[align=center]فكره رائعه نتمنى ان تصل لشيوخ عتيبه[/align]
عاجل جدا ؟ أول قرار يصدر من اللجنة وشيوخ الهيلا
طي
X
-
فكرة سيئة وهناك ماهو أولى منها
بعدين وش دخل لجنة المزايين بالمهور ؟؟؟
مسألة غلاء المهور مبالغ فيها كثير
وثق تماماً لو ان كل شاب تسلح بالعلم والدين وابتعد عن سقطات الرجال
كان لقى من يخطبه لبنته وبدون مهر بعد
وهذا الشيء اللي يجب ان يفهمه الشباب بدون البحث عن امور اخرى لتسهيل الزواج.
اما طلب تحديد المهر بدون تطوير وتشجيع جيل الشباب فهذي مصيبة
كل شي فيه فزعة الا الزواج وبنات الناس
تعليق
-
تسلم يابو ريان
على هذا الرأي السديد
قرار رائع
ياناس خلو شبابنا يتزوجون ...ذبحونا بغلا الأسعار
تحياتي
تعليق
-
الحبيب امرؤ القيس وش سالفة تسلح بالعلم والدين
وفكرة سيئة وسقطات الرجال اي عصر عايش انت وش
عندك غيرها والا أهم شئ المشاركة بأي طريقة ردوا
علية ما أقدر افهم هالنوعية
تعليق
-
الحبيب ابو ريانتم النشر في الأصل بواسطة العصيمي ابوريان عرض المشاركةالحبيب امرؤ القيس وش سالفة تسلح بالعلم والدين
وفكرة سيئة وسقطات الرجال اي عصر عايش انت وش
عندك غيرها والا أهم شئ المشاركة بأي طريقة ردوا
علية ما أقدر افهم هالنوعية
كلامي عربي فصيح وفكرتي واضحة
عدم فهمك لكلامي يعتبر مشكلة لك لاتخصني
وهذا رأيي ناقشت فيه الأخ صاحب الموضوع
ومادام الموضوع اراء ونقاش ,, فلكل شخص حرية الرأي
ولايقدر احد يصادر فكر الثاني
هذا اللي عندي طال عمرك
منت مجبور توافق عليه او ترد عليه,,
ولك الحق تعيش بعصرك انت اذا ما اعجبك عصر احد غيرك
السلام عليكم
تعليق
-
الموضوع هام ويخص جميع أفراد قبيلة الهيلا
يجب تحديد المهر التحديد راح يفتح المجال للعديد من الشباب وانا من المؤيدين للتحديد لان هذا الامر يخدم ابناء القبيلة وخاصة في ظل العمل لدى بعض القطاعات برواتب ضعيفه جدأأأ قد تصل لـ1500ريال وهذا صعب عليه التكاليف الباهضه ومثل هذا هل ينحرم من الزواج لسبب عدم قدرته المادية والرسول صلى الله عليه وسلم في معنى الحديث اذا اتاكم من ترضون دينه وخلقه فزوجوه ...
ولم يقل من اتاكم يحمل امواله ؟؟؟؟؟
وجهة نظري !!!!
والله الموفق
تعليق
-
الحبيب صح النوم انا صاحب الموضوع انا ما ودي ادخل
معك جدال بيزنطي يأخي انا طرحت الموضوع وحبيت
الاخوان يشاركوني الراي وانت جاي مطفي النور تحب
تشارك وبس يالحبيب قل خيرا او أصمت تحياتي
تعليق
-
تحديد مهور ليه ؟؟
يا اخوان الزواج مايصلح فيه تحديد كل على قد لحافه يمد رجليه ..
