الا يانجد

طي
X
 
  • التوقيت
  • إظهار
مسح الكل
المشاركات الجديدة
  • رمزي المقاطي
    عضو نشيط
    • Jul 2007
    • 98

    #1

    الا يانجد

    هذه أبيات مختاره من قصيده للشاعر زايد المقاطي بمناسبة الموافقه على أقامة مزاين قبيلة عتيبه



    أنا قدام مبدا القول أقول بسم الله الرحمن ******* بديته بسم رب كَون الدنيا ومن كاني
    هلا يامرحبا في مرحبا في حفلة العتبان******* هلا مليون مره في حفل ذربين الأيماني
    هلا في حفلة اللي يكرمون الضيف والجيران******* يضدون الخصيم اليا زما وتزبن الجاني
    عسى ربي يعز ملوكنا عبدالله وسلطان******* ويعز الأسره آل سعود شيبانن وشباني
    الا يانجد يوم انك زهيت مزايين العتبان******* ليالكم تنور مثل نور البدر لاباني
    الا يانجد يومنه زهاك مزاين القطعان******* زهيت بزينكم وليا زها حلوات الالباني
    الا يانجد يوم ان المزاين فيك فنه زان******* زهاك مزاين عتيبه اليامنه بكم زاني
    الا يامحلا يانجد فيكم لجة الحيران******* وشوف الطرش فيكم لاآنتشر من كل الالواني
    الا يانجد يوم ان القبايل تشعل النيران******* شبينا نارنا اللي تشتعل من غير دخاني
    الا يانجد يومنه بوسطك يقنب السرحان******* ليامنه قنب سرحان يقنب كل سرحاني
    الا يانجد يومنه زما الطيب وراسه باان******* زمينا له على وضح النقا من غير حقراني
    الا يانجد أخذنا منك قسما" يزعل الشجعان******* ترى مايزعل الشجعان دايم كود شجعاني
    الا يانجد ياما دونكم تصارع البدوان******* على رد البرى مانعلق العاني ولا الشاني
    الا يانجد يانجد العذي يامنبع الفرسان******* ليالا" قد مضت دونك تصارع كل فرساني
    الا يانجد أخذنا من سنامك ملك ومسكان******* تخيرنا من علوك لنا ملك" ومسكاني
    الا يانجد فيكم ندفع الفطر مع الغزلان******* دفعنا البوش في مربى الوضاحي يم شلغاني
    الا يانجد لو قالوا ولو قالوا يركز الميزان******* ترى عند النهايه لزم يركد كل ميزاني
    الا يانجد دون هضابكم تصافق العقبان******* طردهن عن هضابكم يو جاهن طير حوراني
    الا يانجد حنا مثل نجم حطم الضلعان ******* بعد ماهوى على روس الجبال تصير قيعاني
    الا يانجد علمنا عن اللي صار فيك وكان******* نبى منك الحقيقه كلبوها سر وأعلاني
    الا يانجد هات لنا الخبر عن قايد الاركان******* علوما" يرفعن الراس عن زيزوم الاضعاني
    الايانجد يوجد طيبين بساير الاوطان******* نبا منك السموحه كان بالقول نقصاني
    الا يانجد حنا وأنت من طول الدهر صدقان******* صداقتنا قديمه كأنها صداقة أخواني
    الا يانجد لو شديت من مكان ليا مكان******* نبى معكم نشد ولاندور مسكنا" ثاني
    الايانجد لو ساموك كاش بغالي الأثمان******* حلفنا مانبيعك لو تسام بغال الأثماني
    الا يانجد يوم انه لنا في قمتك عنوان******* لنا خمسين مع خمسين والنا فيك عنواني
    الا يانجد جوك عندنا أحسن من هوى لبنان******* ومحبتكم تساوي عندنا جميع الاوطاني
    الا يانجد يومنك تسلي الخاطر الولهان******* عسى غر المزون تسيلك في كل الاحياني
    الا يانجد لاجللك قمت أعسف مصعب القيفان******* أعسفهن مثل ماتعسف العسافه اعماني




    |؛¤ّ,¸¸,ّ¤؛|زايد المقاطي|؛¤ّ,¸¸,ّ¤؛|
  • راعي الجودي
    عضو فعال
    • Jun 2007
    • 109

    #2
    صح لسانه وشاعر جزل

    وشكورين على النقل يابن العم

    تقبل مروري
    اخوك(ناصر المقاطي)

