قصيدة للفارس بخيت العطاوي !!!

طي
X
 
  • التوقيت
  • إظهار
مسح الكل
المشاركات الجديدة
  • سيف العدل
    عضو فضي
    • Jun 2003
    • 287

    #16
    يروى ان بخيت اغارعلى البقوم في احدى المرات واسره قاعد ابن جرشان شيخ الكرزان وجاء به الى بيته وعمل له القهوه والوليمه وكانت زوجته ساره بنت ابن حمود في بيت قاعد فناولته اللبن من وراء الحجاب وكانت فائقة الجمال مما تسبب في كون بخيت ينشغل عن تناول اللبن حتى نبهته وحس انه اجتاز حدود الادب المتعارف عليه فقال على الفور مبررا انشغاله بها:


    رفع النظرماهوب عيب عليه000ابى اتحلــى بنت ماضيــن الافعـــال

    ياونتــي ياســـاره الوازعيـــه000ونــة معيـد سـاقهـــا الفجــر عمــال

    تقبل وتقفي فـوق جال الركيـه000وعقب الشحم خال ظهرها من الحال

    لا شدوا العربان دوجـر حنيـه000يبــرى لهـــا قاعــد بتسعيـن خيــال

    اخوك000سيف العدل000

    تعليق

    • ابو ماجدالمرشدي
      عضو ذهبي
      • Sep 2003
      • 320

      #17
      اخوي سيف العدل بيض الله وجهك على ها المجهود وعلى ها القصص والقصيد

      عن الفارس بخيت بن ماعز والله يرحمه ويغفر له



      وياليت التالين يتبعون دروب الاولين

      تعليق

      • عتيبي 0نت
        عضو فعال
        • Jun 2003
        • 124

        #18
        مشكور أخوي سيق العدل 0000

        وقيل انه بعد ما انتهى بخيت من القصيده أخذت ساره جوخة زوجها ابن جرشان
        ورمتها على بخيت وقال ابن جرشان والله ماترجع هدية ساره لك 0
        وقال بخيت مقبوله ياساره وأنشاله عوضها من أبل اومن خيل البقوم جماعة
        ابن جرشان الى منا اغرنا عليهم انشأ الله0000

        وفعلا حصل معركه بين البقوم جماعة ابن جرشان وبين بخيت وجماعته
        كان النصر فيها لبخيت ومن معه 0 و امسك بأحد فريس البقوم وقال
        نعفي عنك انته وجوادك بشرط تسلمه لساره وتقول لها هذا من بخيت0
        وفعل الفارس ذلك حتى سلمه لساره 00

        وله قصيده قيل انها في تلك المعركه00000

        يا خيلنا ون شب للحرب ناره000000 فلا يلاوي راسها كل ديقان
        راحن من حث التطاريف شاره00000 وعود بعد مركاضنا ذود نقزان
        حلفت ماتقفي بها قوم ساره00000 ياكود مانلزم رماحنا بالايمان

        تعليق

        • سيف العدل
          عضو فضي
          • Jun 2003
          • 287

          #19
          ابوماجد المرشدي نورت المشاركه بمرورك الكريم 0

          وتقبل تحياتي000سيف العدل000

          تعليق

          • عضو فضي
            عضو فضي
            • Jun 2003
            • 298

            #20
            من يعرف قصيدة بخيت
            الاياذيب صبحا ناد ذيبن من ورا هكران_ولا يا طيور الجو طاحت لك فداويها

            تعليق

            • سيف العدل
              عضو فضي
              • Jun 2003
              • 287

              #21
              عتيبي نت مرورك اسعدني ولك مني اطيب تحيه 0

              اخوك000 سيف العدل000

              تعليق

              • سيف العدل
                عضو فضي
                • Jun 2003
                • 287

                #22
                غزا الشيخ مقبول قبيلة عتيبه وكان النصر حليفه انذاك حيث اخذ ابلهم ومع الابل اسارى وكانت هذه الغزوه بينه وبين فرع يسمونه الخراريص ثم أطلق الاسرى وعاود الكرة مرة ثانيه ودخل ديار عتيبه وضرب خيامه على مائهم اربع ليال ففاجأه القوم هجاد فاخذوا الشيخ مقبول اسير ولما وصلوا به الى منازلهم اكرموه واعتبروا ذلك اكبر نصر لهم عندما اخذوه اسيرا فتمثل احدهم وهو الفارس بخيت بن ماعز العطاوي بابيات ابدى فيها سروره باسرهم للشيخ مقبول حيث قال على مسمع من الشيخ مقبول:


