قيمة الناقة تبني خمسة مساجد (يالله لاترديلنا حظ )

طي
X
 
  • التوقيت
  • إظهار
مسح الكل
المشاركات الجديدة
  • طلال الروقي
    سفير النوايا الحسنه
    • Apr 2004
    • 968

    #1

    قيمة الناقة تبني خمسة مساجد (يالله لاترديلنا حظ )

    قبل أيام كنت جالس في مجلس وجا الطاري في البل وقالي واحد ان فيه ناقة بمليون وميتين الف لم استغرب هذا الرقم لاني سبق اني قريت في مجله عن خبر مشابهه
    لكن خلونا في المهم هل هذا الشي مبالغ فيه ام انه من زود النعمه اذكر اني اطلعت على نص قديم كتاب لاحد الخواجات ( المعجم البريطاني ) يتكلم عن قبيلة عتيبة يقول ان عتيبة هي الارخص ابل وخيول وخيولهم وابلهم ارخص من مطير !وذكر قيمتها بالدولارات وهي قيمة بسيطة لاتتجاوز الف ريال بسعر اليوم !! هذا هو حال قبيلة عتيبة والقبايل منول في عصر الفرسان من امثال ابن هندي وتركي بن حميد ومسلط ابن ربيعان وفي عصر الأكوان ماعندهم قنوات يطلعون فيها جمب اباعرهم ويصورونها ويستأجرون شعراء وقصايد لهذا الغرض كان عندهم المهم هو الرجال مواصفات الرجال فعول الرجال حتى جاء عصر الناقه وش طول رقبتها وش شكل سنامها وبراطمها
    ذهب عصر الفرسان وجانا عصر زود النعمه
    حتى انك اذا كنت ماشي بسيارتك على خط ولقيت بعيرمنتحر واكثر الأباعر هالأيام تنتحر تلقي نفسها قي نحر سيارة ماشية طبلونها اذا شفت هذا البعير منتحر وفاغر فاه وقد غطى التراب نلامح وجهه ومؤخرته ومد ذراعه الى الأعلى! فلاتحسب ان هذا الشي حادثا بسيطا فهو عند البدو يعتبر حادثا قد يوازي هذا المشهد انهيار عماره من تسع طوابق في الدول المجاوره تسلط عليه الأخبار وتنقله القنوات!

    واذا ذهبت الى المسجد المجاور لبيتكم تصلي فيه الصلوات الخمس وشاهد روعه بناء هذا المسجد والمبالغ التي انفقت عليه في البناء والتكييف والفرش ورأيت كثرة المصلين اسحضرت اجر بانيه فاعلم ان صاحب البعير ابو مليون ريال لو حط المليون اللي شرابها هذا البعير في مسجد لبنت له خمسة مساجد مكتمله لأن المسجد الواحد 250الف ريال فقط لكن هذا البدوي فضل انه يترك هذا العمل ويشتري له بالمليون بعير ويستمتع بالنظر الى بعيره وهو (يعملها ) على عقبيه

    في النهاية يالله لاترديلنا نصيب
    تم التعديل الأخير بواسطة طلال الروقي؛ 12-Jun-2008, 11:50 PM.
  • الخيال
    عضو فضي
    • Jun 2003
    • 244

    #2
    اكيدددددددددد الابل غالية عند اهلهااااااااااااااااااااا



    كان ثمنهاااااااااااا المال او الدددددددددم

    تعليق

    • طلال الروقي
      سفير النوايا الحسنه
      • Apr 2004
      • 968

      #3
      هلا والله ياخوي انا ماقلت لازم تكرهون الالبل والا مهب مهمه انا اقول ان اسعارها مبالغ فيها للغاية لحد انه فوق الاسراف واذا كان احد يعتقد انه بشراء الابل بهذه الطريقه
      معناته انه فارس قبيلة وطيب وراعي ابل و .....و
      فخلاص ترا هناك حضران وزيود صار عندهم ابل ويشاركون فلمزاينات هيا افرحو يابدو ......

      تعليق

      • مرزوق حمدان العتيبي
        مشـرف عام
        • Nov 2003
        • 20403

        #4
        ...
        .
        حياك الله ياسفير للنوايا الحسنه
        كما تفضلت الاسعار لبعض الابل في وقتنا الراهن اصبح خيالي.
        ....
        ولكن تبقى البل عطايا الله تستاهل مايدفع فيها ...
        .. دفعوا من دونها اهلها حتى ارواحهم .

