حنا لنا في صفحة المجد تبصيم للشاعرفيصل بن خلف

طي
X
 
  • التوقيت
  • إظهار
مسح الكل
المشاركات الجديدة
  • احمد عبدالله
    عضو نشيط
    • Jan 2009
    • 81

    #1

    حنا لنا في صفحة المجد تبصيم للشاعرفيصل بن خلف

    بسم الله الرحمن الرحيم
    قصيده بحثت عنها كثيرا للشاعر المبدع فيصل بن خلف بن هذال
    اهديها للاخ العزيز سلطان العصيمي


    قلتي وقولك فيه يابنت توهيم ======= وبعض البيوت اثبوت فيها طرافه

    حنا لنا في صفحة المجد تبصيم ======= ولنا مع الجوزاء غرام وولافه

    على البداوه والشقاوه مفاطيم ======= فينا من البيئه قساوة صلافه

    نرعى الحقوق ونكره الظلم والضيم ==== ونصبر على جور الزمن واختلافه

    متثقفين وفي وطنا محاشيم ======= حنا جذور العز واصل الثقافه

    والفقر ما عاب الرجال الشغاميم ======= اهل الشجاعه والكرم والضيافه

    من وقت ابونا ادم وبعده براهيم ==== ووقت الرسول ووقت عهد الخلافه

    واهل المرودن والصيوف الصواريم ==== رمز الرجوله والشرف والحصافه

    عاشوا ولا معهم من المال مليم ======= والكل منهم سقف بيته لحافه

    صبيان دين الله وفوا باالملازيم ======= وقادوا جيوش المسلمين بحرافه

    تكبيرهم مثل الرعود المرازيم ======= والحر يقدم ما تطلع خلافه

    قوم تصدى للجيوش المناضيم ======= وان حدها الموت الحمر ما تعافه

    تحملوا ضيم السنين اللواهيم ====== وقت مثل حد السيوف الرهافه

    ومصيافنا في نجد عند المجاهيم ====== ابرك من النيل العريق وضفافه

    ولندن وكانو والديار المواثيم ====== ياللي سفركم للسياحه سخافه

    متبرجين ومخلفين المفاهيم ====== وحياتكم فيه غرور وكلافه

    مانعرف برستيجكم ياالمهازيم ====== يااهل االتخلف والردى والضعافه

    نعرف كتاب فيه( طه) (وحم ) ====== ونخشى غضب رب العباد ونخافه

    امحرمين الجخ والبذخ تحريم ====== نحيا عزاز ولا حياة الكسافه

    وان كان رحنا فالشهور المقاديم ====== رحنا لبيت عظم الله مطافه

    وطفنا ولبينا وجينا بتكريم ======== من عند رب فيه رحمه ورافه
    وسلامتكم
    تم التعديل الأخير بواسطة احمد عبدالله؛ 27-Aug-2009, 06:35 AM.
  • عبدالرحمن الهيلوم
    عضو
    • Apr 2007
    • 21232

    #2
    بيض الله وجهك

    وصح السان ابو خلف

    تعليق

    • عبدالله الجـــذع
      مشرف منتدى قصه وقصيده
      • Sep 2007
      • 8093

      #3
      مانعرف برستيجكم ياالمهازيم ====== يااهل االتخلف والردى والضعافه
      نعرف كتاب فيه( طه) (وحم ) ====== ونخشى غضب رب العباد ونخافه



      الله الله

      صح لسان فيصل

      شاعر قدير وجميل

      هذا الشبل من ذاك الاسد

      الف شكر لك ع النقل

      محبك
      .
      قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) .


      .
      قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم !
      فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه )

      .

      موقع يضم جميع القراء


      هنا

      تعليق

      • احمد عبدالله
        عضو نشيط
        • Jan 2009
        • 81

        #4
        الاعزاء
        ابن عتيبه البار
        وعبدالله الجذع
        شكرا على المرور والتشريف

        تعليق

        • ابن صنهوت

          رابطة محبي الهيلا

          • May 2008
          • 1734

          #5
          مانعرف برستيجكم ياالمهازيم ====== يااهل االتخلف والردى والضعافه
          نعرف كتاب فيه( طه) (وحم ) ====== ونخشى غضب رب العباد ونخافه


          صح السان فيصل ولاهنت يا احمد

          تعليق

          • احمد عبدالله
            عضو نشيط
            • Jan 2009
            • 81

            #6
            الاخ بن صنهوت
            شكرا للمرور والتشريف

            تعليق

            • عبدالعزيز الروقي111
              عضو
              • Aug 2009
              • 23

              #7
              ومصيافنا في نجد عند المجاهيم ====== ابرك من النيل العريق وضفافه

              ولندن وكانو والديار المواثيم ====== ياللي سفركم للسياحه سخافه


              ياسلام صح لسان الشاعر فيصل

              وسلمت ياخوي احمد على النقل

              تعليق

              • احمد عبدالله
                عضو نشيط
                • Jan 2009
                • 81

                #8
                اخي عبدالعزيز شكرا على المرور

                تعليق

                • سيف نت
                  عضو ماسي
                  • Feb 2009
                  • 933

                  #9
                  صح لســــــــــــــــــــــــــانه

                  تعليق

                  العمل...