قصيده للشاعر سعيد الشهيب في (ملتقى قبيلة عتيبة الهيلا لمزايين الإبل )

طي
X
 
  • التوقيت
  • إظهار
مسح الكل
المشاركات الجديدة
  • طارق الثبيتي
    عضو
    • Oct 2007
    • 12

    #1

    قصيده للشاعر سعيد الشهيب في (ملتقى قبيلة عتيبة الهيلا لمزايين الإبل )

    [poem=font="Simplified Arabic,5,orange,bold,normal" bkcolor="transparent" bkimage="" border="groove,5,gray" type=2 line=0 align=center use=ex num="0,black"]
    اليا جلسنـا فالمجالـس سلاطيـن=واليا انتهظنا سيف ثابـت نصابـه
    لطامة العيايـل سعـوط المجانيـن=ذباحـة الحايـل صـدور الرحابـه
    حماية الميقـاف فالعسـر والليـن=والموت والشر القوي مـا نهابـه
    في ظل الاد سعـود حمايـة الديـن=خدام بيـت الله ونهـج الصحابـه
    في ظلهم سرنا وعشنـا عزيزيـن=وتحت امرهم في سلم والا حرابـه
    واليـوم جمعنـا نهـار المزاييـن=نلبس بسـم روح القبيلـه ثيابـه
    امن الحجاز ونجد ياشوفـة العيـن=هذيـه الهيـلا عيـون الذيـابـه
    تاريخنا بالعز يكتـب مـن اسنيـن=ما ضيـع التاريـخ فعـل وذرابـه
    دايم على رقي المعالـي حرصيـن=والنـار حيـه والاسامـي تشابـه
    هذاكي ابن حميد ذخر الشججيعيـن=وهذا بن اربعيـان فخـر وصلابـه
    ولا فيه فرق(ن) ينذكر بين الاخوين=الاسـم واحـد فعـل والا كتـابـه
    هذا وانـا شاعـر قبيلـه مسميـن=الاد ثابـت راس قيـف ومهـابـه
    منا بن هليـل ومنـا بـن دخيـن=مبانـي الهيـلا نهـار الحـزابـه
    لا كبرت الدعوه ما بين الخصيمـن=شيوخ فـرض وعلمهـم يقتدابـه
    ومنا ابن سالم يوم ثقل الموازيـن=صفه على الحـدان نـوخ ركابـه
    ومنا ابن غازي بيت عرف وعريفين=ومنا الصليب ومن هل السيل لابـه
    ومنا الحميانـي عـذاب المعاديـن=ومنا الشرابـي فاللقـاء يعتزابـه
    ومنا هل المعـدن ومنـا الوقاديـن=ومنا بني ذبيـان فـي كـل جابـه
    ومنا بن ملحـان زبـن المخليـن=وحزامه اللصـه شبـاب وشيابـه
    منهم بني منجـوم قضأيـة الديـن=احزام جنبك فـي نهـار المجابـه
    ومنا اهل عباسـه ومنـا الثعابيـن=ومنا الرقيب وكـل علـم بجوابـه
    واهل الرحا واهل لغب والضباعيـن=واهل جـداره واهـل وادي غرابـه
    ومنا قبائل نجـد روس الرباعيـن=وكلاً من الميقـاف يحمـى جنابـه
    اهل وفاء ومـع القبائـل كريميـن=مثل الخيال اللـي تـرادف سحابـه
    وفي ساعة الشدات ما احنا ذليليـن=تاريخنـا بالعـز كــلاً درابــه
    احزامنـا اللـي كنهـن الثعابيـن=من وارد البلجيك ما اشنع صوابـه
    ومشوكٍ يطحن رجـوم الشياطيـن=ويسلم به الكافر ويقـراء خطابـه
    لا قرت الحبه مـا بيـن النياشيـن=ما يرمش الرماي خـوف وهيابـه
    ولانتبع المقفي ولا نرخـي أيديـن=لهل الجمايـل والعطـا والطلابـه
    شيماتنا اسما من جميـع القوانيـن=ان ما وصلنا الماء ما نتبع سرابـه
    وابيوتنـا للجـود رمـز وبراهيـن=فقيرنـا فعـل يميـنـه غـدابـه
    انسـد بالشلفـا نحـور البعاريـن=ذباحة اللي تـو مـا شـق نابـه
    والابل حنـا الهـا ترانـا مواميـن=ما يوم راحت مـن يدينـا نهابـه
    امـا بقيمتهـا غلبنـا الغنيـيـن=والا بحـد السيـف جتنـا كسابـه
    وثبيت تاسمهـا بواحـد وتسعيـن=ما هو عدد معنى ولا بـه غرابـه
    للبن والمحماس كيـف الاصيليـن=شرابـة القهـوه عـوارف شبابـه
    والابل ما توصف غلاها الدواوييـن=في حكم شعـار النظـم والربابـه
    الله ذكرهـا فـي كتابـه عنوايـن=للممعتبر واللـي يراجـع حسابـه
    سفيـة الصحـراء حـلال النقييـن=قطاعـة البيـداء جبـال وشعابـه
    حليبهـا فيـه الشفـاء لسقيميـن=وكم شايب(ن) منها يعيش بشبا به
    ريف الفقراء والغنـي والليتيميـن=من عرفها ما عرف معنـا الكئابـه
    غزا بها ابن اسعود والناس ممسين=ليلة نوى المصمك وحصنه وبابـه
    والله كتب نصره ونصـر التقييـن=وتوحـدت دولـه وسرنـا قرابـه
    والله يجمع شملنـا قولـوا اميـن=ابسنـة محمـد ومحكـم كتـابـه [/poem]

    [align=center]الشاعر / سعيد الشهيب [/align]
  • سعود الحمادي
    عضو
    • Oct 2007
    • 16

    #2
    صح السان قائلها ولاهنت اخي على نقلهاااااااااا

    تعليق

    • طارق الثبيتي
      عضو
      • Oct 2007
      • 12

      #3
      شكرا لمرورك
      اخي سعود

      مودتي

      تعليق

      • ابو دانه
        عضو نشيط
        • Oct 2007
        • 34

        #4
        صح السانك ياااااااااااااااا سعيد الشهيب



        كفيت ووفيت وبينت وقصيده معدوده من الافضل القصائد على مستوى الملتقى بصفه عااااااااامه



        مشكوووووووووووووور ومعافى

        تعليق

        • الصف الواحد
          عضو فعال
          • Oct 2007
          • 185

          #5
          [align=center]صح لسانه وبيض الله وجه


          قصيده فمة في الجزااااااااااااااااااااااااااااااله


          ويعجبني فيها الحث على التكاتف والتلاحم وهو سر النجاح[/align]

          تعليق

          العمل...