××قصيدة التميمي في المزايين وعتيبة××لا تفوتك

طي
X
 
  • التوقيت
  • إظهار
مسح الكل
المشاركات الجديدة
  • العبدلي التميمي
    عضو
    • Jul 2007
    • 8

    #1

    ××قصيدة التميمي في المزايين وعتيبة××لا تفوتك

    [align=center]السلام عليكم ورحمة الله وبركاته[/align]

    [align=center]أولا[/align]
    [align=center] أمساكم الله بالخير جميعا وبيض الله وجيهكم على هالملتقى اللي أشاد به الصغير والكبير وهذا غير مستغرب على شجعان عتيبة [/align]

    [align=center]ثانيا[/align]
    [align=center]تلقت قبيلة بني تميم المضرية دعوة من الشيخ محمد بن نايف بن حميد لحضور ومشاهدة الملتقى الخاص بمزايين الأبل لقبيلة عتيبة وقد حضر جمع من بني تميم للحفل المعد بهذه المناسبة وقد ألقى الشاعر /[/align]
    [align=center]سامي بن صالح آل عرفج العنقري التميمي[/align]

    [align=center]قصيدة بهذة المناسبة وهذا اقل شي يقدم لكم لكم فأنتم قد عرفنا عندكم الطيب والكرم وحسن المجورة[/align]

