قصيدة في مزاين الهيلا

طي
X
 
  • التوقيت
  • إظهار
مسح الكل
المشاركات الجديدة
  • عبدالله الدغيلبي
    عضو نشيط
    • Sep 2010
    • 42

    #1

    قصيدة في مزاين الهيلا

    [align=center]قصيدة لشاعر محمدبن عبدالرحمن بن هليل الدغيلبي في مزاين الهيلا



    عسى السحاب اللي مزونه مراديف
    كن المدافع ترتجف في خشومه
    رخم مزونه في علوه مشاريــــــف
    مثل الجبال اللي غشاها كتومـه
    غادٍ لبرقه في عروضه تكاشيــــف
    قام يتقافى من بوارد وسومــــه
    عساه من نجران يمتد لطريــــــف
    وتجيك مع كل الطراقي علومه
    وينزل على نجد المسمى من السيف
    ويضفي على شبه الجزيره كمومه
    ياخذ شهر ودان وبله هواتيـــــــــف
    غـاط سمـــاه ولا تبين نجومـــــه
    يجنب المجراء ويعطي الشناضيـف
    ويدم سيله مازما من حزومــــــه
    تلقا الشعيب مجرفــه السيل تجريف
    يطيح جاله وتفتـــق خصومــــــه
    يسقي ديار اهل البكار المشاعيــف
    اللي لهم في ديرة القووم هومـــه
    اللي حدو عنها الطماميع بالسيـف
    يوم السنين المعضلات الضلومه
    ربعي عتابه كاسبين المعاريـــف
    والهم مع اللي يطلب الحق قومه
    وإن كانها بعناد وألا بتزييـــــف
    لا والله السم الذحاحي لهومـــه
    ويوم إن سرد الخيل مثل الخواطيف
    بيوم يطلع طيبه من رخومــه
    لاوقفوا من دون حم الأشاعيــف
    هاك النهار اللي عنيف هجومه
    ربعي عتابه محتمين المواقيـف
    الموقف اللي شر الأيام يومـــه
    يوم يخوف فارس مابعد خيف
    راعي الجواد اللي يورد سهومه
    يردها خايف وزعلان ومعيف
    من المواقف اللي مايحقق حلومه
    واللي معه يصاغونهن بالمحاريف
    اللي زعل واللي درى مايلومه
    بدون نقص والرجال العواريف
    نعم بهم ما حقوقهم بمهضومه
    في ظل حكامٍ حمنونامن الحيف
    في ظلهم عشنا بأمان ونعومه
    أهل كفوفن ماتحسب التكاليف
    يامارموصاع الذهب في لزومه
    حكامنا مروين حد المراهيف
    عيال من كدرعلى الخصم نومه
    عبدالعزيز اللي يغيث الملاهيف
    نوبن براد ونوب نارن سمومه
    حتى خضع له من براسه زعانيف
    ومن عقبها مايدرج الطير حومه
    تخامرت عنه الحرار القواصيف
    وثبت على أطراف الجزيره رسومه
    وقامت تسيدله نمور الأكاهيف
    واللي زما ضاعت علومه وزومه
    حتى ضفى حكمه على المدن والريف
    وعصر الجهل قامت تجلا غيومه
    وحنا عتابه كان هبت عواصيف
    وضيع قبطان السفينه يمومه
    ولا انجتنا حذفتن من ملاقيف
    بأرواحنا نفدا الوطن والحكومه
    وسلامن أحلى من عناق المواليف
    وبالعود الأزرق والزباد مختومه
    [/align]
  • تركي السريح
    عضو فضي
    • Jun 2010
    • 269

    #2
    صح لسان الشاعر وبيض الله وجهك على النقل000


    ويعطيك العافيه ومافيك حيله00 بداايه موفقه ياعبدالله00



    تقبل مرووووري00

    تحيآآآآآآتي-السريــــــح00

    تعليق

    • العــــــــابر
      مشرف القسم الإسلامي والاقسام العامة
      • Mar 2007
      • 3384

      #3
      صح لسانه

      وبيض الله وجهك

      وذكرى رائعه

      لاهنت ياغالي
      سبحان الله وبحمده سبحان الله العظيم




      سبحان والحمدلله ولااله الا الله والله اكبر ولاحول ولاقوة الا بالله



      تعليق

      • عبدالله الدغيلبي
        عضو نشيط
        • Sep 2010
        • 42

        #4
        مشكورين على المرور والأطراء

        تعليق

        • ابو نادر الحافي
          عضو ذهبي
          • Sep 2010
          • 303

          #5
          صح لسانه

          وبيض الله وجهك

          تعليق

          • راعي الشوشلية

            فراس الخمري

            • Mar 2008
            • 1182

            #6
            رائع كما عودتنا بجديدك


            تقبل مروري

            تعليق

            • عبد الله العصيمي العتيبي
              عضو نشيط
              • Mar 2007
              • 66

              #7
              بارك الله فيك

              تعليق

              • حتيرش511
                عضو فضي
                • Nov 2009
                • 242

                #8
                يعطيك الف عافيه وصح الله السانك

                تعليق

                العمل...