أجتماع (قبيـلة العضيـان)،،في8 رمضان،،(تغطيه مصوره)

طي
X
 
  • التوقيت
  • إظهار
مسح الكل
المشاركات الجديدة
  • الركن
    عضو فعال
    • Oct 2003
    • 183

    #1

    أجتماع (قبيـلة العضيـان)،،في8 رمضان،،(تغطيه مصوره)

    [align=center]كانت ليلة من أغلى الليالي ويوم مشهود من أيام العضيان الخالده , يومُ تألفت فيه القلوب وامتزجت فيه اواصر المحبه والاخوه وروابط الدم وتلاحمت فيه كل معاني الوفاء كأن ذلك اليوم يذكرنا بأحد ايام العضيان الخالده ولكنه يفرق عنها بأنه يوم سلم لاحرب , كان ذلك اليوم أول يوم تجتمع فيه القبيله عن بكرة أبيها بعد تلك الايام الغابره التي لانفتى نسمعها من كبار السن حين يحدثوننا من سراديب ذاكرياتهم عن تلك الايام (ابرقيه وطلال وعروى والرشاويه وعصام وضلاع الدياحين والشعب والجرير وبدن) .. شعرنا بها جميعا تلك الليله , شعرنا بعظمة اللقاء وترابط القبيله وتوادها وتراحمها , إرتفعت الاصوات في ذلك المساء بالترحيب والثناء واختلطت بشذا العود الذي عج به أرجاء المكان وتناغمت على ابخرته قصائد العضيان وامطرت شعراً في ارجائها فسالت على اثرِها قرائح الشعار فأحيوها بذكر الابطال وترنمت بها الاذان حتى ساعات الصباح الاولى وكان لسان حال كل واحدٍ من الحضور يردد قول الشاعر
    بالله قولك هذا سال من عسلِِ=أم قد صببت على أفواهنا العسلا.
    فهؤلاء هم العضيان .. من تلق منهم تقل لاقيت سيدهم = مثل النجوم التي يرى بها الساري
    الحفل:
    أقيم في ليلة الخميس الماضي الموافق 8/9/1428 هـ في القاعه الذهبيه بمحافظة الدوادمي إحتفال العضيان الكبير برعاية الامير بدر بن نايف الضيط
    وقد حظر الحفل جمعً غفير من القببيله يتقدمهم أمراء القبيله وكبارها وهم الشيخ تركي بن بجاد الضيط والشيخ قاعد بن مسحل الضيط والشيخ صنيتان الضيط والشيخ مارق بن بجاد الضيط والشيخ مارق بن ضيف الله الضيط والشيخ شالح الضيط والشيخ لطاس بن غازي بن لطاس الضيط والشيخ فيحان بن ناصر الشغار والشيخ عبدالعزيز الشغار والشيخ سلطان بن ناصر الشغار رئيس مركز خريمان الشغار والشيخ متعب بن ناصر الشغار رئيس مركز عريفجان وكذالك الشيخ قاعد الوهاب رئيس مركز ابو ركب والشيخ قاعد الحويقل والشيخ مصلح بن منيع الله بن ثعلي والشيخ مشاري بن شباب بن صويلح بن ثعلي وعدداً من وجها العضيان وكبار القبيله من ضباط وشعراء ورواة القبيله وقد حظر الخماليه اخوان العضيان الحفل وأصروا على الوقوف بجانب القبيله ودعمهم للعضيان في حفلهم.