    [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    ألا يـا راكـبٍ ضمـراءً تلاحـق وضنهـا زويّـان = ( بعيدٍ زورهـا عـن كوعهـا مـا هيـب عكّيّـه )
    تفزّ إليـا خذتهـا مـن .. يميـن معـرّب الجـدّان = ( كمـا فـزّت فريـدٍ بأشهـب البـارود مرميّـه )
    نجيبه من حراير جيش .. إبن ثانـي لأهلهـا شـان = مزلّـجـةٍ جــلال عقـيـل والـعـزوة تميمـيّـه
    فهيقت من تحته إليا .. هدر ترضـخ لـه النيقـان = توالي دارنا اللـي مـن .. عظـام التـرك مبنيّـه
    عليهـا مـن يلبـي دعـوة الشجعـان للشجـعـان = ضحـى ثالـث عشـر شـوال فالسـر ومفالـيّـه
    سـلام الله ســلام الله .. ســلام الله يالعتـبـان = عليكـم عـدّ مـا مـجـواخ خيّبـتـوا هقـاويّـه
    حضرنا نبارك الجمع الغفيـر ... مزايـن الذيـدان = عساهـا مـا نفـوع ألا وهـي بالـنـوّ مسقـيّـه
    عساها لبـارقٍ صـادق حقوقـه يسلـب الأعيـان = يبـلّ أوبارهـا ســحٍ غــدق هـمّـال وبلـيّـه
    ألا يا هيّ مالي هـيّ .... لا مـن طبّـت الميـدان = ذود بـذود .. متـن بمتـن .. منقـيّـه بمنقـيّـه
    عليها يا وجـود اللـي .. عليهـا وقّـف مسيّـان = يهـلّ الدمـع مالـه عـن يهلّـه كـل عصـريّـه
    على اللي تسهجون إبها الخلاء في نايـد الريضـان = ليـا منْـه أزهـر المكنـان وعطَّـت كـلّ قفريّـه
    على مدهال من ظهْرن .. على الخايع بـلا رعيـان = فرشـن الفايـض الممطـور والحيـران منسـيّـه
    تقول إليا أنثعت كنْهـا .. ضـلال مرقّـط الأمـزان = وإلا منْهـا تتـالـت كنّـهـا تسـتـاق خرجـيّـه
    مجاهيـمٍ يداقـش فـي طرفهـا مفهـق الحيـران = كبـار فقـار , علـط أراقـاب , مشرهفـةٍ أذانيّـه
    وساع إمنادغ , كبار المزْر , فجـحٍ مـن السيقـان = مرق الغـرب , فـرع , سنـاد , خفقـاتٍ لواحيّـه
    على مـدّ النظـر منهـا .. مغاتيـرٍ كمـا الغـزلان = على التصويت ما تتلى .. ليـا مـن صـاح راعيّـه
    ألا يا مـا حلـى هـدب المناكـب وضّـح الألـوان = وألا يـا مـا حلـى فوعاتهـا لا جـات مدعـيّـه
    عطايا الله , عطايا الله , كساهـا الواهـب المنّـان = تحـت ضـلّ العتيبـي بالمشلشـل فـوق محميّـه
    ألا يا كيف لا وأنتم ..هل المركـي وأهـل شامـان = مرجحـت الموازيـن و مصابـرة علـى الهـيّـه
    لكم معها مثل مـا للدجيمـاء فـي هـوى الخـلان = ومثـل مـا للنفيعـي مـع خليّـه صافـي النـيّـه
    جنايبهـا حـراب حـراب .. لا مــن رزّت الآذان = تسـاوى عندكـم المـوت .. يـازبـن الجـلاويّـه
    دون ضلالها فيمـا مضـى عـن سطـوة العـدوان = ألا يـا كـم لكـم مـن هيّـةٍ مـا هيـب منسـيّـه
    وألا يا كم لكـم مـن فوقهـا لا شمـرت الذرعـان = ليا من العقل مـن فـوق ( هـذا ) جـات مرميّـه
    وألا يا كم , وألا يا كـم , وألا يـا كـم يالفرسـان = لكـم ... ألاّ ياويـش لغيركـم باقـي مـن الفيّـه
    خذيتوا الطيـب يـا ذباحـة الحايـل بـلا نقصـان = الا لا يـا قليلـيـن الـعـذارب وش لـنـا فـيّـه
    بها أصدح صدح يالهيلا , وأقولـه بالفـم المليـان = وأنا من لابتـةٍ مـن عهـد عيسـى نارهـم حيّـه
    تميم الهامة , الهامـة , سنـام المجـد والعنـوان = أشـد أمـة .. علـى الدجـال لا بانـت حـراويّـه
    كعـام الفـرس والآتـراك والأوبـاش والرومـان = بنـا التاريـخ زاخـر والفعايـل بــه غنـاويّـه
    هل الجيرة هل الشيمة على الخـوّة كما الضلعـان = نمـوت ولا يجـي مـن لاذ بحمانـا طـرف سيّـه
    سوانينـا ليا مـن عاضبـت بـه نقـري الضيفـان = وإلا منها إسمحـت نستسمـح اللـي يعلـم النيّـه
    وحنـا اليـوم وأنتـم والقبايـل كلـنـا أخــوان = تحـت حكـم السعـود مقدمـيـنٍ كــل منقـيّـه
    عزيزين الجناب بظـل أبـو متعـب معـا سلطـان = حـزام ممتلـي لا صــوّت المـأمـور بالـريّـه
    لهـم حنّـا ليـا منـه بـدا راس الحريـب وبـان = ( جمـوعٍ قوّضـت مـا سمـع حاديّـه مناديّـه )
    ( وأنا ما شعر على الهامش وأصور مظهرٍ ما كان ) = يشوفون العـرب والشمـس لا مـا هيـب مغدِيّـه
    سـلام الله ســلام الله .. ســلام الله يالعتـبـان = عليكـم عـدّ مـا مـجـواخ خيّبـتـوا هقـاويّـه
    و صلاة الله على المختار ما يمطـر مـن الأمـزان = على سيـِد الجميـع اللـي شروعـه كلهـا حيّـه[/poem]

    [align=center]
    تحياتي العبدلي التميمي
    [/align]
  • نواف العصيمي
    مشرف عــام
    • Sep 2006
    • 10282

    #2
    بيض الله وجهك وووجهه .. ونعم في الشاعر المبدع.. وصح لسانه

    وكذلك قبيلته العزيزه .. لها كل المحبه والتقدير

    ولك التقدير والإحترام

    تعليق

    • مالك الذيابي

      رابطة محبي الهيلا

      • Feb 2007
      • 2018

      #3
      [align=center]صح لسان الشاعر
      سامي بن صالح آل عرفج العنقري التميمي
      ويالله حي تميم في محلهم
      وسلمت يداك يالغالي على النقل المميز
      [/align]

      تعليق

      • العبدلي التميمي
        عضو
        • Jul 2007
        • 8

        #4
        تم النشر في الأصل بواسطة نواف العصيمي عرض المشاركة
        بيض الله وجهك وووجهه .. ونعم في الشاعر المبدع.. وصح لسانه

        وكذلك قبيلته العزيزه .. لها كل المحبه والتقدير

        ولك التقدير والإحترام
        [align=center]أرحب والله يانواف وهذا الواجب ولاهو بحقكم يالغاااالي[/align]

