الدعـجـانـي يدعم بـ مليـون وقصيده لـ سفر الدغيلبـي

طي
X
 
  • التوقيت
  • إظهار
مسح الكل
المشاركات الجديدة
  • راعي البرصا
    عضو فعال
    • Apr 2005
    • 159

    #1

    الدعـجـانـي يدعم بـ مليـون وقصيده لـ سفر الدغيلبـي

    [align=center]بسـم الله الرحـمـن الـرحيــم[/align]

    انا سبق وكتبت الموضوع والظاهر انه حذف بالخطأ ما ابغا اظلم الاداره

    واذا قصدهم انه مكرر انا حبيت اعيد كتابته بعنوان جميل ومرتب

    لأن صاحب الموضوع الاساسي وله مني التحيه والتقدير يوجد بعنوان

    الموضوع اخطاء طباعيـّه واستميحه عذراً ان اعيد صياغته :

    من سلسلة الدعم المتواصل من قبل ابناء القبيله لـ المتلقـى الثقافي

    لـ قبيـلـة عـتـيـبـه فـي مزايـيـن الإبـل

    تـقـدم

    الـشـيـخ / مـحـمـد بـن صـالـح الـدعـجـانـي

    بدعـم خزينـة الملتقى بـ مليـون ريـال سعـودي ونحن هنا بدورنا

    نشكر ابو صالح على هذا الدعم السخي وهذا ليس بغريب على

    ابناء قبيلة عتيبه .

    وبالمناسبه انا سجلت شيـلة الشاعر الفحل / سفر الدغيلبي

    في مزاين عتيبه .. ولكن ما اعرف كيف انزلها على الموقع

    على العموم حاولت اكتبها لكم كامله على شان تسمتعون في

    هذا الابداع من الشاعر المخضرم والفحل سفر الدغيلبي والصراحه القصيده

    قمه في الابداع والتميّز والجزاله والمعاني القويه .. وسوف اتركم مع القصيده

    وهي تحكي نفسها


    [poem=font="Simplified Arabic,5,black,bold,normal" bkcolor="sienna" bkimage="backgrounds/23.gif" border="solid,4,black" type=2 line=0 align=center use=sp num="0,black"]
    كريم يابرقٍ تناقلته مزون= يفضح دجا الظلما ويبحث خفاها

    تعلقت في نوظه عيون وعيون=ترجي عسا الله مايخيّب رجاها

    حول السنه تدرج مزونه على الهون=لين الجزيره رحبت به سماها

    يوم استقل بقدرة امكون الكون=سحايبه ساقت على الارض ماها

    نبته ومرباعه اموكد ومضمون=على الديار اللي عّذي ثراها

    على نفود السر ياللي تخيلون=لا هو بـ دون الحروه ولا وراها

    ياربعنا اللي لـ المارا تحبون=خلو سهاف الشل تطلق يداها

    بعد مقيظ وراحه ورفق وسكون=طوي الفجوج الجرد غاية مناها

    فرصة عمر ياربعنا وش تحرون=للي تهيّا له ويقدر علاها

    اما بوضحٍ كنها در مكنون=مع زين رونقها كثيرن حلاها

    عن غيرها تفخر بـ ميزات وفنون=واول فخر يوم البياض يغشاها

    والا بشعلٍ تاخذ امن الذهب لون=جواهرٍٍ بالنور يوضي سناها

    لاجا نهار امداحم اضعون بضعون=ياقل ذيدانٍ بـ تلحق مداها

    والا بصفرٍ لـ الطرب كونها كون=مع طولة الشده طوالٍ خطاها

    فيها ولع مدهوش وشعاف مجنون=خصن ليا من المودّه شعاها

    والا بسودٍ معهن الزين مقرون=فيهن كحل عين الحسود وعماها

    بالقيمه اتلاها مثامين مليون=وجرومها تفرق عن اللي سواها

    البل لكل الخلق عونٍ من العون=وجاهل مكانتها لعلّه فداها

    تعتق رقابٍ خضر وتخلص ديون=اتلاد والا غالين مشتراها

    من حق تجار البضايع يمارون=ومن حقنا نفخر بها وانتباها

    امانتن معنا على الحفظ والصون=من مبتدا الهجره ليا منتهاها

    تحكم مزاينها ظوابط وقانون=ومزاين عـتيـبة رفع مستواها

    ربعٍ حموها يوم طاعن ومطعون=فعل السيوف اللي رهيف ٍ شباها

    قبيلةٍ ماتقبل الضيم والهون=وتموت ماترضا بـ شقرت عصاها

    لاباح صياح الضحا كل مكنون=ركبو على اللي مطبقاتٍ احذاها

    بارواحهم دون الغوالي يفادون=سحي البكار اللي مقيم ٍ غلاها

    جنابها من يمة الخوف مامون=لأن الوسوم امن الخصوم اتحماها

    واليوم مات الشر وابليس ملعون=في دولةٍ عم المواطن رخاها

    عاشو هل العوجا لنا درع وحصون=بالعون حكامٍ يذري ذراها

    وباسم الوطن عزوة عـتيـبـة يهلون=افرادها وشيوخها وومراها[/poem]


    وسلامتكم .. لـ الشاعر الفذ والراقي والمخضرم / سفر الـدغـيلـبـي


    والسلام ختـام

    أخوكم / راعي البرصا الـدعـجـانـي
    تم التعديل الأخير بواسطة راعي البرصا؛ 21-Sep-2007, 02:14 AM.
  • جمل زومان
    عضو فعال
    • Sep 2007
    • 133

