فيحان بن ثمر الرقاص

طي
X
 
  • التوقيت
  • إظهار
مسح الكل
المشاركات الجديدة
  • فارس برقا
    مراقب سابق
    • Dec 2003
    • 297

    #1

    فيحان بن ثمر الرقاص

    فيحان بن ثمر الرقاص من أمراء الحفاه فارس وشاعر
    يقول

    [poem=font="Simplified Arabic,4,black,normal,normal" bkcolor="transparent" bkimage="backgrounds/14.gif" border="none,4,gray" type=0 line=0 align=center use=ex num="0,black"]
    يالجتي لجلاج ذيب عوويا = يوعي النيام اللي هواجيع بعواه
    يقنب ليا من العباد أهجعويا = لجت طلوعه وازرق الجوع قزاه
    هيض علي هاجسي في الخلويا = هاجس بعد هوجست به قلت الاواه
    بنيت بيتا من البيوت الهوويا = بيت طويل ولا اعمس البال مبناه
    واليا ان قلب الود فيه السحويا = يدري الذنوب وبيح الله خفاياه
    ياراكب اللي يقطعن الدهويا = ستين عد احسابهم ماغويناه
    املاط مابردوفهن اردفويا = والكل منهن تسعة اشهر معفاه
    يمشون بالاثنين يوم اسرحويا = والحول هو ميعادهم بالموافاه
    اهل اربع يم الحوم سندويا = يوم الحرم كل من الناس ينصاه
    ويودعونه كان هم مالقويا = ويطق لي بالتيل ويشوف رداه[/poem]
    والقصيده اطول من ذالك

    ويقول فيحان وقد كسرت رجله في احدى المعارك سنة 1330هـ فنقل ( الشعراء ) كسيرا , وفيها جبرت رجله واقام فيها فتره طويله
    حتى برئت رجله , وقد احتفى به اهل الشعراء واكرموه مدة اقامته فيها ضيفا على اميرهم ابن مسعود

    [poem=font="Simplified Arabic,4,black,normal,normal" bkcolor="transparent" bkimage="backgrounds/14.gif" border="none,4,gray" type=0 line=0 align=center use=ex num="0,black"]
    يقول الحافي مولع ومولاع = لاعه من الدنيا تعوس وغرابيل
    منه اليقين وخزنة القلب تنلاع = كما يلوع الشعف لدن السنابيل
    ومصونعه من ضيفة الصدر صوناع = صوناع قيل وقال من يبدع القيل
    ياراكب اربع ربع من عقب مرباع = اربع سنين مربعات وهن حيل
    عوص عصا ومع العصا عوص واطواع = شعل شمعليات حيل مراميل
    فج مناكبهن عن حس الاكواع = يعرج بهن اليا عطن الدواهيل[/poem]

    والقصيده اطول من ذالك

    ويقول الرقاص

    [poem=font="Simplified Arabic,4,black,normal,normal" bkcolor="transparent" bkimage="backgrounds/14.gif" border="none,4,gray" type=0 line=0 align=center use=ex num="0,black"]
    راكب اللي طيره لفح السفايف = رفض للتكريب وان حرك خفيفي
    سرحة من دار مكرمة الضعايف = دار ابن مسعود هو ويا العريفي
    نحره خشم الفريدة بالوصايف = وان غويت الدرب عد اصفر عفيفي
    قلت كتبلك وحدٍ دمعه ذرايف = من صلايب جدكم ماهو حليفي
    قل تراه ما يبات من الحسايف = وده أبكم لو أقشركم يضي[/poem]

    وكان فيحان الرقاص مع الامير عبدالله بن جلوي وكان الامير قد سجن رجل مري اسمه
    جارالله المري فقام المري ونخا الرقاص فأطلقه وعندما علم ابن جلوي سجن الرقاص عقابا
    على اطلاقه للمري فقال الرقاص:

    [poem=font="Simplified Arabic,4,black,normal,normal" bkcolor="transparent" bkimage="backgrounds/14.gif" border="none,4,gray" type=0 line=0 align=center use=ex num="0,black"]
    ياهيه يالمجهول ياللي تحط خضاب = ابحني وابيحك تالي العمر قد ريسي
    رماني عديم الراي في ماقع الانشاب = ومن عبرتي بكيت كل المحابيسي[/poem]

