أبشركم من الرياض للدوادمي ساعه وحده بس

طي
X
 
  • التوقيت
  • إظهار
مسح الكل
المشاركات الجديدة
  • الـذيب

    رابطة محبي الهيلا

    • Sep 2007
    • 1002

    #1

    أبشركم من الرياض للدوادمي ساعه وحده بس

    أنا سمعت كذا أقتراح وكلهم ماقصرو وهذا أن دل على شي دل على حرص أبناء القبيله على كل ماينفع القبيله وبيض الله وجيههم على الي قاعدين يبذلونه اما أنا أقتراحي وموضوعي الي باخذ رايكم فيه الاتي :

    أنا أقترح على اللجنه الي بتدرس موضوع الفائض من الميزانيه انها تفكر وبشكل جدي في طريق لبخه وحويته أنا أقولكم ليش وأقولكم مدى أهميتة أنتم لو نظرتو لطريق القصيم لقيتوه سيدين وسريع ومشبك عشان الابل صح ولا لا وطريق الشرقيه كذالك وطريق الحجاز طيب تقولون لي وش أهميته وش معنى خط لبخه وحويته أقولكم أن الديار الي هناك كلها للعتبان والخط سيد واحد ومعروف مشاكله وكل منا فقد له قريب أو اكثر على مر السنين الي راحت بسبب الاهمال بهذا الخط والابل السايبه الي تقطع الخط أخر اليل ومعروف أن الي يسلكون الخط هم عيال عمنا وأخوانا وربعنا واكثرهم عيال القبيله الي يعملون بالرياض واهاليهم بالدير هذيك صح ولو انتظرنا البلديه والمواصلات والله لتبطون ماسووها لكم وعارفين حنا ليش وعشان كذا نبيها بفلوسنا مالهم منه فيه ولا فضل وصدقوني لو بتعدون كم ديره وهجره وقريه راح تستفيد من الخط هذا وكم شخص (( عتيبي بالاخص )) راح يستفيد راح تقتنعون بكلامي وتقولون أنه فعلن من أهم الامور الي يجب دراستها أن لم يكن أهمها.

    على فكره انا من المقيمين بالرياض وقليل روحتي للديره يعني لا تفكرون اني أنظر للموضوع بنظره شخصيه ولا فايده لي حتى لو بعيت أروح اكثر شي مع خط القصيم .

    صوت اذا توافقني الرأي بنعم واذا تخالفني وأكيد الاختلاف بالرأي لا يفسد للود قضيه بلا
    21

    انتهت صلاحية الاستطلاع.

  • النافذ
    عضو مهم
    • Jul 2005
    • 6171

    #2
    [align=center]



    انا اوفقك الراي

    بس بدل ندفع نحرك واسطه

    ويصير الطريق مشبك

    لك من اخوك النافذ

    فائق الاحترام والتقدير

    على الطرح الرائع والمتميز

    احسنت الطرح اخي الذيب
    [/align]

    تعليق

    • العرندس511
      عضو نشيط
      • Oct 2007
      • 51

      #3
      الله يعينكم ويوفقكم ياربعي عتابة لما يحبه ويرضى

      تعليق

      • ذيب الدوادمي
        عضو نشيط
        • Oct 2007
        • 38

        #4
        يارجاااااااااااااااال فكرتك حلوووووووووووووووووه

        لكن الخط يبي ميزانية دوووووووووووول مو مزاين أبل

        تعليق

        • عبدالله الجـــذع
          مشرف منتدى قصه وقصيده
          • Sep 2007
          • 8093

          #5
          انا اؤيدكـ الرأي وبشــده والفكــره جميــله لكـــــن؟؟؟؟؟


          كما اسلف اخوي النافــذ حركـ واسطــه وزفلــت الطريــق وشبكــه وبدون ولا ريــال صح ولا لا ...


          يسعدنــي دوما اذا رأيــت مثلكـ وشرواكـ الذيــن يحرصون على المسلميــن وعلى قبيــلتهم ..

          لافــض فوكـ ودمــت شامخــا,,


          وأصوت بنعـــم...
          قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) .


          .
          قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم !
          فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه )

          .

