مرزوق الجذع و شالح المقاطي.....غـزلـيـــــــــة

طي
X
 
  • التوقيت
  • إظهار
مسح الكل
المشاركات الجديدة
  • جناب الود
    عضو
    • Aug 2009
    • 14

    #1

    مرزوق الجذع و شالح المقاطي.....غـزلـيـــــــــة

    [align=center]السلام عليكم ورحمة الله وبركاته

    هذه قصيدة غزلية جديدة رائعة
    لشالح بن نايف المقاطي
    مسندهـا على زميله مرزوق بن دغيليب البام الجذع
    ورد مرزوق عليه أيضاً بقصيدة لاتقل عن قصيدة
    شالح روعةً وجمالاً


    وأرجو أن تحوز على رضا الجميع
    [/align]



    يقولــ شـالــح:



    [poem=font="tahoma,6,firebrick,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
    يالبام قلبي فيه عله من العام=حرارةٍ تسري عليه وتعمه
    يالبام ماهي وسوسة جن و أوهام=في ذمة اللي يشكي القلب ذمه
    يالبام شخَص علته يا ابن الأكرام=سمَ العلاج لساهر الليل سمَه
    وإن قلتلي متى بدت معك الآلام=اعطيك تفصيلٍ بسمعك تصمه
    لمحتلي زولٍ عليه القدم حام=صدفه وأنا متعديٍ في مهمه
    العام ها الأيام والناس صيام=ضوَا عليَ الذنب لا رحمت امه
    اللي تلقى ثومة القلب بسهام=غروٍ تحدى لابسات الأزمه
    من خوخة البصرة ومن مشمش الشام=ياخذ شبه في حلو شكله ودمه
    وإن ركز النظره بغنجه وسلهام=عين أشقرٍ يحري العشاء في متمه
    واهنَي سلسال الذهب فيه يالبام=اللي تحضن زين عنقه وضمه
    يدوس عصمان الشوارب بالأقدام=ويدخل مقاريد الهوى وسط كمه
    عنده ثقه تزمي على روس الأهرام=إنه يبا يجلب علينا المطمه
    ومن عقب ها اللحظة وأنا بارد عظام=ماهيب في وقفة ولد لإبن عمه
    في مواجه الخفرات حلوات الأجسام=اللي عناهن يورد الرجل جمه
    وهذا وجفت فوق الأوراق الأقلام=من عقب شكوىً ترتجي منك همَه
    يوم أنت من صلبين الأريا ومقدام=ولك باع في حب الصبايا ولمه
    كم مرةٍ من حبهم فاتك الزام=تسهر وتنسى الزام منته بيمه
    يدق خفاقك على دق الأرقام=تفك جوالك وترجع تخمه[/poem]




    *ملاحظة:
    المقصود بالزام: العمل(الدوام)





    وهذا رد مرزوق البام:



    [poem=font="tahoma,6,sienna,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
    ماجور ياللي غاديٍ فكرك أقسام=والحال باريها الهوى مستسمه
    تشكي وفيك الحب بانتله أوسام=وسمٍ ردوعه شاهد لكل نمه
    أنا أشهد إنك واردٍ حوض الإعدام=من يوم قلبك شاطي البيض طمه
    والمشكلة قلبك رهيف وعزام=وهم الموده يالهراني يزمه
    مالع علاج إن كان كثرن الأورام=ألا إن حصل من مبسم الغرو شمه
    يمكن تعالج بعض الأورام ما دام=باقي بدمك عينتٍ مستلمه
    ظني وأنا مانيب للغيب علام=والغيب عند اللي ترجاه الأمه
    والراي كاننك مصمل وجزام=اركب على اللي مابه أحدٍ يذمه
    جيبٍ جديد وللمشاوير ميلام=لا نشت ابنصه ماش درب يهمه
    لكن بيَن لي على الدرب مرسام=لو دونه اعجاف الزمن مدلهمه
    لجلك ابا اطا بالقدم جلمد السام=ولجلك غثا الأيام ابا ابوج كمه
    أبشر بفزعة من حديته على لام=قافٍ برح طرقٍ وطرقٍ يدمه
    فزعة طنا فيها ملامح لصدام=ماهيب فزعة قاصر الباع رمه
    قلته وأنا ماني على القيل لوام=يوم المقاطي قام يومي معمه
    من سبته طير الغرابيل لو حام=والله ما أجنب لين ينجال غمه
    ما باقي ألا أخالف شروط الاسلام=وأضرب بسيف الظلم مع كل يمه
    وختامها ياعنك ماقصر البام=يوم إن شالح درع البام همه[/poem]






    تحياتــ جناب الود ــي
  • عبدالرحمن الهيلوم
    عضو
    • Apr 2007
    • 21232

    #2
    شكرالك تواصل الابداع

    وصحت السنتهم
    شعار مبدعون

    تعليق

    • عبدالله الجـــذع
      مشرف منتدى قصه وقصيده
      • Sep 2007
      • 8093

      #3
      الله اكبرـر

      صوت وصدى جميل جدآ

      الف شكرلك على نقل مثل هالمساجلات الرائعه

      وصحت السنت شعرائنا المبدعين

      محبك
      قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) .


      .
      قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم !
      فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه )

      .

      موقع يضم جميع القراء


      هنا

      تعليق

      • ابن صنهوت

        رابطة محبي الهيلا

        • May 2008
        • 1734

        #4
        ايه يالبام قلبي فيه عله من العام


        جناب الود بيض الله وجهك وصحت السنت من غنوا

        تعليق

        • يوسف العازمي
          عضو ماسي
          • Aug 2009
          • 562

          #5
          [align=justify]السلام عليكم ورحمة الله وبركاته
          صح الله لسانه ولسانك تقبل مروري[/align]

          تعليق

          • أبونواف

            رابطة محبي الهيلا

            • Nov 2008
            • 2163

            #6
            [align=center]صح لسان كلا من الشاعرين ومشكور جناب الود على النقل .. [/align]

            تعليق

            • البريماني

              رابطة محبي الهيلا

              • Jan 2008
              • 1684

              #7
              الله اكبرـر

              صوت وصدى جميل جدآ

              الف شكرلك على نقل مثل هالمساجلات الرائعه

              وصحت السنت شعرائنا المبدعين

              محبك

              تعليق

              • محمد البام
                عضو فضي
                • Aug 2007
                • 200

                #8
                ,,



                مبدعين

                صحت ألسنتهم ولاهنت على هالنقل

                تعليق

                العمل...