:: ســلام الله يالعتـبـان ::

طي
X
 
  • التوقيت
  • إظهار
مسح الكل
المشاركات الجديدة
  • خرفاش
    عضو
    • Oct 2007
    • 8

    #1

    :: ســلام الله يالعتـبـان ::

    هذه القصيده لشاعر سامي بن صالح الْعَرْفَجّْ آل أُبُو عِلَّيَانْ التِّمِيمِي نظمها بعد دعوة شيخ عتيبة قبيلة بني تميم في مخيمة ( ملتقى عتيبة الهيلا لمزاين الأبل )



    [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    ألا يـا راكـبٍ ضمـراءً تلاحـق وضنهـا زويّـان = ( بعيدٍ زورهـا عـن كوعهـا مـا هيـب عكّيّـه )
    تفزّ إليـا خذتهـا مـن .. يميـن معـرّب الجـدّان = ( كمـا فـزّت فريـدٍ بأشهـب البـارود مرميّـه )
    نجيبه من حراير جيش .. إبن ثانـي لأهلهـا شـان = مزلّـجـةٍ جــلال عقـيـل والـعـزوة تميمـيّـه
    فهيقت من تحته إليا .. هدر ترضـخ لـه النيقـان = توالي دارنا اللـي مـن .. عظـام التـرك مبنيّـه
    عليهـا مـن يلبـي دعـوة الشجعـان للشجـعـان = ضحـى ثالـث عشـر شـوال فالسـر ومفالـيّـه
    سـلام الله ســلام الله .. ســلام الله يالعتـبـان = عليكـم عـدّ مـا مـجـواخ خيّبـتـوا هقـاويّـه
    حضرنا نبارك الجمع الغفيـر ... مزايـن الذيـدان = عساهـا مـا نفـوع ألا وهـي بالـنـوّ مسقـيّـه
    عساها لبـارقٍ صـادق حقوقـه يسلـب الأعيـان = يبـلّ أوبارهـا ســحٍ غــدق هـمّـال وبلـيّـه
    ألا يا هيّ مالي هـيّ .... لا مـن طبّـت الميـدان = ذود بـذود .. متـن بمتـن .. منقـيّـه بمنقـيّـه
    عليها يا وجـود اللـي .. عليهـا وقّـف مسيّـان = يهـلّ الدمـع مالـه عـن يهلّـه كـل عصـريّـه
    على اللي تسهجون إبها الخلاء في نايـد الريضـان = ليـا منْـه أزهـر المكنـان وعطَّـت كـلّ قفريّـه
    على مدهال من ظهْرن .. على الخايع بـلا رعيـان = فرشـن الفايـض الممطـور والحيـران منسـيّـه
    تقول إليا أنثعت كنْهـا .. ضـلال مرقّـط الأمـزان = وإلا منْهـا تتـالـت كنّـهـا تسـتـاق خرجـيّـه
    مجاهيـمٍ يداقـش فـي طرفهـا مفهـق الحيـران = كبـار فقـار , علـط أراقـاب , مشرهفـةٍ أذانيّـه
    وساع إمنادغ , كبار المزْر , فجـحٍ مـن السيقـان = مرق الغـرب , فـرع , سنـاد , خفقـاتٍ لواحيّـه
    على مـدّ النظـر منهـا .. مغاتيـرٍ كمـا الغـزلان = على التصويت ما تتلى .. ليـا مـن صـاح راعيّـه
    ألا يا مـا حلـى هـدب المناكـب وضّـح الألـوان = وألا يـا مـا حلـى فوعاتهـا لا جـات مدعـيّـه
    عطايا الله , عطايا الله , كساهـا الواهـب المنّـان = تحـت ضـلّ العتيبـي بالمشلشـل فـوق محميّـه
    ألا يا كيف لا وأنتم ..هل المركـي وأهـل شامـان = مرجحـت الموازيـن و مصابـرة علـى الهـيّـه
    لكم معها مثل مـا للدجيمـاء فـي هـوى الخـلان = ومثـل مـا للنفيعـي مـع خليّـه صافـي النـيّـه
    جنايبهـا حـراب حـراب .. لا مــن رزّت الآذان = تسـاوى عندكـم المـوت .. يـازبـن الجـلاويّـه
    دون ضلالها فيمـا مضـى عـن سطـوة العـدوان = ألا يـا كـم لكـم مـن هيّـةٍ مـا هيـب منسـيّـه
    وألا يا كم لكـم مـن فوقهـا لا شمـرت الذرعـان = ليا من العقل مـن فـوق ( هـذا ) جـات مرميّـه
    وألا يا كم , وألا يا كـم , وألا يـا كـم يالفرسـان = لكـم ... ألاّ ياويـش لغيركـم باقـي مـن الفيّـه
    خذيتوا الطيـب يـا ذباحـة الحايـل بـلا نقصـان = الا لا يـا قليلـيـن الـعـذارب وش لـنـا فـيّـه
    بها أصدح صدح يالهيلا , وأقولـه بالفـم المليـان = وأنا من لابتـةٍ مـن عهـد عيسـى نارهـم حيّـه
    تميم الهامة , الهامـة , سنـام المجـد والعنـوان = أشـد أمـة .. علـى الدجـال لا بانـت حـراويّـه
    كعـام الفـرس والآتـراك والأوبـاش والرومـان = بنـا التاريـخ زاخـر والفعايـل بــه غنـاويّـه
    هل الجيرة هل الشيمة على الخـوّة كما الضلعـان = نمـوت ولا يجـي مـن لاذ بحمانـا طـرف سيّـه
    سوانينـا ليا مـن عاضبـت بـه نقـري الضيفـان = وإلا منها إسمحـت نستسمـح اللـي يعلـم النيّـه
    وحنـا اليـوم وأنتـم والقبايـل كلـنـا أخــوان = تحـت حكـم السعـود مقدمـيـنٍ كــل منقـيّـه
    عزيزين الجناب بظـل أبـو متعـب معـا سلطـان = حـزام ممتلـي لا صــوّت المـأمـور بالـريّـه
    لهـم حنّـا ليـا منـه بـدا راس الحريـب وبـان = ( جمـوعٍ قوّضـت مـا سمـع حاديّـه مناديّـه )
    ( وأنا ما شعر على الهامش وأصور مظهرٍ ما كان ) = يشوفون العـرب والشمـس لا مـا هيـب مغدِيّـه
    سـلام الله ســلام الله .. ســلام الله يالعتـبـان = عليكـم عـدّ مـا مـجـواخ خيّبـتـوا هقـاويّـه
    و صلاة الله على المختار ما يمطـر مـن الأمـزان = على سيـِد الجميـع اللـي شروعـه كلهـا حيّـه[/poem]