          موقع يضم جميع القراء


          هنا

          تعليق

          • طارق النفيعي
            عضو اللجنه الاعلاميه
            • Sep 2007
            • 3682

            #6
            موافقين ..

            وأقتراح ممتاز ولاهنت يالغالي


            أخوك : طارق النفيعي
            [align=center] أخوكم : طارق النفيعي



            [/align]

            تعليق

            • _( ابن عاصم )_
              موقوف لمخالفة الأنظمة
              • Mar 2007
              • 161

              #7
              عشان ياكلونها من من شركة إلى موصلات إلى بلدية

              بعدين طريق أنشائه يكلف مليارات

              تعليق

              • الـذيب

                رابطة محبي الهيلا

                • Sep 2007
                • 1002

                #8
                النافذ /عاشـــــق الشهـــــادة /ذيب الدوادمي /عبدالله الجـــذع /_( ابن عاصم )_

                يسعدني ويشرفني مروركم بالموضوع وبالنسبه للواسطه فكره حلوه ومفكر فيها قبل بس لو بيتوسطون كان من زمان وانا عارف ان الميزانيه ماتكفى وان كيلوين بس من بدايه الطريق للمنصه الرئيسيه كلفت أثنين مليون فما بالكم بمئات الكيلوات بس أنا طرحت الفكره عشان تصير حافز للي بعدي بيقترحون يفكرون بمواضيع اكثر جديه وفايده للقبيله ويمكن الاستفاده منها وانا اليوم جايني خبر من واحد من عيال عمي يقول ان ثلاثه متوفين بالطريق وهم رايحين يعايدون اهلهم وبيستمر هذا الطريق المشئوووم باخذ اكثر من الارواح البريئه لشباب عتيبه لاكن مانقول الله الله يحفظهم ويجعلهم مصدر عز وفخر للمملكمه عامه ولقبيلتهم خاصه وهذا العشم بشباب الهيلا .

                تعليق

                • ابن حيلان
                  عضو فعال
                  • Aug 2005
                  • 113

                  #9
                  [align=center]اما بالنسبه لهذا الطريق من الدوادمي الى مفرق الحفيره


                  والله انا فقدنا فيه كثير وغالين


                  ويكون في علمك اخوي قبل اكثر من سبع سنين كانو ولا حض قلت كانو

                  يدرسون اصلاح الخط والله انها سبع سنين وماصار شي

                  انا مدري

                  هل السبع سنين هذي كلها دراسه


                  واعتقد انها مايبيلها لاواسطه ولا شي وهي من ابسط حقوقنا

                  وانا اللوم امراء الهجر الي يمر بها الخط

                  والله لو ضغطو على الحكومه انه بدل الدراسه ليكون امر ملكي بانشاء الخط

                  انا اطمح بس انهم يوسعون الخط ((يحطون كتوف يعني))

                  والضاهر انا نبي نردد ياليل مطولك

                  اما انها تكون من الفايض هذي يبيلها دعم اخر وجديد ماراح توفي فلوس المزاين ابد
                  [/align]

                  تعليق

                  • عبدول
                    عضو نشيط
                    • Sep 2007
                    • 42

                    #10
                    والله يااخواني الدوله ماهي مقصره ولكن وين اللي ينقل لهم صوره عن وضع هذا الطريق وكم من الحوادث تحصل فيه لو اجتمع رؤساء المراكز الواقعةعلى ذلك الطريق وقدموا طلب بازدواجيته وتشبيكه لانه يعتبر شريان حيوي لتلك المناطق صدقوني بيطلعون بنتيجة والله اسئل ان يستر على المسلمين .
                    [align=center]ولكم تحياتي[/ali
                    gn]

                    تعليق

                    • العبادي العصيمي
                      عضو
                      • Aug 2007
                      • 3

                      #11
                      نضم صوتنا معك وبقوووه

                      تعليق

                      • ابوياســـر
                        عضو
                        • Jun 2007
                        • 20

                        #12
                        وانا اضم صوتي الى صوتك
                        هذا الطريق خطير جدا لكثرة المنعطفات المميته ومسرح للإبل السائبة وياليت يتحركون شيوخنا ويقدمون طلب الى وزارة المواصلات
                        ويتم تنفيذه باسرع وقت ممكن

                        تعليق

                        العمل...