        شفتها ولا شفت التيوس واسعارها الباهضه
        وصلات عرض البيع لها والرفاهيه التي وفرت لهذا الحيوان .
        والناس اللي من حولها كنهم في مزار .
        شفت الحمام الذي بلغت قيمة الزوج منه الى مئات الالاف .
        شفت بعض الخيول التي بلغت اسعارها اضعاف اسعار الابل
        وعلى مستوى عالمي ..
        شفت بعض اللوحات وارقامها التي تباع بالملايين
        واحد شاري لوحه بـــ 6 مليون
        شفت نظارة ام كلثوم ومنديلها كم سعرهم ههههههههه
        يابن الحلال خلها على ربك وليه بس التركيز على البدو ؟؟؟
        والناقه غيرها ماهوب احسن منها ... من حقها تشوف غلاها
        عند اهلها ..

        ومااقول الا الله يرزقنا شكر النعمه واستغلال ماوهبنا من الامول
        في مايقربنا اليه زلفا .
        والف شكر .. ياطلال ...
        [align=center]
        [poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
        فدوة ٍ للمصطفى روحي وماتملك يميني = كيف (لا) واللي خلقني حط حبه في كياني
        حط حبه في كياني ماتغيّره السنيني = وانثني من دون عرضه بالذراع وباللساني[/poem]







        @Marzouq_MHD
        [/align]

        تعليق

        • حبيت اشارك
          عضو نشيط
          • Apr 2008
          • 50

          #5
          الغلاء فكل شي لاكن الناقه بمليون هذي لا ماتت اش اسوي حتى لحمها ما ينباع
          وانا الصراحه ما عمري شفت ناقه بمليون وعندنا في ديارنا ما ندور اللي رقبتها طويله ولا قصيره اهم شي لبنها كيف تمام ولا لا واغلاء ناقه اشتريناها من بحره 15الف بحاشيها الا الغالب 10الاف وتحت

          تعليق

          • طلال الروقي
            سفير النوايا الحسنه
            • Apr 2004
            • 968

            #6
            تم النشر في الأصل بواسطة مرزوق حمدان العتيبي عرض المشاركة
            ...
            .
            حياك الله ياسفير للنوايا الحسنه
            كما تفضلت الاسعار لبعض الابل في وقتنا الراهن اصبح خيالي.
            ....
            ولكن تبقى البل عطايا الله تستاهل مايدفع فيها ...
            .. دفعوا من دونها اهلها حتى ارواحهم .

            شفتها ولا شفت التيوس واسعارها الباهضه
            وصلات عرض البيع لها والرفاهيه التي وفرت لهذا الحيوان .
            والناس اللي من حولها كنهم في مزار .
            شفت الحمام الذي بلغت قيمة الزوج منه الى مئات الالاف .
            شفت بعض الخيول التي بلغت اسعارها اضعاف اسعار الابل
            وعلى مستوى عالمي ..
            شفت بعض اللوحات وارقامها التي تباع بالملايين
            واحد شاري لوحه بـــ 6 مليون
            شفت نظارة ام كلثوم ومنديلها كم سعرهم ههههههههه
            يابن الحلال خلها على ربك وليه بس التركيز على البدو ؟؟؟
            والناقه غيرها ماهوب احسن منها ... من حقها تشوف غلاها
            عند اهلها ..

            ومااقول الا الله يرزقنا شكر النعمه واستغلال ماوهبنا من الامول
            في مايقربنا اليه زلفا .
            والف شكر .. ياطلال ...
            هلا اخوي مرزوق ...
            كل ماذكرته صحيح موجود بس هناك فرق
            راعين اللوحة والحمام والتيوس ورعان جهال وسفاهين ..
            بس اصحاب الابل اغلبهم شيبان عقال ..هل يعقل من شايب بعد مابلغ من الكبر عتيا وصقلته التجارب ان يبذر امواله بهذه الطريقة من اجل المباهاه والتفاخر ..
            على الأقل يجعل جزء من امواله في الخير مثل الصلح والصدقة والمساجد ومعونه الفقراء اللي يمكن بعضهم من اقارب هذا الشخص المستحقين لمعونته الذين بستحون من ان يتكففون الناس
            ترا بناء مسجد جامع متوسط الحجم في قرية محتاجة يمكن مايكلف قيمة حاشي صغير هههههههه والله حاجة غريبة من جد

            تعليق

            • طلال الروقي
              سفير النوايا الحسنه
              • Apr 2004
              • 968

