الله يعطيك العافيه ياطارق
وأشهد بالله إنك ماقصرت
وأتمني منك المزيد بنقل الاجتمعات الأخري التي تثلج الصدر
وانشاء الله يكون اجتماع ربعنا المفاريج على الحب والوفاء
ويتكرر اكثر من مره
((((( بيض الله وجهك يابن العم ووجه كل عتيبي علي وجه الكره الارضيه ))) والله يوفق قبيلة عتيبه جميعا لما فيه لم الشمل والحب والمعزة بين اطيافهم . والله انه شى يثلج الصدر من مايري ويسمع عن تفاعل جميع القبيله لانجاح هذا الملتقي . الله يتمه بالشكل الذي يوازي اسم وسمعة اعتيبه بين القبايل(( يانجر يالي جاي (ن) لك ملالاه.............. وش فيك تفطر والعرب صايميني )) الهيلوم المفرجي النفيعي العتيبي
السلام عليكم ورحمة الله وبركاته
لكم هذه القصيده التي ألقيت في حفل ذوي مفرج من النفعه وهي للأخ الفاضل ... أحمد بن مستوربن سليم الهيلوم المفرجي النفيعي
أمل ان تحوز على رضاكم .
علما ان هناك قصايد اخرى سنوردها لاحقا انشاء الله تعالى
قصيدة الشاعر سفر بن سلوم الهيلوم المفرجي النفيعي التي القاها في حفل قبيلة النفعه
سلام من راس عريب
ياروس لطم العيلا
عداد من شاف وسمع
فعل عتيبه سوته
يوم المحارب والحريب
يشهد بهيبتنا الملا
بالفعل نردع من طمع
ويعود ما ادرك هقوته
عتيبه اخوان الغريب
إذا ارتكب ذنب وجلا
داخل حماهم يرتفع
راسه وتقوى شوكته
ياطيبهم للي يطيب
احلا والذ من الحلا
وياسعد منهم له درع
تحدا المعادي قوته
واول ملبي يستجيب
لحكم الشريعه بالولا
حكم بدستور الشرع
تبقى وتقوى دولته
في ظل من لا له شريب
بالحق للكل اعتلا
والكل بايع واقتنع
والخير تثمر شجرته
وارجع لمن ساسه قريب
فارس ويتلى ماتلى
نجم من الهيلا سطع
وسموا النفاعي عزوته
كروش والرمح وشبيب
في الكون سهم مرسلا
من قام لجل ام الورع
وجابه من اقصى ديرته
الشاعر سفر بن سلوم بن سليم الهيلوم المفرجي النفيعي
صح لسانك يا بو سلوم
اخوك الدكتور سعد الهيلوم
القصيدة الثانية للشاعر سفر الهيلوم التي القاها في اجتماع النفعة
بديت بأسم العظيم المعطي العافي
لجل القريحه تصوغ القاف وتحوفه
قدام ارد التحيه واعلن اهدافي
ابي اخترع للقوافي خط وبروفه
يقول من تل جيبه والشفق غافي
يوم انشرح خاطره ببيات مصفوفه
عن كل عالي مقام وذرب وسنافي
مفرجي بالوفا ماقل معروفه
سم درج في عروق الخصم وزعافي
يبغى يسير فيافي نجد وكهوفه
ويوصل ازكى سلام بكل الاعرافي
من هجرسة فكر للعتبان مصروفه
سلام يهل الوفا والمعدن الصافي
تسليمة من بنات الفكر معزوفه
نبدي بها ونتعلا كل مشرافي
ومنها نشاهد جميع الحفل ونشوفه
حفلة مزاين عتيبه درعنا الظافي
العزوه اللي لها هيبه ومعروفه
قوم حماهم منيع وسهمهم وافي
يشهد لهم نجد هيلا نجد وسيوفه
كم طوعوا من عنيد وعايل جافي
وردوه عن مبتغاه وبينوا خوفه
وللظيف والجار ظل ومرتع دافي
في ذيك الايام يوم الفقر وظروفه
واليوم في ظل حكم العدل ميقافي
عقب انتفض ليث نجد ووحد صفوفه
حتى اصبح الظد جنب الظد ميلافي
حقن دما المسلمين وحطهم جوفه
في وسط قلب سليم وصار متعافي
في هجرة بالجهل والفقر مكنوفه
وصار لجهلها علاج وبلسم شافي
جمع بها شمل شعب وصافح كفوفه
وعقب صقور الجزيره عدلهم كافي
بصدورهم للجميع قلوب مكشوفه
امن ومحبه وحكم وعدل وانصافي
والبيت كم وسعوا مبناه لظيوفه
وساد الامن واستتب لشعب مظيافي
لين المواطن تمرجل وانطلق شوفه
وجا للمزاين مجال ولا به اسرافي
بأسم القبايل وكل يكتب كشوفه
لجنه وتنظيم يسعد نظرة اللافي
انجاز ممتاز لهل الطرش وصنوفه
لمن اشترى بالذهب زينات الاوصافي
وإلا ورث عقب ابوه وزاد بولوفه
ياعزوتي مايقوم بحقكم قافي
تعجز قوافيه لو غنيت وحروفه
واختامها ازكى سلام لكل الاطرافي
للحفل ومنظمين الحفل وضيوفه
سفر بن سلوم بن سليم الهيلوم المفرجي النفيعي
صح لسانك يا بو سلوم واتمنى ان تحوز على اعجاب الاخوان في المنتدى
تعليق