لأول مرة وفي منتدى الهيلا ، دردشة مع الشيخ : تركي بن حميد

طي
X
 
  • التوقيت
  • إظهار
مسح الكل
المشاركات الجديدة
  • الوليد الاسعدي
    مشرف عام
    • Jul 2003
    • 2336

    #1

    لأول مرة وفي منتدى الهيلا ، دردشة مع الشيخ : تركي بن حميد

    شيخ وفارس يعد من اساطير الزمان شعره يملأه الحكمة شجاع لايهاب الموت حكيم لايعتريه خور يحب اهله وجماعته ...لم يستطع التاريخ تجاهله بل أحدث فيه وغير مساره ...
    ذلك هو الشيخ تركي بن صنهات بن حمد بن حميد بن حمدان بن سعيفان بن سعيد بن متعب بن محمد بن كريز المقاطي العتيبي .

    الاخوة الكرام :
    هذه دردشة سريعة مع الشيخ تركي بن حميد نجول معه من خلال شعره ،ولا اعرف من اين ابدأ فأمامي أسئلة كثيرة جدا مختلفة ومتنوعة وأجدني محتار اريد الاختصار وفي نفس الوقت تنقصني مهارة التقاط الاجابات مع امثال هؤلاء الجبال الشامخة ... فارجو ان تعذروني فسأبدأ المقابلة بأقرب ورقة لدي .


    [glow=009900]بسم الله ...[/glow]

    مرت عليك الله يعز مقدارك ايام ياشيخ تركي تقول ان النوم مايطب عينك !! ممكن تحدثنا عن اسبابها ؟

    أوجس بقلبي مثل دقّ النحاحيس *** الله يلوم اللي لحالي يلومي
    قالوا جهلت وقلت جهل بلا قيس *** الجاهل اللي مايعرف اليمومي
    أشوف عدلات الليالي مقابيس *** ولا احد من الدنيا عظامه سلومي
    تضحك وتخفي لك خفيّ الهناديس *** تفطر لها يوم ويوم تصومي

    انا اقصد الاسباب رحمك الله ؟!

    وصلاة ربّي عدّ رمل الطعاميس *** على شفيع الخلق يوم اللمومي !!!

    عفوا عفوا ... تكفى لاتنهي المقابله ... ولاتزعل علي انا بغيت توضيح اكثر واعرف انكم يالاولين ماتحبون كثر الحكي والتماليس !
    خلنا الله يرعاك ننتقل لأمر مهم .
    يقول البعض انكم تعتدون انتم ياعتيبه واعتديتوا على نجد وانكم تحبون الحرب وش رايك بمن يقول هالكلام :


    قل له طلبنا الصلح منكم ولا حصل *** دنياك مايبقى بها الاّ صبورها
    ترى الحرب سقم العين ماهو براحة *** تسهر ويقزا نومها بحجورها


    الله يعز مقدارك ويشرفك ... حياة البدو عصيبة من اول ودنا لو تعطينا كيف كنتم تنظرون للعيشة والرزق ؟

    الرزق ياتي مثل هتاش الامطار *** ماله مصك ولاش دونه سلاحي
    ان كان تسمع من هل الكذب والعار *** ودّع بنا رازق خفوق الجناحي
    ما ابيع ديني بالدراهم والافجار *** المال يذهب وأخر العمر ماحي
    واقول :
    ماهمني دنيا ولا همني مال *** الرزق ياتي مثل هاتف مطرها

    أييييه .... الله يسامحك ياشيخ ويغفر لك ...

    كان الخطا منكم تقبّلنا الاعذار *** وان كان منّا طالبين السماحي

    ابد ابد ماجا منك خطا ... وعلومك طيبه لكني تذكرت حالنا وحالكم ياشيخ تركي لو تشوفون كيف حنا والعيشه .. النعمة يمين ويسار والتوكل لك عليه !!!
    اسمح لي ياشيخ الربع في منتدى الهيلا منبهين علي مادخل في مواضيع جانبيه .. بس عاد ان سمحت انت كيفهم هم .


    نصيحة ياشيخ الله يرحمك تقدمها للشباب اليوم واللي يقول بعضهم اتركوني داله البال ... وانا والله اعرف ان عندك الكثير لكن اللي يطرا عليك هالحين .