              #7
              تم النشر في الأصل بواسطة حبيت اشارك عرض المشاركة
              الغلاء فكل شي لاكن الناقه بمليون هذي لا ماتت اش اسوي حتى لحمها ما ينباع
              وانا الصراحه ما عمري شفت ناقه بمليون وعندنا في ديارنا ما ندور اللي رقبتها طويله ولا قصيره اهم شي لبنها كيف تمام ولا لا واغلاء ناقه اشتريناها من بحره 15الف بحاشيها الا الغالب 10الاف وتحت
              شكرا لك وهذا هو كلام العقلاء وابشرك فيه نياق بعشرة وخمس طعش وبعض المرات يكسد سوقها وينزل يجي بعض الناس ويشتريها ويشحنها في دنه ويوديها لنوعية من الناس ويقول هذه اللي شكلها ولونها فيبدأ عداد الاسعار يتضاعف اصفار من اليمين ولو ترجعها في دنتها لمحلها الاول محد شراها

              تعليق

              • مرزوق حمدان العتيبي
                مشـرف عام
                • Nov 2003
                • 20403

                #8
                [align=center]

                راعين اللوحة والحمام والتيوس ورعان جهال وسفاهين
                كيف ورعان ؟؟؟ يارجال شيبان وتجار ومناصب على مستوى بعد.
                [/align]
                [align=center]
                [poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
                فدوة ٍ للمصطفى روحي وماتملك يميني = كيف (لا) واللي خلقني حط حبه في كياني
                حط حبه في كياني ماتغيّره السنيني = وانثني من دون عرضه بالذراع وباللساني[/poem]







                @Marzouq_MHD
                [/align]

                تعليق

                • راكان أخو شقران
                  عضو فضي
                  • Sep 2007
                  • 290

                  #9
                  شفت بعض اللوحات وارقامها التي تباع بالملايين
                  واحد شاري لوحه بـــ 6 مليون
                  شفت نظارة ام كلثوم ومنديلها كم سعرهم ههههههههه
                  يابن الحلال خلها على ربك وليه بس التركيز على البدو ؟؟؟
                  والناقه غيرها ماهوب احسن منها ... من حقها تشوف غلاها
                  عند اهلها ..







                  كلام 200%

                  تعليق

                  • بندر المرشدي
                    إدارة الأقسام الأدبية
                    • Nov 2006
                    • 4292

                    #10
                    الأبل لا يدرك قيمتها الا صاحبها ..مهما وصل سعرها هذا لا يهم حتى من

                    ايام الحروب القبلية التي جاءت قبل توحيد المملكة كانت الارواح تباع

                    دونها وتزهق الانفس التي لا تقدر بالمال عند عراقيبها فالكلام هذا لا

                    يقوله من يعرف قيمة الابل في نفس راعيها.

                    أنت تقول قيمة ناقة وحدة تبني بها كذا مسجد..طيب وعلفها والتعب عليها

                    اليس له أجر عظيم؟؟

                    يقول مخلد القثامي:


                    [poem= font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

                    البل عظام المال يجاهلٍ بها=لكن هي ما كل شيء يجيبها
                    تبغى لها رجلٍ قوية عزايمه=دايم على طرافها مشتقي بها[/poem]
                    [poem=font="Simplified Arabic,3,tomato,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
                    يامنتـدى الهيـلا علـى العـيـن والــراس=صــدري وسـيـع ومــن مـعـزتـك مـلـيـان
                    لبـسـت مـعـروفـك مـثــل ثـوبــي لـبــاس=وزرعت لـك فـي داخـل القلـب بستـان
                    الله يبـيـض وجــه مــن ثـبـت الـســاس=وحط الـك مـن فـوق العناويـن عنـوان
                    اســم ومسـمـى خـتــم جـــودة ونـبــراس=يـسـمـع بـــه الاصـقــه ويـــرآه عـمـيــان
                    مـــــا يـنـتـقـيـم بـالـجــواهــر والالـــمـــاس=ولا يـغــمــره بــحـــر الــقــوافــي والاوزان
                    [/poem]

                    ::

                    ديواني من إعداد الزميل/ عمر الدغيلبي ... بيض الله وجهه

                    تعليق

                    • طلال الروقي
                      سفير النوايا الحسنه
                      • Apr 2004
                      • 968

                      #11
                      هلا والله اخوي المرشدي ...
                      أنا كنت ابتوقع انه بيجي كلام من النوع اللي قلته

                      صحيح أول الحروب تقوم علشان الابل والمراعي والماء لكن خلنا من اللي راح كانت ايام فيها جهل وحروب الله لايعيدها ..