    وبعد مده اطلقه ابن جلوي وامر له بناقه ليرحل الى ربعه وهو في الطريق هذه القصيده
    المشهوره يقول الرقاص

    [poem=font="Simplified Arabic,4,black,normal,normal" bkcolor="transparent" bkimage="backgrounds/14.gif" border="none,4,gray" type=0 line=0 align=center use=ex num="0,black"]
    وأهني من زرفلت به بكرةً حره = معطن مزاليج والا معطن الجودي
    وأقفى عن الهاجري وأقفى عن المره = لو ما جا من الاجواد منقودي
    ربعي عتيبه من العارض ليا الحره = سقم المعادي ليا جاء العلم مردودي
    والعلم الآخر اليا عقبوا على الجره = والسبر جاهم من اللي قدم مطرودي
    جاهم نهارٍ جباله منه محمره = ثم ثار عج الرمك وازداد بارودي
    هذي طريحه تزر الدم وتثره = وهذي قلاعه والأخرى تصقل العودي
    تجمعوا كل منهم كل حزبرّه= والشيخ ينخا هل العادات بفلودي
    لعيون من حبنا واللي لحق شره = فعلٍ يداوي كبود ويجرح كبودي [/poem]

    [rams]http://www.w7a.com/robabah/soot100.rm[/rams]

    وقيل توفى وهو في الطريق

    نتمنى من الاخوه اللي عنده معلومات عن هالفارس يزودنا
  • ابن مشيب
    إدارة أقسام القبيلة
    • Nov 2002
    • 9791

    #2
    ونعم بالشيخ فيحان الرقاص , اجدت في اختيار هذة الشخصية العظيمة.....

    لاهنت يافارس برقا على جهودك الرائعة , ومواصلتك الحثيثة لأخراج الكثير من موروث عتيبة التاريخي........



    تحياتي.........

    تعليق

    • الروقي احمد
      عضو
      • Nov 2004
      • 22

      #3
      رحم الله ذلك الفارس ، الشيخ فيحان اجتمعت له عدة خصال جعلت منه نموذج للفارس الشاعر النبيل تسلم اخوي فارس برقا

      تعليق

      • ((الدلبحي))

        رابطة محبي الهيلا

        • Mar 2003
        • 6010

        #4
        فارس برقا
        تسلم يمناك اختيار موفق الشيخ فيحان الرقاص ونعم وانت كذلك
        لاهنت يالطيب

        تعليق

        • الحافي الروقي
          عضو نشيط
          • Nov 2004
          • 37

          #5
          السلام عليكم فارس برقا
          اذا كنت تسال عن وفاة الشيخ فيحان الرقاص
          فهو صحيح ما ذكرت

          ولك خلص شكري وتقديري

          تعليق

          • motlq
            عضو
            • Nov 2004
            • 5

            #6
            هل لة ابناء

            تعليق

            • راعي الحيلا
              عضو نشيط
              • Mar 2004
              • 83

              #7
              ونعم بالشيخ فيحان الرقاص

              لاهنت يافارس برقا على جهودك الرائعة


              تحياتي....

              تعليق

              • البرهان
                عضو مهم
                • Nov 2004
                • 449

                #8
                قصائد رائعه ، يعطيك العافيه اخوي فارس برقا

                تعليق

                • مروي العطاشا

                  رابطة محبي الهيلا

                  • Aug 2004
                  • 1089

                  #9
                  ونعم بالشيخ فيحان الرقاص

                  لاهنت يافارس برقا على جهودك الرائعة


                  تحياتي....