    ماظنّ فيها واحدن داله البال *** إحفظ لدينك وانتبه عن خطرها
    تراه مثل الفيّ لابد ينزال *** والشمس هي ويّا القمر من فكرها
    الحق ينكر والتفاخر بالاموال *** لاهين في غفلاتهم في دوّرها
    كم فرقّت من دولة حلّ واجيال *** والى ومرها الله عطتهم نحرها
    فعّال نو الخير لاموه الانذال *** كثرت تخاليف العرب في صورها

    من المعروف الله يسعد ايامك ان المشهور عن شيوخ عتيبة الدين !! اسباب ذلك ياشيخ ؟

    مادون ربك واحد لك يسرّا *** للربّ حكمه بالمعاني وتصريف
    واجهد بتقوى الله لدار المقرا *** العبد طرقيّ مع ركابه مناكيف
    دنياك لو زانت تراها مغرّا *** دنيا خراب ولا عليها تحاسيف
    فيها لبيب العقل مايستغرّا *** لو امهلت لابدّ رحلة وتخفيف
    إخشع تواضع لا تكبّر تزرّا *** ماشفت ميلات الليالي مراديف


    صح لسانك وطيب ثراك !
    لو سمحت لي يابو خالد(1) نرجع للمعارك والحروب .. يقول بعض الحكماء الشجاعة صبر ساعة ! وش تقول ياشيخ تركي ؟


    إصحى تكن روعٍ إليا شفت حادث *** تزري تميّز حرمها من حلالها
    إلى اوجعك ضرسك خذ القاز واقلعه *** وإن كان في عينك فدوّر دوا لها

    وش بعد تقوله ؟

    أقوله وانا من لابةٍ تنثر الدما *** مناة الحرايب دايمٍ في قتالها
    ذقنا حلاويها وذقنا مـرورها *** ولو هي صفت يومٍ سريعٍ زوالها

    مذكور عنك حبك لجماعتك وش تقول ؟

    لا ضاق صدري قلت ابا ابدي لربعي *** أبدي لربعي طيّبين الملافي
    اللي طبايعهم تطابق لطبع طبعي *** وطبعي وطبع الخيّرين متوافي


    هل قط اجتمعت عليكم جموع نجد كلها ؟؟ هل هذا صحيح ؟!!

    ياسابقي صكوا علينا القبايل *** البدو والحضران صاروا نحيه
    قومن من العارض لياسوق حايل *** لا قرب جد ولا بهم مرحميه

    لا قرب جد ولا بهم مرحميه !!!! صح لسانك ياشيخ .. ودي الله يطيب هالروح ان اقف عند هذا المقطع الأخير من البيت وهو قولك: لا قرب جد ولا بهم مرحميه .. وايضا قولك في موضع آخر عن بعض القبائل تذمهم بعد ان خذلوك : لا صلب جدّ ولابهم نيّة الخير !! وقولك ايضا تذم تركيبة بعض الجيوش : وارخصت عمري عند جيش المخلّط !!! من الملاحظ تركيزكم ياعتيبة على قرب النسب والرحم في تلك الفتره وهو من اسرار القوة لاشك !! وش تقول للي مايداني الصفيري ؟!

    ياراكب اللي ما يداني الصفيري *** هميلعٍ من نقوة الهجن سرساح

    وماذا ايضا ؟ للذي يردد كلام البعض دون علم ؟

    كم واحدن يمشي مع الناس *** مهذال يرعى سواة العاذرة من بقرها
    لاشاحنه علمن ولا واردة حال *** ولا يميّز وردها من صدرها

    وماذا ايضا ؟؟

    قول بلا فعل عيب واضح *** والصدق ما يمحاه طول ازمانها

    ونصيحة قبل الختام ؟؟

    واعمل بخير ولاتجازي بشرّا *** وارج الفرج من عند والي المصاريف

    هل من كلمة أخيرة :

    يالله يالمطلوب يارايف الحال *** يامن له الشكوى على كل حالي
    إنك تسامحنا بسيّات الاعمال *** وتغفر دقاق ذنوبنا والجلالي

    الله يرفع مقدارك ياشيخ دنيا وآخره ولا يسعنا مع هذه العجاله الا ان نبتهل الى الله العزيز القدير ان يغفر لنا ولك ويرحمك ويوسع مدخلك ويجعلك في رياض الجنة . آمين .