    بدأ الحفل بآيات من الذكر الحكيم ثم كلمة للأمير بدر الضيط القاها نيابة عنه (رئيس لجنه مخيم الضيط )الأستاذ عبدالعزيز العضياني وحث فيها الضيط القبيله على الأتحاد ونبذ الخلاف بين افراد القبيله والتكاتف وكذالك نبذ الفكر المنحرف والألتفاف حول الدوله وحكامها ثم تلا ذالك كلمه للشيخ صنيتان بن محمد الضيط وقد شكر الشيخ صنيتان الحظور وبين ان هذا الاجتماع هدفه الحقيقي هو الألتفاف والتعارف وخص بالشكر الخماليه أخوان العضيان على حظورهم، تلا ذالك كلمه للشيخ غازي بن عتيق العضياني وبعد ذالك فتح باب الدعم , وقد بدا بتبرع الضيطه بما يقارب 270000 (مائتين وسبعون الف ريال)ثم توالى الدعم الهائل من العضيان واصبح الوضع غير مسيطر عليه من قبل القائمين على الحفل بل كثر الزحام حول اللجنه لتسجيل الدعم وتوالت التبرعات بسخا منقطع النظير فاق كل التوقعات حيث ان الدعم جاء على شكل اموال نقديه ورقيه وشيكات والأبل والأغنام وصكوك اراضي وسيارات ولم نتمكن من الحصول على الأحصائيه النهائيه لهذا الدعم وقد وُعدنا من لجنة مخيم الضيط بموافاتنا بقائمة المتبرعين حين إستحصال مبالغ الشيكات والوعود ونحن في إنتظار ما ستوافينا به اللجنه ..
    في نهاية الحفل أستضيف كل من الامير بدر بن نايف الضيط والشيخ صنيتان الضيط واعضاء اللجنه في منزل أبناء المرحوم بإذن الله الشيخ سعيد بن دوينيح واستقبلهم كل من أبنائه فايز وفواز وفوزان وجمال وعبدالرحمن وصالح وبندر ووافي.


    من القصائد التي إستمعنا لها في الحفل
    قصيده للشاعر الكبير محماس بن شميسان


    [poem=font="Simplified Arabic,6,orange,bold,normal" bkcolor="transparent" bkimage="backgrounds/3.gif" border="groove,4,gray" type=2 line=0 align=center use=ex num="0,black"]
    ياناشدٍ عني من أيات الأبداد =سؤالك اللي قلت يحتاج إجابه
    إجابةٍ تشفي معاليل الأكباد =خذها من الواقع دقيق الإصابه

    لاسلتني من لابةٍ طيبهم ساد =في نجد مربايه وربعي عتابه
    هيلاً على تحقيق الأمجاد وراد =يوم السنين الماضيه بالحرابه
    قبيلةٍ بأعدادها هي والأعتاد =وتوحيدها للصف ماتنتجابه

    مثل الجبال اللي لها أرواس والهاد =يذري ذراها من حماها لجابه
    وان قلت وأنته ماكرك باي الاطواد =من آلاد روق أهل الكرم والصلابه

    قومٍ لهم في ذروة المجد مقعاد =تجمع جوانبهم ليان ومهابه
    وان قلت روق شعوب خذ مني أوكاد =تفصيل علمٍ ماتقطع عقابه
    قبيلتي من فالقسا ترخص الزاد =ليا من وجه الوقت كشر بنابه
    عضيان للطولات والمجد رواد =لهاماتهم روم المعالي عصابه
    عضيان مدهلهم على وسق الأمجاد =وعزومهم كل الشموخ تهقابه
    عضيان فيهم زاكي المدح ينقاد =لاحل طاريهم حضر من غيابه
    أول مزاياهم على روس الأشهاد =إكرام ضيف وقو عزم ومهابه
    وثاني مزاياهم ثقالن وركاد =مع وسع صدر وزود عرف ورحابه
    الهم حضور بحاضر الوقت وابعاد =تاريخ لو فات الدهر ما انطوابه
    لوتشهد الصحراء وأثر هوج الأنواد =ويش الزمان من الفعول انتحابه
    يوم المراجل فوق عيرات وجياد =ومن لاصمد في وجه ضده غدابه
    يقودهم شوخٍ يضدون الأضداد =مروين حد اللي غليظٍ قضابه
    سيفٍ من أيمان المطاليق كم صاد =من راس شيخٍ حبل الأقدار جابه
    عمهوج ذكره موجده فعله اوجاد =مشهور يوم الدم الأشقر خضابه
    وأفعال أهل عمهوج في جيش الأسياد =من غير شيٍ مابدينا حسابه
    شيوخٍ مراكضهم يجيبن الأذواد =ليا جا لغارتهم عليها انحطابه
    بالسيف الابتر وبشغاميم الأولاد =بظهور سردٍ مثل شهب الذيابه
    شالح قديم أفعاله الشم ماباد =كم مصدرٍ محفوظةٍ في كتابه