                  تعليق

                  • أبو فيصل
                    مشرف سابق
                    • Dec 2004
                    • 3538

                    #10
                    والله و النعم بالشيخ فيحان

                    ويعطيك العافية أخوي على هالاختيار الرائع

                    لاهنت

                    تحياتي
                    لا إله إلا أنت سبحانك إني كنت من الظالمين

                    تعليق

                    • ابن حافي
                      عضو
                      • Dec 2004
                      • 24

                      #11
                      الله يعطيك العافية فارس برقا

                      وبالنسبة لسؤال مطلق هل له ابناء

                      ليس له ابناء

                      له ابن اخ ( ولد اخوه ) اسمه فيحان بن مطلق بن ثمر الرقاص شايب الله يطول عمره عمره تعدى 75 سنه وشاعر بحر له قصائد كثيره وهو يسكن في ارطاوي الرقاص

                      تعليق

                      • ابن حافي
                        عضو
                        • Dec 2004
                        • 24

                        #12
                        توفي الشاعر فيحان بن ثمر الرقاص الحافي العتيبي سنة 1350 هـ
                        تقريبا ً عندما خرج من سجن الاحساء وقد كسرت رجله في أحد المعارك
                        اللتي جرت بين قبيلة الحفاه وأحد القبايل المعاديه لهم في ذلك الوقت .
                        وكان هذا بالقرب من مدينة الشعراء وقد طلبوه آل مسعود أهالي الشعراء بأن يبقى
                        عندهم حتى يجبر كسره . فوافقوا جماعته الحفاه على ذلك في بادي الامر لكون السـّعو
                        عندهم في ذلك الوقت هو الهجن فقط وهذا مما يأثر على نقله فبقي عند آل مسعود مكرما ً
                        معززّا ً ولكنه طوّل في المده دون أن يجبر كسره . وبعث بهذه القصيده إلى جماعته الحفاه
                        وعندما جاءتهم القصيده وسمعوها حرّكت مشاعرهم فما منهم إلاّ أرسلوا أربع من الهجن وعليها
                        ثمانيه من خيار رجال القبيله إلى الشعراء فطلبوا من معازيب فيحان أن يسمحوا لهم
                        بنقله إلى ديرته ونقلوه بعد ذلك في ناقله تشبه لنعش الميّت على أكتافهم حيث ينقله اربعه
                        وأربعه راكبين على الهجن فاذا تعبوا اللذين ينقلونه نزل اللذين على الهجن وقاموا بحمله.
                        استمروا على هذه الحاله حتى وصلوا الى اهلهم اللذين كانوا نازلين على الاشعريه