    نستودع اعزاءنا القراء ونرجو ان لانكون قد اثقلنا عليكم والخطأ وارد ونستميحكم عذرا والى لقاء قريب بأذن الله .

    الوليد الاسعدي



    [align=right]هوامش:
    (1) كنت قد كتبت من قبل ابو عبيد لكثرة ملازمة عبيد لأبيه في شعره لكن الاستاذ المقاطي في احد مواضيعه قال ان كنيته المعروفه باكبر ابناءه وهو خالد .
    [/align]
    [bdr][/bdr]
    و أنا عتيبي من سلالة هـوازن *** ربعي عوايدها الفخر من جدودها
    ما نوشي الفتنه ولا نحرث الردى *** ولا نهاب اليا تسامت وقودها
    ان ميل الميزان من قوم يمنا *** صبرنا لها لوكان كبرت لهودها
    وان ميل الميزان منا على العدا *** نروي من السم السقطري كبودها
  • فرهودي
    عضو ماسي
    • Feb 2004
    • 886

    #2
    ماشاء الله عليك..
    الوليد الأسعدي

    -------------------------------------

    من أروع المواضيع التي قرأت في المنتدى

    سجل أعجابي بالموضوع

    فرهودي

    تعليق

    • عين العقل
      ناقد ومحلل
      • Jun 2003
      • 1968

      #3
      لا ضاق صدري قلت ابا ابدي لربعي *** أبدي لربعي طيّبين الملافي
      اللي طبايعهم تطابق لطبع طبعي *** وطبعي وطبع الخيّرين متوافي

      والله العظيم الي عجزت مدري وش اكتب يالأسعدي الله حسيبك ... شوقت النفس وهزيت الخاطر ... !!!!!!!

      تعليق

      • ابن مشيب
        إدارة أقسام القبيلة
        • Nov 2002
        • 9791

        #4
        لاهنت ياشيخ المنتدى , على هذة الانارة لمجد عتيبة الذي بناة الشيخ تركي بن حميد وجميع مشائخ عتيبة......


        بيض الله وجهك يالوليد , مشاركة تعتبر من اغلى مشاركات منتدى الهيلا....



        تحياتي...

        تعليق

        • ابو ضيف الله
          مشرف عـام
          • Feb 2003
          • 8888

          #5
          وانا كذلك اسمج لي يالوليد ان اسجل اعجابي

          ورحم الله شيخ عتيبه تـركي بن حـميد
          قال الشافعي رحمه الله: أركان الرجولة أربع: الديانة والأمانة والصيانة والرزانة.

          قال الخليل ابن أحمد: التواني إضاعة, والحزم بضاعة, والإنصاف راحة, واللجاجة وقاحة.




          اللهم أنصر من نصر الدين وأخذل من خذل الدين

          تعليق

          • ابوسليمان
            عضو فضي
            • May 2004
            • 247

            #6
            يالربع سجلوني معكم في الاعجاب




            الوليد الله يعطيك العافيه






            موضوع جميل وفكرته اجمل






            ازكى تحيه,,,,,,,

            تعليق

            • ذيـب طـويـق
              عضو نشيط
              • May 2004
              • 90

              #7
              بيض والله وجهك يا مشرفنا الوليد الاسعدي

              وماقصرت على هالموضوع الجميل .. من ناحية الاداء والاطراء

              داائم متميز ياخالي الوليد الاسعدي .. والله لا يحرمنا من كتاباتك

              تعليق

              • سعوط المجانين
                عضو فضي
                • Aug 2003
                • 212

                #8
                والله ماأحد سبقك على هالمقابله

                وأقول

                شكراً يا أبن الهيلا عن ماقدمته عن شيخ الهيلا...................................

                تعليق

                • الوليد الاسعدي
                  مشرف عام
                  • Jul 2003
                  • 2336

                  #9
                  اشكر الجميع على المرور والتعليق وكانت تلك فكرة والحمد لله أنها لاقت قبول عند البعض ....