                      زبدة الكلام ليس عن أهمية الابل ومكانتها
                      الزبده انه هناك من يدفع اموال ضخمه ويغفل عن اشياء مهمه هي من الناحية المالية لاتلكلف شي اليس هذا من تردات النصيب

                      هناك مبالغات في قيمة الابل لاتستحقها والابل والمزاينات صار يقدرها ناس من خارج القبايل واذا حصل ذلك من شخص فعلى الأقل يكون هناك جزء من أمواله لصالح اعمال الخير الأخرى ربما يكون جزء صغير من قيمة الناقة يعني يمكن قيمة (رجل الناقة)عند هؤلاء القوم تسوي مشروع خير كبير ينساه صاحبه ويبقى له عند الله
                      تم التعديل الأخير بواسطة طلال الروقي؛ 13-Jun-2008, 09:38 PM.

                      تعليق

                      • محمد العتيبي

                        مشرف منتدى شعراء قبيلة عتيبه

                        • Mar 2005
                        • 10789

                        #12
                        [align=center]الابل عظمها الله تعالى في القرءان الكريم ..

                        فنحن نعظمها ونشتريها باغلى الاثمان ونحسن انتاجها ونكرمها ..

                        كيف لا وقد ذكرها الله تعالى وعظمها .. فنحن ايضا نعظمها ..
                        [/align]


                        [align=center]فلماذا تصرون بتركيزهم على الابل ؟؟ !!!

                        اين اصحاب اللوحات التي تسام بملايين ؟؟ اليسوا هم اولى بأن تسلط الضوء عليهم ؟!!


                        اين اصحاب الحمام ؟؟ وهم من الناس الذين لاتقبل شهادتهم بالشرع ولو هم حلفوا واقسموا !! اليس من الضروري تسليط الضوء عليهم ؟؟


                        ونظارة ومنديل لام كلثوم ومدري وش معها بعد !!


                        لماذا كل هذا على اصحاب الابل ؟؟ هل هانوا عليك كل من ذكرناه ولم تتحسر الا على اصحاب الابل ؟ عجيب !!
                        [/align]
                        [align=center][/align]








                        [align=center]للتواصل عبر twitter تويتر


                        al_bargawy@
                        [/align]

                        تعليق

                        • طلال الروقي
                          سفير النوايا الحسنه
                          • Apr 2004
                          • 968

                          #13
                          ابو مشعاب الله يكفينا شر مشعابك
                          خلنا من أهمية البل في القرآن ومن نظارة ام كلثوم؟
                          نحن نخاطب القوم الذين نخالطهم وموجودين في حياتنا اليومية ؟

                          هو صز ان قيمة الناقه الوحده يمكن راعيها يبني بها عدة مساجد؟؟

                          وش رايك اجيبلك اسعار الابل يوم الحروب اللي منول بين القبايل على شان تعرف انه صح يحبون البل ويحاربون دونها بس ماعندهم مهايط واسراف في النعمه !!

                          تعليق

                          • مرزوق حمدان العتيبي
                            مشـرف عام
                            • Nov 2003
                            • 20403

                            #14
                            [align=center]...
                            .
                            هو صز ان قيمة الناقه الوحده يمكن راعيها يبني بها عدة مساجد؟؟
                            نعم قيمة الجمل ابو 9 مليون .. كم مسجد تتوقع ان تبنيه ؟..
                            انا اقول يمكن 19 مسجد
                            ثم ماهو المردود الاخروي الذي سيعود على باني هذه المساجد
                            بعد تركه ابله ومن يعز عليه ؟

                            ولكن للامانه ان اغلب ملاك الابل الذين يشترونها بهذه الاسعار
                            لهم ايادي بيضاء في ابواب الخير .... وسد عوز المحتاجين ..
                            ..
                            [/align]
                            [align=center]
                            [poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
                            فدوة ٍ للمصطفى روحي وماتملك يميني = كيف (لا) واللي خلقني حط حبه في كياني
                            حط حبه في كياني ماتغيّره السنيني = وانثني من دون عرضه بالذراع وباللساني[/poem]







                            @Marzouq_MHD
                            [/align]

                            تعليق

                            • طلال الروقي
                              سفير النوايا الحسنه
                              • Apr 2004
                              • 968

                              #15
                              ولكن للامانه ان اغلب ملاك الابل الذين يشترونها بهذه الاسعار
                              لهم ايادي بيضاء في ابواب الخير .... وسد عوز المحتاجين
                              الله يجزاهم خير
                              بس الجمل اللي تقوله مانبي قيمته كله خلنا نتكلم عن يده بس ههههه
                              انشا الله يكون هذا الموضوع تذكره ويكون فيه فايده وان مايحبه الانسان ويهواه لاتجعله يغفل عن جوانب ايجابيه كثيره تحت اليد

                              تعليق

                              العمل...