    تعليق

    • رمزي المقاطي
      عضو نشيط
      • Jul 2007
      • 98

      #3
      صح بدنك يالغالي
      ومشكور ع المرور ولاهنت

      تعليق

      • الرأي الآخر
        عضو ماسي
        • Mar 2007
        • 563

        #4
        بيض الله وجهك على نشر هذه القصيدة الجزلة وصح لسان قائلها

        تعليق

        • أبو مرحبا
          مشرف عــام
          • Jan 2005
          • 8037

          #5
          [align=center]الا يانجد يوم انك زهيت مزايين العتبان******* ليالكم تنور مثل نور البدر لاباني



          قصيدة رائعة

          صح السانك والسان الشاعر زايد المقاطي
          [/align]
          [align=center]



          [/align]
          [align=center]إن قلَّـت الوزنـه وربعـي مشافيـح ** أخلـي الوزنـه لربعـي واشـومـي[/align]
          [align=center][/align]

          تعليق

          • مخلد بن ماشع
            عضو ماسي
            • Jun 2007
            • 449

            #6
            صح لسان الشاعر زايد

            قصيدة جميلة تستاهلها نجد وعتيبة



            يعطيك العافية أخوي رمزي





            تقبل مروري

            تعليق

            • رمزي المقاطي
              عضو نشيط
              • Jul 2007
              • 98

              #7
              الرأي الآخر
              أبو مرحبا
              مخلد آل مبارك
              يعطيكم العافيه ع المرور ولاهنتوا

              تعليق

              • منصور بن فهيد
                مشرف سابق
                • Dec 2004
                • 3451

                #8
                صح لسان الشاعر ...
                وبارك الله فيك يارمزي ..
                تحياتي لك
                man.9.our@hotmail.com

                تعليق

                • الجريس
                  عضو نشيط
                  • Jul 2007
                  • 74

                  #9
                  [align=center]الا يانجد أخذنا منك قسما" يزعل الشجعان******* ترى مايزعل الشجعان دايم كود شجعاني
                  كفو[/align]

                  تعليق

                  • خلف القثامي
                    عضو مميــز
                    • Nov 2006
                    • 5690

                    #10
                    صح لسانك وصح لسان شاعرها


                    الايانجدالعذي يامنبع الفرسان** ليالا قد مضت دونك تصارع كل فرساني

                    تعليق

                    • فهـد الجـذع
                      عضو فعال
                      • May 2007
                      • 190

                      #11
                      صـح لســان الشـأعر

                      وبيـض الله وجهــك يارمزي على هل قصيده


                      ننتظــر جديـدك ياالمقاطي


                      لك تحياتي أخوك

                      فهـــ الجذع ــد

                      تعليق

                      • ابوبجاد الرويس
                        عضو مميز
                        • Feb 2006
                        • 4205

                        #12
                        الا يانجد يوم انك زهيت مزايين العتبان******* ليالكم تنور مثل نور البدر لاباني



                        قصيدة رائعة

                        صح السانك والسان الشاعر زايد المقاطي

                        تعليق

                        • هلال الدوادمي
                          عضو ماسي
                          • Jan 2006
                          • 868

                          #13
                          [poem= font="Simplified Arabic,5,black,normal,normal" bkcolor="transparent" bkimage="backgrounds/18.gif" border="none,4,gray" type=0 line=0 align=center use=ex num="0,black"]
                          الا يانجد أخذنا منك قسما" يزعل الشجعان=ترى مايزعل الشجعان دايم كود شجعاني[/poem]

                          بيض الله وجهه

                          ولاهنت يالغالي

                          تقبل مروري

                          تعليق

                          • بوفيحان
                            موقوف لمخالفة الأنظمة
                            • Apr 2007
                            • 99

                            #14
                            صح لسان الشاعر وبيض الله وجهه ووجهك يا المقاطي

                            تعليق

                            • الفهاد
                              عضو فضي
                              • Mar 2007
                              • 230

                              #15
                              [align=center]الا يانجد فيكم ندفع الفطر مع الغزلان******* دفعنا البوش في مربى الوضاحي يم شلغاني[/align]

                              [align=center]بيت جميل وقصيدة رايعة ونجد يستاهل وعتيبة تستاهل [/align]

                              [align=center]وصح لسانك يازايد المقاطي [/align]

                              تعليق

                              العمل...