                الحمــــد لله ساع نومـــــي هنــانــا000يوم اقتضينا في قطيع الخـــراريص

                ونهاض خلـي طايــــح في نحانـــا000ومقبول عنـــد الصبح يتل المناقيس

                وتطلقـــن ارميهـم مــن يـــــــدانــا000من فوق قب كنهن القـــــــــرانيس

                اربع ليال مخـيمـن فـــــــوق مانــا000باهــــل الحجاز منقلين المهاريس

                يـشـب نــاره عنـدنـا مــاحــسـانـــا000ياعنك ياشبابها مــــــــا معه قيس

                وخربت على اللي يذبحـون السمانا 000حماسة البن الخضر فالمحاميس


                ولكم خالص تحياتي اخوكم 000سيف العدل000

                تعليق

                • أبو مقرن
                  عضو نشيط
                  • Jun 2005
                  • 80

                  #23
                  الاخ / سيف العدل

                  السلام عليكم ورحمة الله وبركاته

                  الظاهر انك ناسين بعض بيوت القصايد اللي ذكرتها ؟؟!
                  وحبيت اذكرك فيها 0 اما بخصوص اسر قطنان بن خشيبان فارجوا ان تراجع نفسك رعاك الله لان القصيده تخالف
                  القصه فكيف بمن عطا القوم ظهره عندما احس باالهزيمه يأسر شيخهم 0 الظاهر ان السالفه صارت سلق بيض
                  وبس 0
                  ياخوي حنا ماننكر فعول عتابه ولانجحد طيبهم لكن اذكر هزيمتك او لاتحرف القصص على هواك 0


                  [poem=font="Simplified Arabic,5,white,bold,normal" bkcolor="darkred" bkimage="" border="none,4,gray" type=2 line=0 align=center use=ex num="0,black"]
                  يا قويلة جينا بمن يذبـح الكـوم = لو راح ما تنفع كبـار العـذارى
                  فك الخوي حق(ن)علينا وملـزوم = لاجانهار(ن)مثـل ذاك النهـارى
                  ياعنك مايقضـي الحاجـه البـوم = مايقضي الحاجات كـود الحـرارا
                  والله لو اللي حضر غانم الـروم = انه عشاهم يـم ذيـك الديـارى
                  وابوك نعم فيـه مايلحقـه لـوم = لاشك غوجه قاصر(ن)فى المغارا
                  يا شيب عيني يوم جاله بحثلـوم = ياطا على خشم الدعث والزبارى
                  يا قويلة قطنان حنث على التـو م = وابن الوصيقع جانبه من يسارى
                  يمناك يا الشقرا بعيد(ن) عن اللـوم = ان جا نهار مثـل ذاك النهـارى
                  يهوي كما يهوي من الجو صاروم = يبا العشا من نايفـات الجـدارى
                  [/poem]


                  اما القصيده الثانيه فهي /

                  [poem=font="Simplified Arabic,5,white,bold,normal" bkcolor="darkblue" bkimage="" border="none,4,gray" type=2 line=0 align=center use=ex num="0,black"]
                  جينا مع الطارف سرايا(ن) تقـادي = خيالـة فيهـم سراويـل تومـان
                  وكنا على بوش(ن) يشوق المعادي = ومن دونها ثور عسـام ودخـان
                  الله لا يسـقـي جوانـبـك وادي = وادي(ن) حما جاله محمد وقطنان
                  من رمح محمد يركب(ن) السنادي = واللي يعديهـا الزماميـل قطنـان
                  اصقه ويدجر في نهـار الطـرادي = ومن لا يعرفه ما يصدق بما كـان
                  راحن ياطن الدعـث والشـدادي = ومكثرن قطنـان فيهـن الاكـوان
                  من غب كونـه والقلايـع تقـادي = بين الحشاش وبين فية رامـادان
                  [/poem]


                  اما القصيده التى قيلت في الفارس / ثويني الابرص القرفي البقمي الذي تمكن من اخذ ذود (نقزان المغيري) وتوارثوه ابناءه واحفاده من بعده فهو لم يعاد حفظك الله واذا لازلتوا تطالبون به فلازال منه بقايا عند البرصان متوارثينها 0