        تم النشر في الأصل بواسطة ابن نجم الذيابي عرض المشاركة
        [align=center]صح لسان الشاعر
        سامي بن صالح آل عرفج العنقري التميمي
        ويالله حي تميم في محلهم
        وسلمت يداك يالغالي على النقل المميز
        [/align]
        [align=center]البقا يابن نجم وبيض الله وجهك على المرور[/align]

        تعليق

        • Man من العتبان

          رابطة محبي الهيلا

          • Oct 2007
          • 2397

          #5
          بيض الله وجيهكم يا بني تميم طيب ونخوه ماهي غريبه عليكم

          وصح لسان الشاعر ولا هان

          ومشكور يا العبدلي التميمي على هذي المشاركة الطيبه

          تعليق

          • العبدلي التميمي
            عضو
            • Jul 2007
            • 8

            #6
            تم النشر في الأصل بواسطة Man من العتبان عرض المشاركة
            بيض الله وجيهكم يا بني تميم طيب ونخوه ماهي غريبه عليكم

            وصح لسان الشاعر ولا هان

            ومشكور يا العبدلي التميمي على هذي المشاركة الطيبه
            [align=center]لاهنت على مرورك
            وأرفق علينا يالغالي توقيعك رهيييييب
            [/align]

            تعليق

            • Man من العتبان

              رابطة محبي الهيلا

              • Oct 2007
              • 2397

              #7
              خلني ادخل الغرفه اللي فيها الدولارات بس وابشر بعززززززززززززززززك

              تعليق

              • غريب أطوار
                عضو فعال
                • Apr 2007
                • 108

                #8
                على العز على العز يالعبدلي التميمي
                وتسلم يدك اللي خطت هالقصيدة ويسلم قايلها
                وهلا فيك بين ربعك وأخوانك وياهلا فيك مليار

                تعليق

                • فهد العضياني
                  عضو نشيط
                  • Sep 2007
                  • 36

                  #9
                  صح لسان التميمي وبيض الله وجهك وتحياتي للهيلا

                  تعليق

                  • العبدلي التميمي
                    عضو
                    • Jul 2007
                    • 8

                    #10
                    تم النشر في الأصل بواسطة Man من العتبان عرض المشاركة
                    خلني ادخل الغرفه اللي فيها الدولارات بس وابشر بعززززززززززززززززك
                    قول وفعل ياولد عتيبة

                    تعليق

                    • العبدلي التميمي
                      عضو
                      • Jul 2007
                      • 8

                      #11
                      تم النشر في الأصل بواسطة غريب أطوار عرض المشاركة
                      على العز على العز يالعبدلي التميمي
                      وتسلم يدك اللي خطت هالقصيدة ويسلم قايلها
                      وهلا فيك بين ربعك وأخوانك وياهلا فيك مليار
                      [align=center]الله يعزك أنت وربعك وعلمكم طيب يوم جيناكم مالقينا إلا كل ترحيب وكرم وجود[/align]


                      تم النشر في الأصل بواسطة فهد العضياني عرض المشاركة
                      صح لسان التميمي وبيض الله وجهك وتحياتي للهيلا
                      [align=center]صح بدنك يالعضياني[/align]

                      تعليق

                      • العبدلي التميمي
                        عضو
                        • Jul 2007
                        • 8

                        #12
                        [align=center]للرفع

                        رفع اللهد قدركم[/align]

                        تعليق

                        • حاجب
                          عضو
                          • Oct 2007
                          • 1

                          #13
                          صح لسان الشاعر ومشكور على المشاركة يالعبدلي التميمي

                          ليتك يا بعدي تكتب لا باقي القصائد التي قيلت في تلك المناسبة

                          لا هنت يالغالي

                          تعليق

                          • الرأي الآخر
                            عضو ماسي
                            • Mar 2007
                            • 563

                            #14
                            صح لسان الشاعر
                            سامي بن صالح آل عرفج العنقري التميمي
                            ويالله حي تميم في محلهم
                            وسلمت يداك يالغالي على النقل المميز

                            تعليق

                            • وحيد الاسعدي
                              عضو
                              • Nov 2007
                              • 13

                              #15
                              الله محيي اصلك
                              صح لسان الشاعر
                              سامي بن صالح آل عرفج العنقري التميمي
                              ويالله حي تميم في محلهم

                              تعليق

                              العمل...