    غازي بن عون الرويس



    [rams]http://www.alqthmh.com/vb/uploaded/3_mzayn3teebah.ra[/rams]


    لمتابعتي بتويتر
    Albagawi Ghazi@غازي جزاع العتيبي

    تعليق

    • الاخطبوط
      موقوف لمخالفة الأنظمة
      • Nov 2008
      • 258

      #3
      ابو داحم

      رحمك الرحيم


      قصيدة جيدة

      تعليق

      • متعب العصيمي
        مشرف سابق
        • Aug 2006
        • 4855

        #4
        جعلك تعود ليال وشهـور واسنيـن

        بارك الله فيك ولاهنت

        تعليق

        • البريماني

          رابطة محبي الهيلا

          • Jan 2008
          • 1684

          #5
          تسلم وماقصرت
          وعسى ذيك الايام تعود
          والله يجيب الاجتماع الثاني عن قريب
          والبركه بشيوخنا والرجال الذين يعملون ليل نهار من اجل جمع عتيبه
          على العز والمعزه

          تعليق

          العمل...