لا لا لا لا الا هذي يالجنة المزاين

طي
X
 
  • التوقيت
  • إظهار
مسح الكل
المشاركات الجديدة
  • الـذيب

    رابطة محبي الهيلا

    • Sep 2007
    • 1002

    #1

    لا لا لا لا الا هذي يالجنة المزاين

    [size=5]السلام عليكم ورحمة الله وبركاته

    أخواني اعضاء هذا المنتدى العضيم الي لي الشرف أني اكون احد المنتسبين له .بتشوفون أنه هذي أول مشاركة لي وبتتوقعون أني جديد لا أنا معكم من زماان حتى من قبل شاعر المليون بكثير وادخل المنتدى كل يوم بس انا متابع فقط .طيب ليش خرجت من صمتي وأنا الي كنت فقط متابع وليش شاركة الحين أقولكم أنا ماشاركت لاني أشوفكم مشالله والله لايضركم برايكم بمواضايعكم بسوالفكم وبنقاشاتكم كامله واقول بنفسي مايقصرون والي أبي اقوله احصل واحد من أخواني قبلي كاتبه لاننا بالعربي على قلب واحد ومن بيئه وحده فاكيد تفكيرنا ومبادئنا الي ننطلق منها واحده لاكن الي خلاني اتكلم واسجل خصيص عشان ارد هو موضوع أخوي ((السيوف)) وهو بعنوان الا النساء ياعتيبه وشدني كثير الموضوع اني اقراه وماخفيكم أني ويشهد علي الله عصبت كثير وانقهرت لاكني فكرت بالعقل وأول شي سويته اخذت الجوال ودقيت على رقم الجنه الي حاطة أخوي ((الحزيمي 2000)) بنفس الموضوع دقيت ورد علي شخص سلمت عليه وكلمته وسالته من معي قالي معك سعود الحمين رئيس الجنه قلت ونعم وكلمته بالموضوع وصراحه كنت منفعل وكيف وكيف وكيف وماخليت شي بقلبي ماقلته له وقبلها عرفته بنفسي وقلت له انا فيصل الدلبحي الشهاده لله الرجال منصت ومستمع ومايقاطع لين فهم كل الي عندي وكان متفهم وعاقل ومتعاون ومهما تكلمت عنه والله ماوفيه حقه مع أني والله قبل كذا ماعرفه ولا أعرف عنه اي شي لاكن اقولها صدق ياريجيل تطمنون اذا عندنا رئيس لجنه زي سعود فوالله انه الرجل المناسب بالمكان المناسب وقالي بالحرف الواحد هذا كلام مقصود منه الشوشره والحكي الفاضي والي قايله ***** هههههههههه يعني انا بنفسي شاطب واحده من فقرات الحفل بس عشان فيها بنت صغيره تقدم ورد بالحفل كيف اسمح بوجود حريم ومع هذا قالي اذا جت نسوان من خارج القبيله يبون بترزقن الله وش نسوي بها وخاصه ان المكان موب مغلق عشان نحط عليه حراس ونمنع الدخل هذا بر وكلن بيجيه على العموم الموضوع يطووول وانا لو بتكلم وبشرح بيطول اكثر واكثر لانك الي ابيه منكم كلكم دقووو على الجنه خل يعرفون اننا كلنا مانسمح بالشي هذا وماحنا راضين عنه وحتى لونه من برا القبيله مانسكت عنه لانهم محسوبين علينا لان الحفل حفلنا والي مايبي يدق يكفي رساله ترسلها انك رافض الشي هذا يصير بمزاينا وبحفلنا وخاصه انا بنعزم أخويانا وربعنا من القبايل الثانيه .

    على العموم هذي عدة ابيات قالها ولد عمي تركي معجب الدلبحي يوم سمعني اكلم سعود قبل شوي وحبيت احطها هنا وأسف على الاطاله .

    يالجنه عتيبه طلبتك تسوين

    كل العلوم الطيبه والحكيمه

    لا تخلطو فيها رجال بنساوين

    ثم ننقلب بين الخلايق شتيمه

    نبغا طوارينا بـكل الدواويـن

    طوارين بلعز معها حشيمه

    محنا وصلنا مجدنا بالتهاوين

    حنا وصلنا مجدنا بالعزيمه

    محنا عن ادروب المراجل بغاوين

    يوم ان بعض الناس صابه غشيمه

    حنا طوارينا بروس العلاوين

    في حاضرات الوقت ولا قديمه

    حنا لكل الناس تاج وعناوين

    عنوان يحمل مواقف عضيمه

    واختامها ياسعود من دون تلوين

    لا تفرحو فينا خلايق سقيه


    وسلامتكم وسامحوني على القصور و الاخطاء بالنقل وشكراُ.
    تم التعديل الأخير بواسطة الـذيب؛ 19-Sep-2007, 05:26 AM.
  • بـــرقـــاوي^^هــــواوي
    عضو فعال
    • Sep 2007
    • 129

    #2
    يامرحبا ياخوي فيصل الدلبحي والله بيض الله وجهك وانا مثلك قريت الموضوع واللي اني انقهرت...

    وحنا لازم نرفض الشي هذا حتي ايش لو انها صلبيه كل شي محسوب علينا نبي حراااااااس امن تفتر بالحفل ...

    ياخوي مشالله لا اله الا الله تبرعات عتيبه تكفي وتوفي انشالله وعلي الاقل ياخوي حراس الامن واجد اجيب كم واحد وخليهم يفرون الحفل...

    بالعربيييي اي شي يصير في الحفل حتي لو انه عتيبه مالها دخل فهو محسوووب علينا والله يوفق عتيبه علي نجاح الحفل انشالله...