    اليا احكم القبضه على السيف ماحاد =ليثٍ مجاويع الضواري تهابه
    وعقبه عديمٍ بالمخاليب جلاد =ذيب السرب كم جوٍ اخلا جنابه
    نادر نهارٍ للكدر فيه رعاد =بالشور اشار وباع به واشترابه
    ومارق لو اذكر سيرته جمع وافراد =مثل سلفه مافي فعوله غرابه
    منها ومنها وقعةٍ غربي الواد =فالموقع اللي جمع مارق رسابه
    راحت جياد الخيل من فعله ابداد =والخصم من يمنا اخو نوره ذهابه
    ويومٍ جنوبي شرقي الرجم وشداد =من هول ماجا فيه كلٍ درابه
    شوخِ لمزحم فالمهمات قياد =مثل السباع اللي لهن اقتلابه
    ورثٍ من الجدان لاحفاد الأحفاد =ماهيب بدعة وقت والا نهابه
    في نجد كم غنابها كل قصاد =وغنوبها شمر سميره وطابه
    يمشي وراهم جمع مزحم ليا قاد =بيدينهم حبل الزعامه قضابه
    شوخ الشيوخ وروس نبراس وعماد =ورثٍ تولاه الوريث ورقابه
    لو جابت الأيام منكر وجحاد =خله على عمياه يشعب ركابه
    يابدر لك يم الشواهيق مسناد =مجناك باقي في علاوي هضابه
    والاعقيم الراي ماعنه نشاد =يقبل ويقفي مثل طارد سرابه
    ان قلت له مسموح من شان الأجواد =وان زل دربه ويش حضرة جنابه
    من لا اعترف بالحق يابدر مافاد =أول خطا ضيع سلومه وآدابه
    واللي على العيلات سرداد مرداد =هي مهنته شايب وفي أول شبابه
    بابٍ يجي من يمهم يوصد اوصاد =خل الثعل يضبح وينعق غرابه
    ضو الفتن من سابق الوقت وقاد =ومن ينجرف خلف المساوم غدابه
    ودرب الصواب لمنهجك فيه ميعاد =طرقٍ جليه ماعليها رقابه
    أفكار عن معمومس الراي شراد =والا الوفي سامي هدفها اعتزابه
    والمعرفه ماهيب بعقال وقياد =حره والأفكار العوارف ذرابه
    والنقد ماينقدك من غير نقاد =مير ان بدابه علم والا انتهابه
    ولو حاولوا قلب المفاهيم حساد =ماهيب فيد اقفايةٍ وانقلابه
    ومن يامن آفات الدهر كاش واقصاد =يركض ورا جاثوم حلمٍ سرابه
    يابدر خذ من حنكة افكارك ارشاد =من قدح راسك لايجي بالنيابه
    أنته حصانٍ كل ماطول الماد =من دون ربعك للنوايب جلابه
    وربعك تراهم يابدر حرز وسناد =والهم رجوع العلم عند اكترابه
    الله يجمعكم على خير ماراد =وارجي عساها دعوةٍ مستجابه
    وماهب نسناسٍ ومادن رعاد =صلوا على المبعوث هو والصحابه [/poem]