    #2
    راعي البرصا

    الله يعطيك العافية علي الجهد الرائع

    ونشكر الـشـيـخ / مـحـمـد بـن صـالـح الـدعـجـانـي

    علي دعمه السخي وبيض الله وجه

    اما بالنسبه لقصيدة الشاعر المبدع والمتألق سفر الدغيلبي فيها من اروع قصائدة ونقول لبو سعد صح لسانك واعتلا شانك ياشاعرنا المبدع

    تحيتي وتقديري

    تعليق

    • عبدالله الجـــذع
      مشرف منتدى قصه وقصيده
      • Sep 2007
      • 8093

      #3
      نشكر الشيخ على دعمه السخي والله يكـثر من امثاله..

      وصح لسان شاعرنا المبــدع سفــر الدغيلبــي..


      وشكرا لكـ اخــي عالطــرح المميـــز...





      عبد الله الجذع..
      قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) .


      .
      قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم !
      فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه )

      .

      موقع يضم جميع القراء


      هنا

      تعليق

      • طارق النفيعي
        عضو اللجنه الاعلاميه
        • Sep 2007
        • 3682

        #4
        صح لسان سفر الدعيلبي

        وقصيده جزله ويعطيك العافيه

        ولا هان الدعجاني على الدعم وكثر خيره

        شاكرين لك هالاخبار ..

        أخوك : طارق النفيعي
        [align=center] أخوكم : طارق النفيعي



        [/align]

        تعليق

        • معلا إبراهيم الأسعدي
          شــــاعر نظــم
          • Feb 2007
          • 1405

          #5
          صح السان سفر الدغيلبي

          وبيض الله وجهه شاهر متمكن كفو يابوسعد

          وهاااااااااااااااااااااااااااااااذي حبة خشم

          شكرا ًلك اخوي على النقل

          بارك الله فيكم

          تعليق

          • مرزوق حمدان العتيبي
            مشـرف عام
            • Nov 2003
            • 20403

            #6
            ...
            .

            بيض الله وجه الدعجاني
            ...
            وصح لسان العملاق ابو سعد
            ..
            [align=center]
            [poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
            فدوة ٍ للمصطفى روحي وماتملك يميني = كيف (لا) واللي خلقني حط حبه في كياني
            حط حبه في كياني ماتغيّره السنيني = وانثني من دون عرضه بالذراع وباللساني[/poem]







            @Marzouq_MHD
            [/align]

            تعليق

            • عتيبي الساحل
              عضو نشيط
              • Sep 2007
              • 80

              #7
              ماشاء الله عليك علومك طيبه دعم وقصيدة بيض الله وجهك

              تعليق

              • مالك الذيابي

                رابطة محبي الهيلا

                • Feb 2007
                • 2018

                #8
                [align=center]الله يعطيهم العافية

                وبيض الله وجيهم
                [/align]

                تعليق

                • راعي البرصا
                  عضو فعال
                  • Apr 2005
                  • 159

                  #9
                  اشكر الجميع ولاهنتو على الردود الراقيه واللي تدل على طيب معدنكم

                  وحبكم لقبيلتكم

                  أخوكم / راعي البرصا

                  تعليق

                  • الدعجاني 000
                    عضو ماسي
                    • Feb 2007
                    • 602

                    #10
                    سلمت يمناك على النقل المميز


                    ويعطيك العافيه يابن العم


                    وصح لسان الفحل سفر الدغيلبي

                    وبيض الله وجه على الدعم الـشـيـخ / مـحـمـد بـن صـالـح الـدعـجـانـي

                    تعليق

                    • مخلد بن ماشع
                      عضو ماسي
                      • Jun 2007
                      • 449

                      #11
                      تسلم على الخبر الرائع

                      والدعم من الشيخ/ مـحـمـد بـن صـالـح الـدعـجـانـي

                      وبيض الله وجهك على القصيدة الرائعة بكلماتها وصح لسانك ياسفر






                      تحياتي

                      تعليق

                      • وثيلان
                        عضو نشيط
                        • Jun 2006
                        • 52

                        #12
                        مايجوز قول بلعون لأنه صنم بل يقول بالله

                        تعليق

                        • لطام الصوينع
                          عضو نشيط
                          • May 2006
                          • 91

                          #13
                          اشكرك يااخوي راع البرصا على النقل الرائع

                          وشكرا للشيخ \ابوصالح وللشاعر \ابو سعد

                          تعليق

                          • غازي غالب
                            شـــاعــر
                            • May 2007
                            • 823

                            #14
                            بيض الله وجهك يابن مفلح راعي البرصا ,,


                            وبيض الله وجه ابو صالح على هذا الدعم السخي لملتقى عتيبه ,,



                            وصح لسان الشاعر المبدع / سفر الدغيلبي ,,



                            شاكر ومقدر لك يابن العم ,,



                            اخوكـ ,,
                            [poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]


                            انته مزاجك خواً بالراس = وانا مزاجي يبا الهمجه [/poem]

                            تعليق

                            • نوااف الدعجاني
                              عضو نشيط
                              • Oct 2007
                              • 71

                              #15
                              كفووووووووو


                              والله يابو صالح

                              تعليق

                              العمل...