                  [poem=font="Simplified Arabic,5,orange,bold,normal" bkcolor="darkblue" bkimage="" border="none,4,gray" type=2 line=0 align=center use=ex num="0,black"]
                  ياخيلنا ون شي للحـرب نـاره = جانا يلاوي راسها كـل ديقـان
                  راحت لعطبين المضاريب شـاره = واتلى العهد في ماقفي ذود نقزان
                  حلفت ماتقفي بها قـوم سـاره = ياكود مانلزم رماحـن باالايمـان
                  لولا ثويني شوق ناسع جمـاره = اني لريعهـا مناحـي وحمـدان
                  شلفاه خذت شلفاي مثل الصهاره = يوم الهداوي بيننا ضرب الايمان [/poem]

                  وهذه القصيده التاليه /

                  [poem=font="Simplified Arabic,5,white,bold,normal" bkcolor="darkblue" bkimage="" border="double,4,gray" type=2 line=0 align=center use=ex num="0,black"]
                  في لبـة العاقـر جـرا لـي تفاكيـر = مـا بيـن تـيـن وحرالجوهـريـه
                  خذنا قطيـع فيـه رمـس المغاتيـر = وعيـوا علـى تاليـه قـوم لضيـه
                  لحقوا هل البل فـوق قـب مشاهيـر = يتلون إبن جرشـان ذيـب السريـه
                  قلنـا مياميـن وقـالـوا مياسـيـر = ولا ينعدل سيـل النحـا مـن نويـه
                  رديتهـا يـوم الفلـى لـي مناحيـر = والحقـت شيـخ كاسياتـه إدمـيـه
                  طريح من يكسـر شبـات الطوابيـر = زبـن الحصـان الياتراخـت حذيـه
                  رديتهـا والحقـت شيـخ المظاهيـر = وجواد بن متـروك صفـراء ثنيـه
                  وزامل على الصفراء أعيونه مطايير = ما لوم زامل شـاف وخـره وحيـه
                  ناديت في الجذعان صوت(ن) بتشهير = ولا منهـم اللـي لـد بالعيـن ليـه
                  يوم إن إبـن هـذال يـرم المعاذيـر = وبـن البتيـرا هـج قدمـة إشويـه
                  حديتهم حد الضوامـي علـى البيـر= ومن عقب ما هي ضيق راحت فضيه
                  يافضحكم ياهـل المهـار المعاطيـر = مـن نايـد الاجـنـاب والا هلـيـه
                  [/poem]


                  الظاهر ان (سيف العدل ) منثلم عندك علشان كذا ضاعت بعض الحقائق منك 0كما اني اعلم يقينا انك لن تكون احرص على حفظ القصيده من البقوم
                  تدري ليش ؟؟!!

                  لان القصيده فيها مصدر فخر للبقوم من فارس مشهور وفيها ايضاح مواقف
                  لبعض فرسان قبيلته هناك من يريد الغائها من القصيده لسبب او اخر 0

                  ولكن خلك مطمئن تراها محفوظه عند البقوم لو نسيتوها كلها 0

                  تعليق

                  • وليد الزراقي
                    موقوف لمخالفة الأنظمة
                    • Jan 2006
                    • 1585

                    #24
                    مشكور وما قصرت وبيض الله وجهك
                    ونرجو النقل
                    تحياتي

                    تعليق

                    • نازح البعد
                      عضو
                      • Nov 2005
                      • 7

                      #25
                      [poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
                      ونعم والله ببخيت واخوه شليويح
                      فرسان وتشهد لهم الخيل والسيف[/poem]

                      تعليق

                      • بن غنام
                        عضو
                        • Jan 2006
                        • 28

                        #26
                        في لبـة العاقـر جـرا لـي تفاكيـر..........مـا بيـن تـيـن وحرالجوهـريـه
                        خذنا قطيـع فيـه رمـس المغاتيـر.........وعيـوا علـى تاليـه قـوم لضيـه
                        لحقوا هل البل فـوق قـب مشاهيـر........يتلون إبن جرشـان ذيـب السريـه
                        قلنـا مياميـن وقـالـوا مياسـيـر............ولا ينعدل سيـل النحـا مـن نويـه
                        رديتهـا يـوم الفلـى لـي مناحيـر...........والحقـت شيـخ كاسياتـه إدمـيـه
                        طريح من يكسـر شبـات الطوابيـر.......زبـن الحصـان الياتراخـت حذيـه
                        رديتهـا والحقـت شيـخ المظاهيـر.........وجواد بن متـروك صفـراء ثنيـه
                        وزامل على الصفراء أعيونه مطايير..........ما لوم زامل شـاف وخـره وحيـه
                        ناديت في الجذعان صوت(ن) بتشهير.........ولا منهـم اللـي لـد بالعيـن ليـه
                        يوم إن إبـن هـذال يـرم المعاذيـر..........وبـن البتيـرا هـج قدمـة إشويـه
                        حديتهم حد الضوامـي علـى البيـر..........ومن عقب ما هي ضيق راحت فضيه
                        يافضحكم ياهـل المهـار المعاطيـر...........مـن نايـد الاجـنـاب والا هلـيـه


