قصيده في عتيبه الهيلا من الحبابي

طي
X
 
  • التوقيت
  • إظهار
مسح الكل
المشاركات الجديدة
  • علي الحبابي
    عضو ذهبي
    • Aug 2006
    • 360

    #1

    قصيده في عتيبه الهيلا من الحبابي

    [align=center]هذه احد مشاركات الشاعر المعروف مضواح ابن شتوي الحبابي القحطاني التي القها في مزاين وملتقى عتيبة الهيلا وفي الاقلام المسمومه
    التي تكتب ضد المزاينات وتكتب ضدا اصحابها اللي على الفطره واهل ولاء واخلاص
    لقيادتنا الحكيمة حفظها الله .

    *****************[/align]





    [poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    سلامي على العتبان ومزايـن العتبـان=سلامي على اللي صيتهم واضـح دوره
    قبيله لها بيـن القبايـل مكـان وشـان=على العز والناموس والطيب مشهـوره
    هل السيف واهل الرمح والخيل والميدان=واهل خوةٍ من سابق الوقـت مذكـورة
    واهل فزعةٍ لبان وقـت اللـزوم وحـان=واهل ديرةٍ على العز والساس معمـوره
    وأهل كرمةٍ يشبع بها التايـه الجيعـان=ويشبع بها سرحـان والبـر وانسـوره
    رجال مواقفها علـى الثبـت والبرهـان=فعايال عتيبـة مجدهـا ساطـع نـوره
    وانا . لوّ . باعد ابطالهم كلهم فرسـان=مشايخ مع فرسان شجعـان وا نمـوره
    على رأس شيخ شاع صيته مع العربان=مسجل له التاريخ في عهـده أحضـوره
    خذينا معاهم سجـةٍ فـي زمـان كـان=وكلن على صيد الفـلا يسبـر صقـوره
    عتيبه عتيبه ياهـل المـدح ياالظفـران=طحاطيح روس و فخرها عالـيٍ سـوره
    اقوله نيابه عن شموخ العـرب قحطـان=بني عمي اللي فعلهم فخـر. واسطـوره
    تراحيبنـا وفعولنـا للعـرب عـنـوان=رقينا سنام المجد . وآعـز . مقصـوره
    زمان مضى يوم الفشق محزمـه مليـان=نحتنا الفخر والنصر في نجد واصخـوره
    ويشهد لنا فعل ابن هادي وابن هـدلان=ويشهد لنا تاريـخ الامجـاد وعصـوره
    وياعتيبة الهيلا هـل الملتقـى الرنـان=مواقيفكم يشهـد لهـا البـر وابحـوره
    سعيتوا على العليا مشايخ مع الاعيـان=على الطيب والاعلام خضراء ومنشوره
    على طاعـة الله واحـد رازقٍ رحمـن=عظيم الجلال اللي لـه النـاس مامـوره
    وعلى سنة الهادي محمد وعل آلقـران=وبنيتوا مزاينكـم و وقويتـوا جسـوره
    وطاعة ولي الامر في الراي والحسبـان=واظفتوا على حب الوطن بهجة اسروره
    ولافي المزاين غير جمعا ورفعت شـان=على الطيب والاحوال يسره وميسـوره
    وهـذا وكـل مزايـن يعتبـر مـيـزان=مرسّم على وضح النقاء ما اختلف شوره
    ولايكتب الهرج المّزور سـوا الضيعـان=هل السم في الاقلام وعقـول مسحـوره
    هل العلمنه والملحد ة زمـرة الشيطـان=يقولون قول يخلـف الرجـل وشعـوره
    تذم المزاين واتتطـأول علـى البـدوان=تصفّـق مـع الفنـان وتمجّـد الكـوره
    تهّمش على عادتنا اللـي مـن الجـدان=لوّ انها تعـذر عـذر ماهـي بمعـذوره
    سواليفهم وهروجهـم تزعـل الفهمـان=تشب الفتن كنها على الكـذب مجبـوره
    وحنا قبايل نصـرة . الديـن والايمـان=على فطرة الاسلام من منبـع ظهـوره
    و نزهى عقيدتنـا ولا نقبـل الخـذلان=على منهج الله حسب شرعة ودستـوره
    ولانعرف اهل الكذب والزور والبهتـان=عسى اللي يدّور للـردى ينفجـر زوره
    ولاعندنا غير الولاء. شايـب. وشبّـان=ومن فضل ربي كل الاحـوال مستـوره
    يعيش الملك وتعيش ياخيـرة الاوطـان=عسانا فداك وزمـرة الشـرك مقهـوره
    نحب الوطن ونذود عنـه ولّـو ننهـان=ولاّعندنا ضده . تحـزّب . ولا. ثـوره
    ولا ّنا لا بو متعب تزايـد بـلا نقصـان=مليك فـرض حبـه لشعبـه وجمهـوره
    مليك جرى حبه مع الدم فـي الشريـان=على غيبته نشفـق وننصـاه ونـزوره
    كريم السجايـا العاهـل القايـد الربـان=مزايـاه معدومـه وفضـلاه مشكـوره
    حبيب العرب صقر العرب قايد الشجعان=عسانا فدا له من عنا الوقت وشـروره
    ويسلم لنا طير السعـد سيـدي سلطـان=ولي العهـد ياتـاج شعبـه ومنظـوره
    نعيش برغد ونعيش في نعمـةٍ وامـان=تحت هيبة اللي في التواريخ منصـوره
    سعاطير نجد اللي حمت ماورى الحـدان=ملوك الجزير وأهل الاضغـان مدحـوره
    تحت راية ابن سعود صرنا مثل الاخوان=كيان بناهـا القايـد الفـذ اخـو نـوره
    وختم الكلام المجد في ملتقـى العتبـان=لقيناه يالعتبـان. بالصـوت. والصـوره
    مـضــواح بــــن شــتــوي الحبابي القحطاني =[/poem]
  • ابو براك