    قصيده للشاعر الكبير شباب بن فايح القوبع


    [poem=font="Simplified Arabic,6,indigo,bold,normal" bkcolor="transparent" bkimage="backgrounds/27.gif" border="ridge,4,gray" type=2 line=0 align=center use=ex num="0,black"]
    دعانا شيخنا شيخ القبيله=ورانا في لزومه مانجي له
    يجي له كل طيب ويتشرف= هو اللى فالحقيقه ينعنى له
    كمنه شيخنا منا وفينا= عريب الجد من ساس الفصيله
    اليا منه دعى ربعه وجوله= ينال العز باليمنى الطويله
    ولاصكو عليه اولاد عاضى =حمول الخيل من روس الدويله
    رجال العرف ورجال المروه=لهم وقفات واسلومن جليله
    واذا جات المواقف بالتحدى=وكلن قام يقدح من فتيله
    على رايك يابو بندر حضرنا=تشرفنا مواقفك النبيله
    حضرنا ونت زيزوم الزعامه= زعامه جد ماهي مستحيله
    زعامه من بنوها واحتموها=اهل عمهوج مروين الصقيله
    هل الجوخ الحمر في وقت دوره=اليا لبسو وعنو كل أصيله
    نهارن فيه للطيب شهاده= وفيه اللاش من ضمن الحليله
    عوايدهم يفكون المتلى =اليا جاء الهوش في تال الدبيله
    واهل قاله واهل بيتن مشيد= يزبن من نصاه ومن يجي له
    خذو في قمه المجد الصداره= رفيعين النفوس اعن الرذيله
    وانا لو قلت مجروح الشهاده=انا فردن من افراد القبيله
    شهد برغش بقوله واعترافه= نهار السيف يطرقهم عويله
    اعواء عمهوج في روس الطنايا=اعواء ذيبن على راس الطويله
    وشهد هذال أخو هملا ونامي =وزكاهم جمل ناقض جديله
    بعد جابوه من بين السرايا= وحذف الروس ماله من يشيله
    وبعض أفعالهم تصعب عليه=شرحت الوضع بابياتن قليله
    زمانن فاتنا خيره وشره=وربي عاضنا خيراً بديله
    تحت ظل الشريعه والسياده=وحكمن جعل ربي مايزيله
    طلع صقر الجزيره واستلمها= وعاشقتيه يالعذراء الجميله
    وازال الشرك عنها والجهاله=وبان النور والحق ودليله
    وعاهدناه عهدن مانبوقه= وغال الروح يرخص في سبيله
    وصلى الله على خير البريه=عدد ماهل همال المخيله[/poem]

    وكما نعرض لكم هذه القصيده بالصوت والصوره
    http://www.odyani.com/vedio/abdullhh.wmv

    ونكتفي بهذه القصائد ونعتذر عن البقيه لأنه قيل ان الشعراء تجاوز عددهم العشره.[/align]
    تم التعديل الأخير بواسطة الركن؛ 29-Sep-2007, 02:07 PM.
  • الركن
    عضو فعال
    • Oct 2003
    • 183

    #2

    الأمير بدر الضيط وسط اللجنه ويعلن دعمه بمائة الف ريال

    الشيخ صنيتان الضيط وسط اللجنه ويعلن دعمه بمائة الف ريال

    الشيخ فيحان بن ناصر الشغار والشيخ سلطان الشغار رئيس مركز خريمان الشغار

    الشيخ مصلح بن منيع الله بن ثعلي والشيخ قاعد الضيط

    الشيخ قاعد الوهاب والراوي الكبير صقر بن زايد بن ثعلي

    الشيخ عبدالعزيز الشغار والشيخ متعب بن ناصر الشغار رئيس مركز عريفجان

    الشيخ بدر الضيط يستلم هدية عود من احد اطفال القبيله

    الشيخ مارق بن ضيف الله بن مارق الضيط والاستاذ فهد الضيط




    يظهر فالوسط احد رجال الاعمال بالمنتطقه الغربيه وهو الشيخ مزيد بن ثعيل العضياني

    الشيخ محمد بن سهو احد كبار العضيان


    الشيخ خالد الوهاب وفالصف الثاني من اليمني نظهر الشيخ سليم المشيبين

    الشيخ ضيف الله بن قاعد الوهاب

    الشيخ غازي بن عتيق العضياني والشيخ قاعد الوهاب




    الاستاذ سليمان العتيبي صاحب شماليل والاستاذ نايف الضيط والاستاذ بدر الضيط واحد العضيان


    الشيخ مطلق الدولي



    المقدم عبدالله بن عبدالرحمن بن عبيريد


    الشيخ ذيب بن كشاخ بن طلق بن اوسيود احد كبار العضيان

    الشاعر صالح المحقني

    الرابع من اليمين الشاعر الكبير شباب القوبع




    الراوي والشاعر الكبير حشيم بن مرزوق بن حويد يلقي قصيده


    الأمير بدر الضيط والامير شالح الضيط وصور جماعيه مع اللجنه المنظمه للمخيم

    رئيس اللجنه الاستاذ عبدالعزيز بن صنات العضياني وبعض م اعضاء اللجنه



    صوره جماعيه للجنه الرئيسيه لمخيم الضيط

    الموضوع منقول
    ويبقى الكثير من الصور موجوده في شبكة العضيان

    تعليق

    • غازي البقعاوي

      مشرف الالغاز واخبار القبيله والمزاين

      • Mar 2007
      • 1708

      #3
      مشكور يابن العم على هالتقرير المصور الرائع
      اللي عرفنا على ابناء عمنا العضيان
      فهم محط فخر لنا وتقدير
      وعساهم على القوه اليوم ودوم هم والخماليه
      تحيتي لك