                        هنالك بيت منسي :

                        عني سنان العود غاد بواكير ..........وثوبي على قلبي تزايد فريه

                        تعليق

                        • وارد*
                          • Nov 2026

                          #27
                          تشكر ياسيف العدل

                          وسلمت يمناك يالسيف الصقيل على هذا النقل الطيب لقصص وبطولات
                          الفارس بخيت ابن ماعز ،،،،

                          وبخيت عند التوم جاله زحايم : : في ماقفن ياللاش مافيه رحام

                          وتقبل خالص تحياتي ..................

                          تعليق

                          • أبوثنتين

                            رابطة محبي الهيلا

                            • Nov 2005
                            • 1379

                            #28
                            القساسمة بقيادة سعدون وحامد أسروا الشيخ/مقبول وأخذوا القضاء للخراريص

                            الآخوة سيف العدل وابو مقرن
                            والاخوة الذين شاركوا بهذا الموقع

                            السلام عليكم ورحمة الله وبركاته

                            الأ تعلمون أي جماعة من عتيبة نزل بالقرب منهم الشيخ/مقبول وجماعته الشلاوا

                            ومن هجم عليهم وأخذ ثأر الخراريص وأسروا منهم جماعة فيهم شيخهم/مقبول

                            يا جماعة جزاكم الله خير

                            القساسمة بقيادة/سعدون بن معتاد وأخيه /حامد بن معتاد ابوثنتين الملقب وقت معاركه الكثيرة ( ابوشوشه ) وأخيه سعدون ملقب ( ابا الروس ) وأخيه الثالث ( حمود بن معتاد )

                            وأن كبار السن من القساسمة وأيضاً بعضاً من ذوي عطيه ذكروا أن الأبيات التي مطلعها :
                            انا أحمد الله ساع نومي هنانا
                            يوم أقتضينا في قطيع الخراريص

                            أنها قالها الشيخ/سعدون بن معتاد بعد الفعل ولكن بعد أن وصلت الأبيات الى الشلاوا وبحكم شهرة الفارس الشيخ/بخيت بن ماعز بالشعر المتميز ولم يسمعوا لسعدون شعراً أعتقد الشيخ/مقبول ووجه رده على تلك الأبيات الى بخيت بتلك الأبيات المشهورة التي ذكر فيها :

                            جاني من الروقي كلاماً هنانا
                            بخيت مروي مرهفات العبابيس

                            أخواننا الاعزاء أنا لم أذكر هذا الكلام من عندي ( القصة معروفة ولا عليها أختلاف ولكن الأبيات عليها تحفظ وهي معروفة ومشهورة الا بداية من قالها )
                            والفارس المشهور/بخيت وأخيه شليويح نعتز ونفتخر بهم وبجميع فرسان وشيوخ عتيبة واي فعل طيب وشعر يوضح القصة عند ربعنا كأنه عندنا

                            آرجوا التأكد من تفاصيل القصة ( أنه اكثر الأحيان يذكر أن الشلاوا نزلوا بديار عتيبة أو بالقرب من جماعة من ذوي عطيه )

                            ولا أعلم لماذا لم يذكروا الحقيقة وحيث أن تلك الجماعة هم القساسمة


                            تحياتي / أخيكم ابوثنتين

                            تعليق

                            • سيحان
                              عضو فضي
                              • Mar 2006
                              • 219

                              #29
                              واخيلنا وان شب للحرب ناره ضلاّ يلاوي راسها كل ديقان
                              راحت لملحقة الاطاريف شاره وعود بعد مركاظنا ذود نقزان
                              يابقوم ماحنّا بفزعة سماره حنا بلاكم من قديمات الازمان
                              ياواصل الطيّور هو ويش كاره وش ولعه فالعرب زينات الالوان
                              قل له يعود يم غرسه وثاره وحدايق(ن) فيهن خوخ(ن) ورمان





                              اخوكم /فواز المزنكي

                              تعليق

                              • قاطع طريق
                                عضو ماسي
                                • Aug 2005
                                • 548

                                #30
                                [poem=font="Simplified Arabic,4,darkblue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
                                قل له يعود يم غرسه وثاره = وحدايق(ن) فيهن خوخ(ن) ورمان[/poem]

                                [ALIGN=CENTER][/ALIGN]

                                تعليق

                                العمل...