مرثية في الأمير عبدالمحسن بن حشر بن حميد (رحمه الله) لشاعر / محمد ابو نيان

طي
X
 
  • التوقيت
  • إظهار
مسح الكل
المشاركات الجديدة
  • محمد بن حميد
    عضو
    • Feb 2012
    • 19

    #1

    مرثية في الأمير عبدالمحسن بن حشر بن حميد (رحمه الله) لشاعر / محمد ابو نيان

    [align=center][img][/img][/align]



    [align=center]مرثية في الامير عبدالمحسن بن حشر بن حميد

    للشاعر / محمد بن عبدالرحمن ابو نيان

    مرسله الى صديقه عبيد بن عبدالمحسن بن حميد

    نشرت القصيدة في مجلة اليمامة في عام 1416هـ
    [/align]

    [poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    يالله يا من لك المعروف والمنـــــــه=يا خالق الناس يا عالم نواياها

    ترحم فقيداً سهوم الموت صابنــــــه =وتضيفه من جنان الخلد علياها

    الشايب اللي قضى عمره على السنه=سنين عمره بدرب الخير مضاها

    مخلص لربه ودينه ما اختلف ظنه=وخدمة مليكه وحق الدار وفاها

    نال الثقة بالدروب اللي مشاهنه=مبداه الاخلاص باعمال تولاها

    شيخ له المجد والطولات يزهنه=من رؤوس قوم سنام العز مرقاها

    تاريخهم بالفخر والمجد يحمنـــــــه=افعال تشهد بها الصدقان وأعداها

    مجد كما الشمس ما يخفى ولا أخفنه=دورات الازمان مهما طال مجراها

    تاريخ مكتوب بأفعال سطرهنـــــه=في صفحة بالشرف والعز مبداها

    دورات الازمان يمضن ما يمسنه=ثوابته تعجز الازمان تمحاها

    يبقن الافعال في غيبات أهلهنه=تفنى الخلايق وطيب الذكر يزهاها

    مرحوم يا من فعول الطيب ينعنه=حيثه تربى عليها ثم صافها

    لين امتلكها بنوهاتن يدلنـــــــــه=على المعالي وهو مرباه بعلاها

    وتنعاه نارً لو الناس بالكنه=شبابها في مشب النار مطفاها

    تصلا دلاله ويحمس فوقها بنه=وفي ظلمة الليل يدع الضيف مسراها

    وينعاه نجرن يناد الضيف لادنه=حسه عليه الرجال توجه خطاها

    وتنعاه صفر الدلال اللي عليهنه=من صالي النار صهبن من مصالها

    كم من عيون عليه الدمع هلنه=على فراقه يفيض وينكفى ماها

    فقيدة للقبيلــــــــه كلها كنــــــه=ركنً ليا طاح هز اركان مبناها

    ياعبيد اعزيك فيه وبالحشا ونه=عليه والعين وموت الشيخ بكاها

    والموت يالقرم دربه للملا سنه=دربً عليه البشر ترقب مناياها

    من حان يومه فلا والله يفكنه=جميع الاسباب مهما طال مسعاها

    الموت حوضً نفوس الناس يردنه=مهوب يختار ناس وناس ينساها

    والعمر الايام صوب الموت يطونه=والناس تسعى وداع الموت يقفاها

    آجال تكتب على المخلوق يخفنه=وليا حان وقت المنيه ما تعداها

    يا عبيد عسى مقر الشيخ بالجنه=ولعل قبره يحلا من حلاياهـــــــا

    ولعل من نزل القرأن والسنــــــه=يجبر عزاكم بصبر عند بلواهــــــــا

    ويثيبكم في عظيم الاجر من منـــه=ونفوسكم عن هوى الشيطان يحماها

    وعسى البقاء فيك واخوانك لكم عنه=في غيبته وقفة يحيا بذكراهــــــــا

    أفعالكم يا رفيع القدر يحينه=وانتم على سيرته تمشون ممشاها

    باكمال نهج الدروب اللي نهجهنه=اللي مشيتوا معه فيها بمبداها

    ياعبيد مني بيوت الشعر يرثنه=مرثيةً ما وفت قدره بمعناها

    وقصايد الشعر ظني لو نظمهنه=في سيرته من فحول الشعر وارهاها

    لو جن بجزل المعاني ما يوفنه=حقه ولو يجمع اوراقه ويملاها

    والمدح بأهله يليق وينطبق فنه=وزيف المعاني علوم الناس تنفاها

    والا الردي المدايح ما يسرنه=لو كل شاعر كتبها به وغناها

    وانا امدح اللي فعوله دوم يكفنه=من طيبته سمعته كلً تمناها

    ما قلت زيفً علوم الناس ينفنه=ذكرت ما شافت العربان وارضاها

    ذكرت بيض الفعول اللي نقلهنه=عن سيرته والعلوم اللي تبناها

    نقوة رجالً بذكره دوم ممتنه=للخير دنيا ودين النفس يقداها

    عسى فعولً بواجبهن بذلهنه=باذن الولي في موازينه ويلقاها[/poem]



    [align=center]الله يسكنه الجنة ويرحمه ويرحم موتى المسلمين[/align]
  • راشد النفيعي

    رابطة محبي الهيلا

    • May 2012
    • 2339

    #2
    الله يرحمه ويغفرله ولاموات المسلمين

    صح لسانك واعتلا شانك ابداع

    تعليق

    • محمد بن حميد
      عضو
      • Feb 2012
      • 19

      #3
      امين الله يرحمه
      وصح بدنك ومشكور على الكلام الطيب

      تعليق

      • بن ابنين
        عضو فعال
        • Mar 2012
        • 141

        #4
        الله يرحمه ويغفرله ولاموات المسلمين

        صح لسانك واعتلا شانك ابداع

        تعليق

        العمل...