      قصيدتي ( برقا وروق عينان في راس )


      http://www.otaibah.net/m/showthread.php?t=49814



      شيلة مهنا روق وبرقا

      [rams]http://www.alqthmh.com/vb/uploaded/3_mzayan1.ra[/rams]


      شيلة سعود الدلبحي لقصيدة الشاعر الكبير
      غازي بن عون الرويس



      [rams]http://www.alqthmh.com/vb/uploaded/3_mzayn3teebah.ra[/rams]


      لمتابعتي بتويتر
      Albagawi Ghazi@غازي جزاع العتيبي

      تعليق

      • الركن
        عضو فعال
        • Oct 2003
        • 183

        #4
        مشكور على المرور
        يابن العم

        تعليق

        • مرزوق حمدان العتيبي
          مشـرف عام
          • Nov 2003
          • 20403

          #5
          ..
          .
          بارك الله فيك يالركن وبيض الله وجهك
          ... ونعم بأهل عمهوج وربعنا العضيان ..
          ... عساهم على القوّه ......
          [align=center]
          [poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
          فدوة ٍ للمصطفى روحي وماتملك يميني = كيف (لا) واللي خلقني حط حبه في كياني
          حط حبه في كياني ماتغيّره السنيني = وانثني من دون عرضه بالذراع وباللساني[/poem]







          @Marzouq_MHD
          [/align]

          تعليق

          • الذيابي (العطيف)
            عضو فعال
            • Sep 2007
            • 183

            #6
            ونعم بأهل عمهوج وربعي العضيان

            تعليق

            • علوم النشاما
              عضو ذهبي
              • Aug 2007
              • 314

              #7
              [align=center]بيض الله وجيهكم
              نعم ونعم بالعضيان وهذه الامور ماتستغرب على كل رجل من سلايل عتيبه [/align]

              تعليق

              • نواف العصيمي
                مشرف عــام
                • Sep 2006
                • 10282

                #8
                يعطيك العافيه

                ..

                ولك التقدير والإحترام

                ..

                تعليق

                • الجوراسي
                  عضو مميــز
                  • Feb 2007
                  • 2003

                  #9
                  [align=center]ونعم بأهل عمهوج وربعي العضيان
                  .
                  .
                  .
                  .
                  .
                  الرابع من يمين شاعر العضيان شباب بن فايح القوبع العضياني

                  تم التعديل الأخير بواسطة الجوراسي؛ 29-Sep-2007, 08:54 PM.

                  تعليق

                  • الرويس _999
                    عضو فعال
                    • Mar 2007
                    • 175

                    #10
                    بــيض الله وجيهم وماقصر

                    بارك الله فيك يالركن ماااقصرت ابيض وجه

                    تعليق

                    • سعوط المجانين
                      عضو فضي
                      • Aug 2003
                      • 212

                      #11
                      كيف تسبقني على هالموضوع يالبناخي؟؟

                      تعليق

                      • مخلد بن ماشع
                        عضو ماسي
                        • Jun 2007
                        • 449

                        #12
                        ونعم بالعضيان



                        اهل عمهوج

                        تعليق

                        • رمح برقاا

                          رابطة محبي الهيلا

                          • Jun 2007
                          • 1297

                          #13
                          بيضض الله وجيه العضياان في سابق الازمان يووم الرمح والسيف وبيض الله وجيهم في حاضرر الازمان وهذا موو مستغرر من بني عمنا عتيبه الهيلاا رووق وبرقااا تقبل تحياتي

                          تعليق

                          • الفارس2000
                            عضو نشيط
                            • Aug 2007
                            • 48

                            #14
                            كفوا والله بأهل عمهوج

                            تعليق

                            • المحتار11
                              عضو
                              • Oct 2007
                              • 25

                              #15
                              ونعم بااهــــل عمهوج

                              تعليق

                              العمل...