    رابطة محبي الهيلا

    • Feb 2006
    • 1587

    #2
    صح لسان الشاعر مضواح ابن شتوي الحبابي القحطاني

    ونعم في قبيلة قحطان ولاهنت

    تعليق

    • الشنباوي
      عضو نشيط
      • Oct 2007
      • 43

      #3
      صح لسانك يالحبابي

      ولاعلاكم زود

      تعليق

      • معد يكرب
        منتظر رسالة تفعيل
        • Jun 2007
        • 26

        #4
        والله ونعم .. ارررررررررررررحبي يالجزالة من اهلها وفي أهلها ..

        تعليق

        • bader999
          عضو
          • Oct 2006
          • 18

          #5
          صح لسان الشاعر مضواح ابن شتوي الحبابي القحطاني

          ونعم في قبيلة قحطان ولاهنت

          تعليق

          • غريب أطوار
            عضو فعال
            • Apr 2007
            • 108

            #6
            واللة ونعم ومليار نعم يعيال الشايب
            ونعم من قبيلة

            تعليق

            • مرزوق الجعيد

              رابطة محبي الهيلا

              • May 2004
              • 1318

              #7
              صح السانه

              وبيض الله وجه ناقلها وقارئيها وكاتبها ومن رد عليها

              تعليق

              • علي الحبابي
                عضو ذهبي
                • Aug 2006
                • 360

                #8
                تم النشر في الأصل بواسطة ابو براك عرض المشاركة
                صح لسان الشاعر مضواح ابن شتوي الحبابي القحطاني

                ونعم في قبيلة قحطان ولاهنت
                هلا ابوبراك وحياك الله ف محلك

                تعليق

                • فيصل الحويماني
                  عضو ماسي
                  • Apr 2006
                  • 513

                  #9
                  صح لسان الشاعر

                  مضواح ابن شتوي الحبابي القحطاني

                  ونعم في قبيلة قحطان ولاهنت

                  تعليق

                  • علي الحبابي
                    عضو ذهبي
                    • Aug 2006
                    • 360

                    #10
                    تم النشر في الأصل بواسطة الشنباوي عرض المشاركة
                    صح لسانك يالحبابي

                    ولاعلاكم زود
                    حياك الله ومرحبا الف

                    تعليق

                    • راع العوجا
                      عضو ماسي
                      • Nov 2007
                      • 674

                      #11
                      صح لسانك ياحبابي

                      ومعليكم زود

                      تعليق

                      • ابوقحط
                        عضو نشيط
                        • May 2005
                        • 47

                        #12
                        يستاهلون عتيبه

                        تعليق

                        • fahad8088

                          رابطة محبي الهيلا

                          • Oct 2006
                          • 1742

                          #13
                          صح لسان الشاعر

                          ولاهنت اخوي

                          تعليق

                          • رمح برقاا

                            رابطة محبي الهيلا

                            • Jun 2007
                            • 1297

                            #14
                            صح لسانك يا مضواح الحباابي وبيض الله وجهك ووجيه قبيلتك كافة وعلى القوه انشاء الله مشاء الله قصيده جززله وفي محلها ومكفيه وموفيه وحياك الله بين اخوانك ولا تهون

                            تعليق

                            • علي الحبابي
                              عضو ذهبي
                              • Aug 2006
                              • 360

                              #15
                              تم النشر في الأصل بواسطة معد يكرب عرض المشاركة
                              والله ونعم .. ارررررررررررررحبي يالجزالة من اهلها وفي أهلها ..
                              هلابك وبمرورك العذب

                              تعليق

                              العمل...