شديد بن منصور الحثري العصيمي

طي
X
 
  • التوقيت
  • إظهار
مسح الكل
المشاركات الجديدة
  • عاصم
    عضو
    • Apr 2006
    • 29

    #1

    شديد بن منصور الحثري العصيمي

    ماذا تعرفون عنه وماهي بطولاته
  • روق والسماء فوق

    رابطة محبي الهيلا

    • Feb 2006
    • 1090

    #2
    اتمنى اعرف شي كان ماقصرت اخوي عاصم

    تعليق

    • أبو مرحبا
      مشرف عــام
      • Jan 2005
      • 8037

      #3
      السلام عليكم ورحمة الله وبركاته


      الاخ عاصم ماشاء الله عليك تحب تعرف عن فرسان عتيبة واجد يمكن تغدي استاذ تاريخ|194|


      أما بالنسبه للفارس شديد الحثري فهو:

      شديّد بن منصور الحثري الحمراني العصيمي كان أحد أبرز رماة نجـد قبل توحيد المملكة.....

      أغار الشيخ عقوب الحميداني بقوم من الصعران والحمادين وغيرهم من قبيلة مطير على فريق من العصمه والسلسه من قبيلة عتيبة وهم نازلين في فيضة المرموثه التي تفيض شمال من جبال الاسوده بأتجاه عبلة كويكب الهضبه المشهوره وحصلت بينهم معركه شرسه قتل فيها تسعة من الصعران وخمسة عشر من جيشهم على يد الشجاع المعروف شديد بن منصور الحثري الحمراني العصيمي وقتل عدداً أخر من المطران و جيشهم على أيدي العتبان وقتل من العتبان حمدي بن مضيان بن سعد السليس وأصيب قاتل حمدي على يد بريك بن خضير بن وجنان العصيمي وجاه محمد بن مضيان أخو حمدي وصبره و شرب من دمه وقيل انه مات بعد اربع اسنين بسبب شربه لدم قاتل اخيه وكان بريك نسيب للمضايين لأن أخته خضرا بنت خضير زوجة لحمود بن مضيان أخو حمدي المقتول ووالدة الشاعر المعروف مقعد بن حمود بن مضيان السليس


      وقال شديد الحثري:



      [poem=font="Simplified Arabic,5,darkblue,bold,normal" bkcolor="transparent" bkimage="" border="ridge,4,white" type=0 line=0 align=center use=ex num="0,black"]
      قال العصيمـي بـادي ٍ راس قنـه=في قنة ٍ عـد يـت عالـي رقيبهـا

