قصيدة الشاعر غازي المغيليث بملتقى الهيلا

طي
X
 
  • التوقيت
  • إظهار
مسح الكل
المشاركات الجديدة
  • مشاري العتيبي
    عضو نشيط
    • Mar 2003
    • 67

    #1

    قصيدة الشاعر غازي المغيليث بملتقى الهيلا

    [align=center]الهيلا[/align][poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    أنا البارحة يوم العرب ثلثهم غافين=و ذلول الهجاد تدرهم براسي و عيني

    توارد علي من القرايح بحر قزوين=وأصدر و أنا ما أشرب من العد ثلثيني

    و أليا من ضما اللي رأس ماله تجي بعدين=تركته يموت و قلت بعدين بعديني

    غزير القرايح ما تقلط على الشفقين=ضعاف النفوس اللي سواة الطواحيني

    تشوم الجزيلة عن مقام ٍ رفاعه طين=مثل ما تشوم عن الطمان الشياهيني

    عرفنا صروف الوقت يالاعب الحبلين= وكبرنا و شفنا سور برلين و الصيني
    و أنا كل ما قلت استبد الزمان الشين=عرض لي رجالٍ غيرت في الموازيني

    مثل محفل (الهيلا)مع رجالة الذربين=ما تلحقهم الشكات والا التـــــــخاميني

    أليا جيتهم في قمة المرجلة صاحين=و أليا جيتهم في الطيب ما همب صاحيني

    شنار الكرم و الطيب و العرف و التثمين= وبنك الضعيف و بيت مال المساكيني

    و كم شيخ قوم و كم حمر عين رأس و عين=توطوه في الميدان مثل البـــــعاريني

    لنا سطوةٍ تهتز منها ملوك الصين=و لنا شهرةٍ تشبه لشهرة يــــلستيني

    و لنا فزعةٍ تشبه لفزعة صلاح الدين=من أرض الكنانة لين دولة فلسطيني

    و لنا وقفةٍ ما هيب وقفة شهر شهرين=إلا وقفة من خلقت الناس للـــــحيني

    و عن الشك و التضليل و الكذب و التضمين=أنا الحمد لله و الي العرش مغنيني

    لكن أمدح الطيب و ذي سنة الوافين=ولا يــجحد الطيب سواة الضعيفيني

    و كل القبايل ما عليها اختلاف أثنين =هذا حد سيف و ذا سعوط المجانيني

    هذا ما مضى مير العرب كلها ذالحيني=تحت ظل أبو متعب زعيم السلاطيني

    لنا بيعةٍ ما هيب بيعة حسن و حسين=ألا بيعة أصحاب الرسول الكريميني

    هذا باختصار و ما نقوله علينا دين=وعاداتنا نوفي حقوق الـــــــدياييني

    دروس الليالي علمتنا يا بو قلبين= طراة الرجل عقل و لسان و شرييني

    و أليا مدو الحكام تاج القصيد الزين=و مدولة الشعار مسحوب و هجيني

    أنا مدتي حمرا" معا مسلط أبو ثنين=ووضح ٍ تدرهم وسط ذود الشيابيني

    تقلب بي الدنيا على العسر ويا اللين=ولازلت رغم العسر واليسر والليني

    كما عاش أبوي و مات لو هو من الحيين=كريم و عزيز ومن رجالٍ عزيزيني
    [/poem]

    [align=center]غازي المغيليث[/align]
  • طارق الثبيتي
    عضو
    • Oct 2007
    • 12

    #2
    صح الله لسانه ملايين وبيض الله وجه


    ابيض وجه يامشاري

    الله يعطيك العافيه على النقل المتميز

    مودتي

    تعليق

    • مشاري العتيبي
      عضو نشيط
      • Mar 2003
      • 67

      #3
      وجهك ابيض يا طارق على الحضور المميز

      والله يعين الجميع على رفع وعلو المنتدى

      تعليق

      العمل...