قاسي بن عضيب القحطاني والروسان!!!!!

طي
X
 
  • التوقيت
  • إظهار
مسح الكل
المشاركات الجديدة
  • سيف العدل
    عضو فضي
    • Jun 2003
    • 287

    #1

    قاسي بن عضيب القحطاني والروسان!!!!!

    اقامت قبيلة الروسان من عتيبة على منهل (شرمه ) وكان اميرهم في ذلك الوقت الشيخ حسين بن جامع وقد جاورهم على ذلك المنهل الشيخ قاسي بن عضيب القحطاني وجماعته وكان السلب والنهب قائم بين القبائل في ذلك الحين فأغير على الجميع وحصلت معركه كان من نتائجها كسر ساق قاسي بن عضيب فبقى لدى الروسان كسير الساق مدة تسعين يوما والروسان يعالجونه ويحتفون به اذ يذبحون له كل يوم خروفا وينقلونه من مكان لاخر بين ايديهم وعندما شفي ابن عضيب واراد ان يذهب الى قومه جمع له الروسان ابلا عوض عن الابل التي افتقدها اثناء المعركة وراح ابن عضيب تاركن هذه الابيات :



    والله لولا الربع والربع نيه 000ماينزعج مظهورنا حادريني

    والله يافرقا حسين عليه 000الا انها ظلما من الظالميني

    ودي بهم لو كان قوم لظيه000احبهم حيث انهم طيبيني



    ودارت الايام دوراتها واغار قوم من قحطان على قبيلة الروسان فأخذوا منهم ابلا فلما علم الشيخ قاسي ابن عضيب بالحادثه سعى في رد الابل للروسان من جماعته القحاطين وفعلا تم استرجاعها لتسليمها للروسان بواسطة ابن عضيب وبقى لدى قحطان ناقه واحده لشخص يدعى العو هلي من الروسان لم يهتد ابن عضيب اليها في حينها غير انه اهتدى اليها فيما بعد وبعث بها لصاحبها العوهلي ومعها هذه الابيات :


    ابشر بها يالعوهلي جات مداه 000غفل ولا جرت عليها الوسومي

    لا تحسبن مقطان شرمه نسيناه000والا نسينا طيبات العلومي

    تسعين ليله كل ليله على شاه000والساق مابين العواد محزومي

    انتم هل المعروف والطيب نجزاه000نجزا العلوم الطيبه بالسلومي

    تستاهلون المدح يوم المثاراه000واخص اخو نوره قوي العزومي

    يوم الملاقا واضح ضرب شلفاه000على العدو والا الرفيق محشومي

    حسين ابن جامع ترى العلم ينصاه000شيخ شجاع ومن رجال قرومي

    وربعه هل البلها صناديد ودهاه000ان جا نهار فيه حظ يقومي

    قصيرهم في عالي العز تلقاه000مصيون عن لفح الهوا والسمومي


    والجود منهم لو جزيناه بثناه000وحنا وفينا باتباع الرسومي



    اخوكم000سيف العدل000
  • نجداوي
    عضو
    • Dec 2003
    • 11

    #2
    ليست غريبه على الروساان

    كفوا الاجوواد

    كااقصرت وبيض الله وجهك

    ويااليت ياا اخ سيف تكتبل لناا عن الفاارس بن عضيب

    اخوك

    تعليق

    • نجداوي
      عضو
      • Dec 2003
      • 11

      #3
      يا اخ هنااك فارسان فيه بن عضيب القحطااني وفيه بن عضيب العتيبي

      يااليت التوضيح عن الفاارس الثااني

      ودمتم

      تعليق

      • سلطان الفهد
        عضو ماسي
        • Nov 2003
        • 891

        #4
        اخوي سيف العدل

        بيض الله وجهك ذا الموضوع المميز

        تعليق

        • سيف العدل
          عضو فضي
          • Jun 2003
          • 287

          #5
          اخوي نجداوي اشكرك على مرورك الكريم0
          واما عن الفارس ابن عضيب العتيبي فأظنك تقصد غازي ابن زيد ابن عضيب الدعجاني وهو فارس وشاعر كبير ولا يوجد له عندي في الوقت الحاضر غير هالابيات التي قالها في احدى المغازي في حدود مكان يقال له ( ضبا )ويقول فيها:

          يالله يالمعبود جــــــزل العطايـــــا000تملى يدينا من يديك الكريمـــه

          حنا طوايـا والـــــركايب حفايـــــا000بديارقـــــــوم جعلهم للثليمــــــه

          وردن شعيب العيص مثل الحنايا000من فوق حمرا ترتكي للصريمه

          واورد العيــرات عـد صرايــــــــا000وانــــــا دليلتهم بليل وغيمــــــه

          لا باطن المفلول حمر الشفايــــــا000اللي قرونه شرعن في بريمـــه

          ياطول ماوصيتكم بالوصايـــــــــــا000واليوم في دار بعيده وهيمــــــه

          سلم على اللابه وخـص الدنايـــــا000صلب العظام وكل راع الوسيمه

          واكثر وصاتي في بنــــــي المحايا000واليا نطحكم زيد حبوا خشيمــــه

          وكب الخبول وخاربين السجايـــــا000ومقمع الورعان عند اللحيمــــه




          وله ايضا:

          يامانع القلب فيــــــه حسوس000والكبد فيها لــــــواهيبي

          واللي يبي العز والنامــــوس000يقطع ديــــــار الاجانيبي

          يــــركب على زينة النسنوس000لاروحـــــــت كنها ذيبي

          والا اليا جا الرفيق احسوس000يضفي عليها الاساليبي

          والا يحط الشحم والروس000لا جـــــو يبون المعازيبي

          لعيون بيض تجر لبوس000اللي تـــــــــــرد الخطاطيبي


          هذا كل مااعرفه عن غازي ابن عضيب واتمنا من الاخوه الاعضاء الكتابه عن هذا الفارس كلا حسب معرفته سواء عن المغازي التي شارك فيها اوعن قصائده هذا ولكم اطيب تحياتي0


          اخوكم000سيف العدل000

          تعليق

          • نجداوي
            عضو
            • Dec 2003
            • 11

            #6
            كفيت و وفيت اخوي

            ومااقصررت

            واللي عنده معلومات زيااده يضعهاا لكي يتسناا للجميع معرفة تااريخ هذا الفاارس

            تعليق

            • سيف العدل
              عضو فضي
              • Jun 2003
              • 287

              #7
              اخوي سلطان الفهد لاهنت على التواصل وتقبل اجمل تحياتي0


              0000سيف العدل0000

              تعليق

              • متعب العضياني
                عضو ماسي
                • May 2003
                • 707

                #8
                الاخ سيف

                ابشر بها يالعوهلي جات مداه 000غفل ولا جرت عليها الوسومي
                بيض الله وجهك ومشكور ومن المستوى هذ لافضل
                اما ابن عضيب الي ينشدون عنه الربع هو غازي بن عضيب الدعجاني
                واخيه زيد بن عضيب الدعجاني
                وكلهم شعار كبار
                وتقبلو تحياتي

                تعليق

                • سيف العدل
                  عضو فضي
                  • Jun 2003
                  • 287

                  #9
                  اخوي متعب العضياني لاهنت على تواصلك وشكرا على توضيحك عن ابن عضيب ولي رجا منك ان تذكر ماتعرفه عن شعر غازي بن عضيب واخوه 0

                  وتقبل تحياتي 0سيف العدل

                  تعليق

                  • golden
                    عضو فعال
                    • Nov 2003
                    • 141

                    #10
                    قصه أكثر من رائعه...
                    يعطيك العافيه

                    تعليق

                    • الاجرب
                      عضو فعال
                      • Jun 2003
                      • 169

                      #11
                      الشكر الجزيل لسيف العدل

                      الاخ/سيف العدل
                      تحيةطيبة واشكرك على النقل الصحيح وجزاك اللةخيرا

                      وتقبل تحياتى

                      اخوك/الرويس

                      تعليق

                      • ابن عاصم
                        عضو ادارة سابق
                        • Nov 2002
                        • 415

                        #12
                        قاسي بن عضيب ابن حشر شيخ ال عاصم من قحطان

                        وشكرا

                        وتقبلو تحياتي

                        تعليق

                        • الجيد
                          عضو نشيط
                          • Apr 2004
                          • 30

                          #13
                          ماقصرت سيف العدل

                          تســــــــــــــــــــــــــــــلم

                          تعليق

                          • الكناني
                            عضو نشيط
                            • May 2004
                            • 89

                            #14
                            ياحسين ديران الجماعه مريفه
                            واللي مع الأجناب كنه على نار

                            من هو من الروسان الذي قالها؟

                            تعليق

                            • الاجرب
                              عضو فعال
                              • Jun 2003
                              • 169

                              #15
                              الاخ/الكنانى
                              تحيةطيبة
                              قائل القصيدةالذى منها البية الذى ذكرتةهو/ابن سجوان من ذوى مجرىمن الروسان
                              وهم من عائلةمعوفة

                              هذاوتقبل تحياتى

                              اخوك/الرويس

                              تعليق

                              العمل...