                  فرهودي : شكرا على التعليق والمرور وتواجدك باستمرار يثلج الصدر ولا هنت يالبناخي يالذيب !

                  عين العقل : ياسعد اليوم اللي نرى مشاركاتك في المنتدى !! الله يسامحك يعني لاقي ناس غيرنا ؟

                  ابن مشيب : الله يرفع مقدارك ياالخوي وشكرا على الإطراء والله يرحم الشيخ وجميع موتانا .

                  ابو ضيف الله : الله يشرفك ويسهل باقي ايامك شكرا على المرور والتعليق وكثر الله من امثالك .

                  ابوسليمان : الشاعر الجزل اشكرك واسعد ويسعد المنتدى بوجود امثالك بيننا وجهودك واضحه.

                  ذيـب طـويـق : حياك الله وشكرا ياولد طويدز ويسعدني مرورك وتعليقك .

                  سعوط المجانين : الله يحييك وتراثنا مليئ بالخير والعزه .. يسعدني مرورك وتعليقك .
                  [bdr][/bdr]
                  و أنا عتيبي من سلالة هـوازن *** ربعي عوايدها الفخر من جدودها
                  ما نوشي الفتنه ولا نحرث الردى *** ولا نهاب اليا تسامت وقودها
                  ان ميل الميزان من قوم يمنا *** صبرنا لها لوكان كبرت لهودها
                  وان ميل الميزان منا على العدا *** نروي من السم السقطري كبودها

                  تعليق

                  • خالد المهيد
                    عضو مجلس الادارة
                    • Jun 2004
                    • 86

                    #10
                    وانا اسجل اعجابي معكم !!!!
                    نتمنى لك التوفيق المستمر يالوليد ونرجوا ان تعمم هذه الفكرة على الشعراء الآخرين

                    تعليق

                    • الوليد الاسعدي
                      مشرف عام
                      • Jul 2003
                      • 2336

                      #11
                      ابن مهيد: شكرا على المرور والتعليق وكثر الله من امثالك وتعميم الفكرة هو بأيدي الجميع .
                      تقبل تحياتي .
                      [bdr][/bdr]
                      و أنا عتيبي من سلالة هـوازن *** ربعي عوايدها الفخر من جدودها
                      ما نوشي الفتنه ولا نحرث الردى *** ولا نهاب اليا تسامت وقودها
                      ان ميل الميزان من قوم يمنا *** صبرنا لها لوكان كبرت لهودها
                      وان ميل الميزان منا على العدا *** نروي من السم السقطري كبودها

                      تعليق

                      • الســــــكب
                        عضو نشيط
                        • Apr 2004
                        • 77

                        #12
                        اخي العزيزالوليد الاسعدي
                        بيض الله وجهك بكل ماتعنيه الكلمة من معنى

                        على هالحوار مع الامير الشاعر تركي بن صنهات بن حميد

                        تعليق

                        • saud14242
                          عضو
                          • May 2004
                          • 15

                          #13
                          رحم الله تركي بن حميد وشكرا لك على هذا الموضوع الذي يجسد ماضي فارس يفتخر به كل عتيبي وكل إنسان عرف ماضي هذا الرجل وانصفه.

                          تعليق

                          • eben roog
                            عضو
                            • Jul 2004
                            • 6

                            #14
                            وانا كذلك اسجل اعجابي واقول انها فكره جدا ممتازه

                            وفعلا الاسلوب يوحي بأنها مقابلة حقيقية !!!!!!



                            ويعطيك الف الف عافية

                            تعليق

                            • الوليد الاسعدي
                              مشرف عام
                              • Jul 2003
                              • 2336

                              #15
                              الســــــكب
                              ووجهك ياوجه الخير وهذا من طيبك وشكرا على المرور والتعليق.
                              [bdr][/bdr]
                              و أنا عتيبي من سلالة هـوازن *** ربعي عوايدها الفخر من جدودها
                              ما نوشي الفتنه ولا نحرث الردى *** ولا نهاب اليا تسامت وقودها
                              ان ميل الميزان من قوم يمنا *** صبرنا لها لوكان كبرت لهودها
                              وان ميل الميزان منا على العدا *** نروي من السم السقطري كبودها

                              تعليق

                              العمل...