    شكرا علي الموضوع يالذيب وصح الله لسان ولد عمك وبيض الله وجهه.

    اخوك: برقاوي هواوي.
    تم التعديل الأخير بواسطة بـــرقـــاوي^^هــــواوي؛ 19-Sep-2007, 04:35 AM. السبب: غلط مطبعي

    تعليق

    • طارق النفيعي
      عضو اللجنه الاعلاميه
      • Sep 2007
      • 3682

      #3
      أولا يا هلا والله فيك ومنور بخروجك من صمتك

      ونبي تتواصل وتبدي وجهة نظرك اللي أعضاء المنتدى ومشرفيهم


      مثل ما ذكرت ربما يسبقونك بها ومن غير قصووور في الجميع


      وبالنسبة لموضوع النساء والله أنها أن عودت للشيمة والأخلاق

      مانسمع ولو نلغي المزاين لاكن اذا المسئلة ترزق الله ومثل ما قلت


      فهذا شئ ثاني لاكن اللي حبيت أبينه لك ولجميع الأخوان


      جوال رئيس اللجنة مانبي مثل ما ذكرت نشب عليهم لانه في اشغال

      كثييييرة وفيه أستفسارات مهمة وكثيرة ومانبي نشوشر عليهم

      والله يعطيهم العافيه ماقصر ومثل ما تفضلت متواضعين



      فأشكرك على طرح الموضوع ولاهنت وبيض الله وجهك ..

      أخوك : طارق النفيعي
      [align=center] أخوكم : طارق النفيعي



      [/align]

      تعليق

      • الحزيمي2000
        عضو ماسي
        • Mar 2007
        • 502

        #4
        علم(ن) غانم يالذيب والغيرة موجودة ولله الحمد ولابد من التعاون من جميع الأعضاء والزوار معنا .

        تعليق

        • عـتـيـبـي والـهـوا ضـــدة
          عضو فعال
          • Aug 2007
          • 105

          #5
          علم

          بارك الله فيكم


          وجزاكم الله خير

          تعليق

          • الذيابي (العطيف)
            عضو فعال
            • Sep 2007
            • 183

            #6
            بيض الله وجهك

            تعليق

            • البااااز
              عضو فعال
              • Sep 2007
              • 117

              #7
              [align=center] الكرم مطلوب والتواضع مطلب على الجميع[/align]

              تعليق

              • شاعي العتيبي
                عضو فعال
                • May 2006
                • 115

                #8
                الموضوع كبير ياعتيبة يجب ان يكون هناك حزم وشدة هذة الهيلا .
                والحساد وضعفاء النفوس واجد الله لا يكثرهم انا عندي اقتراح
                يجب على اللجنة وضع خطة لمنع هؤلاء المغرضين وهي تجنيد عدد من الرجال لمنع اي سيارة محملة بالنساء من الدخول للموقع او الاقتراب. ولا اخفي عليكم كلها دسائس وتشوية سمعة لقبيلة ضلت ومازالت وسوف تبقى هي الرمز وهي النبراس للكرم والشجاعة والخوة والنخوة وجميع صفات الطيب.
                عموما انا اعتقد لن يكون هناك اي أمرائة من القبيلة في هذا المحفل لانهن بنات الشجعان وأخوات الفرسان ولكن الدخلاء هم الدخلاء فعليكم بهم ومحاربتهم

                تعليق

                • عبدالله البرقاوي
                  عضو فضي
                  • Jun 2007
                  • 247

                  #9
                  اشكرك على غيرتك وهذي من شيم الكرام
                  والكل رافض وجود النساء في الملتقى
                  ولابد من ايجاد حل لهذه المشكله
                  لكم تحياتي الخالصه
                  وامتناني

                  تعليق

                  • السيوف
                    عضو
                    • Aug 2007
                    • 17

                    #10
                    أشكرك أخوي فيصل على هذا الرد على الموضوع وحنا لازم نتناقش بحزم في مثل هذا الأمر وأنا لم أكتب هذا الموضوع إلا من غيرتي على هذه القبيلة وسوف أحاول بكل وسيلة الإتصال بالمسولين لمنع هذا الشي ووعدكم بالمحاولة الجادة تكفون ياعتيبة حاولوا معي أهم شي مايصير لانه فضيحة علينا

                    تعليق

                    • بـرق الـذيب
                      عضو ذهبي
                      • Apr 2007
                      • 341

                      #11
                      بيض الله وجهك

                      تعليق

                      • ابو براك

                        رابطة محبي الهيلا

                        • Feb 2006
                        • 1587

                        #12
                        اشكرك على غيرتك وهذي من شيم الكرام
                        والكل رافض وجود النساء في الملتقى
                        ولابد من ايجاد حل لهذه المشكله
                        لكم تحياتي الخالصه
                        وامتناني

                        تعليق

                        • عبدالله الجـــذع
                          مشرف منتدى قصه وقصيده
                          • Sep 2007
                          • 8093

                          #13
                          كلامك يدل لن عندك ولله الحمد غيــره اولا على اخواتك المسلمات وثانيــا على قبيــله عتيــبه ...


                          وصح لسان ابو معجـــب(يالبا قلبــه)


                          اخوكـ عبــد الله الجـــذع...
                          قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) .


                          .
                          قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم !
                          فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه )

                          .

                          موقع يضم جميع القراء


                          هنا

                          تعليق

                          • ذيب روق
                            عضو ذهبي
                            • May 2007
                            • 345

                            #14
                            مشكور يالدلبحي والحفل انشا الله بينجح وراه رجال وفهود ضواري .

                            تعليق

                            العمل...