المهر هذا ليس من حق احد أن يتدخل فيه لا من شيوخ قبيلة ولاغيره .. هو تراضي بين عائلتين تبون القبيلة تدخل فيه ؟؟
بعدين انت حددتوا المهر للبكر مثلا ب 40000 طيب ماقلتوا كم عمرها اللي يكون مهرها 40000 واذا كان عمرها 20 تقارنونها باللي عمرها 30 وممكن بعد كم سنة يصير تخفيضات ويصير المهر ب 10000 ؟؟
طيب وفك ارتباط الريال بالدولار وتغيير سعر صرفه تتوقعون لازم نغير سعر صرف أقصد سعر بنات الناس ؟؟
المهر ليس بيعا وشراء حتى تحدد الاسعار وبعدين في السعودية ماقدرنا نحدد أسعار الرز والشعير تبون تحددون المهور
تعليق
-
[align=center]النايف
*_^ قبائل ثانيه حددو المهور
يعني أطيب منك هالقبائلـ
تحديد المهور يقدرون يحددونهـ مافيه شي مستحيل
لو يجتمع كل شيخ قبيلهـ مع ربعهـ
على الاقل الفخذ
ويحدد المهر واللي يرفض لاناخذ منه ولانعطيه
هذي بعض من افعال القبايل الثانيه
والان العوانس والشباب شيبو واهم ماتزوجو
على الاقل هذا حل جزئي [/align]
تعليق
-
لاحول ولاقوة الا بالله
الله يبارك فيك يا اخوي ابو ريان ,,
خذها نصيحة من اخ لك يحبك في الله, الاختلاف في النقاش شي طيب فهو يثري التفكير ويوسع المدارك . وترا موب كل الناس تنظر للموضوع بنفس الزاوية وهذي من حكمة ربك لآستمرار الحياة.
المفروض انك تحترم الفكر المقابل وتناقشه بالاقناع
لكن الله يهديك انت تبحث عن ناس تؤيد كلامك والدليل انك تجاهلت جميع الردود وجيت لردي الوحيد اللي خالفك.
اما انا فوالله اني اناقش الفكرة ولا اناقش الاشخاص
بدليل اني توي اعرف انك صاحب الموضوع
ارجع لفكرتي اللي ذكرتها وهي (حرص الشخص على العلم) والابتعاد عن اخلاق السوء ,, بهالطريقة راح يجيه من يخطبه لبناته قبل لايفكر بسالفة غلاء المهور . وهذا والله شيء حاصل لناس اعرفهم شخصياً
لكن اني اجعل من سالفة غلاء المهور قضية والشباب هايت بالشوارع ولا معه شهادة تشرف ,, مع احترامي ماهو كفو من يزوجه من الاساس ولو بمهر غالي.
وحنا هنا نفكر نقلل المهور .. والشباب متطمنين ويبقون على حالهم من دجه ....
وانا اعتذر لك (لين ترضى) لو انك فكرت اني اخطيت بحقك
تحياتي لك
تعليق
-
لكن اني اجعل من سالفة غلاء المهور قضية والشباب هايت بالشوارع ولا معه شهادة تشرف ,, مع احترامي ماهو كفو من يزوجه من الاساس ولو بمهر غالي.
وحنا هنا نفكر نقلل المهور .. والشباب متطمنين ويبقون على حالهم من دجه ....
[align=center]طيب الحل وشو اخوي للشباب الهايت هذا *_^
نخليهم ضايعين بالسفريات ولا الخرابيط ولا الطرق المحرمهـ *_^
ولا نحاول نبسط عليهم الزواجـ
فانا أعرف ناس كثيرهـ شباب من شتى القبائل
كانو (( زاحفيين )) شويـ
وبعد ماتيسرت امورهم وتزوجو عقلو [/align]
تعليق
-
يأ أخي الفاضل المسأله ماهي القبايل أطيب والا لا ؟؟
الحين أي فعل تسويه قبيلة اخرى معناته انها أطيب ؟؟
ثانيا : لو كان في تحديد المهر فائدة ولو واحدة لذكره رسولنا صلى الله عليه وسلم وحدد المهر ....
المهر تراضي بين عائلتين وش دخل شيخ القبيلة يحكم ان فلان يزوج بنته بمهر كذا وكذا ؟؟؟
بعدين سالفة الشباب مايلقون يتزوجون وعلشان كذا نحدد المهر علشان مايسافرون يا أخي الفاضل نصف اللي يسافرون برا متزوجين
اللي يبي يتزوج سوف يجد من يزوجه وللمعلومية بعض الناس ممكن مايطلب مهر ومع ذلك الشاب يدفع مهرا تكريما لأنسابه الجدد تجي أنت وتقول لا ؟؟؟
نقطة أخيره : عتيبه شيوخ أنفسهم ولاتحسبهم مثل بعض القبايل اللي ذكرتهم يطيعون شيوخهم طاعة عمياء . الشيخ في عتيبه يطاع اذا كان صح واذا كان عوج مايطيعه احد .
تعليق
-
تعليق