    لشاعر سامي بن صالح العرفج العنقري التميمي
    من منتديات بني تميم
    تم التعديل الأخير بواسطة خرفاش؛ 27-Oct-2007, 10:46 PM.
  • الفهاد
    عضو فضي
    • Mar 2007
    • 230

    #2
    صح لسان قايلها

    والله ونعم في بني تميم

    تعليق

    • محمد الزايدي

      رابطة محبي الهيلا

      • Mar 2007
      • 1388

      #3
      صح لسان الشاعر

      وبيض الله وجهك على النقل

      تعليق

      • الربان
        عضو نشيط
        • Jun 2004
        • 35

        #4
        والنعم ببني تميم

        تعليق

        • ابن الهيلا الاصيل
          عضو فعال
          • Jan 2003
          • 104

          #5
          صح لسانه والله يحييه بين ربعه في كل وقت

          تعليق

          • عبدالله الجـــذع
            مشرف منتدى قصه وقصيده
            • Sep 2007
            • 8093

            #6
            صح لسانكـ ولسان الشاعــر ونعم ببني تميم ...


            وهذه عوايدهم..
            قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) .


            .
            قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم !
            فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه )

            .

            موقع يضم جميع القراء


            هنا

            تعليق

            • الوهبي التميمي
              عضو نشيط
              • Feb 2006
              • 40

              #7
              صح لسان الشاعر والصديق سامي العرفج .

              ومليون نعم بعتيبة الهيلا .

              تعليق

              • فهد السواط
                عضو نشيط
                • Jul 2006
                • 80

                #8
                مشكور اخي على النقل ماقصرت

                تعليق

                العمل...