      ماحولي الا هامل الصيـد والخـلا=وشهب الذياب اللي تعـاوا قنيبهـا

      ابني بيوت ٍ كنهـا ذايـب العسـل=او در عرب ٍ من محالـي حليبهـا

      يـاالله يالمطلـوب ياقايـد الرجـا=ياخالق الامـه و مبـدي نصيبهـا

      يامقسـم ارزاق المخاليـق كلـهـا=ياموجـد الا نفـس ويامعتنيبـهـا

      ياقاهر الطاغـي وياقامـع الخنـا=ونفس ٍ تعثوا بـك عليـك تعذيبـه

      يارب توحي جابتي عنـد حاجتـي=ياخلـق ٍ روح البنـادم حسيبـهـا

      ارجيك يوم انك براجيـك تعتنـي=وعين ٍ ترجـاك الرجـا ماتخيبهـا

      تطرح لنا غيث صدوق بـه الحيـا=يسقي ديـارا بالقسـا نلتـوي بهـا

      وانك تعاونا علـي مايـل الدهـر=وتكسي مدايرنا بخضـرة عشيبهـا

      ماني بخبل ٍ نومته حـزة الضحـي=ولا من الرخوم اللي شينهافي قريبها

      من الاد عاصم كـل ماجـا دعيـه=تذيـل الحجـه وتفلـج طليبـهـا

      وان جاعليهم من خصيـم ٍ حرابـه=ربعي مضـراة ٍ بلطمـة حريبهـا

      تفدع شيوخ القوم في حومة الوغـي=بمسلب ٍ تشلـح ترايـب صويبهـا

      مسلـب ٍ كـن الـزوارق ارقابهـا=من الصيد حناها وعـدل خشيبهـا

      للضيق ومبادي الـردى متعبينهـا=صنعـة افرنجـي ٍ قـوي لهيبهـا

      نرعى بهن مـن سنيـن العشايـب=في ديـرة ٍ قفـر خـلا ماوطيبهـا

      ونركب بهنه فوق عو ص النجايب=هجن و جياد زرع قلبـي جنيبهـا

      يوم ولد الـلا ش تـرك وجوبهـن=والقالـه الدنيـا لديـن رضيبـهـا

      اللا ش دايـم نقمـةٍ لا بـن عمـه=لـو كـان مالـه حجـة ٍ يدعيبهـا

      جونا كما ثعل البرد مـن مخيلتـه=قدام عين الشمـس تـدرك مغيبهـا

      من فوق جرد ٍ كن أضاحي نحورهن=فقوح الا دام اليـا تقافـى هريبهـا

      وقمنا عليهم قومةٍ تعجـب النظـر=والقرم باسم اخته عدا يعتـزي بهـا

      نشهر عزاوينـا ونطلـق مهارنـا=ونطلق اللي طامح ٍ مـن خطيبهـا

      كم من عيطموس من جراير فعولنا=غبة نهار الكـون تبكـي حبيبهـا

      ذبحي من الصعران تسـع ببندقـي=بالمارتين اللي سريـع ٍ نـد يبهـا

      وخمسة عشر جيش وعليه الاهلـه=وباقـي عدايدهـا لمـن يستنيبهـا

      والله بالولا الليـل عنهـم حدانـي=ماخلي اللـي راكـب فـي نجيبهـا

      من يوم ثار الملح ما اتب ولا زمى=هذيـك نعطبهـا وهـذي نعيبهـا

      ياذيب ياللي فـي خشـوم ذهلانـي=فالرايغه واعلى عـلاوي شعيبهـا

      اقنب لذيـب ٍ يـم خشـم الزبـاره=وعيد علي هجنن ونشـر عصيبهـا

      تشبـع جعيـرات وتشبـع حنـادي=وعلي العشا تدعي المكاحيل ذيبهـا

      وهذي علوم الصدق ياجاهلـن بهـا=ولاني قايل سالفـة مـادري بهـا

      و ختامها مني صلاة علـي النبـي=عد النجوم وعد مـن يهتـدي بهـا
      [/poem]

      رواية عشق بن قعيد بن مضيان السليس عن الراوي عبيد بن بريك بن خضير العصيمي و غيره
      [align=center]



      [/align]
      [align=center]إن قلَّـت الوزنـه وربعـي مشافيـح ** أخلـي الوزنـه لربعـي واشـومـي[/align]
      [align=center][/align]

      تعليق

      • ولد فليت
        عضو نشيط
        • Aug 2003
        • 69

        #4
        عاصم

        بالنسبه لشديد الحثري العصيمي

        فارس معروف

        ورجل فيه دين، ويقولون انه إليا نزله في ديره، وأبطى فيها، بنى أنت ياشديد الحثري مسجد له

        ومثل سواة البدو يشد وينزل ولكنه يبني مسجد في محله اللي نازلن فيه،

        وإليا ذكر شديد الحثري ذكروا مساجده اللي بناها من كثرها

        فالله يرحمه رحمة واسعه



        تحياتي للجميع

        تعليق

        • عاصم
          عضو
          • Apr 2006
          • 29

          #5
          السلام عليكم ورحمة الله وبركاته

          مشكوريين وماقصرتوا ياعيال العم لاكن شديد بطولاته واجد واذا تعرفون شي عن بطولات غيرها لا تحرمونا منها......

          تعليق

          • نبض المشاعر
            مراقب سابق
            • Mar 2006
            • 5379

            #6
            عاصم الف شكرر على الاستفسارات الرئعة
            دنيــــا ومــن يـــــدري كلــــ شــــئ يصـــير فيهــــا

            تعليق

            • ذيب العصمه 511
              عضو
              • Apr 2010
              • 1

              #7
              مشكوووووووووووور على النقل الطيب ولااااااااااهنت يالذيب

              تعليق

              • الغتار
                عضو نشيط
                • Feb 2010
                • 59

                #8
                تشكر على الموضوع المتميز والمعلومات أخوي أبو مرحبا ........


                والى الامام ان شاء الله.....

                تعليق

                • سيف نت
                  عضو ماسي
                  • Feb 2009
                  • 933

                  #9
                  مشكور يابومرحبا

                  تعليق

                  • الباااسل
                    عضو ماسي
                    • Mar 2007
                    • 817

                    #10
                    اعرف انه اول من نزل عرجا وهو راعي عرجا الاول وبيره مازال موجود فيها

                    تعليق

                    • الامير حريبيش

                      رابطة محبي الهيلا

                      • Jan 2007
                      • 1071

                      #11
                      كان رئيس بواردية عتيبه في مناخ الرشاويه وذلك بشور ابن هندي وابالعلاء

                      تعليق

                      • بن شايع السبيعي
                        عضو
                        • Jul 2010
                        • 11

                        #12
                        اللي يعرف شديد الحثري العصيمي ويعرف الحثري سؤال هلى يوجد منهم غير اصل ؟؟

                        ارجو الرد

                        تعليق

                        العمل...