                        [poem=font="Simplified Arabic,4,black,bold,normal" bkcolor="white" bkimage="" border="outset,4,gray" type=0 line=0 align=center use=ex num="0,black"]
                        يـقـول حافـيّـاً مـولّـع ومــولاع
                        جايّـه مـن الدنيـا همـوم وغرابيـل
                        منه الضميـر وواهـج القلـب يـلاّع
                        كمـا يلـوع الشعـف لـدن السنابيـل
                        ياراكب اربع ربع مـن عقـب مربـاع
                        شعـل شمعليّـات رمـل ٍ مرامـيـل
                        فج ّ ٍ مناكبهـن علـن لمـس الأقـواع
                        يعـرج بهـن إليـا عطـن ّ المداهيـل
                        خضـع الرقـاب ومشيهـن بالتخـوّاع
                        قطـم الفخـوذ لحومهـنّـه معـازيـل
                        عصو عصاو وبالعصا عصو وأطـواع
                        ومربعـات ٍ فـي سجـا كلّهـن حيـل
                        مافوقهـن الا الجـواعـد والانـطـاع
                        وعيـال فـي دوج الغـداري دواليـل
                        مسراحهن من ديـرة المـد والصـاع
                        دار بخيلـه ميـر أهلـهـا مشاكـيـل
                        إلهـن صـلاة الصبـح بغثـاه منشـاع
                        منشـاع مرميّـات خطـو المغـازيـل
                        والدرب من بيـن العرايـس ليـا تـاع
                        والعصـر يـم الخنفسـيّـه مخالـيـل
                        انصو فريدة شعر من حيـث الاسنـاع
                        وماجذبكـم شـوف مــد الدرابـيـل
                        لازم يطالعكـم مـع اللـيـل لـمّـاع
                        نـارا ً يقـرّب جمـرهـا للمعامـيـل
                        اول شببكـم خمـس طبخـات ٍ اتبـاع
                        بـريّـة ٍ مـابـهّـرت بالزبنـجـيـل
                        وبيـت ٍ يشيّـد يـوم حلّـو بالاسـراع
                        بيـت ٍ لشـرّاب الحشايـش مداهـيـل
                        ونجـر ٍ يلجلـج والمخاليـق هـجّـاع
                        تلقـى رويمـي يقرعـه تالـي الليـل
                        ومجـالـس ٍ ماقطّـعـت بالتلـمّـاع
                        من جاء محيّا ً بـه ومـن راح ماسيـل
                        في ضف ابو نايف حمى قاصر البـاع
                        يـوم الخفـاف يجانبـون الزمامـيـل
                        يلوذبـه مـن كـان ميّـس ومـرتـاع
                        لـن رفّعـوا لقطيّـهـن المساحـيـل
                        ولا الغفيلـي بسلّـة الهـنـد قـطّـاع
                        سيف ٍ مصقّل مـن خيـار المصاقيـل
                        حـوّاف للاعـداء وفـارس وقـطّـاع
                        وحـزام بالكربـه وبالصبـر حلحيـل
                        وبن خنيصر في ضحى الكـون بيّـاع
                        يهـوي عليهـم مثـل طيـر النبابيـل
                        وغيره ليـا شـاف المساييـر شـوّاع
                        ويفّرق اللـي يلزمـه مـن محاصيـل
                        ماهـو معيثـيـر ٍ خبـيـل ٍ وقـبّـاع
                        وإن جاك في وسط المجالس ليـا فيـل
                        وفيهم ترى ابن التوم للهجـن مـزواع
                        ربعي ذوي ربعـي كـرام ومشاكيـل
                        إرجـال عــرف ٍ وللـديـن تـبّـاع
                        وعيّـات لغصـون البلنـزي نواتـيـل
                        إمخضبّـه بايمانهـم كــل مـسـواع
                        للريـم فــوق أرقابهـنّـه عرابـيـل
                        غازي وضيف الله على كـل الانـواع
                        ربع ٍ علـى كثـر الخسـاره مراحيـل
                        ومعجب عشير إمخوتمت عشر الأصباع
                        وابو سنـد خصّـوه ذيـب الرياجيـل
                        ثم انصوا اللي رفقتـه تبـر الاوجـاع
                        برجس سعد قلبـي ليـا ضـدّه الشيـل
                        ومن عقب برجس درّجوا لاخو هـزّاع
                        فازع حديـد الهنـد عطـب المواشيـل
                        وباق العرب صدقان لكـن إلـي نـاع
                        ماكـل ّ ٍ اتعبلـه أركـان ومراسـيـل
                        مايبهج الضميـان ضحضاحـة القـاع
                        ولايبـرد الحـسّـات زود التعالـيـل
                        ولاواحـد ٍ جـايـز بلـيّـا تمـتّـاع
                        ولاوداي ٍ يخضـر جنابـه بـلا سيـل[/poem]

                        تعليق

                        • السويلم
                          عضو فعال
                          • Feb 2005
                          • 142

                          #13
                          ربعي عتيبه من العارض ليا الحـره
                          سقم المعادي ليا جاء العلم مـردودي

                          أخوي فارس برقا
                          مشكور
                          على المجهود الرائع

                          تعليق

                          • برق الحيا
                            عضو نشيط
                            • Jul 2005
                            • 51

                            #14
                            فارس برقا عساك تسلم وتحيا

                            بالفعل قصائد فيحان الرقاص في قمة الروعة

                            اشكرك لك اختيارك الرائع

                            تقبل إعجابي

                            برق الحيا

                            تعليق

                            • فارس برقا
                              مراقب سابق
                              • Dec 2003
                              • 297

                              #15
                              تم النشر في الأصل بواسطة ابن مشيب
                              ونعم بالشيخ فيحان الرقاص , اجدت في اختيار هذة الشخصية العظيمة.....

                              لاهنت يافارس برقا على جهودك الرائعة , ومواصلتك الحثيثة لأخراج الكثير من موروث عتيبة التاريخي........



                              تحياتي.........
                              ولا انت ياابن مشيب

                              تعليق

                              العمل...